មាតិការព័ត៌មានថ្មីៗ
ទីស្នាក់ការកណ្តាល : ភូមិក្រោម, ឃុំព្រែកអញ្ចាញ, ស្រុកមុខកំពូល, ខេត្តកណ្តាល |  លេខទំនាក់ទំនង ចាងហ្វាងការផ្សាយ :  078 55 11 12 / 097 777 6000  | អ៉ីម៉ែល: 168csn@gmail.com | វេបសាយ៍: www.csnpaper.com | ហ្វេសប៊ុក: www.facebook.com/csnpaper

ឡានកែឆ្នៃដឹកឈើខុសស្ដង់ដាបចេកទេស រលត់លើស្ពានបណ្ដាលឲ្យកម្មករបស់ខ្លួន បើកម៉ូតូបុកពីក្រោយរបួសយ៉ាងធ្ងន់ធ្ងរ

ដោយ : នួន ពុទ្ធា

​ខេត្តស្ទឹងត្រែង ៖ បុរ​ស​​ម្នាក់​ជិះ​​ម៉ូតូ ក្នុង​​ល្បឿន​​លឿន ឡើងស្ពានជាន់​ហ្វ្រាំ​ង​​មិន​ទាន់ បាន​​ជ្រុល​​ទៅ​បុក គូថ​​
រថ​យន្ត​​កែឆ្នៃដឹកឈើ ប​ណ្ដាល​ឲ្យ​​របួសធ្ងន់ស្រាមរលា កា​លពី​​វេ​លា​​ម៉ោង ៧​និ​ង​៣០ នា​ទី​យ​ប់ ថ្ងៃ​ទី​​១០ ខែ​
សី​ហា ឆ្នាំ​​២០​១៥ ស្តិតនៅលើស្ពានមេគង្គ ខេត្តស្ទឹងត្រែង។​

យោងតាមសម្ដី ម្ដាយរបស់ជនរងគ្រោះ បានឲ្យដឹងថា មុនពេលកើតហេតុ ជនរងគ្រោះ ឈ្មោះ ស្រឹម បូរី ត្រូវ
ជាកូន ភេទប្រុស អាយុ១៨ឆ្នាំ បានមកផ្ទះយកបាយ នឹងបានប្រាប់រូបគាត់ថា យកបាយនេះទៅហូបទាំងអស់
គ្នា ដែលកំពុងលើកឈើដាក់ឡាន ។

ម្ដាយជនរងគ្រោះបានបន្តទៀតថា ក្រោយពីកូនរបស់គាត់ យកបាយរួចចេញពីផ្ទះបានមួយសន្ធុះ ស្រាប់តែ
មានគេមកប្រាប់ថា កូនគ្រោះថ្នាក់ចរាចរណ៍ នៅលើស្ពានមេគង្គ គាត់បានទៅមើលឃើញ កូនរបស់គាត់បាន
សន្លប់ស្ដូកស្ដឹង បែកក្បាលនឹងបែកភ្នែក បាត់ដង្ហើមម្ដងៗ ដោយបុកាមួយឡានកែឆ្នៃ មានដឹកឈើពេញលើ
ឡាន ជាឡានរបស់កូនគាត់ស៊ីឈ្នួល លើកឈើដាក់ឡានរាល់ថ្ងៃ។ ម្ដាយជនរងគ្រោះបានបញ្ជាក់ដោយអះ
អាងថា រថយន្តបង្ក ជារថយន្តរបស់ថៅកែឈើ ឈ្មោះ ម៉ា ប្រុស ជាឈ្មួញរកស៊ីឈើដុះស្លែនៅស្រុកថាឡាប
រិវ៉ាត់ ខេត្តស្ទឹងត្រែង ។

ប្រភពព័ត៌មាន ពីលោកគ្រូពេទ្យបង្អែកខេត្តស្ទឹងត្រែង បានឲ្យដឹងថា ជនរងគ្រោះខាងលើ គឺមានសភាពធ្ងន់ធ្ងរ
ដោយជនរងគ្រោះ បែកលលា ក្បាល នឹងបែកភ្នែក ហើយហូរឈាមច្រើនយ៉ាងនេះ គឺមានសង្ឃឹមតិចណាស់
មានតែបញ្ជូនទៅព្យាបាល នៅឯមន្ទីរពេទ្យភ្នំពេញសាកល្បងមើលសិនទេ ដើម្បីឲ្យក្រុមគ្រួសាអស់ចិត្ត។

​លោក សែម ស៊ីថា អធិការនគរបាល ស្រុកថាឡាបរិវ៉ាត់ បានឲ្យដឹងថា ជនរងគ្រោះខាងលើមានឈ្មោះ ស្រឹម
បូរី ភេទប្រុស អាយុ១៨ឆ្នាំ មានទីលំនៅ ភូមិថាឡា ឃុំថាឡ ស្រុកថាឡាបរិវ៉ាត់ ខេត្តស្ទឹងត្រែង ជិះម៉ូតូម៉ាកវេវ
អាលហ្វា ពណ៍លៀងលាយខ្មៅ គ្មានស្លាកលេខ ក្នុងទិសដៅឡើងស្ពានពីជើងទៅត្បូង បានមកបុកពីក្រោយ
រថយន្តកែឆ្នៃដែលមានដឹកឈើ កំពុងខូចនៅលើស្ពាន យ៉ាងពេញទំហឹងតែម្ដង។ក្រោយធ្វើការវាស់វែងម៉ូតូរង
គ្រោះនឹងរថយន្តបង្កត្រូវបានបញ្ជូនទៅកាន់ស្នងការដ្ឋាននគរបាលខេត្តស្ទឹងត្រែង ។

ពាក់ព័ន្ធករណីគ្រោះថ្នាក់ខាងលើ មតិមជ្ឈដ្ឋានទូទៅបានលើកឡើងថា ឡានកែឆ្នៃដឹកឈើ បង្កគ្រោះថ្នាក់ខាង
លើ ជារបស់ឈ្មោះ មា ប្រុស ជាឈ្មួញរកស៊ីឈើដុះស្លែ នៅក្នុងស្រុកថាឡាបរិវ៉ាត់ ដឹកឈើគ្រប់ប្រភេទ ឆ្លង
កាត់ស្ពានមេគង្គ ជារៀងរាល់យប់ ចេញចូលយកមកចែកចាយ ក្នុងខេត្តស្ទឹងត្រែង យ៉ាងរលូនមិនដែលមាន
ជំនាញហ៊ានរំខានដល់ការរកស៊ី របស់ឈ្មួញដុះស្លែនេះ ម្ដងណានោះទេ ទើបតែពេលនេះអស់ល័ក្ខ មករលត់
ឡាននៅលើស្ពាន នឹងបង្កឲ្យគ្រោះថ្នាកដល់កម្មករខ្លួនឯងយ៉ាងធ្ងន់ធ្ងរ ទើបសមត្ថកិច្ចហ៊ានប៉ះពាល់ឡានកែ
ឆ្នៃដឹកឈើរបស់ឈ្មួញមួយនេះ។/​

1439270635275

1439270640000

1439270645659

1439270654430

1439270676087


Share on Facebook