សម្តេចតេជោ ​ហ៊ុន សែន ​នាយក​រដ្ឋមន្ត្រី​ នៃព្រះរាជាណាចក្រកម្ពុជា បាន​បញ្ជាក់​ថា ​ចាប់ពី​ពេល​នេះតទៅ ​សម្តេច​នឹង​ធ្វើ​តាម​អភិក្រម​ទី​៥ ចំពោះ​មន្ត្រី​ខិលខូច និង​ធ្វើបាប​ប្រជា​ពលរដ្ឋ​.!

ចេញផ្សាយ ថ្ងៃសៅរ៍ ១១រោច ខែមាឃ ឆ្នាំមាឃ សំរិទ្ធស័ក្ត ព.ស ២៥៦២ ត្រូវនឹង ថ្ងៃទី០២ ខែមិនា ឆ្នាំ២០១៩ ចេញផ្សាយដោយ៖ អង្ភាភព ព័ត៌មាន { CSN }

ប្រិយមិត្ត មានបំណង ចង់ផ្ដល់ព័ត៌មាន អាចទំនាក់ទំនង មកកាន់ការិយាល័យនិពន្ធ តាមរយ: ទូរស័ព្ទលេខ 097 777 6000

ខេត្ត​ត្បូងឃ្មុំ​៖ សម្តេចអគ្គមហាសេនាបតីតេជោ ​ហ៊ុន សែន ​នាយក​រដ្ឋមន្ត្រី​ នៃព្រះរាជាណាចក្រកម្ពុជា បាន​បញ្ជាក់​ថា ​ចាប់ពី​ពេល​នេះតទៅ ​សម្តេច​នឹង​ធ្វើ​តាម​អភិក្រម​ទី​៥ ចំពោះ​មន្ត្រី​ណា​ ដែល​ខិលខូច និង​ធ្វើបាប​ប្រជា​ពលរដ្ឋ​ ។ សម្តេច​តេ​ជោ ហ៊ុន សែន​ មាន​ប្រសាសន៍បែបនេះ ​ក្នុង​ពិធី​សម្ពោ​ដាក់​ដំណើរការ​ បើក​ការដ្ឋានសាងសង់​មន្ទីរពេទ្យ «​ មិត្តភាព​កម្ពុជា​-​ចិន ត្បូងឃ្មុំ​ » ​ដែល​ជំនួយ​របស់​រាជរដ្ឋាភិបាលចិន ​នៅ​ថ្ងៃទី​១ មីនា ​ឆ្នាំ​២០១៩​ ​។ សម្តេច​តេ​ជោ​បាន​បញ្ជាក់​ថា ​«​ ខ្ញុំ​គួរ​បញ្ជាក់​ យើង​ត្រូវធ្វើ​ដំណើរ​យ៉ាង​ស្វាហាប់ ខ្សាច់​ក៍ដោយ ត្រូវ​យក​ចេញពី​ជើង​របស់​យើង​ឲ្យ​អស់ បើ​មិន​ដូច្នេះ យើង​មិន​អាច​ដើរទៅមុខ​ទៀ​ទ​បាន​ទេ ឬ​ពេល​យើង​ដើរទៅ ​វា​នឹង​ពង​ជើងរបស់​យើង​ក៍មាន និង​ឈឺ​ជើង​របស់​យើង​​។

 

សម្តេច​​បញ្ជាក់​បន្ថែម​ថា​ «​ ខ្ញុំ​ចង់​និយាយ​ថា​ មន្ត្រីរាជការ​ណា​ ដែល​ធ្វើអំពើ​ផ្តេសផ្តាស់​ ត្រូវ​តែ​ទទួល​វិន័យ ដែល​​ពួក​គេ​ត្រូវ​ទទួល​ការ​បណ្តេញចេញ ឬ​ត្រូវ​ទទួល​វិន័យ​ធ្ងន់ធ្ង​រ តាមរយៈ​ការ​ផ្ត​ន់​ន្ទា​ទោសដោយ​ច្បាប់​»​។ ហើយជាមួយ​គ្នា​នោះ​ដែរ​ សម្តេច​តេ​ជោក៍បាន​ឲ្យ​ដឹង​ថា ​នៅ​ប៉ុន្មាន​ម៉ោង​ទៀត ​នឹង​ដឹង​រឿងខ្លះ​ពាក់ព័ន្ធ​ នឹង​ការ​មន្ត្រី​ដែល​ធ្វើ​ផ្តេសផ្តាស់ ហើយ​ដែល​សម្តេច​ ចាត់​ទុក​ថា ខ្លាក៍វៃ ពស់ក៍​វៃ កណ្តុរ​ក៍វៃ កណ្តូប​ក៍​វៃ រុយ​ក៍វៃ ឲ្យ​តែ​បំផ្លាញ​ផលប្រយោជន៍​ ដល់​ប្រជាពលរដ្ឋ គឺ​ត្រូវ​តែ​វាយទាំងអស់​ ។

សម្តេច​បាន​បញ្ជាក់​ «​ ខ្ញុំ​ដើរ​ដល់​អភិក្រម​ទី​៥ ដែល​ចាំបាច់​ ត្រូវ​តែ​ធ្វើ​ហើយ ម្សិលមិញអ្នក​ទាំងឡាយ​ នៅ​ក្នុង​ប្រជុំ​ អ្នក​ទាំងឡាយ​នៅ​ក្នុង​ខេត្ត​ត្បូងឃ្មុំ​ សុ​ទ្ធ​តែ​បាន​តាមដាន​ស្តាប់ រួចហើយ នូវ​អ្វី​ដែល​ខ្ញំ​បាន​និយាយ​រួច​ហើយ ។ ខ្ញុំ​គ្មាន​ពេល​អប់រំ​បន្ថែម​ទេ ព្រោះ​ខ្ញុំ​បាន​អប់រំ​យូរហើយ​។ ដូច្នេះ​ខ្ញុំ​អត់​មាន​ពេល​និយាយ​ជាមួយ​អស់លោក​អ្នក​ទេ ទាំង​មន្ត្រីរាជការ​ស៊ី​វិល ទាំង​មន្ត្រី​កំលាំងប្រដាប់អាវុធ ។ កុំ​ថា​អ្នកឯង​ពាក់​ផ្កាយ ពាក់​លោក​ខែ ក៍ខ្ញុំ​យក​ចេញ​ »​។

 

សម្តេច​ក៍​លើក​ឡើង​ថា​ ពាក្យ​ដែល​ប្រើ​ថា​ខ្លា ក៍វៃ កណ្លាត​ក៍​វៃ រុយ​ក៍វៃ… ។ ខ្ញុំ​និយាយបែប​នេះ​ គឺ​ខ្ញុំ​ចង់​ឲ្យ​ល្បឿន​នៃ​ការ​អភិវឌ្ឍន៍​ ទៅ​មុខ​មិន​ឈប់​ឈរ ​នៅ​ពេល​ប្រជាពលរដ្ឋ​ បាន​បោះ​ឆ្នោត​ឲ្យ​គណបក្ស​ប្រជាជន​កម្ពុជា​៕

សូមជួយស៊ែរព័ត៌មាននេះផង: