មាតិការព័ត៌មានថ្មីៗ
ទីស្នាក់ការកណ្តាល : ភូមិក្រោម, ឃុំព្រែកអញ្ចាញ, ស្រុកមុខកំពូល, ខេត្តកណ្តាល |  លេខទំនាក់ទំនង ចាងហ្វាងការផ្សាយ :  078 55 11 12 / 097 777 6000  | អ៉ីម៉ែល: 168csn@gmail.com | វេបសាយ៍: www.csnpaper.com | ហ្វេសប៊ុក: www.facebook.com/csnpaper

លោក ជាម ច័ន្ទ​សោភ័ណ អភិបាលខេត្ត​ត្បូងឃ្មុំ និង​លោក​ឧ​ត្ត​ម​សេនីយ៍​ទោ បែន រ័ត្ន ស្នងការ​នគរបាល​ខេត្ត ធ្វើមិនដឹងមិនឭ បើកដៃឲ្យបុគ្គល ថុន ម៉ានិត្យ នឹងបុគ្គល វ៉ាន់ វណ្ណា បើកកាស៊ីណូឲ្យខ្មែរចូលលេង ផ្គើនលើចប្រការ៤ ចាញ់ឈ្នះរាប់ម៉ឺនដុល្លារ.!

ចេញផ្សាយ ថ្ងៃសុក្រ ៤កើត ខែបុស្ស ឆ្នាំច សំរិទ្ធស័ក្ត ព.ស ២៥៦២ ត្រូវនឹង ថ្ងៃទី០៨ ខែកុម្ភ: ឆ្នាំ២០១៩ ចេញផ្សាយដោយ៖ អង្ភាភព ព័ត៌មាន { CSN }

ប្រិយមិត្ត មានបំណង ចង់ផ្ដល់ព័ត៌មាន អាចទំនាក់ទំនង មកកាន់ការិយាល័យនិពន្ធ តាមរយ: ទូរស័ព្ទលេខ 097 777 6000

ខេត្តត្បូងឃ្មុំ ៖ កាស៊ីណូចក្រវាឡជាយដែន អន្លុងជ្រៃក្រោម របស់ក្រុម
ហ៊ុនម៉ានិត្យ ហេងហេង ស្ថិតក្នុងភូមិអន្លុងជ្រៃ ឃុំកក់ ស្រុកពញាក្រែក ខេត្តត្បូងឃ្មុំ បច្ចុប្បន្នលោក ថុន ម៉ានិត្យ នឹងលោក វ៉ាន់ វណ្ណា ពីរនាក់ឪពុកនឹងកូន នៅតែបន្តប្រកូកប្រកាស គៀងគរ ហៅអ្នកមានមាន់ស្រុកនៅខ្មែរ នឹងពលរដ្ឋខ្មែចូលចិត្តល្បែង ឲ្យចូលលេងល្បែងស៊ីសង នៅក្នុងកាស៊ីណូរបស់ខ្លួន យ៉ាងគគ្រឹកគគ្រេង។

 

ជាក់ស្ដែង កាលពីថ្ងៃទី០៣ ខែកុម្ភ: ឆ្នាំ២០១៩ កន្លងមកថ្មីៗនេះ CSN បានចូលទៅយកព័ត៌មាន នៅក្នុងកាស៊ីណូចក្រវាឡ អន្លុងជ្រៃក្រោម នឹងបានផ្តិតយករូបភាពពលរដ្ឋខ្មែរ ដែរកំពុងលេងល្បែងស៊ីសង ប្រមាណ ៨០% ដូច្នេះឃើញថា កាស៊ីណូចក្រវាឡ អន្លុងជ្រៃក្រោម នៃក្រុមហ៊ុនម៉ានិត្យ ហេងហេង មានអាជ្ញាប័ណ្ណ​ត្រឹមត្រូវ ក៍ប៉ុន្តែលោក ថុន ម៉ានិត្យ នឹងលោក វ៉ាន់ វណ្ណា ពីនាក់ឪពុកនឹងកូននេះ កំពុងល្មើសនឹងចរាចរណ៍ លេខ.១០០០ របស់ក្រសួងមហាផ្ទៃ ដែរមានចែង នៅក្នុងប្រការបួន ហាមមិនឲ្យពលរដ្ឋខ្មែរ ចូលលេងក្នុងកាស៊ីណូ តែផ្ទុយទៅវិញ គឺលោក ថុន ម៉ានិត្យ នឹងលោក វ៉ាន់ វណ្ណា ពីនាក់ឪពុកនឹងកូននេះ អាងខ្នងបង្អែករឹងមាំនៅពីក្រោយ ចាំ​ជួយ​ដោះស្រាយ បើកឲ្យក្រុមអ្នកញៀនល្បែង ជាពលរដ្ឋខ្មែរ បើកឡានចូលលេងដោយសេរី។

 

ប្រភព​ព័ត៌មាន ពីក្រុមអ្នកញៀនល្បែង ចូលលេងក្នុងកាស៊ីណូខាងលើ បានឲ្យដឹងថា ល្បែងស៊ីសងក្នុងនោះ មានដូចជា៖ អាប៉ោង យូគី នឹងជល់មាន់ ជល់ក្នុងដើមផាន់ ៥០០ដុល្លារ ១០០០ដុល្លារ ៣០០០ដុល្លារ ៥០០០ដុល្លារ រហូត ១០០០០ដុល្លារ ឯណោះ.? បើអ្នកលុយតិច មិនអាចចូលលេងនៅទីនេះបានទេ សូម្បីតែទឹកសុទ្ធក៍ថ្លៃកប់ពពកដែរ ១ដង ២០០០រៀល ឡាន១គ្រឿង ៥០០០រៀល ម៉ូតូ១គ្រឿង ២០០០រៀល។ ហើយប្រភពខ្លះ​ បាន​ឲ្យ​ដឹងថា​ កាស៊ីណូនេះ លោក ថុន ម៉ានិត្យ នឹងលោក វ៉ាន់ វណ្ណា បាន​ចំណាយលុយ​ ប្រចាំខែ​រាប់ម៉ឺន​ដុល្លារ​ ទៅ​ឲ្យ​មន្ត្រី​ធំៗ​ មួយចំនួន ​ក្នុង​ខេត្ត​ត្បូងឃ្មុំ ទើប​ខ្មែរចូលលេង​ល្បែងស៊ីសង​ ប្រកបដោយ​សុវត្ថិភាព.?​។

 

សូមបញ្ជាក់ថា ពាក់ព័ន្ធករណី កាស៊ីណូល្មើសច្បាប់ ខាងលើនេះ បណ្ដាញ​ព័ត៌មាន​នានា​ បានចុះផ្សាយ​ជា​បន្តបន្ទាប់ ក៍ប៉ុន្តែ​លោក ជាម ច័ន្ទ​សោភ័ណ អភិបាលខេត្ត​ត្បូងឃ្មុំ និង​លោក​ឧ​ត្ត​ម​សេនីយ៍​ទោ បែន រ័ត្ន ស្នងការ​នគរបាល​ ខេត្ត​ត្បូងឃ្មុំ មិន​ចាត់វិធានការ​ទប់ស្កាត់​ឡើយ​។ ហេតុនេះហើយ ​ទើប​ប្រជាពលរដ្ឋ​អំពាវនាវ​ ឲ្យ​ថ្នាក់ដឹកនាំ​ក្រសួងមហាផ្ទៃ និង​នាយ​ឧ​ត្ត​ម​សេនីយ៍ នេ​ត សាវឿន អគ្គស្នងការ​នគរបាល​ជាតិ ចាត់វិធានការ​បង្ក្រាប​ ទៅលើទីតាំងកាស៊ីណូ ចក្រវាឡអន្លុងជ្រៃ ស្ថិត​ក្នុងភូមិ​អន្លង់​ជ្រៃ ឃុំ​កក់ ស្រុក​ពញាក្រែក ខេត្ត​ត្បូងឃ្មុំ បើកឲ្យខ្មែរចូលលេងនេះ ជាបន្ទាន់​ផង ដើម្បី​ពង្រឹង​សន្តិសុខ​សង្គម​ ឲ្យ​ស្របតាម​គោលនយោបាយ​ភូមិ​-​ឃុំ មាន​សុវត្ថិភាព​ ទាំង​៩​ចំណុច​។

 

ករណីកាស៊ីណូ បើកឲ្យខ្មែរចូលលេងល្បែងស៊ីសង យ៉ាងគគ្រឹកគគ្រេងនេះ មហាជនបានលើកឡើង នឹងរិះគន់យ៉ាងចំៗថា ​លោក​ឧ​ត្ត​ម​សេនីយ៍​ទោ បែន រ័ត្ន ស្នងការ​នគរបាល ​ខេត្ត​ត្បូងឃ្មុំ និង​លោក វ៉ា សារិទ្ធ មេបញ្ជាការ​អាវុធហត្ថ​ ខេត្ត​ត្បូងឃ្មុំ ក៍ដូចជា​លោក ជាម ច័ន្ទ​សៅ​ភ័ណ អភិបាល ខេត្ត​ត្បូងឃ្មុំ ព្រោះតែប្រយោជន៍ បាន​រក្សា​ភាព​ស្ងៀមស្ងាត់​ ទុក​ឲ្យ​មេបន​ល្បែង ​ឈ្មោះ ថុន ម៉ានិត្យ នឹងឈ្មោះ វ៉ាន់ វណ្ណា ធ្វើ​អ្វីៗ​តាម​អំពើ​ចិត្ត​របស់ខ្លួន​ ធ្វីឲ្យពលរដ្ឋខ្មែរ ឆ្លួកវង្វេងនឹងល្បែងស៊ីសង លក់ដី លក់គោ ម៉ូតូឡាន ធ្លាក់ខ្លួន​ក្រ ធនាគាររិបអូសដី ក៍ដោយសាកាស៊ីណូ នេះដែរ ។ ហើយប្រសិនបើ​គ្មាន​ ការឃុបឃិត​បើកដៃ​ ពី​សំណាក់​មន្ត្រី​អាជ្ញាធរ​ និង​សមត្ថកិច្ច​ធំៗ​ ក្នុង​ខេត្ត​ត្បូងឃ្មុំ ទេនោះ ​ក៍​បុគ្គល​ ថុន ម៉ានិត្យ និង​ឈ្មោះ វ៉ាន់ វណ្ណា ក៍មិនអាចថ្លើមធំ ហាន​បើកឲ្យខ្មែរ ចូល​លេងល្បែងស៊ីសង ក្នុងកាស៊ីណូរបស់ខ្លួន ​យ៉ាង​រលូន​ដូច​សព្វថ្ងៃនេះ​ទេ​។

 

ពាក់ព័ន្ធករណីខាងនេះ CSN មិនទាន់​អាច​សុំ​ការ​បំភ្លឺ​ ពីលោកអភិបាល ខេត្តត្បូងឃ្មុំ ក៍ដូចលោកស្នងការនគរបាលខេត្ត បាននៅឡើយទេ ដោយពុំមានលេខទូរស័ព្ទ សន្រាប់ធ្វើការទំនាក់ទំនង អង្គភាពយើងសន្យាថា នឹងតាមប្រម៉ាញ់ យកព័ត៌មាន ពាក់ព័ន្ធកាស៊ីណូ បើកឲ្យខ្មែរចូលលេងខាងលើនេះ ​ដើម្បយកមកធ្វើការផ្សាយ ជូនប្រយិមិត្តអ្នកអាន នៅពេលក្រោយៗទៀត។

 

សូមបញ្ជាក់ រាល់ការផ្សាយ អង្គភាព យើងខ្ញុំ ផ្សាយក្នុងការរិះគន់ ដើម្បីស្ថាបនា មិនមែនរិះគន់ ដើម្បីជាន់ពន្លិច ឬក៍ញុះញ៉ង់ ឲ្យមានការរើសអើងឡើយ អង្គភាពយើងខ្ញុំ ផ្សាយតែព័ត៌មានពិត ដោយយោងតាមប្រភព នឹង ឯកសារមួយចំនួន ប្រសិនបើ អស់លោក លោកស្រី គិតថា ព័ត៌មានខាងលើនេះមិនពិត អាចប្ដឹងមកការិយាល័យនិពន្ធ យើងខ្ញុំបាន តាមរបបសារព័ត៌មាន ដើម្បីធ្វើការបកស្រាយ បំភ្លឺឡើងវិញបាន ដោយមានភ្ជាប់ជាមួយឯកសារ ដែលអះអាងថា ជាឯកសារពិតនោះ មកជាមួយ ដើម្បីអង្គភាពយើង ធ្វើការកែតម្រូវជូនឡើងវិញបាន រាល់ម៉ោងធ្វើការ ៕

Share on Facebook