ខេត្តមណ្ឌលគិរី៖ បច្ចុប្បន្ន ប្រជាពលរដ្ឋ បានកត់សម្គាល់ឃើញថា សកម្មភាពបទល្មើសព្រៃឈើ កើតមានយ៉ាងពេញបន្ទុក ដោយបំបែករូបភាព ពីការដឹកជញ្ជូន តាមឡាន មកដឹងជញ្ជូន តាមម៉ូតូ ក្នុង ១ថ្ងៃៗ មិនក្រោមពី ២០ ទៅ ៣០ គ្រឿង នោះទេ រីឯអាជ្ញាធរ មានសមត្តកិច្ច មន្ត្រីជំនាញពាក់ព័ន្ធ មិនហ៊ានបង្ក្រាបទេ ខ្លាចបាត់ប្រយោជន៍ និង លាភសក្ការៈ ព្រោះសកម្មភាពទាំងនេះ ជាប្រភពចំណូល របស់មន្រ្តីខិលខូចទាំងនោះ ។
ប្រភពពីប្រជាពលរដ្ឋ និងមន្ត្រីអត់លិត ក្នុងស្រុកកែវសីមា ខេត្តមណ្ឌលគិរិ បានឲ្យដឹងថា សកម្មភាពនេះ ចាប់តាំងពី ខែមករា រហូតមកដល់ខែមិនា ឆ្នាំ ២០២២ នេះ សកម្មភាពដឹកជញ្ជូនឈើ ប្រភេទឈើឡាំង ៤ជ្រុង និង ឈើមូល តាមរយៈម៉ូតូ យ៉ាងគគ្រឹកគគ្រេង ឆ្ពោះទៅលក់ឲ្យឈ្មួញយួន យ៉ាងរលូន ។
ប្រភពបានឲ្យដឹងទៀតថា ម៉ូតូូដឹកឈើល្មើសច្បាប់ ដឹកចេញពីដែនជម្រកសត្វព្រៃ កែវសីមា កាត់តាមផ្លូវ ភូមិពូគង់ ស្ថិតនៅលើទឹកដី ស្រែព្រះ រួចបន្តចូលភូមិឆ្នែង ឃុំស្រែខ្ទុម ស្រុកកែវសីមា ហើយបន្តឆ្លងកាត់ ភូមិវាលបី ចក្រីហេង រួចឆ្លងដែនទៅលក់ នៅប្រទេសយួនតាមច្រករបៀង ប៊ិន ឌាង ឆ្មាំការពារព្រុំដែន ជាអ្នកបើកភ្លើងខៀវ ទើបបានជាគ្មានឧបសគ្គ សប្រាប់ការដឹកជញ្ជូនឈើ របស់ក្រុមឈ្មួញទាំងនោះ។
ជាក់ស្ដែងនៅថ្ងៃទី ១៥ ខែមិនា ឆ្នាំ២០២២ កម្លាំងសមត្ថកិច្ចចម្រុះ មានកម្លាំងនគរបាល កម្លាំងអាវុធហត្ថ និងមន្ត្រីជានាញ រដ្ឋបាលព្រៃឈើ ចុះបង្ក្រាប ការដឹកជញ្ជូនឈើ ដោយមូតូ ចំនួន ៤គ្រឿង នៅចំណុចគីឡូ ៣៥ ស្ថិតក្នុង ភូមិឆ្នែង ឃុំស្រែខ្ទុម ស្រុកកែវសីមា ខេត្តមណ្ឌលគិរី បន្ទាប់ពី មានការផ្សព្វផ្សាយព័ត៌មាន ជាច្រើនអង្គភាព ពាក់ព័ន្ធករណីដឹកជញ្ជូនឈើ យ៉ាងគគ្រឹកគគ្រេងនេះ ។
ប្រភពពីអ្នករកស៊ី ដឹកជញ្ជូនឈើ តាមម៉ូតូ ខណៈអ្នកព័ត៌មាន ធ្វើការសួរនាំ បានរអ៊ូរទាំ និងត្អូញត្អែរថា ដឹកឈើរាល់ថ្ងៃ មិនចំណេញទេ ដោយសារ ពេលចូលទៅកាប់ បង់លុយឲ្យបរិស្ថាន ពេលដឹកចេញមកតាមផ្លូវ ត្រូវបង់លុយ ជាច្រើនស្ថាប័ន តាមផ្លូវទៀត មានដូចជា៖ ប៉េអឹម ប៉ូលិសសេដ្ឋកិច្ច មន្ត្រីជំនាញ និងកម្លាំងសមត្ថកិច្ចពាក់ព័ន្ធ ផ្សេងៗទៀត បណ្ដាក់គ្នាដូចខ្ចង មានអីចំណេញទៀង បើនាំគ្នាតោង បឺតយកឈាម ដូចសត្វឈ្លើងយ៉ាងនេះ ។ ប្រភពបានបញ្ជាក់ថា៖ ក្នុងម៉ូតូ ១គ្រឿង ពួកគេត្រូវចំណាយលុយ អស់ ៤០ម៉ឺនរៀល ទៅ ៥០ម៉ឺនរៀលទើបទៅដល់គោលដៅ នេះមិនទាន់គិត សរុបទាំង បង់ឲ្យបរិស្ថាន នៅពេលចូលទៅកាប់ និងឆ្មាំការពាព្រំដែនផង។ ហើយក្រុមអ្នករកស៊ី ដឹកជញ្ជូនឈើល្មើសច្បាប់ បានបញ្ជាក់ប្រាប់មកអង្គភាពយើង យ៉ាងច្បាស់ថា ការដឹកជញ្ជូនឈើនេះ នៅដឹក ពេលចេញមក បើមិនទួរស័ព្ទប្រាប់សមត្ថកិច្ចម្ន ទេនោះ គេនិងចាប់បញ្ជូន ឬរាយការណ៍ ទៅឲ្យរដ្ឋបាលព្រៃឈើ ឬបរិស្ថានជាមិនខាន ។
ប្រជាពលរដ្ឋ និងមន្ត្រីអត់លិត ដែលជាមន្ត្រីស្រលាញ់ព្រៃឈើ បានសំណូមពរទៅដល់ នាយឧត្តម សៅ សុខា និង ឯកឧត្តម សាយ សំអាល់ មេត្តារឹតបណ្តឹង និងចាត់វិធានការក្តៅ ទៅលើមន្ត្រីថ្នាក់ក្រោម ជាបន្តបន្ទាប់ផងទាន ព្រោះថា មន្ត្រីមួយចំនួន បានកន្ទេលធំ បន្លំដេកលុងលួកសុខស្រួលណាស់ ប្រសិនបើមិនមានអ្នកដាសទេនោះ ៕
About Post Author
អត្ថបទផ្សេងៗ:
តួលេខអំពើពុករលួយ របស់អាជ្ញាធរ សមត្ថកិច្ច ជំនាញពាក់ព័ន្ធ ក្នុងខេត្តស្ទឹងត្រែង ត្រូវបានគេទម្លាយចេញជិ៣០ស្ថាប័ន ដែលជាប់ពាក់ព័ន្ធ ក្នុងការទទួសំណូក ពីឈ្មួញឈ់ខុសច្បាប់
អណ្តូងទឹកស្អាត ចំនួន ១២អណ្តូង ផ្តល់ដោយកាកបាទក្រហម កម្ពុជា ជូនពលរដ្ឋជាង២០០គ្រួសារ នៅតំបន់ដាច់ស្រយាល ក្នុងស្រុកកែវសីមា ខេត្តមណ្ឌលគិរី
ផ្ទះជាច្រើនខ្នង កំពុងរុះរើដោយឃើញផ្ទះ៥ខ្នង បានបាក់ស្រុចចូលក្នុងទន្លេ
ស្ពានជ្រោយចង្វាទី២ បើកដំណើការជាបណ្ដោះអាសន្ន ថ្ងៃទី១ ខែវិច្ឆិកា
សមត្ថកិច្ចស្រុកមុខកំពូល ដេញបង្ក្រាបជនសង្ស័យកាច់កម៉ូតូ បានមកវិញតែជនសង្ស័យរត់រួច
មរណភាពរបស់ឧកញ៉ា អ៊ឹង ម៉េងជី ជាការខកខានចូលខ្លួនឆ្លើយបំភ្លឺនៅសាលាដំបូងរាជធានីភ្នំពេញ ថ្ងៃទី០៨ ខែធ្នូ ខាងមុខ
សមត្ថកិច្ចឃាត់ខ្លួនប្ដីប្រពន្ធ័២នាក់ដែលពាក់ពន្ធ័ការលួចលក់អចលនទ្រព្យអ្នកដទៃកាលពី៣ឆ្នាំមុន
សមត្ថកិច្ចស្រុកថាឡាបរិវ៉ាត់ឃាត់ខ្លួនជនសង្ស័យបង្កជម្លោះហឹង្សានៅពេលផឹកស៊ី
កំពូលស្ត្រីដែលបង្កើតកូនបានដល់ទៅ២១នាក់ក្នុងពេល២៥ឆ្នាំ
រូបថតកូនកំលោះ កូនក្រមុំវ័យចំណាស់ ដែលល្បីពេញហ្វេសប៊ុកនោះ ឥលូវមានវីដេអូហើយ
ឈ្លួសប្រកែកគ្នាមួយថ្ងៃ ស្អែកឡើងតាមវាយដល់ផ្ទះ
សង្វៀនភ្នាល់បញ្ជល់មាន់ចល័ត ត្រូវបានសមត្ថកិច្ចបង្ក្រាបបានជោគជ័យ
បើកវេទិកាផ្សព្វផ្សាយនឹងពិគ្រោះយោបល់ ជាមួយប្រជាពលរដ្ឋទាំង៧ឃុំក្នុងស្រុកមុខកំពូល
ក្រុមចោលួចម៉ូតូ គោក្របី នៅខេត្តស្ទឹងត្រែង អស់ល័ក្ខត្រូវសមត្ថកិច្ចក្របួចជាប់
កម្លាំងសមត្ថកិច្ចចម្រុះ នឹង អាជ្ញាធរខ័ណ ចុះរៀបចំសណ្ដាប់ធ្នាប់កាលក់ដូរអនាធិបតេយ្យ លើផ្លូវសាធារណ:
លោក ហ៊ុយ សុជាតិ ត្រូវបានតែងតាំងជា ប្រធានការិយាល័យគយនឹងរដ្ឋាករ ច្រកអត្តរជាតិក្រុងប៉ោយប៉ែតជំនួសលោក ឈួន ហៃ