ចេញផ្សាយដោយ ៖អង្គភាព CSN
ខេត្តកោះកុង ៖ ប្រជាពលរដ្ឋ និងមន្ត្រីសង្គមស៊ីវិលខេត្តកោះកុង បន្តរិះគន់សមត្ថកិច្ចជំនាញ ស្ថាប័នពាក់ព័ន្ធ ប្រចាំការនៅច្រកទ្វារ អន្តរជាតិចាំយាមព្រំដែន កម្ពុជា-ថៃ ថាបានបណ្ដែតបណ្ដោយ ឲ្យឈ្មួញនាំចូលទំនិញគេចពន្ធ ទំនិញបង្កប់ បង់ពន្ធមិនគ្រប់ ព្រមទាំងទំនិខូចគុណភាព។ ទំនិញទាំងនោះរួមមាន ម្ហូបអាហារ សាច់ស្រស់ខូចគុណភាព ជាដើម? ត្រូវបាននាំចូលមកកម្ពុជា តាមច្រកទ្វារនេះ ដោយមិនត្រួតពិនិត្យគុណភាពទំនិញឲ្យបានត្រឹមត្រូវទេ?។
ថ្មីៗនេះ អនុប្រធានការិយាល័យគយ និងរដ្ឋាករច្រកចាំយាម ឈ្មោះ ឡាយ សារិទ្ធ ដែលឡើងតំណែង តាមសែស្រឡាយ និងឥទ្ធិពល របស់ឪពុករបស់ខ្លួននោះ? ត្រូវក្រុមអ្នករកស៊ី នាំចូលទំនិញបន្តិចបន្ទួច មកពីប្រទេសសៀម តាមច្រកអន្តរជាតិចាំយាម ខេត្តកោះកុង ក៏ដូចជាមន្ត្រីរាជការ ប្រចាំច្រកនេះ នាំគ្នារិះគន់ថា លោក ឡាយ សារិទ្ធ បំពេញការងារមិនត្រឹមត្រូវ គឺជារូបភាពនៃការប្រព្រឹត្តអំពើពុករលួយ ជាក់ស្តែងតែម្តង។
ប្រភពព័ត៌មានខាងលើនេះ បានរៀបរាប់ថា លោក ឡាយ សារិទ្ធ និងបក្ខពួក កំពុងដើរកូរអុកឡុក ទារលុយពីអ្នករកស៊ីដឹកទំនិញបន្តិចបន្តួច? សូម្បីតែកម្មករអូសរទេះ ក៏លោក ឡាយ សារិទ្ធ មិនលើកលែងដែរ?។ ប្រភពដដែលបានបញ្ជាក់ថា ក្រុមឈ្មួញរកស៊ីនាំចូលទំនិញខូចគុណភាព ទំនិញខុសច្បាប់ និងទំនិញបង់ពន្ធមិនគ្រប់ ចាំបាច់ត្រូវតែសុំការយោគយល់ ពីលោក ឡាយ សារិទ្ធ ដើម្បីឲ្យការនាំចូលទំនិញ មានភាពរលូនល្អ?។
លោក ឡាយ សារិទ្ធ ត្រូវបានមន្រ្តីក្រោមឱវាទរបស់ខ្លួន បង្ហើបប្រាប់អ្នកសារព័ត៌មានថា កំពុងត្រូវប៉ាន់ក្នុងការដើរប្រមូលលុយ ក្នុង១ខែៗ បានរាប់សិបលានរៀល? តាមរយៈការ កោសរូសក្រុមឈ្មួញ ទាំងតូចទាំងធំ ក្រុមហ៊ុនផ្សេងៗ រថយន្តដឹកទំនិញធំៗ និងរថយន្តដឹកផ្លែ
ឈើ គឺ ឡាយ សារិទ្ធ ឲ្យបង់លុយតាមតែទំនើងចិត្ត គ្មាននរណា ហ៊ានតវ៉ានោះទេ ព្រោះជារឿយៗ លោក ឡាយ សារិទ្ធ បានយកអំណាចរបស់ខ្លួន ទៅគាបសង្កត់ឈ្មួញ?។ នេះនៅមិនទាន់គិត ចំណូក្នុងការបើកដៃនឹងឃុបឃិត ឲ្យឈ្មួញធំៗ នាំទំនិញគេចពន្ធ នឹងទំនិញបង់ពន្ធមិនគ្រប់ ចូលក្នុងស្រុកផង។
ប្រភពដដែលបានបញ្ជាក់ទៀតថា ខណៈប្រាក់ចំណេញមានចំនួនតិចតួចនោះ បែរជាមន្រ្តីជំនាញ គាបយកលុយ ក្រៅផ្លូវការ តាមរបៀបពុករលួយ? ដែលនោះជាបន្ទុកមួយធ្ងន់ធ្ងរ ធ្វើឲ្យពួកគាត់ដែលជាឈ្មួញតូចតាចប្រឈមនឹងការក្ស័យធន តែសម្រាប់ឈ្មួញធំៗ មិនបញ្ហានោះទេ។
ក្រុមប្រជាពលរដ្ឋ និងមន្ត្រីសង្គមស៊ីវិលអះអាងថា មុខទំនិញគ្រប់ប្រភេទ មានគ្រឿងភេសជ្ជៈកំប៉ុង ឬដប គ្រឿងសំអាង និងគ្រឿងឧបភោគ បរិភោគជាច្រើនមុខ ជាពិសេស សាច់ស្រស់ មានសាច់មាន់ជាដើម ត្រូវបានបន្តនាំចូល តាមច្រកទ្វារចាំយាមព្រំដែនកម្ពុជា-ថៃ នាខេត្តកោះកុង នៅពេលជិតភ្លឺជារៀងរាល់ថ្ងៃ។
អាជីវករដែលមានរបរចិញ្ចឹមជីវិត នៅតាមច្រកទ្វារចាំយាមខេត្តកោះកុង អះអាងប្រាប់អ្នកយកព័ត៌មា CSN ថា ទំនិញគ្រប់ប្រភេទ ទាំងខូចគុណភាព និងទំនិញគេចពន្ធ ត្រូវបានឈ្មួញនាំចូលតាមរថយន្ត និងរទេះអូសជាដើម។ ពួកគេសង្ស័យថា អ្នកនាំចូលទំនិញទាំងនោះបានឃុបឃិត ជាមួយមន្ត្រីជំនាញមួយចំនួន នៃស្ថាប័នកាំកុងត្រូល សាខាខេត្តកោះកុង និងសាខាគយ និងរដ្ឋាករខេត្តនេះជាដើម ជាថ្នូរទទួលបានសំណូកពុករលួយ។
ទង្វើលោក ឡាយ សារិទ្ធ អុនប្រធានការីយាល័យគយនឹងរដ្ឋាករ ច្រកទ្វារអន្តរជាតិចាំយាម ប្រព្រឹត្តអំពើពុករលួយ ឃុបឃិតឲ្យឈ្មួញនាំទំនិញគេចពន្ធ ទំនិញបង់ពន្ធមិនគ្រប់ ទំនិញខូចគុណភាព ចូលមក កម្ពុជា ជាពិសេសគឺគាបជំរិត យកលុយពីឈ្មួញតូចតាច តាមអំពើចិត្ត តើរឿងនេះលោក ប្រធានសាខាគយនឹងរដ្ឋាករខេត្ត
កោះកុង មិនដឹង ឬធ្វើមិនដឹង បើកដៃឲ្យ ឈ្មោះ ឡាយ សារិទ្ធ ប្រព្រឹត្តអំពើពុករលួយ ដើម្បីកើបប្រមូលលុយ ដាក់ហោប៉ៅ ចែកបក្ខពួករបស់ខ្លួន ទង្វើបែបនេះ មិនគួរកឧត្តម បណ្ឌិត គុណ ញឹម អគ្គនាយកដ្ឋានគយនឹងរដ្ឋាករ មើលរំលងទេ ជាពិសេស លោក ឱម យិនទៀង ប្រធានអង្គភាព ប្រឆាំងអំពើពុករលួយ មេត្តាដាក់ការអង្កេត ទៅលើការិយាល័យគយនឹងរដ្ឋាករ ច្រកចាំយាម ខេត្តកោះកុង ជាបន្ទាន់ផង ជៀសវាងកន្ទេលធំបន្លំដេកតទៅទៀត។
ក្នុងការលើកឡើងខាងលើ អង្គភាព CSN មិនអាចស្វែងរកការបំភ្លឺ ពីស្ថាប័នពាក់ព័ន្ធ ច្រកទ្វារអន្តរជាតិ កោះកុង នឹងលោក ឡាយ សារិទ្ធ បានទេនៅថ្ងៃនេះ អង្គភាពយើងរង់ចាំ ការបកស្រាយបំភ្លឺ ពីស្ថាប័នពាក់ព័ន្ធ នឹងលោក ឡាយ សារិទ្ធ នៅពេលក្រោយ រាល់ម៉ោងធ្វើការ៕ដោយអ្នកប្រមាញ់ 097 777 6000
About Post Author
អត្ថបទផ្សេងៗ:
ឈ្មួញឈើ ស៊្រុន ផឹង ឡាយ ជាមន្ត្រីអាវុធហត្ថ កំពុងល្បីនៅខេត្តត្បូងឃ្មុំ ខាងដឹកជញ្ជូនឈើឆ្លងដែនទៅស្រុកយួន ដោយប្រើឈ្មោះលោក វ៉ា សារិទ្ធ មេបញ្ជាការអាវុធហត្ថខេត្ត មកកាងមុខជំនួញឈើខុសច្បាប់របស់ខ្លួន.!
លោក អ៊ុំ សារិទ្ធ ត្រូវបានព្រឹទ្ធសភាបោះឆ្នោតជ្រើសតាំងជាសមាជិកឧត្ដមក្រុមប្រិក្សា នៃអង្គចៅក្រម
លោកស៊ុនចាន់ថុលមិនគួមើលរំលងទង្វើលោកព្រុំវិរ: ប្រធានស្ថានីយថ្លឹងរថយន្តកូនដំរីចរិតពើងទ្រូង ប្រព្រឹត្តអំពើពុករលួយ
លោក ម៉ក់ ពេជ្ជរិទ្ធ រងការរិះគន់ពីមន្រ្តីក្រោមឪវាទ និងអ្នករកស៊ីដឹកទំនិញនៅច្រកគីឡូ១៣ ថាបានបើកដៃឲ្យមន្រ្តីប្រចាំច្រក ប្រព្រឹត្តអំពើពុករលួយ
លោក ពាន គីរ៉ាត់ កំពុងយកតួនាទី ជាមេគយ ៥ខេត្ត ប្រព្រឹត្តអំពើពុករលួយ យ៉ាងបើកចំហ.!
អគ្គនាយកគយ គុណ ញឹម មិនគួមើលរំលងសកម្មភាព លោក កែវ វណ្ណី ប្រធានសាខាគយខេត្តតាកែវ បើកដៃឲ្យមន្ត្រីក្រោមឱវាទ ប្រព្រឹត្តអំពើពុករលួយ យ៉ាងគឃ្លើននោះទេ
លោក អ៊ុំ ចាន់រតនា មេគយច្រកដូង អាងខ្នងលោក គុណ ញឹម ប្រព្រឹត្តអំពើពុករលួយ ជិះសេះលែងដៃ ក្នុងការប្រមូលពន្ធ.!
លោក យី ថុល មេគយច្រកព្រែកចាក អាងខ្នងបង្អែងលោក ហេង សំបូរ មេសាខាគយខេត្ត ឃុបឃិតជាមួយឈ្មួញធំៗ ប្រព្រឹត្តអំពើពុករលួយ គ្មានញញើត.!
លោក អូន ព័ន្ធមុនីរ័ត្ន នឹងលោក គុណ ញឹម អគ្គនាយកគយនឹងរដ្ឋាករកម្ពុជា រងការរិះគន់ពីមហាជនថា? បើកដៃឲ្យលោក មួង ដារ៉ា ប្រព្រឹត្តអំពើពុករលួយ ដើម្បីចែកប្រយោជន៍គ្នា
លោក អូន ព័ន្ធមុនីរ័ត្ន នឹងលោក គុណ ញឺម មិនគួរបណ្ដោយឲ្យលោក ព្រាប គារ៉ាត់ មេគយចល័តនឹងបក្ខពួក ប្រព្រឹត្តអំពើពុករលួយ តទៅទៀតទេ
រឿងត្រីងៀតឆ្លៀតពង ! លោក ហួត ប៊ុនគីម យកអំណាចនឹងតួនាទី ប្រព្រឹត្តអំពើពុករលួយ ឃុបឃិតឲ្យឈ្មួញវៀតណាម ប្រមូលទិញឈើខុសច្បាប់ ដាក់ក្នុងបន្ទាយដើម្បីប្រយោជន៍ផ្ទាល់ខ្លួន
លោក ប៊ុន សារ៉េត នាយកទីចាត់ការលទ្ធកម្ម រងការរិះគន់ពីមន្ត្រីរាជការ នឹងប្រជាពលរដ្ឋថា ប្រព្រឹត្តអំពើពុករលួយ ចាក់ឬសកាន់តែខ្លាំង មិនគួរលោក ឃួង ស្រេង អភិបាលក្រុងថ្មី មើលរំលងទេ
លោក ឧត្តមសេនីយ៍ទោ អាត់ ខែម គេសង្ស័យថា ជាអ្នកបើកដៃ ឲ្យលោក ហាំ វណ្ណះ ប្រព្រឹត្តអំពើពុករលួយ តាមរយៈឲ្យមន្ត្រីក្រោមឱវាទ បើកច្រករបៀង ឲ្យឈ្មួញនាំទំនិញគេចពន្ធ នឹង នាំពលករខ្មែរ ទៅរកងារធ្វើនៅថៃ ដោយខុសច្បាប់.!
ក្រុមចោលួចម៉ូតូ គោក្របី នៅខេត្តស្ទឹងត្រែង អស់ល័ក្ខត្រូវសមត្ថកិច្ចក្របួចជាប់
កម្លាំងសមត្ថកិច្ចចម្រុះ នឹង អាជ្ញាធរខ័ណ ចុះរៀបចំសណ្ដាប់ធ្នាប់កាលក់ដូរអនាធិបតេយ្យ លើផ្លូវសាធារណ:
លោក ហ៊ុយ សុជាតិ ត្រូវបានតែងតាំងជា ប្រធានការិយាល័យគយនឹងរដ្ឋាករ ច្រកអត្តរជាតិក្រុងប៉ោយប៉ែតជំនួសលោក ឈួន ហៃ