លោក សាំ ពិសិដ្ឋ រងការរិះគន់ពីមន្ត្រីក្រោមឱវាទថា អាងខ្នងលោក ស៊ុន ចាន់ថុល ធ្វើអ្វីៗតាមតែអំពើចិត្ត

ចេញផ្សាយ ថ្ងៃពុធ ទី០៩ ខែសីហា ឆ្នាំ២០១៧ ដោយ ៖ អង្គភាព CSN ទំនាក់ទំនងផ្ដល់ព័ត៌មាន នឹងផ្សាយពាណិជ្ជកម្ម 078 55 11 12 / 097 777 6000

ភ្នំពេញ ៖ លោក សាំ ពិសិដ្ឋ ប្រធានមន្ទីរសាធារណៈការ នឹងដឹកជញ្ជូន រាជធានីភ្នំពេញ ត្រូវបានមន្ត្រីរាជការ ក្រោមឱវាទ នៅក្នុងមន្ទីរ ធ្វើការរិះគន់ថា ការដែល​លោក សាំ ពិសិដ្ឋ ប្រធាន​មន្ទីរ​សាធារណការ​ រាជធានី​ភ្នំពេញ ហ៊ាន​ធ្វើ​អ្វីៗ​ តាម​តែ​អំពើ​ចិត្ត​ ដោយសាមាន​ការឃុបឃិត ​បើកដៃ​ ពី​សំណាក់​លោក ស៊ុន ចាន់ថុល រដ្ឋមន្ត្រីក្រសួង​សាធារណការ និង​ដឹកជញ្ជូន​ផងដែរ​។

ប្រភពបានបន្តថា ផ្លូវ​ក្នុង​រាជធានី​ភ្នំពេញ ជាច្រើន​ខ្សែ​ ធ្វើ​មិនទាន់​រួចរាល់​ផង​ ក៏​ខូច​ទៅវិញ​អស់ ដោយសារតែ​ផ្លូវ​ទាំងនោះ​ គ្មាន​គុណភាព ​និង​ធ្វើ​មិន​ត្រឹមត្រូវ​ តាម​បទដ្ឋាន​បច្ចេកទេស​ ដែលមហាជនគេហៅថា? ចាក់​ស្ដើង​ស៊ី​ក្រាស់​ ជាក់ស្ដែង ​ផ្លូវ​ជាច្រើន​ខ្សែ​ ក្នុង​រាជធានី​ភ្នំពេញ​កំពុង​ខូច​វិញ​ ជា​បន្តបន្ទាប់​ ដូចជា ផ្លូវ​នៅ​សង្កាត់​ទួល​ទំពូង​ទី​២ ខណ្ឌចំការមន​ជាដើម ហើយ​បច្ចុប្បន្ន​ផ្លូវ​ទាំងនោះ​ កំពុង​ធ្វើ​ឡើងវិញផងដែរ​។ ទាំងនេះដោយសាតែ កើតមាន​អំពើពុករលួយ មិនគិតពីគុណភាពផ្លូវ នឹងផលប្រយោជន៍ជាតិទេ គឺលោកប្រធានមន្ទីររូបនេះ គិតតែពីកេងចំណេញ ពីរាជរដ្ឋាពិបាល យកលុយដាក់ហោ
ប៉ៅ ធ្វើមានធ្វើបាន នឹងជូនទៅមេធំ នៅក្រសួងសាធារណៈការ នឹងដឹកជញ្ជូន សម្រាប់ទប់តំណែង នឹងរក្សាកៅអីរបស់ខ្លួនតែប៉ុណ្ណោះ។

ប្រភពដដែរ បានរំលឹក​ឲ្យដឹងដែរ​ថា​ កាលពី​អំឡុង​ដើមខែ​មេសា ឆ្នាំ​២០១៦ កន្លងទៅ ​លោកនាយក​រដ្ឋមន្ត្រី ហ៊ុន សែន ធ្លាប់​ព្រមាន​ខ្លាំងៗ ​ទៅលើ​លោក សាំ ពិសិដ្ឋ ប្រធាន​មន្ទីរ​សាធារណការ និង​ដឹកជញ្ជូន​រាជធានី​ភ្នំពេញ ដែល​ធ្វើ​ផ្លូវ​គ្មាន​គុណភាព​ ហើយ​សូម្បីតែ​ជួស
ជុល​ផ្លូវ​ឡើងវិញ​ ក៏​មិន​បានល្អ​ដែរ​។ ប៉ុន្តែ​រហូតមក​ដល់ពេលនេះ​ លោក ស៊ុន ចាន់ថុល រដ្ឋមន្ត្រីក្រសួង​សាធារណការ និង​ដឹកជញ្ជូន រក្សាភាពស្ងៀមស្ងាត់ មិនទាន់​ចាត់វិធានការ ​ទៅលើ​ភាព​អសកម្ម​ និង​ខ្វះ​ការទទួលខុសត្រូវ ​រប​ស់លោក សាំ ពិសិដ្ឋ នៅឡើយ​ទេ​ ហើយ​លោក សាំ ពិសិដ្ឋ នៅតែ​កាន់កាប់​តំណែង ​ជា​ប្រធាន​មន្ទីរ​សាធារណការ​ រាជធានី​ភ្នំពេញ​ យ៉ាង​សុខ​ស្រួល​។ ហេតុនេះហើយ ​ទើប​មានការ​សង្ស័យថា លោក ស៊ុន ចាន់ថុល រដ្ឋមន្ត្រីក្រសួង​សាធារណការ ទទួលបាន​ផលប្រយោជន៍​ ពី​លោក សាំ ពិសិដ្ឋ ទើប​បណ្ដោយ​ឲ្យ​លោក សាំ ពិសិដ្ឋ ធ្វើ​អ្វីៗ​ តាម​អំពើ​ចិត្ត​របស់ខ្លួន​។

​ថ្មីៗ​នេះ​ រឿងអាស្រូវពុករលួយ របស់លោក សាំ ពិសិដ្ឋ ប្រធសនមន្ទីរសាធារណៈការ នឹងដឹកជញ្ជូន រាជធានីភ្នំពេញ ត្រូវបានបណ្ដាញ​ព័ត៌មាន ​មួយចំនួន ​បាន​ផ្សព្វផ្សាយ​ ពី​ភាព​អសកម្ម​ និង​អំពើពុករលួយ ​របស់លោក ប្រធានមន្ទីររូបនេះ ដែល​ល្បីល្បាញ​ ខាង​ពុករលួយ ​ធ្វើ​ផ្លូវ ជួសជុល​ផ្លូវ​ គ្មាន​គុណភាព​។

បើតាមប្រភពពីមន្ត្រីស្និទ្ធ នៅក្នុងមន្ទីរសាធារណៈការនឹងដឹកជញ្ជូន រាជធានីភ្នំពេញ ក៍មានការ​រិះគន់​ចំៗ​ ផងដែរថា សូម្បីតែ​ករណី​ប្រឡង​ យក​ប័ណ្ណបើកបរ​រថយន្ត ក៏ដូចជា​ការធ្វើ​ស្លាក​លេខ​ឡាន និង​ម៉ូតូ ក៏មាន​អំពើពុករលួយ​ កើតឡើង​ដែរ ហើយ​លោក ស៊ុន ចាន់ថុល រដ្ឋមន្ត្រីក្រសួង​សាធារណការ បែរជា​រក្សា​ភាព​ស្ងៀមស្ងាត់​។ហេតុនេះ មានការ​អំពាវនាវ​ ឲ្យ​លោក ស៊ុន ចាន់ថុល រដ្ឋមន្ត្រី ក្រសួង​សាធារណការ និង​ដឹកជញ្ជូន ពិនិត្យមើល​ឡើងវិញ ​អំពី​ភាព​អសកម្ម​ និង​អំពើពុករលួយ ​របស់លោក សាំ ពិសិដ្ឋ ដើម្បី​កុំ​ឲ្យ​ប៉ះពាល់​ ដល់​កេរ្តិ៍ឈ្មោះ​ ក្រសួង​សាធារណការ និង​ដឹកជញ្ជូន​តទៅទៀត។

គួររំលឹកផងដែរថា ភាពមិនប្រក្រតី កើតមានអំពើពុករលួយ នៅក្នុងមន្ទីរសាធារណៈការ នឹងដឹកជញ្ជូន រាជធានីភ្នំពេញនេះ ល្បីល្បាញយូឆ្នាំមកហើយ ដោយសាតែលោក សាំ ពិសិដ្ឋ ប្រធានមន្ទីររូបនេះ មានខ្នងបង្អែកដ៍រឹងមាំ នៅក្រសួងសាធារណៈការ នឹងដឹកជញ្ជូន ទើបលោកប្រធានមន្ទីររូបនេះ រក្សាតំណែង នឹងកៅអីមករបស់ខ្លួន មកដល់សព្វថ្ងៃនេះ យ៉ាងក្រអឺតក្រទម មិនខ្វល់ពីការរិះគន់អ្វីទាំងអស់។ ហើយមកដល់ថ្ងៃនេះ អង្គភាព CSN មិនអាចស្វែងរកការបកស្រាយពន្យល់ ពីលោក សាំ ពិសិដ្ឋ ពាក់ព័ន្ធរឿងរាវខាងលើនេះបានទេ។

សូមបញ្ជាក់ រាល់ការចេញផ្សាយ អង្គភាពយើង ផ្សាយតែព័ត៌មានពិត ជាក់លាក់ ច្បាស់លាស់ មិនលំអៀង គឺយោងទៅតាមប្រភព ច្បាស់ការណ៍ នឹងឯកសារមួយចំនួន ប្រសិនសាមីខ្លួន ឬស្ថាប័នពាក់ព័ន្ធ គិតថា មិនត្រឹមត្រូវ សម្ដេច ទ្រុង ឯកឧត្តម ឧកញ៉ា លោកជំទាវ អស់លោក លោកស្រី អាចធ្វើលិខិតស្នើសុំ មកការិយាយ័ល អង្គភាពយើងខ្ញុំ ដោយមានឯកសាមួយចំនួន ដើម្បីធ្វើការ កែតម្រូវឡើងវិញបាន តារយៈទូរស័ព្ទ លេខ 097 777 6000 រាល់ម៉ោងធ្វើការ៕ ដោយអ្នកប្រមាញ់់

សូមជួយស៊ែរព័ត៌មាននេះផង: