កណ្ដាល ៖ ខ្ញុំបាទ បាន គន្ធី ក្នុងនាមជាចាងហ្វាងការសែត « កម្ពុជា ជោគជ័យ » នឹងគេហទំព័រ ស៊ី អេស អិន« CSN » នឹង CSN TV online សូមប្រសិទ្ធិ៍ពរជ័យ បវរមហាប្រសើរ ថ្វាយ និងជូនចំពោះថ្នាក់ដឹកនាំស្ថាប័នជាតិទាំងអស់ សូមមានព្រះបញ្ញាញាណថ្មី ប្រាជ្ញាស្មារតីភ្លឺថ្លា ដើម្បីបានដឹកនាំកម្ពុជា ឲ្យឈានឆ្ពោះទៅរកនីតិរដ្ឋ សិទ្ធិ សេរីភាព និងអភិវឌ្ឍន៍ រីកចម្រើនរុងរឿង ជានិច្ចនិរន្តរ៍ ។
សូមជូនពរ ទ្រុង ឯកឧត្តម លោកឧកញ៉ា លោកជំទាវ អស់លោក លោកស្រី នឹងមិត្តអ្នកអាន ព្រមទាំងមិត្តរួមអាជីព សារព័ត៌មានទាំងអស់ ដែលបានគាំទ្រ នូវការផ្សព្វផ្សាយ គេហទំព័រសារព័ត៌មាន ស៊ី អេស អិន « CSN » សូមឲ្យបារមីនៃទេវតាឆ្នាំថ្មី ឆ្នាំរកា នព្វស័ក ព្រះនាម កិមិរាទេវី ជួយបីបាច់ថែរក្សា អស់លោក ឲ្យបានជួបប្រទះ តែនឹងសុខភាពល្អបរិបូរណ៍ កម្លាំងពលំមាំមួន ប្រាជ្ញាវាងវៃ និងបានប្រកប ដោយពរ ទាំង៥ប្រការ គឺ អាយុ វណ្ណៈ សុខៈ ពលៈ និងបដិភាណៈ កុំបីឃ្លៀងឃ្លាតឡើយ ។
សូមទេវតាឆ្នាំថ្មី ព្រះនាម កិមិរាទេវី ជួយអភិបាល គ្រប់គ្រងរក្សា និងប្រសិទ្ធិ៍ពរជ័យ ដល់ប្រជាពលរដ្ឋខ្មែរគ្រប់រូប ឲ្យមានសមានចិត្ត ជាកុសល យោគយល់គ្នា សន្តោសប្រណីគ្នា សាមគ្គី រួមសុខ រួមទុក្ខ ជាមហាគ្រួសារតែមួយ នៅលើទឹកដី មាតុភូមិអង្គរ ជាទីស្នេហា ដោយសេចក្តីសុខ ក្សេមក្សាន្ត ប្រកបដោយកិត្តិយស សេចក្តីថ្លៃថ្នូរ តរៀងទៅ ។