មាតិការព័ត៌មានថ្មីៗ
ទីស្នាក់ការកណ្តាល : ភូមិក្រោម, ឃុំព្រែកអញ្ចាញ, ស្រុកមុខកំពូល, ខេត្តកណ្តាល |  លេខទំនាក់ទំនង ចាងហ្វាងការផ្សាយ :  078 55 11 12 / 097 777 6000  | អ៉ីម៉ែល: 168csn@gmail.com | វេបសាយ៍: www.csnpaper.com | ហ្វេសប៊ុក: www.facebook.com/csnpaper

រថយន្តឡង់គ្រីស័រ៣គ្រឿង ដឹកឈើប្រណឹតយូឆ្នាំហើយ ទើបតែឃើញមានការបង្ក្រាប

​ខេត្តមណ្ឌលគិរី ៖ កម្លាំងនគរបាល ការិយាល័យកណ្ដាលប្រឆាំងបទល្មើសសេដ្ឋកិច្ច នៃស្នងការដ្ឋាន នគរបាលខេត្ត
មណ្ឌលគិរី ចុះបង្ក្រាបរថ​យន្ត​​ដឹក​ឈើ​​ល្មើស​ច្បាប់ ចំ​នួន ៣​​គ្រឿង កាល​ពី​​វេ​លា​​ម៉ោង ៨ ព្រឹក​ ​ថ្ងៃ​ទី​​៨ ខែ​មី​នា
ឆ្នាំ​២​០​១៥ ស្ថិត​នៅ​​ភូមិ ពូ​ទ្រូ​លើ ឃុំ​សែន​មនោ​រម្យ ស្រុក​អូររាំង​ ខេត្តមណ្ឌលគិរី។

ក្នុងការចុះបង្ក្រាបរថយន្តដឹកឈើប្រណឹតខុសច្បាប់យ៉ាង អនាធិបតេយ្យ​​ខាងលើ អនុប្រធាន​ការិយាល័យ
កណ្តាល​ប្រឆាំង​បទល្មើស លោក ជិន សុ​ឃុន បានអោយដឹងថា ការបង្ក្រាប​នេះ​ធ្វើឡើង ក្រោយ​ទទួលបាន
បទបញ្ជា​ពី​លោក ញ៉ែម វ៉ាន់​នី ស្នងការ​នគរបាល ខេត្តមណ្ឌលគិរី ថា មាន​រថយន្ត​ឡង់​គ្រី​ស័​រ ដឹកឈើ​ល្មើស
ច្បាប់ ៣​គ្រឿង នៅ​ចំណុច ឃុំ​សែន​មនោ​រម្យ ស្រុក​អូររាំង កម្លាំង​របស់លោក ក៏បាន​ទៅដល់​ទិសដៅ
និង​ធ្វើការ​បង្ក្រាបបាន ដោយ​ជោគជ័យ​។​

ប្រធានការិយាល័យកណ្ដា​ល ប្រឆាំងបទល្មើស ខេត្តមណ្ឌលគិរី លោក ជិន សុ​ឃុន បាន​បញ្ជាក់ថា រថយន្ត​
ទាំង​៣ នោះ​រួមមាន ១-​ចង្កូត​ស្តាំ​ពណ៌​សរ ពាក់​ស្លាក​លេខ 2S ៩២៩៣ ផ្ទុក​ឈើ​ចំនួន ៨​ដុំ​។ ២-​រថយន្ត
ចង្កូត​ស្តាំ ពណ៌​សំបក​ឳ​ឡឹ​ក ពាក់​ស្លាក​លេខ ភ្នំពេញ ២C 9965 ផ្ទុក​ឈើ​ចំនួន ១១​ដុំ និង ៣-​ពណ៌​ទឹកប្រាក់
ពាក់​ស្លាក​លេខ ភព​.២​ស 9378 ផ្ទុក​ឈើ ១១​ដុំ សរុប​ទាំងអស់ ៣០ ដុំ​ផងដែរ​។ បច្ចុប្បន្ន វត្ថុតាង ត្រូវបាន​
កំលាំង ការិយាល័យ​ជំនាញ បញ្ជូន​យកមក​រក្សាទុក នៅ​ស្នងការដ្ឋាន​នគរបាល​ខេត្ត
ជា​ណ្តោះ​អាសន្ន ដើម្បី​ចាត់ការ​តាម​នីតិវិធី​។ គួបញ្ជាក់ ផងដែរថា ក្នុងការប្រតិបត្តិការបង្ក្រាបរថយន្តដឹកឈើ
ប្រណឹតខុសច្បាប់ទាំង៣គ្រឿងខាងលើនេះសមត្ថកិច្ចពុំបានឃាត់ខ្លួនជនល្មើសណាម្នាក់នោះឡើយ។/
ដោយសហការី

Screenshot_2015-04-09-21-09-55-1

Screenshot_2015-04-08-18-44-16-1

IMG-20150408-WA0003-1

IMG-20150408-WA0002-1

Share on Facebook