ដោយ ៖ សហការី ( CSN )
ខេត្តត្បូងឃ្មុំ ៖ ប្រភពពីមន្ត្រីគយ បានទម្លាយ ឲ្យដឹងថាក្នុងចាប់តាំងពី រដ្ឋមន្ត្រី នៃក្រសួងសេដ្ឋកិច្ច និងហិរញ្ញវត្ថុ អូន ព័ន្ធមុន្នីរ័ត្ន និងអគ្គនាយកគយ គុណ ញឹម បានតែងតាំង លោក ប៉ុន ប៊ុណ្ណា ឲ្យធ្វើជាប្រធាន ការិយាល័យគយ និងរដ្ឋាករ ត្រពាំងផ្លុង ក្នុងខេត្តត្បូងឃ្មុំ កន្លងមក មានប្រព័ន្ធផ្សព្វផ្សាយ កាន់តែច្រើនឡើងៗ នាំគ្នាសរសេររិះគន់ ធ្ងន់ៗជាបន្តបន្ទាប់ ទៅលើមេគយថ្មី ប្រចាំនៅច្រកទ្វារ អន្តរជាតិត្រពាំងផ្លុងនោះ ។
បើទោះយ៉ាងណា គេមិនទាន់ឃើញ មានចំណាត់ការអ្វី ពីមេៗធំកំពូល អូន ព័ន្ធមុន្នីរ័ត្ន និង គុណ ញឹម នៅឡើយទេ ។ បែបប្រហែលជា ដោយសារតែពួកគាត់ (មេៗ) មិនហ៊ាន ជាមួយកូនចៅ ដែលពូកែយល់ចិត្តមេ នោះហើយមើល៍ទៅ។
ពាក់ព័ន្ធរឿងនេះ មានអ្នកដឹងរឿងខ្លះ បានលួចទម្លាយ ព័ត៌មានចេញក្រៅថា គ្រាន់តែបានធ្វើមេគយថ្មី នៅច្រកត្រពាំងផ្លុងភ្លាម លោកប្រធាន មានល្បិចខូចច្រើន ប៉ុន ប៊ុណ្ណា បានឃុបឃិតគ្នា ជាមួយពួកឈ្មួញធំៗ ដូចជាម្ចាស់ក្រុមហ៊ុន ដឹកទំនិញ ស៊ុន ហួរ, ក្រុមហ៊ុនដឹកទំនិញ ហាក់ ម៉ៅ, ក្រុមហ៊ុនដឹកទំនិញ ឆេង ទី, ក្រុមហ៊ុនដឹក
ទំនិញ ទីខ្មូត និងក្រុមហ៊ុនដឹកទំនិញ របស់យាយ ញាប់ជាដើម។ ដែលដឹកទំនិញចេញ-ចូលកម្ពុជា-វៀតណាម តាមច្រកអន្តរជាតិនោះ ដោយពួកគេសហការគ្នា ក្នុងការធ្វើការងារ (របៀបស្វា លេងប៉ាហ៊ី) វាយតម្លៃពន្ធទាប និងតម្រូវឲ្យបង់ពន្ធ ចូលរដ្ឋមិនគ្រប់ចំនួន រួមទាំងអាចមាន ការលួចបន្លំពន្ធ លើមុខទំនិញផ្សេងៗ ដើម្បីកិបកេងលុយ យកចែកគ្នាទាំងដុំៗ ធ្វើមានបានហ៊ឺហារ គ្មានខ្លាចរអាច្បាប់ ចាប់ដាក់ទោសនោះផង ។
បើព័ត៌មានខាងលើ វាជាការពិតមែន… គេអាចធ្វើលេខ បូកដកគុណចែក គន់គូររកឃើញថា ចំណូលពន្ធគយ នៅច្រកទ្វារអន្តរជាតិ «ត្រពាំងផ្លុង» កំពុងបាត់បង់រាប់ពាន់ លានរៀលក្នុងមួយខែៗ ស្មើនឹងរាប់ម៉ឺនដុល្លារ… នេះគេមិននិយាយ ពីលុយលើតុក្រោមតុ ដែលពួកមន្ត្រីៗពុករលួយ នៅស្រុកខ្មែរ ធ្លាប់តែនាំគ្នាប្រព្រឹត្ត ស្ទើរតែក្លាយជាវប្បធម៌ យកធ្វើមានបាន ស្ទើរគ្រប់គ្នា អស់រយៈពេល រាប់សិបឆ្នាំមកនេះ នោះផង ។
បើចង់ដឹងច្បាស់ថា តើព័ត៌មាននោះវាយ៉ាងណា?គួរតែអង្គភាព ប្រឆាំងអំពើពុករលួយ ដឹកនាំដោយលោក ទេសរដ្ឋមន្ត្រី ឱម យ៉ិនទៀង បើកការស៊ើបអង្កេត ឲ្យបានស៊ីជម្រៅ។ ដើម្បីចាត់វិធានការ ទៅលើមន្ត្រីៗខិលខូច និងដើម្បីការពារ ចំណូលថវិកាជាតិ ។
ប្រភពព័ត៌មានបានឲ្យដឹងថា មេគយត្រពាំងផ្លុង ប៉ុន ប៊ុណ្ណា ជា ខ្សែរដ្ឋមន្ត្រី អូន ព័ន្ធមុន្នីរ័ត្ន និងអគ្គនាយកគយ គុណ ញឹម ដែលអាងចំហាយ អំណាចខ្សែមេធំនោះ បាននិងកំពុងយកតួនាទី ទៅប្រព្រឹត្តអំពើពុករលួយ ធ្វើឲ្យបាត់ចំណូល ថវិកាជាតិយ៉ាងច្រើន ពីការប្រមូលពន្ធផ្សេងៗ ដូចជាករណីកន្លងមក នៅច្រកទ្វារត្រពាំងផ្លុង ដែលតែងតែធ្លាប់ ប្រមូលពន្ធបានក្នុង ១ខែៗ ចំនួនចាប់ពី ១១ ពាន់លានរៀល ទៅ ១៤ ពាន់លានរៀល។ឥឡូវបែរជាប្រមូលបាន ត្រឹមតែចំនួនជាង ៦ ពាន់លានរៀល ទៅ ៨ ពាន់លានរៀលប៉ុណ្ណោះ បន្ទាប់ពីលោក ប៉ុន ប៊ុណ្ណា បានចូលកាន់តំណែង ជាមេគយថ្មី ត្រពាំងផ្លុង ក្នុងខេត្តត្បូងឃ្មុំ កាលពីថ្ងៃទី២៨ ខែមិថុនា ឆ្នាំ២០១៤ រហូតមកដល់សព្វថ្ងៃ ។
ប្រភពព័ត៌មាន នៅបានប្រាប់ឲ្យដឹង ពីតារាងតម្លៃខ្លះៗ (ក្រដាសបញ្ជី) ដែលពួកមន្ត្រីៗគយ ខិលខូចមួយក្ដាប់តូច (មេៗ និងខ្សែហោ បក្ខពួក) នៅច្រកត្រពាំងផ្លុង ក្នុងសម័យលោក ប៉ុន ប៊ុណ្ណា តែងយកមកអនុវត្ត ក្នុងការគិតលុយកាក់ ជាមួយពួកឈ្មួញៗដែរថា …បើគិតអត្រាពន្ធត្រឹម ៧% ពួកគេតម្រូវឲ្យ ឡានតូចត្រូវបង់ពន្ធ ៩លានរៀល និងបង់ថ្លៃបាយ ៥លានរៀល, បើអត្រាពន្ធ ១៥% ឡានតូចត្រូវបង់ពន្ធ ១០លានរៀល និងថ្លៃបាយ ៥លានរៀល ។
បើទំនិញចាប់ហ៊ួយ បូកអត្រាពន្ធ ៣៥% ឡានតូចត្រូវបង់ពន្ធ ២២លានរៀល និងថ្លៃបាយ ៥លានរៀលក្នុងករណីដូចគ្នា បើពួកឈ្មួញបង់ថ្លៃបាយ ១១លានរៀល ឡានតូចដូចគ្នាដែរ អាចបង់ពន្ធត្រឹម ៨,៥ លានរៀលប៉ុណ្ណោះនិងនៅមានទំនិញផ្សេងៗទៀត ត្រូវពួកគេកំណត់តម្លៃ។ល។ និង ។ល។ ដែលសរុបមក បើឈ្មួញណា បង់ថ្លៃបាយឲ្យច្រើន ពួកគេឲ្យបង់ពន្ធចូលរដ្ឋតិច។ផ្ទុយទៅវិញ បើពួកឈ្មួញណា ឲ្យថ្លៃបាយពួកគេតិច គឺពួកគេតម្រូវឲ្យ បង់ពន្ធចូលរដ្ឋច្រើន ទៅតាមច្បាប់កំណត់ អត់អាចតថ្លៃបានឡើយ។
ពាក់ព័ន្ធរឿងនេះ អង្គភាព គេហទំព័រ CSN យើងមិនអាចសុំការបំភ្លឺពីលោកប្រធានច្រកត្រពាំងផ្លុង បានទេនៅពេលនេះ អង្គភាពយើង រង់ចាំបកស្រាយ រាល់ម៉ោងធើ្វការ ដោយធ្វើការទំនាក់ទំំនង ទូរស័ព្ទលេខ 078 55 11 12 / 097 777 6000 ៕ សូមអគុណ
About Post Author
អត្ថបទផ្សេងៗ:
ACU បានរកឃើញ លោក លៀម ប៊ុនរឿន ពាក់ព័ន្ធប្រព្រឹត្តអំពើពុករលួយ កិបកេងប្រាក់ពីអំពើល្មើសច្បាប់ ១៤០ករណី សរុបចំនួនជិត៤០ម៉ឺនដុល្លារអាមេរិក ក្នុងរយៈពេលកាន់តំណែង ៣ឆ្នាំ
អុញនោះ ! លោក ម៉ឹង យូឡេង ត្រូវបានមហាជន ដាក់ការសង្ស័យថា ជាអ្នកបើកដៃ ឲ្យលោក សេង សុង ប្រធានជញ្ជីង ផ្លូវជាតិលេខ២ ប្រព្រឹត្តអំពើពុរលួយ? មិនគួរលោក ស៊ុន ចាន់ថុល មើលរំលងសោះ
ម្នាក់ទៀតហើយ! ស្ត្រីខ្មែរធ្វើការនៅកូរ៉េ ភ្លេចខ្លួនមានប្ដី លង់ស្នេហ៍ក្នុងហ្វេសប៊ុក ថតវីដេអូរបង្ហាញខ្លួន អាក្រាតកាយ មើលប្រដាប់ភេទគ្នា ទៅវិញទៅមក ចុងក្រោយអស់រាប់ម៉ឺនដុល្លារ
ប្រសាសន៍ សម្ដេចតេជោ ហ៊ុន សែន មួយឃ្លា ធ្វើឲ្យលោក ស៊ុន ចាន់ថុល និយាយលែងចេញ ចាំមើលមេឈ្មួញធំៗ ដូចជាលោក ហាក់ ម៉ៅ ហ៊ានទៀតទេ.!!!
អុញនោះ! ពិតទេ.? លោក ថង សាវុន អភិបាលខេត្ត នឹងលោក គឹម រស្មី មេប៉េអឹមខេត្ត ត្រូវបានគេសង្ស័យថា ជាអ្នកនៅពីក្រោយខ្នង នៃអាថ៌កំបាំងបទល្មើសព្រៃឈើដ៍ធំ ក្នុងតំបន់ព្រៃកន្ទុយនាគ.?
លោកស្រី ហេង ពៅ ត្រូវបានពលរដ្ឋរិះគន់ថា ជាម្ចាស់បំណុលចិត្តមា
ឯកឧត្តម នាយឧត្តសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ អញ្ជើញជាអធិបតីភាព ប្រកាសតែងតាំងស្នងការថ្មី ខេត្តមណ្ឌលគិរី
លោកស្រី ទិន សុភ័ក្ត្រ ត្រូវបានលោកព្រះរាជអាជ្ញា ខេត្តក្រចេះ ឲ្យឆ្លើយបំភ្លឺពាក់ព័ន្ធ ផ្ដល់ព័ត៌មានមិនពិត
លោក ធិន ស៊ិនដេត អធិការនគរបាល ក្រុងប៉ោយប៉ែត ពលរដ្ឋរិះគន់ថា ជាអ្នកបើកភ្លើងខៀវ ឲ្យមន្ត្រីក្រោមឱវាទរបស់ខ្លួន បើកល្បែងស៊ីសង នឹងកាងបទល្មើស.?
ប្រជាពលរដ្ឋ នឹងអាជ្ញាមូលដ្ឋាន ឃុំអូរបីជាន់ រងចាំមើលចំណត់ការ របស់ ឯកឧត្តម សួន បវរ អភិបាលខេត្ត បិទច្រករបៀងអូរបីជាន់ បានប៉ុន្មានថ្ងៃ
អាស្ទាវ២ក្បាល បបួលស្រីល្អ ទៅជក់គ្រឿងញញៀន កណ្ដាលព្រៃអូយយះទាំងយប់ ត្រៀមស្រោមទុក្ខជាមុន ក្រោយពីជក់រំលោភបូក បានសម្រេចមួយអត់មួយ.!
គួរអោយអាណិត ក្រុមគ្រួសារជនជាតិព្នង ប្រហែលជាប្ដី តូចចិត្តខ្លួនឯង ឈឺវង្វេងវង្វាន់បាត់ស្មារតី កាប់សម្លាប់ប្រពន្ធហើយ អារកសម្លាប់ខ្លួនឯង បន្សល់ទុកឲ្យកូន 3 នាក់ រស់នៅកំព្រាម៉ែឪ
មេភូមិរវៀងជ័យ លេងល្បិច ម៉ាឆ្ងាញ់.! ស្ងាត់ៗ យកដីពលរដ្ឋ ជាង១០០គ្រួសារ ទៅលក់យ៉ាងព្រងើយ.!!
ឯកឧត្តម ម៉ែន វិបុល អភិបាលខេត្ត ស្វាយរៀង ដឹកនាំប្រជុំ ការរៀបចំពិធីបុណ្យ ច្រតព្រះនង្គ័ល នាពេលខាងមុខនេះ
លោក ឧត្តមសេនីយ៍ទោ អាត់ ខែម គេសង្ស័យថា ជាអ្នកបើកដៃ ឲ្យលោក ហាំ វណ្ណះ ប្រព្រឹត្តអំពើពុករលួយ តាមរយៈឲ្យមន្ត្រីក្រោមឱវាទ បើកច្រករបៀង ឲ្យឈ្មួញនាំទំនិញគេចពន្ធ នឹង នាំពលករខ្មែរ ទៅរកងារធ្វើនៅថៃ ដោយខុសច្បាប់.!
ជួយស័រចែករំលែកផង.! ក្មេងស្រីម្នាក់ទៀតហើយ រងគ្រោះដល់ស្លាប់ ដោយសាញាំ សាច់ហកដកប៉ាត់តេ.!!!