មាតិការព័ត៌មានថ្មីៗ
ទីស្នាក់ការកណ្តាល : ភូមិក្រោម, ឃុំព្រែកអញ្ចាញ, ស្រុកមុខកំពូល, ខេត្តកណ្តាល |  លេខទំនាក់ទំនង ចាងហ្វាងការផ្សាយ :  078 55 11 12 / 097 777 6000  | អ៉ីម៉ែល: 168csn@gmail.com | វេបសាយ៍: www.csnpaper.com | ហ្វេសប៊ុក: www.facebook.com/csnpaper

នេះលើកទីប៉ុន្មានហើយ? ដែលមន្ត្រីអាវុធហត្ថទំនើងម្នាក់នេះ ផឹកស៊ីស្រវិងឡូឡា ទាស់ពាក្យសម្តី ដកកាំភ្លើងខ្លីបាញ់គំរាម នឹងវាយគេបែកក្បាល ចុងក្រោយ….

ខេត្តស្វាយរៀង៖ ករណីភ្ញាក់ផ្អើលទាំងយប់ បង្កឡើងដោយមន្ត្រីអាវុធហត្ថ លើផ្ទៃប្រទេសម្នាក់ ប្រេីប្រាស់អាវុធខុសច្បាប់ បាញ់គំរាម នឹងយកកាំភ្លើងខ្លី វាយទៅលេីជនរងគ្រោះ បណ្តាលឲ្យបែកក្បាល ស្រេចឈាមពេញខ្លួន កាលពីីវេម៉ោង ១០យប់ ថ្ងៃទី១៦ ខែកញ្ញា ឆ្នាំ២០២០ កន្លងទៅថ្មីៗនេះ ស្ថិតនៅភូមិតាប៉ោង ឃុំសង្កែ ស្រុករំដួល ខេត្តស្វាយយរៀង សមត្ថកិច្ចពុំទាន់បានឃាត់ខ្លួន ជនសង្ស័យ ដែលជាមន្ត្រីអាវុធហត្ថ ទំនើងរូបនេះ ធ្វើការសាកសួរនៅឡើយទេ។

បើតាមប្រភពបានឲ្យដឹងថា ករណីអំពើហិង្សានេះ បង្កឡើងពីការផឹកស៊ី ស្រា​ស្រវឹង​ឡូឡា​ ទាស់ពាក្យ​សម្តី​គ្នា​ រវាងជនសង្ស័យ ឈ្មោះ ប៉េង ឡាដា ភេទប្រុស អាយុ ៤៧ឆ្នាំ ជាមន្ត្រីអាវុធហត្ថ ជាមួយជនរងគ្រោះ ឈ្មោះ ទា ចាន់ណា ភេទប្រុស អាយុ ៣៨ឆ្នាំ រស់នៅ ភូមិប៉ប្រក សង្កាត់កាកាប ខណ្ឌពោធិ៍សែនជ័យ រាជធានីភ្នំពេញ រហូតបង្កឲ្យមានហិង្សា ដោយមន្ត្រីប៉េអិមទំនើង ដក​កាំភ្លើងខ្លី​ បាញ់​គំរាមសំឡុត ប្រឡោះ​ជើង​​ ជនរងគ្រោះ ចំនួន​​ ២​គ្រាប់​ មិនអស់ចិត្ត ស្ទុះទៅវាយ​​ជនរងគ្រោះ​​ ចំនួន ២​ស្នាប់កាំងភ្លើងថែមទៀត ហើយឡើងជិះម៉ូតូ គេចខ្លួនទៅបាត់ រីឯជនរងគ្រោះ ត្រូវបានសាច់ញាតិបងប្អូន បញ្ជូនទៅកាន់មន្ទីរពេទ្យលាងរបួស ហើយយកមកសម្រាកនៅផ្ទះវិញ។

បើតាមការលើឡើង ពី​​ពីមន្ត្រីសមត្ថកិច្ចម្នាក់ នៅស្រុករំដួល បាន​​ឲ្យអ្នកព័ត៌មានយើងដឹងថា មុន​ពេល​កើតហេតុ ​មានគ្នាចំនួន​​ ៥​នាក់​ បានជុំគ្នា​ផឹកស៊ី​​ រួមមាន៖ ​ទី១-​ ឈ្មោះ​ ហែម សុវណ្ណ​ ភេទ​ប្រុស ​អាយុ​ ៥៤​ឆ្នាំ​ ជា​ម្ចាស់ផ្ទះ ​ទី២- ឈ្មោះ​ មា​ច វិបុល​ ភេទ​ប្រុស​ អាយុ​ ២៩​ឆ្នាំ ​ត្រូវជា​កូនប្រសា​ របស់​ម្ចាស់ផ្ទះ ​ទី៣- ឈ្មោះ​ ញឹ​ម វ៉ា​ន់​ឌី ​ភេទ​ប្រុស​ អាយុ​ ២៤​ឆ្នាំ​ រស់នៅ​ភូមិ​ត្រពាំង​ផ្ទឺ​ម ឃុំ​ត្រពាំង​ម្កាក់ ស្រុក​អង់​ស្នួល ​ខេត្តកណ្តាល​ ទី៤-​​ ជនរងគ្រោះ​ ឈ្មោះ ទា ចាន់ណា និង​​ ទី៥-​​ ជនសង្ស័យ ឈ្មោះ ប៉េង ឡាដា ខណៈស្រវឹងឡូឡា ទាស់ពាក្យសម្តីគ្នា ក៍បាន​​ផ្ទុះ​​អាវុធ​​ ចំនួន​ ២​គ្រាប់​ នឹង​ ទៅ​វាយ​លើ​​ជនរងគ្រោះ​​ ចំនួន​ ២​ដៃ​ ចំ​ក្បាល​ រួច​ក៏ទាញ​យក​អាវុធ​ខ្លី​ ពី​ចង្កេះ​ បាញ់​ប្រឡោះ​ជើង​ ជន​រង​គ្រោះ ចំនួន​ ៣​គ្រាប់​​ រួច​វាយ​ចំនួន​ ២​ស្នាប់​កាំភ្លើង​ ត្រូវ​ចំ​ក្បាល​ពីក្រោយទៀត ​បណ្តាល​ឲ្យបែកក្បាល​ ហូរ​ឈាម​ស្រោច​ដងខ្លួន​ ។ ​ហើយបន្ទាប់ពី​ផ្ទុះអាវុធ​ និង​ វាយ​ជន​រង​គ្រោះ​រួច​មក ​ជន​បង្ក​​បាន​ឡើង​ជិះ​ម៉ូតូ​​ គេចខ្លួន​បាត់​ភ្លាម​ៗ ។ ហើយបច្ចុប្បន្ននេះ សមត្ថកិច្ច​​​បាននឹងកំពុង​កសាង​សុំ​ណុំ​រឿង​ បញ្ជូន​​ទៅកាន់​​ស្នងការដ្ឋាន​នគ​បាល​ ខេត្តស្វាយរៀង​ ដើម្បី​ស្រាវជ្រាវ​រក​ជនសង្ស័យ​ យក​មកយកមកចាត់ការតាមនីតិវិធីច្បាប់។

ដោយឡែង ពាក់ព័ន្ធករណីខាងលើ លោក ដែរ វុទ្ធី មេបញ្ជាការកងរាជអាវុធហត្ថ ខេត្តស្វាយរៀង លោកបានបញ្ជាក់ ប្រាប់ខាងសារពត៌មានយេីង យ៉ាងខ្លីថា ករណីនេះ ភាគីទាំង២ ធ្វេីការសម្របសម្រួលគ្នា ក្រៅប្រពន្ធ័ច្បាប់ ដោយសារ របួសស្រាល នឹងជាបងប្អូន សាច់ញ្ញាតិនឹងគ្នា។

ការឆ្លើយតប បញ្ជាក់ពីលោក ដែរ វុទ្ធី មេបញ្ជាការកងរាជអាវុធវត្ថ ខេត្តស្វាយរៀង ធ្វើឲ្យមហាជនជាច្រើន បានប្រតិកម្ម នឹងបានដាក់ការសង្ស័យថា ការឆ្លើយបែបនេះ ទី១. ប្រហែលជាគាត់មិនយល់ ពីច្បាប់ប្រើប្រាស់អាវុធ បានជាមិនយកច្បាប់មកអនុវត្តន៍ ទី២. ប្រហែលគាត់ខ្លាចអំណាច មន្ត្រីអាវុធហត្ថ ទំនើងរូបនោះ ព្រោះមានខ្សែធំ ទី៣. ប្រហែលគាត់មិនចង់មានរឿងវែងឆ្ងាយ ជាមួយមន្ត្រីអាវុធហត្ថ រូបនោះ ទី៤. ប្រហែលជា មន្ត្រីអាវុធហត្ថ ទំនើងរូបនោះ ចេះប្រើសិលបន្ទុន់ចិត្តមេៗ តាមរយៈ ដុល្លាគីបៗ បានជារឿងធំប៉ិនមេឃ ក្លាយមកជារឿងតូច សម្របសម្រួលគ្នា បញ្ចប់រឿងស្ងាត់ៗ ក្រៅប្រព័ន្ធច្បាប់ស្រួលយ៉ាងនេះ បើធ្វើបានបែបនេះមែន ស្មើនឹងជួយបិទបាំង ជនសង្ស័យ មិនចង់ឲ្យថ្នាក់ដឹកនាំ ថ្នាក់ជាតិ លោកដឹងឮ បើដឹងឮវែងឆ្ងាយ អាចនឹងបាត់បង់ការងារតួនាទី ។

ករណីខាងលើនេះ មហាជនបានបញ្ចេញមតិថា ប្រសិនបេីប្រជាពលរដ្ឋទន់ខ្សោយ គ្មានខ្សែ ខ្នងវិញ មិនអាចគេចពីសំណាញ់ច្បាប់រួចឡេីយ បេីមិនជាប់គុកទេ ក៍អស់លុយរាប់ម៉ឺនដុល្លាដែរ តើច្បាប់ប្រើប្រាស់អាវុធ បង្កើតមកសម្រាប់ធ្វើអ្វី បើបង្កើតមកហើយ មិនយកមកអនុវត្តន៍ ដូច្ននេះហើយ មហាជនជាច្រើន សូមធ្វេីការសំណូមពរ តាមរយៈការចុះផ្សាយ គេហទំព័រ CSN ជូនដល់ថ្នាក់ដឹកនាំ រដ្ឋាភិបាល ជាពិសេស ឯកឧត្តម នាយឧត្តមសេនីយ៍ សៅ សុខា មេបញ្ជាការកងរាជអាវុធហត្ថ លេីផ្ទៃប្រទេស មេត្តាបេីកការសេីុបអង្កេត នឹង មានវិធានការចំពោះ មន្ត្រីមន្ត្រីអាវុធហត្ថ ប្រើប្រាស់អាវុធខុសច្បាប់ ខាងលេីនេះផងទាន ដេីម្បីកំឲ្យមន្ត្រីដ៍ទៃទៀត យកគំរូអាក្រកនេះ ទៅអនុវត្តន៍តាម៕

Share on Facebook