ដើម្បីបន្តវេនពុករលួយលោកឌិនគឹមប្រធានមន្ទីរ សាធារណការខេត្តប៉ៃលិនលើកបន្តុប កូនប្រុសឡើងប្រធានការិយាល័យ

ដោយ ៖ កម្ពុជា ជោគជ័យ CSN​

ខេត្ត​ប៉ៃលិន ៖ លោក ឌិន គឹម ប្រធាន​មន្ទីរ​សាធារណៈការ​ខេត្ត​ប៉ៃលិនដុះ​ស្នឹម និង ដែល​សំបូរ​ទៅ​ដោយ​រឿង
អាស្រូវ​ពុករលួយ​នោះ ក្នុង​រយៈពេល​ថ្មីៗ​នេះ​ បាន​ធ្វើ​ការស្នើសុំ​ កូនប្រុស​ម្នាក់​ឈ្មោះ ខ្វាន់ដា​រ៉ា ឲ្យ​ឡើង​ធ្វើជា
​ប្រធាន​ការិយាល័យ ​សាធារណការ ដោយ​រំលង​ក្បាល​មន្ត្រី​ចាស់ៗ ​ដែល​បាន​ចូល​បំរើ​ការងារ ​នៅក្នុង​មន្ត្រី​តាំង
ពី​ក្រោយ​ពេល​បង្កើត ​ម​ន្ទីរ​ដំបូង​មក​នោះ។​

​ការស្នើ​សុំ​តែងតាំង​លោក ខ្វាន់ ដា​រ៉ា ឲ្យ​ឡើង​ធ្វើជា​ប្រធាន​ការិយាល័យ​សាធារណការ ​នេះបាន​ធ្វើឲ្យ​ មន្ត្រី​ជា
ច្រើន​ នៅក្នុង​មន្ទីរ បាន​សំដែង​នៅ​ការមិន​ពេញចិត្ត ដោយ​មន្ត្រី​ភាគច្រើន​ បាន​យល់ថា​ ការតំឡើង​តំណែង​នេះ
គឺ​គ្មាន​អ្វីក្រៅពី​លោក​ប្រធាន​មន្ទីរ ឌិន គឹម ត្រៀម​ប្រគល់​តំណែង​ជា​ប្រធាន​មន្ទីរ ទៅ​ឲ្យ​កូនប្រុស​របស់​គាត់ នៅ
ពេល​ដែល​រូបគាត់​ចូល​និវត្តន៍ នៅ​ឆ្នាំ២០១៧​ខាងមុខនេះ ។​

​ប្រភព​បានឲ្យដឹង​ថា​ នៅ​មន្ទីរ​សាធារណការ​ខេត្ត​ប៉ៃលិន សព្វថ្ងៃ​គឺ​បាន​ក្លាយជា​ មន្ទីរ​គ្រួសារ​រួម​ទៅហើយដោយ
សារតែ​ នៅក្នុង​មន្ទីរ​នេះ​ ដោយ​មាន​កូនបង្កើត និង​កូនប្រសារ​ចំនួន ៥​នាក់ខណៈ​មន្ទីរ​មួយ​នេះ​ មាន​មន្ត្រីរាជការ​
សរុប​តែ ៣០​នាក់​នោះ ។​

​ប្រភព​បានឲ្យដឹង​ថា ​នៅក្នុង​រយៈពេល​ជាច្រើន​ឆ្នាំ​មកនេះ លោក​ប្រធាន​មន្ទីរ ឌិន គឹមក៏​ទទួល​បាន​ភាព​កាក
កប​ពី​ការងារ​របស់​ខ្លួន​យ៉ាងច្រើន តាមរយៈ​ការ​កិបកេង ​ថវិកាជាតិ ដែល​ចំណាយ​នានា ​នៅក្នុង​មន្ទីរ ចំណូល
​ពី​ការធ្វើ​ផ្លាក​លេខ​ឡាន​ម៉ូតូ និង​ឆៀក​ឡាន ដោយ​យក​តម្លៃ​លើស​ការកំណត់​របស់​រដ្ឋ និង​ការចេញ​ផ្លាក​លេខ
​ឲ្យ​រថយន្ត​មួយ​ចំនួន ​ដែល​មាន​ភាពមិនប្រក្រតី ។

ក្រៅពី​នោះ​ សម្រាប់​កូន និង​កូនប្រសារ​ របស់​គាត់​ ដែល​ប្រមូលផ្តុំ​គ្នា​នៅក្នុង​មន្ទីរ ទោះបី​អ្នក​ទាំងនោះ​ កន្លង
មក ​មិន​ទាន់​មាន​តំណែង​ធំក្តី​ ប៉ុន្តែ​សម្រាប់​អំណាច​របស់​ពួកគេ អាច​ត្រួត​ក្បាល​មន្ត្រី​ចាស់ៗ ​ធ្វើ​អ្វីៗ​ក៏បាននិង
​រក​ចំណូល​បាន​ជា​ច្រើន​ ពី​ការងារ​របស់​ខ្លួន ដោយសារ​តែ​ឪពុក​ជា​ប្រធាន​មន្ទីរ​ស្រាប់ ។

ចំណែក​មន្ត្រី​ផ្សេង​ទៀត​ អ្នក​ខ្លះ​ដែល​បាន​ខិតខំ​បំរើ​ការងារ ​តាំងពី​មន្ទីរ​នៅ​កវែកកឆ្នាំង ក៏​ធ្វើ​អ្វីៗ​មិនសូវ​ត្រូវ​ដែរ
ដោយ​មន្ត្រី​ពូកែរៗ ​នៅក្នុង​មន្ទីរ​មាន​តែ​កូន ​និង​កូនប្រសារ​របស់​គាត់​ តែប៉ុណ្ណោះ ៕

Screenshot_2016-05-01-09-15-56-1

សូមជួយស៊ែរព័ត៌មាននេះផង:

About Post Author