ចេញផ្សាយដោយ ៖ អង្គភាព CSN
ខេត្តរតនគិរី ៖ នណាក៍គេស្គាល់ដែលថា ក្រុមហ៊ុន ទ្រី ភាព ជាក្រុមហ៊ុន មួយដ៍ធំ ល្បីខាងប្រមូលទិញឈើ នៅស្រុកខ្មែរ ធ្វើជំនួញទៅប្រទេសក្រៅ ក្រោយពីមាន ភាព ស្ងប់ស្ងាត់មួយរយៈ បច្ចុប្បន្ន ត្រូវបានប្រភព ពីមន្ត្រីរាជការ និងសមត្ថកិច្ចតូចតាច ក្នុងខេត្តរតនគិរី បានបង្ហើបឲ្យដឹងថា លោក សាល ដែលជាមេការ នឹងជាមនុស្សស្និទ្ធ លោក ឧកញ៉ា ទ្រី ភាព នៅតែបន្ត ប្រមូលទិញឈើ ដឹកទៅស្តុកទុក ក្នុងឃ្លាំងមួយកន្លែង ក្បែរច្រកទ្វារអន្តរជាតិអូរយ៉ាដាវ ដោយគ្មានមន្ត្រីជំនាញ ឬសមត្ថកិច្ចពាក់ព័ន្ធណាហ៊ាន ប៉ះពាល់ឡើយ។
ប្រភពបានបន្តថា បើតាមការអួងអាង ពីសំណាក់ មេឈ្មួញឈើ ដែលជាកូនដៃ ក្នុងការដើរប្រមូលទិញឈើ ឲ្យលោក សាល តាមបណ្ដាលស្រុកនានា ក្នុងខេត្តរតនគិរី បានឲ្យដឹងថា មន្ត្រីរដ្ឋបាលព្រៃឈើ នគរបាលប្រឆាំងបទល្មើស សេដ្ឋកិច្ច និងសមត្ថកិច្ចផ្សេងទៀតសុទ្ធតែ មានទំនាក់ទំនងល្អ ជាមួយលោក សាល ច្រើនឆ្នាំ មកហើយ ដោយទទួលបាន ផលប្រយោជន៍ជាប្រចាំ។ ហេតុនេះហើយ ទើបលោក សាល អាចរៀបចំជាក្រុម ឲ្យដើរប្រមូលទិញឈើ ពីបណ្តាលស្រុកនានា ក្នុងខេត្តរតនគិរី ហើយដឹកជញ្ជូន យកទៅរក្សាទុក ក្បែរ ច្រកអូរយ៉ាដាវ យ៉ាងរលូន គ្មានឧបសគ្ក អ្វីទាំងអស់។
សមត្ថកិច្ចនគរបាល ក្នុងខេត្តរតនគិរី មួយចំនួន បានបន្តឲ្យដឹងទៀតថា លោក សាល គឺជាមេការ ទទួលបន្ទុក ខាងរកស៊ីឈើ របស់ ឧកញ៉ា ទ្រី ភាព នៅក្នុងខេត្តរតនគិរី ច្រើនឆ្នាំមកហើយ គ្មាននរណាហ៊ានប៉ះពាល់ទេ។ លោក សាល គឺជាមេការធំជាងគេ ក្នុងខេត្តរតនគិរី ហើយមានទំ នុកចិត្តខ្លាំងពី ឧកញ៉ា ទ្រី ភាព ផងដែរ ជាងនេះទៅទៀត ជំនួញឈើរបស់ក្រុមហ៊ុន ទ្រី ភាព ក្នុងខេត្តរតនគិរី នាពេលកន្លងមកស្ថិតក្នុងកណ្តាប់ដៃ លោក សាល ទាំងស្រុង។
ពាក់ព័ន្ធក្នុងការ បន្តប្រមូលទិញឈើ ខាងលើ ក៍មានមានការលើកឡើង ពីមតិមហាជនផងដែលថា កន្លងមក ឧកញ៉ា ទ្រី ភាព ធ្លាប់បានអះអាង ពីរឿងឈប់កាប់ឈើ នឹងឈប់ធ្វើជំនួញឈើ ទៀតហើយ ក៏ប៉ុន្តែ ជាក់ស្តែង គេនៅតែឃើញ មេការ ឧកញ៉ា ទ្រី ភាព មួយចំនួន នៅតែប្រមូលទិញឈើ និងដឹកជញ្ជូនឈើ ដោយពួកគេអួតអាងថា ពួកគេប្រមូលទិញ ដាក់ឃ្លាំង ទ្រី ភាព ហើយដឹកចេញទៅស្រុកយួន ដោយគ្មានញញើតអ្វីទាំងអស់។
មតិមហាជន បានលើកឡើងថា ដោយសារតែលោក សាល បន្តប្រមូលទិញឈើ ក្នុងខេត្តរតនគិរី បែបនេះហើយ ទើបបទល្មើស កាប់ឈើ ក្នុងព្រៃការពារ ព្រៃអភិរក្ស ព្រៃសហគមន៍ ព្រៃដែនជម្រកសត្វ និងឧទ្យានជាតិវីរៈជ័យ នៅតែបន្តកើតមាន យ៉ាងមហន្តរាយ។ ជាមួយគ្នានេះ លោក ថង សាវុន ចៅហ្វាយខេត្ត រតនគិរី នឹងលោក កែប កត់ នាយខណ្ឌ រដ្ឋបាលព្រៃឈើ ខេត្តរតនគិរី និង ប្រធានមន្ទីរ បរិស្ថានខេត្ត គេដាក់ការថា៖ សង្ស័យថា បានទទួលប្រយោជន៍ ពីលោក សាល មេការក្រុមហ៊ុន ទ្រី ភាព យ៉ាងក្រាស់ក្រែលហើយ បានជាបណ្តោយ ឲ្យបទល្មើសកាប់ឈើ និងដឹកជញ្ជូនឈើខុសច្បាប់កើតឡើង យ៉ាងអនាធិបតេយ្យ។
ពាក់ព័ន្ធការលើកឡើង ពីសមត្ថកិច្ច នឹងមហាជនខាងលើ អង្គភាព CSN មិនអាចស្វែងការបកស្រាយបំភ្លឺ ពីលោក សាល បានទេថ្ងៃនេះ ដោយគ្មានលេខទំនាក់ទំនង អង្គភាពយើងរង់ចាំ ការបកស្រាយនៅពេលក្រោយ រាល់ម៉ោងធ្វើការ។
សូមបញ្ជាក់ រាល់ការចេញផ្សាយ អង្គភាពយើង ផ្សាយតែព័ត៌មានពិត ជាក់លាក់ ច្បាស់លាស់ មិនលំអៀង គឺយោងទៅតាមប្រភព ច្បាស់ការណ៍ ជាក់លាក់ នឹងឯកសារមួយចំនួន ប្រសិនសាមីខ្លួន ឬស្ថាប័នពាក់ព័ន្ធ គិតថា មិនត្រឹមត្រូវ អង្គភាពយើង ទទួលនូវការរិះគន់ ពីសំណាក់អស់លោក រាល់ម៉ោងធ្វើការ អាចទំនាក់ទំនងមកកាន់ការិយាល័យ តាមរយៈទូរស័ព្ទលេខ 097 777 6000 ៕ ដោយអ្នកប្រមាញ់
About Post Author
អត្ថបទផ្សេងៗ:
កក្រើតទៀតហើយ ! លោក វិសាល អាងខ្លួនជាមនុស្សស្និទ្ធ របស់លោកឧកញ៉ា ទ្រី ភាព ធ្វើជំនួញឈើទ្រង់ទ្រាយធំ នៅខេត្តរតនគិរី ល្បីថា៖ឧកញ៉ា ទ្រី ភាព ជាអ្នកនៅពីក្រោយ នៃបទល្មើសឈើនេះ..?
ឈ្មួញឈ្មោះ កែវ សុងហេង ជ្រកក្រោមស្លាកក្រុមហ៊ុន « អ៊ឹមឌីអេស » របស់លោកឧកញ៉ា ទ្រី ភាព បំផ្លិចបំផ្លាញព្រៃឈើយ៉ាងរាលដាល
គ្រាន់តែជាអាមីអាថោងយាមដី ឧកញ៉ា ទ្រី ភាព នឹង ឧកញ៉ា អ៊ុក គឹមសាន មានអំណាចដាក់គ្រឿងចក្រ រំលោភយកដីគ្រូសារកងទ័ព នៅអានសេះអស់ជិត៣០ហិកតា
អគ្គីភ័យលេបត្របាក់ ផ្ទះប្រជាពលរដ្ឋ អស់៤៥ខ្នង នៅសង្កាត់ស្រះចក បន្សល់នៅតែធ្យូងនឹងផេះ
សារលិខិតចូលរួមអបអរសាទរ និងជូនពរ ក្នុងឱកាសទិវា ខួបអនុស្សាវរីយ៍លើកទី១០៦ សិទ្ធិនារី ៨មិនា ឆ្នាំ២០១៧
ឯកឧត្តម ខៀវ កាញារិទ្ធ រដ្ឋមន្ត្រីក្រសួងព័ត៌មាន បានអញ្ជើញនាំយកថវិកា ទៅប្រគេនដល់ព្រះសង្ឃ ក្នុងការកសាងផ្លូវបេតុងប្រវែង១០០០ម៉ែត្រ
សម្ដេតេជោហ៊ុនសែន នាយករដ្ឋមន្ត្រី នៃកម្ពុជា អញ្ជើញជាអធិបតី បើកកិច្ចប្រជុំតុមួលចិនលើកទី៥ នៅសណ្ឋាគាសុខា ខេត្តសៀមរាប
លោក យូ សុធារិទ្ធ ប្រធានស្នាក់ការ នគរបាលអន្តោប្រវេសន៍ ច្រកជាំសាងាំ ល្បីខាងប្រព្រឹត្តអំពើពុករលួយ ច្របាច់ករាស្ត្រ តាមរយៈធ្វើប័ណ្ណឆ្លងដែន
ឯកឧត្តម ម៉ៅ ធនិន អភិបាលខេត្តពោធិ៍សាត់ រងការរិះគន់ ពីសំណាក់ប្រពលរដ្ឋ នឹងមន្ត្រីរាជការក្នុងខេត្ត ថាមានការបើកភ្លើងខៀវ ឲ្យឈ្មួញបូមខ្សាច់បំផ្លាញរម្មណីដ្ឋានកោះថាស នឹងទំនប់តំណាក់អំពិល
សាជូនពរ ឆ្នាំរកា នព្ធស័ក ពុទ្ធករាជ ២៥៦១ ប្រសិទ្ធពរជ័យ សិរីមង្គល មហាប្រសើ គ្រប់ក្រុមគ្រួសារ
ពលរដ្ឋរិះគន់លោក រុណ រ័ត្នវាសនា មេប៉ូលិសចរាចរណ៍ ម៉ាស្រុកខ្មែរ អាងអំណា បញ្ជាឲ្យលោកអធិិការ ស្រុកខ្សាច់កណ្ដាល ដោះលែងជនបង្ក ព្រមទាំងរថយន្ត ទាំងពុំទាន់ដោះស្រាយ ជូនដល់ជនរងគ្រោះ
ឈ្មួញឧក្រិដ្ឋព្រៃឈើដុះស្លែ ឈ្មោះ ហ្វឿង ធីម៉ាយ ហៅ« យាយ ម៉ាយ » ជនជាតិវៀតណាម យកដុល្លារមកបំផ្លិចបំផ្លាញ ព្រៃស្រុកខ្មែរអស់ ឥឡូវជំរុញឲ្យខ្នែរឡើងកាប់ឈើស្រុកថៃ
លោក ប៉ា សុជាតិវង្ស មើលឃើញតែមួយជ្រុងតូច តែមើលមិនឃើញ កាកកស្ទះសព្វថ្ងៃបណ្ដាលមកពី….
អស្ចារ្យមែន លោក ហ៊ុយ សុជាតិ មេគយប៉ោយប៉ែតល្បីថាថ្លៃបាយនិងខារ៉ាអូខេមួយយប់ ជិត១ម៉ឺនដុល្លា សម្រាប់ឈ្មួញសុំស្គាល់
បែកធ្លាយភាពមិនប្រក្រតី របស់លោក ហ៊ុយ ទូច ប្រធានការិយាល័យ ផលិតកម្មបសុព្យាបាល ខេត្តបន្ទាយមានជ័យ មានការធូរលុងទៅលើឈ្មួញនាំជ្រូកចូល
លោក ហ៊ុយ សុជាតិ មេគយច្រកប៉ោយប៉ែត កាន់តែគឃ្លើនឡើងៗ ជិះសេះប្រលែងដៃ ក្នុងការប្រព្រឹត្តអំពើពុករលួយ អាងខ្នងលោក ឆែ សុធា ប្រធានសាខាគយ នឹងរដ្ឋាករ ខេត្តបន្ទាយមានជ័យ