ភ្នំពេញ ៖ កម្លាំងនគរបាលការិយាល័យ ចរាចរណ៍ផ្លូវទឹក នៃស្នងការដ្ឋាននគរបាល រាជធានីភ្នំពេញ បានបញ្ចេញប្រតិបត្ដិការចុះចាប់សាឡង់បូមខ្សាច់អនាធិបតេយ្យ ជិត២០គ្រឿង នៅតាមដងទន្លេមេគង្គក្រោម ចន្លោះមជ្ឈមណ្ឌលកោះពេជ្រ ទៅអរិយក្សត្រ នារសៀលថ្ងៃទី៥ ខែមករា ឆ្នាំ២០១៥នេះ ។
លោកឧត្ដមសេនីយ៍ត្រី អ៊ុច សុខុន ស្នងការរង នគរបាលរាជធានីភ្នំពេញ ដែលដឹកនាំបញ្ជាផ្ទាល់ ចុះចាប់សាឡង់បូមខ្សាច់អនាធិបតេយ្យទាំងនេះ បានបញ្ជាក់តាមទូរស័ព្ទថា គិតត្រឹមវេលាម៉ោង៥និង២៦នាទី ល្ងាចថ្ងៃទី០៥ ខែមករានេះ កម្លាំងនគរបាលរបស់លោក បានឃាត់សាឡង់ បូមខ្សាច់៦-៧គ្រឿង ដែល កំពុងបូមខ្សាច់អនាធិបតេយ្យ នៅតាមដងទន្លេមេគង្គក្រោម ។ លោក អ៊ុច សុខុន បានបញ្ជាក់ទៀតថា នៅពេលនេះសមត្ថកិច្ច របស់លោកកំពុងធ្វើ កំណត់ហេតុ និងមានវិធានការតាមផ្លូវច្បាប់ ។
តាមស្នងការរង នគរបាលរូបនេះ ប្រតិបត្ដិការខាងលើនេះ ធ្វើឡើងភ្លាមៗ តបទៅនឹង លិខិតជូនដំណឹងរបស់ក្រសួងរ៉ែ និងថាមពល ផ្ញើជូនអភិបាលរាជធានីភ្នំពេញ អភិបាលខេត្ដកណ្ដាល និងអភិបាលខេត្ដព្រៃវែង ព្រមទាំង បញ្ជារបស់លោកឧត្តមសេនីយ៍ស្នងការ ឱ្យធ្វើការបង្ក្រាប និងផ្ដន្ទាទោស តាមផ្លូវច្បាប់ ចំពោះសកម្មភាព បូមខ្សាច់ ក្នុងតំបន់ហាម ឃាត់ នៅតាមដងទន្លេមេគង្គលើ ទន្លេមេគង្គ ក្រោមនិងទន្លេបាសាក់ ។
ស្នងការនគរបាលរាជធានីភ្នំពេញ លោកឧត្ដមសេនីយ៍ ជួន សុវណ្ណ បានបញ្ជាក់ផងដែរថា យុទ្ធនាការ ចុះចាប់សាឡង់បូមខ្សាច់ទាំងនេះ នឹងធ្វើឡើងជាបន្ដបន្ទាប់ លុះត្រាតែលែងមាន វត្ដមាន ធ្វើអាជីវកម្ម ដោយគ្មាន ការអនុញ្ញាតទាំងនេះ ។
យោងតាមលិខិត ជូនដំណឹង របស់ក្រសួងរ៉ែ និងថាមពល ចុះថ្ងៃទី៣០ ខែធ្នូ ឆ្នាំ២០១៤ ដែលទទួលបាន នៅថ្ងៃទី៥ ខែមករា ឆ្នាំ២០១៥នេះ បានឲ្យដឹងថា អតីតក្រសួងឧស្សាហ៍កម្ម រ៉ែ ថាមពល បានប្រកាសនិរាករណ៍ រាល់អាជ្ញាបណ្ណ បូបខ្សាច់ទាំងអស់ ក្នុងតំបន់ទន្លេមេគង្គលើ មេគង្គក្រោម និងទន្លេបាសាក់ តាំងពីឆ្នាំ២០១១មកម៉្លេះ ហើយកន្លងមកក្រសួងរ៉ែ និងថាមពល មិនដែលផ្តល់អាជ្ញាបណ្ណ អាជីវកម្មបូមខ្សាច់ដល់នីតិបុគ្គល ឬរូបវន្តបុគ្គលណាមួយ ក្នុងតំបន់ទាំងនេះទេ ។
លិខិតជូនដំណឹង បានបញ្ជាក់ទៀតថា រាល់សកម្មភាព បូមខ្សាច់ទាំងឡាយណា ដែលកើតឡើងក្នុង តំបន់ទន្លេ មេគង្គលើ មេគង្គក្រោម និងទន្លេបាសាក់ គឺជាសកម្មភាព អនាធិបតេយ្យ ល្មើសនឹង ច្បាប់ស្តីពីការ គ្រប់គ្រង និង ការធ្វើអាជីវកម្មធនធានរ៉ែ ដែលត្រូវទទួលទោសបញ្ញាត្តិ ស្របតាមច្បាប់ ប្រសិនបើ ឃើញមានកាណូត ទូក សាឡង់ ឬសកម្មភាពណាមួយ ដែលធ្វើការបូបខ្សាច់ ក្នុងតំបន់ ហាមឃាត់ទាំងនេះ សូមអភិបាលរាជធានី និងអភិបាលខេត្ត ចាត់វិធានការណ៍បង្ក្រាប និងផ្តន្ទាទោសតាមច្បាប់ជាធរមាន ឲ្យបានហ្មឹងម៉ាត់បំផុត ។ ដោយ៖ តាំង ស៊ុនតិច
About Post Author
អត្ថបទផ្សេងៗ:
សន្តិសុខរោងចក្ររ៉ូស៊ីង៦នាក់ ត្រូវសន្តិសុខដូចគ្នាដាក់ថ្នាំសណ្តំ ចូលលួចយកខោអស់២៥.០០០ខោ គិតទឹកប្រាក់ជាង១០ម៉ឺនដុល្លារ
តុលាការសម្រេច ឃុំខ្លួនអតីត ឧត្តមសេនីយ៍ យោធា ពីបទសម្លាប់ ប្រពន្ធចុង និងកូនស្រី អាចជាប់ពន្ធនាគារ អស់មួយជីវិត
បញ្ជូនជនកំណាច កាប់សម្លាប់ ជីដូន ជីតា និងឪពុកមា ទៅតុលាការ (មានវីដេអូ)
បទល្មើសម៉ូតូគេចពន្ធនាំចូលពីថៃតាមច្រករបៀងស្រុកម៉ាឡៃយ៉ាងគគ្រឹកគគ្រេងរដ្ឋខាតស្ទើររាប់ម៉ឺនដុល្លារដោយសារការគេចពន្ធ
កងរាជអាវុធហត្ថខេត្តស្ទឹងត្រែងតាមប្រម៉ាញ់ជនសង្ស័យជួនដូរគ្រឿងញៀនដល់ទីបញ្ចប់
បែកធ្លាយរឿង កងរាជអាវុធហត្ថ ចាប់រថយន្តដឹកឈើប្រណឹត ការពីយប់ទី២៤នៅផ្លូវបំបែកឃុំព្រះនង័្គល
ល្បិចបោកប្រាស់តាមទូរស័ព្ទដៃ នៅតែមានស្ទីលថ្មីប្លែកៗរហូត….(មានវីដេអូ)
នគរបាល ខេត្តក្រចេះ ប្រើពេលជាង១០ម៉ោង តាមចាប់ ជនដៃដល់ បាញ់សម្លាប់ អ្នកកាសែត នៅស្រុកស្នួល (មានវីដេអូ)
(សូមប្រុងប្រយ័ត្ន) ល្បិចចោរសម័យថ្មី ជិះម៉ូតូកញ្ចាស់ទៅផ្លាស់ប្តូរយក ម៉ូតូថ្មីនៅកន្លែងផ្ញើរម៉ូតូនានា
រួមរ័កជាមួយតាឱ្យសង្សារថតទុកបង្ហោះហ្វេសប៊ុក
សាំងគេចព័ន្ធហូរចូលតាមព្រំដែនឡាវ មកខេត្តស្ទឹងត្រែងយ៉ាងរលូន ដូចហែរកឋិនស្ថាប័នពាក់ព័ន្ធធ្វើមឹនដឹង
អាជ្ញាធរស្រុកខ្សាច់កណ្តាល និងស្ថាប័នពាក់ព័ន្ធ ត្រូវបានប្រជាពលរដ្ឋរិះគន់ថា មិនហ់ានបង្ក្រាប ក្រុមសាឡង់ បូមខ្សាច់អនាធិបតេយ្យ
ទីតាំងស្តុកឈើខុសច្បាប់ម្ចាស់ឈ្មោះភារុណ ពលរដ្ឋដាក់ការសង្ស័យថា មានការពាក់ព័ន្ធជាមួយប៉េអឹមឈ្មោះខេមរា
លោកវង់សុក្រសេរីនាយខណ្ឌរដ្ឋបាលព្រៃឈើ ខេត្តមណ្ឌលគិរីលោករ័ត្នសុវណ្ណនឹងលោកមៀកវុទ្ធី រងការរិះគន់យ៉ាងខ្លាំងពីមតិមហាជនថាមានការ ឃុបឃិតឲ្យកើតមានបទល្មើសបំផ្លាញព្រៃឈើ
ខូចមែន..ជនបរទេសម្នាក់ ដកលុយពីទូATMធនាគារABAបានហើយ បែរជាបន្លំយកលុយក្លែងក្លាយពីក្នុងកាបូបមកដូរ ហើយស្រែកឡាំប៉ាថាដកបានលុយក្លែងក្លាយ ដល់ពេលឆែកកាម៉េរ៉ាទើបដឹងល្បិច…(មានវីដេអូ)
ពលរដ្ឋរងគ្រោះដីធ្លី លោកស្រី ឆយ ស្រីពៅ ទទូចសុំសម្ដេចតេជោ ហ៊ុន សែន ជួយអន្តរាគមន៍ ដោយចោទប្រកាន់អាជ្ញាធរមូលដ្ឋាន ស្រុកមុខកំពូល ស៊ីញេនិងដៃ បែជាយកជើងលុបទៅវិញ