លោក បាន គន្ធី ចាងហ្វាងការការផ្សាយ លេខទំនាក់
ទំនង រាយការណ៍ នឹងផ្ដល់ព័ត៍មាន : 078 55 11 12 / 097 777 6000
__________________________________________
ចេញផ្សាយថ្ងៃ ច័ន្ទ ២កើត ខែស្រាពណ៍ ឆ្នាំច សំរិទ្ធស័ក្ត ព.ស ២៥៦២ ត្រូវនឹង ថ្ងៃទី១២ ខែសីហា ឆ្នាំ២០១៨
មានសេចក្ដីរាយការណ៍ ពីខេត្តមណ្ឌលគិរី បានឲ្យដឹងថា មួយរយៈនេះ មានឈ្មួញឈើ ជាច្រើននាក់ បានទៅយកប្រាក់ ពីថៅកែវៀត ណាម ដើម្បីបែងចែករត់ការ ទៅឲ្យអាជ្ញាធរ សមត្ថកិច្ច និង ស្ថាប័នជំនាញពាក់ព័ន្ធ នៅក្នុងខេត្តមណ្ឌលគិរី ក្នុងនោះ ក្រុមសមត្ថកិច្ច ដែលមានតួនាទីបង្ក្រាប និងមានឥទ្ធិពល បានទទួលកញ្ចប់នេះមុនគេ ដូច្នេះ គេសន្និដ្ឋានបានថា ក្នុងអំឡុងយប់ថ្ងៃទី១៣ រហូតដល់ថ្ងៃទី១៥ ខែសីហា ឆ្នាំ២០១៨ នេះ ពួកឈ្មួញ នឹងត្រៀមរៀបចំ ដឹកជញ្ជូនឈើ ឆ្លងទៅប្រទេសវៀតណាម តាមច្រកដាក់ដាំ ដោយប្រើប្រាស់រថយន្តសាំយ៉ុង ជាមធ្យោបាយដឹកជញ្ជូន ។
ប្រភពច្បាស់ការ ពីសមត្ថកិច្ច នៃស្នងការដ្ឋាន នគរបាលខេត្តមណ្ឌលគិរី បានខ្សឹបឲ្យភ្ងាក់ងារ CSN យើងដឹងថា ខណ:នេះ អ្នករត់ការត្រូវតែប្រើប្រាស់ គ្រប់មធ្យោបាយ ទោះជាចាយក្នុងទឹកប្រាក់ កម្រិតណាក៍ដោយ ត្រូវតែដឹកឈើ ចេញពីទឹកដី ខេត្តមណ្ឌលគិរី ឆ្លងទៅប្រទេសវៀតណាម តាមច្រកដាក់ដាំនេះឲ្យបាន ដើម្បីបង្ហាញឲ្យឃើញថា ពួកគេមានសមត្ថភាព ក្នុងការរត់ការ ដឹកជញ្ជូនបទល្មើសឈើ ។
ប្រភពបន្តថា ថៅកែវៀតណាម ដែលទើបនឹងបង្កើតក្រុមរកស៊ីថ្មីនេះ នឹងមានទំនុកចិត្ត អាចនឹងបោះលុយ ឲ្យពួកគេ ប្រមូលទិញឈើ ក្នុងខេត្តមណ្ឌលគិរីនេះ បន្តទៀត ដូច្នេះក្នុងរយៈពេល ប៉ុន្មានថ្ងៃនេះ បើទោះជាមានករណីរត់ការ បែងចែកប្រាក់ ទៅកាន់អាជ្ញាធរ សមត្ថកិច្ច និងជំនាញពាក់ព័ន្ធ រួចហើយក៍ដោយ ប៉ុន្តែមេៗ កងកម្លាំងនីមួយៗ នៅក្នុងខេត្តមណ្ឌលគិរី តែងតែមើលមុខគ្នា ទៅវិញទៅមក ទីមួយព្រួយបារម្ភ ពីបញ្ហាបែកការ ទីពីរ អ្នកខ្លះទៀត បានទទួលកញ្ចប់រួចហើយ ពិបាកដោះសារ ជាមួយនឹងអ្នករត់ការ ដូច្នេះ តាមគម្រោង ត្រូវចេញឈើកាលពី យប់ថ្ងៃទី១១ ចំនួន ១០រថយន្ត សាំយ៉ុង ប៉ុន្តែត្រូវបរាជ័យ ។
ករណីនេះ លោកឧត្តមសេនីយ៍ទោ ឡោ សុខា ស្នងការនគរបាល ខេត្តមណ្ឌលគិរី បានឆ្លងឆ្លើយតាមទូរស័ព្ទជាមួយ អ្នកព័ត៌មានយើង លោកទទួលស្គាល់ថា មានករណីដឹកជញ្ជូនមែន ក្នុងនោះ លោកបានបញ្ជាក់ តាមទូរស័ព្ទថា ខ្ញុំបានព័ត៌មានខ្លះដែរ ជុំវិញថា មានឈ្មួញបម្រុងចេញឈើ តាមច្រកដាក់ដាំ ប៉ុន្តែករណីនេះ ខ្ញុំបានត្រៀមកម្លាំងរួចជាស្រេច ចុះទៅតាមគោលដៅ និងទប់ស្កាក់នៅច្រកដាក់ដាំ មិនអនុញ្ញាត ឲ្យមានសកម្មភាព បែបនេះឡើយ ។
លោកបានបន្តថា បើមានវត្តមានខ្ញុំ នៅទឹកដី ខេត្តមណ្ឌលគិរី គឺមិនអនុញ្ញាត ឲ្យមានការដឹកជញ្ជូនឈើនេះឡើយ ទោះក្នុងស្ថានភាព បែបណាក៍ដោយ ប៉ុន្តែលើកលែង ក្នុងករណីខ្លះ ខ្ញុំមានធុរៈទៅប្រជុំ នៅរាជធានីភ្នំពេញ អាចមានការលួចចេញ ហើយខ្ញុំក៍ត្រូវតាមដានក្នុងរឿងនេះ បន្តទៀត ធានាថា គ្មានសកម្មភាពចេញឈើ ទៅប្រទេសវៀតណាមទេ ។
បើតាមប្រភពច្បាស់ការ មួយផ្សេងទៀត បានបង្ហើបថា ក្រុមហ៊ុនរបស់ភាគីវៀតណាម ដែលទទួលទិញឈើ នៅក្នុងទឹកដី នៃប្រទេសវៀតណាមនោះ គឺជាក្រុមហ៊ុនថ្មី ប្រសិនបើអ្នករត់ការ ប្រមូលទិញឈើ នៅខេត្តមណ្ឌលគិរី អាចនាំឈើទាំងនោះ ឆ្លងច្រកដាក់ដាំបាន ជាលើកដំបូង សូម្បីតែពីរគូបក៍ដោយ ក៍ចាត់ទុកថា ជាលទ្ធផល ដែលភាគី ឈ្មួញវៀតណាមទុកចិត្ត និងបន្តបោះកញ្ចប់ ឲ្យរត់ការធ្វើថែមទៀត ។ ហើយបញ្ហាទាំងអស់នេះហើយ ដែលសមត្ថកិច្ច មានតួនាទីបង្ក្រាប មួយចំនួន ត្រូវថ្នាំគេរត់ការ មួយចំនួនទៀត កំពុងស្រក់ទឹកមាត់ ទន្ទឹមនឹងអាជ្ញាធរខេត្ត ក្នុងនាមជាគណៈបញ្ជាការឯកភាពខេត្ត ជិះសេះលែងដៃ អនុញ្ញាតឲ្យសកម្មភាព ដឹកជញ្ជូនឈើកន្លងទៅ ចេញទៅវៀតណាម តាមច្រកប៉ុស្តិ៍៧ ដូចហែកឋិន ហើយថ្មីៗនេះទៀត ក៍ចាប់ផ្តើមបង្វែរទិសដៅ មកដឹកជញ្ជូនឈើ តាមច្រកដាក់ដាំវិញម្តង ។
បញ្ហានេះ ទោះជាមានការរិះគន់ ទៅលើអាជ្ញាធរ ខេត្តមណ្ឌលគិរី ក៍ដោយ នៅល្ងាចថ្ងៃទី១២ ខែសីហា ឆ្នាំ២០១៨ អង្គភា CSN មិនអាចស្វែងរក សុំការបំភ្លឺ ពីលោក ស្វាយ សំអ៊ាង អភិបាល ខេត្តមណ្ឌល គិរី ជុំវិបញ្ហានេះបានទេ ដោយទូរស័ព្ទ មិនអាចធ្វើការទំនាក់ទំនង បាន ។ បញ្ហានេះ អង្គភាពយើង ចង់សួរថា តើលោក មានវិធានការបែបណា? ហើយលោក មានវិធានការបង្ក្រាប ដែរឬទេ? បើលោកក្នុងនាម ជាគណៈបញ្ជាការឯកភាពខេត្ត ឬក៍បានពាក់ព័ន្ធ នឹងផល ប្រយោជន៍ ទាំងនេះ? ។
បញ្ហាខាងលើនេះ ក៍មានការអំពាវនាវ ទៅឯកឧត្តម នាយឧត្តសេនីយ៍ សៅ សុខា មេបញ្ជាការ កងរាជអាវុធហត្ថ លើផ្ទៃប្រទេស គួរតែមានវិធានការ ទប់ស្កាត់បទល្មើសព្រៃឈើ ដែលត្រៀមដឹកទៅប្រទេសវៀតណាម តាមច្រកដាក់ដាំនេះផង ខណៈអ្នកមានតួនាទីបង្ក្រាប ទទួលកញ្ចប់គេអស់ហើយ ពិសេស មានឧកញ៉ាចំនួន ៣រូប ដែលនៅពីក្រោយខ្នង បទល្មើសឈើនេះ ប៉ុន្តែសមត្ថកិច្ច និងអាជ្ញាធរជំនាញ នៅក្នុងខេត្តមណ្ឌលគិរី មិនឲ្យចេញមុខ ព្រោះជាមុខសញ្ញា ប្រព្រឹត្តបទល្មើសព្រៃឈើ ដែលមានឈ្មោះអសោចិ៍ ទើបគេឲ្យមនុស្សផ្សេង ជាអ្នកមកចេញមុខរត់ការ ឲ្យតំណាងជាម្ចាស់ឈើ ដើម្បីឲ្យឈើទាំងនោះ ឆ្លងទៅប្រទេសវៀតណាម តាមច្រកដាក់ដាំ ដូចអ្វីដែលពួកគេរំពឹងគិត ថានឹងអូសឈើទាំងនោះ ទៅឲ្យវៀត ណាម បានដូចអ្វីដែលពួកគេបានយកលុយ មករត់ការនេះ ។
សូមបញ្ជាក់ រាល់ការផ្សាយ អង្គភាព {CSN } យើងខ្ញុំ ផ្សាយក្នុងការរិះគន់ ដើម្បីស្ថាបនា មិនមែនរិះគន់ ដើម្បីជាន់ពន្លិច ហើយក៍មិនមានការ ញុះញ៉ង់ ឲ្យមានការរើសអើងនោះទេ អង្គភាពយើងខ្ញុំ ក៍មិនមានពាក់ព័ន្ធ ទៅនឹងនយោបាយ ណាមួយដែរ អង្គភាពយើង ផ្សាយ តែព័ត៌មានពិត ដោយយោងតាមប្រភព នឹងឯកសារមួយចំនួនប្រសិនបើគិតថា ព័ត៌មានខាងលើនេះ មិនពិត អាចប្ដឹងមក ការិយា ល័យនិពន្ធយើងខ្ញុំបាន តាមរបបសារព័ត៌មាន ដើម្បីធ្វើការបកស្រាយ បំភ្លឺឡើងវិញ ទៅតាមអ្វីដែរឯកសារ ដែលអះអាងថា ជាឯកសារពិតនោះ រាល់ម៉ោងធ្វើការ ៕ ទំនាក់ទំនង នឹងផ្ដល់ ព័ត៌មាន មកកាន់ការរិយាល័យនិពន្ធយើងខ្ញុំ តាមរយៈ ទូរស័ព្ទ ដែលមានពីរប្រព័ន្ធ 012 នឹង 097 គឺលេខ 078 55 11 12 / 097 777 6000
About Post Author
អត្ថបទផ្សេងៗ:
អុញនោះ កក្រើកទៀតហើយ ឧកញ៉ា លី សេងឃាង នឹងជំទាវ សៀង ចាន់ហេង ទាស់ដណ្ដើមដីគ្នា ចាំមើលនណាឈ្នះ
កក្រើកទៀតហើយ ! ឧកញ៉ាមេឈ្មួញ សឹង សំអុល ល្បីថាកំពុងយកឈ្មោះមន្ត្រីជាន់ខ្ពស់ ស្និទ្ធនឹងមេដឹកនាំកំពូល ធ្វើជំនួញឈើឆ្លងដែន បំផ្លាញធនធានធម្មជាតិយ៉ាងចំហរ?
កក្រើកទៀតហើយ ! មេឈ្មួញ សឹង្ហ សំអុល សម្រុកដឹកឈើប្រណិតទៅស្រុកយួន ទាំងស្របច្បាប់នឹងមិនស្របច្បាប់ ទាំងថ្ងៃយប់គ្មានញញើត ល្បីថាអាងមានខ្នងបង្អែកដ៍រឹងមាំនៅពិក្រោយ..?
រោងសិប្បកម្មកែឆ្នៃឈើកើតមានដូចផ្សិត នៅស្រុកពេជ្រាដា ខេត្តមណ្ឌលគិរី
អញ្ចឹងតើ បានជាបទល្មើសព្រៃឈើ នៅស្រុកកោះញែក ខេត្តមណ្ឌលគិរី ចេញរលូនគ្មានអ្នកបង្ក្រាប ព្រោះតែ…!
ទ្រាំចាំលែងបាន ផ្ទុះឡើងសាជាថ្មី ! ប្រជាពលរដ្ឋប្រមាណ ៣៤គ្រួសារ បានមកឈរនៅមុខសាលា ខេត្តមណ្ឌលគិរី ទាមទារកយុត្តិធម៌
មន្ទីរសេដ្ឋកិច្ចនឹងហិរញ្ញវត្ថុ ខេត្តមណ្ឌលគិរី មានបើកកិច្ចប្រជុំ ផ្សព្វផ្សាយ ស្ដីពីតារាងប្រៀបធៀប ទ្រព្យសម្បត្តិរដ្ឋ ឆ្នាំ២០១៧
ទ្រាំចាំលែងបាន ផ្ទុះឡើងសាជាថ្មី ! ប្រជាពលរដ្ឋប្រមាណ ៣៤គ្រួសារ បានមកឈរនៅមុខសាលា ខេត្តមណ្ឌលគិរី ទាមទារកយុត្តិធម៌
ឯកឧត្តម នាយឧត្តសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ អញ្ជើញជាអធិបតីភាព ប្រកាសតែងតាំងស្នងការថ្មី ខេត្តមណ្ឌលគិរី
អណ្តូងទឹកស្អាត ចំនួន ១២អណ្តូង ផ្តល់ដោយកាកបាទក្រហម កម្ពុជា ជូនពលរដ្ឋជាង២០០គ្រួសារ នៅតំបន់ដាច់ស្រយាល ក្នុងស្រុកកែវសីមា ខេត្តមណ្ឌលគិរី
គណ:បញ្ជាការឯកភាព ខេត្តមណ្ឌលគិរី លោក ស្វាយ សំអ៊ាង ដឹកនាំកម្លាំងចម្រុះ ចុះប្រតិបត្តិការពិនិត្យ ទប់ស្កាត់នឹងបង្ក្រាប បន្ទាប់ពីមានការព្រមានធ្ងន់ៗ ពីសម្ដេចក្រឡាហោម ស ខេង
កក្រើកទៀតហើយ.! ល្បីថា ច្រករបៀង { ក្ដិបថ្ម ហៅច្រកលើភ្នំ } ត្រូវបានលោក ប៊ុន សេង បើកដៃឲ្យលោក ង៉ែត ព្រឿង នឹងបក្ខពួកមួយចំនួន បើកឲ្យមេខ្យល់ នាំពលករខ្មែរ ទៅធ្វើការ ដោយខុសច្បាប់នៅថៃ យ៉ាងគគ្រឹកគគ្រេង.?
កក្រើកទៀតហើយ.! ល្បីថា ច្រករបៀង { ក្ដិបថ្ម ហៅច្រកលើភ្នំ } ត្រូវបានលោក ប៊ុន សេង បើកដៃឲ្យលោក ង៉ែត ព្រឿង នឹងបក្ខពួកមួយចំនួន បើកឲ្យមេខ្យល់ នាំពលករខ្មែរ ទៅធ្វើការ ដោយខុសច្បាប់នៅថៃ យ៉ាងគគ្រឹកគគ្រេង.?
កក្រើកទៀតហើយ! សង្វៀនជុលមាន់ នឹងអាប៉ោង នៅស្រុកស្រីសន្ធរ ក្នុងដែនសមត្ថកិច្ច របស់លោក សុខ យ៉េន អធិការនគរបាលស្រុក ក្រោមការគ្រប់គ្រង របស់លោក ឯម កុសល ស្នងការខេត្តកំពង់ចាម មិនចាញ់នៅកាស៊ីណូ ប៉ុន្មានទេ.?
ឯកឧត្តម វ៉ា ថន អភិបាលខេត្តក្រចេះ ធ្វើបដិសណ្ឋារកិច្ច ស្វាគមន៍ គណៈប្រតិភូ ខេត្តមណ្ឌលគិរី ដឹកនាំដោយ ឯកឧត្តម ស្វាយ សំអៀង អភិបាលខេត្ត និង សាខាកាកបាតក្រហមកម្ពុជា ខេត្ត មណ្ឌលគិរី នាំនូវថវិកាមួយចំនួន សម្រាប់ប្រតិបត្តិការ ជួយប្រជាពលរដ្ឋរងគ្រោះ ដោយសារទឹកជំនន់.!
បុរសម្នាក់ក្អួតឈាមស្លាប់ភ្លាមៗនៅលើទូកដរ មានការភ្ញាក់ផ្អើលទាំងព្រឹក