បើទោះជាមានការរិះគន់ពីក្រុមមន្ត្រីសិទ្ធិមនុស្សជាបន្តបន្ទាប់ក៏ដោយ ក៏នៅថ្ងៃទី១១ ខែវិច្ឆិកា ឆ្នាំ២០១៤ នេះសមត្ថកិច្ចចម្រុះរបស់សាលារាជធានីភ្នំពេញបានបន្តឃាត់ខ្លួនព្រះសង្ឃ និងសកម្មជនដីធ្លីនៃសហគមន៍បឹងកក់ចំនួន៤នាក់បន្ថែមទៀត ដោយគ្មានខ្វល់ខ្វាយជាមួយនឹងការរិះគន់នោះឡើយ។
សកម្មភាពឃាត់ខ្លួនព្រះសង្ឃ និងសកម្មជនដីធ្លីនៃសហគមន៍បឹងកក់ចំនួន៤នាក់បន្ថែមទៀតនៅថ្ងៃនេះ ត្រូវបានគេសង្កេតឃើញថា ធ្វើឡើងក្នុងពេលដែលពួកគាត់ និងក្រុមអ្នកតវ៉ាផ្សេងទៀតប្រមាណជា៦០នាក់ នាំគ្នាមកតវ៉ានៅមុខសាលាដំបូងរាជធានីភ្នំពេញ ដើម្បីទាមទារឲ្យដោះលែងសកម្មជនដីធ្លីនៃសហគមន៍បឹងកក់ចំនួន៧នាក់ផ្សេងទៀត ដែលត្រូវឃាត់ខ្លួនពីថ្ងៃម្សិលមិញ។
គួរកត់សម្គាល់ថានៅថ្ងៃម្សិលមិញនេះ ប្រជាសហគមន៍បឹងកក់ប្រមាណជាជិត១០០នាក់បាននាំគ្នាមកធ្វើការតវ៉ានៅសាលារាជធានីភ្នំពេញ ដើម្បីទាមទារឲ្យស្ថាប័នមួយនេះជំរុញការដោះស្រាយបញ្ហាជម្លោះដីធ្លី និងបញ្ហាជំនន់ទឹកភ្លៀងលិចភូមិដ្ឋានរបស់ពួកគាត់។
ក្រុមអ្នកតវ៉ាបានពន្យល់ថា ទំនាស់ដីធ្លីរបស់ពួកគាត់បានកើតឡើងជិត១០ឆ្នាំទៅហើយ តែអាជ្ញាធរពាក់ព័ន្ធរបស់សាលារាជធានីភ្នំពេញ ក្រោមការគ្រប់គ្រងរបស់រដ្ឋាភិបាលគណបក្សប្រជាជនកម្ពុជា នៅតែមិនអាចដោះស្រាយបញ្ហានេះជូនពួកគាត់ឲ្យបានចប់សព្វគ្រប់ និងមានភាពយុត្តិធម៌នោះទេ។
សកម្មភាពឃាត់ខ្លួនក្រុមអ្នកតវ៉ាអហិង្សា ដោយកំរោលពីសំណាក់សន្តិសុខស៊ីឈ្នួល ក្រោមការគាំពារកងកម្លាំងចម្រុះរបស់សាលារាជធានីភ្នំពេញ នៅថ្ងៃម្សិលមិញ និងនៅថ្ងៃនេះ ត្រូវបានក្រុមមន្ត្រីសិទ្ធិមនុស្សថ្កោលទោសចំពោះការចាប់ឃាត់ខ្លួននេះថា ជាការរំលោភសិទ្ធិមនុស្សធ្ងន់ធ្ងរ និងជាការរំលោភបំពានគោលការណ៍ច្បាប់។
អ្នកតាមដានស្ថានការណ៍សង្គមកម្ពុជាបានលើកឡើងថា មន្ត្រី និងស្ថាប័នក្រោមការគ្រប់គ្រងរបស់រដ្ឋាភិបាល តែងតែប្រើអំណាច និងបង្គាប់បញ្ជាសមត្ថកិច្ចម្រុះឲ្យមានការចាប់ឃាត់ខ្លួនប្រជាពលរដ្ឋរងគ្រោះ ក្នុងរឿងជម្លោះដីធ្លី តែពួកគេមិនបានយកចិត្តទុកដាក់ឲ្យអស់លទ្ធភាពតាមរយៈគោលការណ៍ច្បាប់ ដើម្បីដោះស្រាយបញ្ហាជូនប្រជាពលរដ្ឋនោះទេ។
អាជ្ញាធរក្រោមការគ្រប់គ្រងដោយរដ្ឋបាលគណបក្សប្រជាជនកម្ពុជាកន្លងមក ត្រូវបានម្ចាស់ជំនួយបរទេសស្តីបន្ទោសដោយយោងទៅលើរបាយការណ៍ក្រុមមន្ត្រីសិទ្ធិមនុស្សថា មិនត្រឹមតែ មិនយកចិត្តទុកដាក់ដោះស្រាយជម្លោះដីធ្លីរវាងភាគីក្រុមហ៊ុនឯកជន និងប្រជាពលរដ្ឋឲ្យបានឆាប់រហ័ស និងមានយុត្តិធម៌នោះទេ តែផ្ទុយទៅវិញមានមន្ត្រីខ្លះបែរជាទៅឃុបឃិតជាមួយក្រុមនាយទុនទុច្ចរិតទៅរំលោភទន្ទ្រានយកដីប្រជាពលរដ្ឋដោយខុសច្បាប់ទៅវិញ។
ប្រភពដដែលបានសង្កត់ធ្ងន់ថា ការប្រើប្រាស់កម្លាំងសមត្ថកិច្ច និងស្ថាប័នតុលាការ ទៅបំភិតបំភ័យ និងចាប់ឃុំខ្លួនប្រជាពលរដ្ឋរងគ្រោះដីធ្លីដាក់ពន្ធនាគារ មិនមែនជាដំណោះស្រាយដោយយុត្តិធម៌នោះទេ តែវានឹងបង្កឲ្យសង្គមកម្ពុជាមានវិបត្តិកាន់តែធ្ងន់ធ្ងរ៕
About Post Author
អត្ថបទផ្សេងៗ:
អាជ្ញាធររាជធានីភ្នំពេញ ចុះធ្វើរដ្ឋបាលក្នុងវត្តសាមគ្គីរង្សី
បញ្ហាគ្រោះថ្នាក់ចរាចរណ៍ជាឃាតកដ៏សាហាវ ធ្វើឲ្យមនុស្សរបួសនឹងស្លាប់ជារៀងរាល់ថ្ងៃ
លោកកើបកត់មេខណ្ឌរដ្ឋបាលព្រៃឈើរតនគិរីនឹងគូកន មិនខ្វល់ពីបទបញ្ជាសម្ដេចតេជោហ៊ុនសែន
កម្លាំងអធិការដ្ឋានពោធិ៍សែនជ័យសហការណ៍ជាមួយកម្លាំង នគរបាលក្រុងតាខ្មៅបង្ក្រាបជនជាតិចិនជំរិតជនជាតិចិន
ការអនុវត្តន៍របស់ជំនាញទៅលើរថយន្តកែច្នៃទ្រុង ខុសបច្ចកទេសនឹងដឹកសំពីងសំពោងរយ:ពេល២ថ្ងៃ ដើមខែធ្នូត្រូវបានគេមើលឃើញថាគ្មានប្រសិទ្ធភាព
ជំនាញរដ្ឋបាលព្រៃឈើខេត្តកំពង់ឆ្នាំង មិនហ៊ានក្អកជាមួយឈ្មួញឈើ ធ្វើការឃាត់រថយន្តហើយបែជាជូនរថយន្តល្មើស ទៅដេប៉ូស្ដុកឈើរបស់ឈ្មួញវិញ
បែកធ្លាយរឿងមេឈ្មួញឈើដុះស្លែគង់ក្រឹងយកឈ្មោះ ឧបកនាយករដ្ឋមន្ត្រីទៀបាញ់ទៅប្រើក្នុងការឈូសឆាយ ដីព្រៃធ្វើផ្លូវដឹកឈើទៅលក់នៅយួន
សាហាវមែនលួចគោទាំងថ្ងៃបរទៅលក់ឲ្យកុងស៊ី ត្រូវបានអ្នកស្រុកឃើញរាយការណ៍មកប៉ូលីស ក្របួចជាប់
ឯឧត្តមឧត្តមសេនីយ៍ឯក ហ៊ុន ម៉ាណែត អញ្ជើញជួបសំណេះសំណាល នឹងបំពាក់ឋានន្តរស័ក្តិដល់នាយទាហាន ចំនួន១១៥នាក់នៅភូមិភាគ២
មេឈ្មួញឈើល្បីល្បាញឧកញ៉ាតុបវិដានៅតែសម្រក់កាប់ឈើ ពីក្រៅដឹកជញ្ជូនចូលក្រុមហ៊ុនយូនីហ្គ្រីនយ៉ាងរលូនសង្ស័យ មានការឃុបឃិតជាមួយចៅហ្វាយខេត្តទើបគ្មានការទប់ស្កាត់
លោកតែគឹមសានអាងស្គាល់អ្នកធំក្នុងខេត្តហ៊ានរត់ការ សម្របសម្រួលឲ្យជនអន្តោប្រវេសន៍វៀតណាម ឆ្លងដែនខុសច្បាប់ចំនួន៦២នាក់មកធ្វើរ៉ែមាស នៅឃុំចុងផ្លាស់ស្រុកកែវសីមាទៅវិញយ៉ាងរលូន
កម្លាំងនាយកដ្ឋានក្រសួងមហាផ្ទៃសហការជាមួយកម្លាំង នគរបាលខេត្តបាត់ដំបងចូលឃាត់ខ្លួនប្រធានសាខាធនាគារ អេស៊ីលីដាក្រុងបាត់ដំបងនឹងបុគ្គលិក៥តាមដីការ បញ្ជារបស់លោកសៀងសុខព្រះរាជអាជ្ញារងអមសាលាដំបូង រាជធានីភ្នំពេញ
លោកកែវស៊ុនលីមេយោធាសឹករងស្រុកមង្គលបុរីព្រោះតែស្រវឹងស្រាបៀរគ្រប់គ្រងខ្លួនមិនបានយកកាំភ្លើងអាកាគំរាមបាញ់ម្ចាស់ហាងខារ៉ាអូខេ
ថៅកែលក់គ្រឿងសង្ហារឹមអ្នកនាង សឿន ចំរើន ( ហៅចោមខ្វាន់ ) បងស្រីបង្កើតកញ្ញាសិចស៊ីដេនីខ្វាន់ សមត្ថកិច្ចឃាត់ខ្លួនពីបទឆបោក
សមត្ថកិច្ចឃាត់ខ្លួនបុរសម្នាក់ ជាជនសង្ស័យ ក្នុងករណីរឹតកសម្លាប់ កូនស្រីក្រមុំមន្ត្រីរដ្ឋសភា
លោក នូវ លាង នាយសង្កាត់រដ្ឋបាលជលផល ក្រុងប៉ោយប៉ែត នៅតែផ្គើនបន្តពុករលួយ ដើរយកលុយពីអ្នករកស៊ីដឹកត្រី