ធ្លាយរឿងគយស្រលាញ់តំណែង ! ល្បីថាលោកឧកញ៉ា ហ៊ីវ គឹមហេង ប្រើអំណាចជាឧកញ៉ា រត់ការពន្យាអាយុ បន្តការងារជានាយករង នៃអគ្គនាយកដ្ឋានគយ៣ឆ្នាំទៀត?

ចេញផ្សាយ ថ្ងៃព្រហស្សតិ៍ ទី២៤ ខែសីហា ឆ្នាំ២០១៧ ដោយ ៖ អង្គភាព CSN ទំនាក់ទំនងផ្ដល់ព័ត៌មាន នឹងផ្សាយពាណិជ្ជកម្ម 078 55 11 12 / 097 777 6000

រាជធានី​ភ្នំពេញ ៖ តាម​ប្រភពព័ត៌មាន ពីមន្ត្រីគយតូចតាច ក្នុងអគ្គនាយកដ្ឋានគយ នឹងរដ្ឋាករកម្ពុជា បាន​ទម្លាយឲ្យ​ដឹងថា ៖ លោកឧកញ៉ា ហ៊ីវ គឹមហេង បន្ទាប់ពី​រត់ការ​ឡើង​តំណែង ជា​អគ្គនាយករង នៃ​អគ្គនាយកដ្ឋា​ន​គយ និង​រដ្ឋាករ​កម្ពុជា បច្ចុប្បន្ន​ទទួលបានជោគជ័យ​ មួយ​ជំ​ហ៊ានទៀត ​គឺ​រត់​ការពន្យាអាយុ​ ចូល​នី​វត្ត​ន៍ ដើម្បីនៅបន្តជាអគ្គនាយករង នៃអគ្គនាយកដ្ឋានគយ នឹងរដ្ឋាករកម្ពុជា ក្នុង​រយៈកាល ៣ឆ្នាំ​ទៀត បើគិតមកដល់ពេលនេះ បានមួយឆ្នាំរួចមកហើយ។

ប្រភពបានបន្តឲ្យដឹងទៀតថា មន្ត្រី​គយ ​មានងារ​ជា​ឧកញ៉ា គឺលោក ហ៊ី​វ គឹម​ហេង ដែល​ធ្លាប់ ទទួលរងទណ្ឌកម្ម​វិន័យ​ ផ្លាស់ចេញ​ដោយបង្ខំ​ពីមុខ​ងារ និង​ដាក់​ឲ្យ​នៅ​ទំនេរ គ្មាន​បៀវត្សរ៍​ រយៈ​ពេល០៦ខែ​ ដោយ​អនុក្រឹត្យ ​លេខ៧៥៧អនក្រ.ត​ត​ ចុះ​ថ្ងៃទី០១ខែធ្នូ ​ឆ្នាំ២០០
៦ ដោយសារ​ប្រព្រឹត្ត​កំហុសឆ្គង​ ខ្វះខាត​ក្នុង​កាតព្វកិច្ច​ បំពេញការងារ​ កាល​នៅ​ជា​ប្រធាន​សាខាគយ ​និង​រដ្ឋាករ​ ខេត្តបន្ទាយមានជ័យ។

សូមបញ្ជាក់ថា.ក្នុង​រយៈពេល​ជិត២ឆ្នាំ ក្រោយ​បន្ទាប់ពី​ដកចេញ​ពី មេ​គយ​ខេត្តបន្ទាយមានជ័យ លោក​ឧកញ៉ា ហ៊ី​វ គឹម​ហេង .ក៏​ទទួល​បានការតែងតាំង​ ជាប្រធាន​នាយកដ្ឋាន​រដ្ឋបាល និង​គ្រប់គ្រង ​នៃ​អគ្គនាយកដ្ឋាន​គយ​ និង​រដ្ឋាករ​កម្ពុជា ដោយ​អនុក្រឹត្យ​ លេខ១១៣៦
អនក្រ.ត​ត ចុះ​ថ្ងៃទី១៤ ខែតុលា ឆ្នាំ២០០៨ និង​ក្រោយមកទៀត មន្ត្រី​គយ​ធ្លាប់មាន​កំហុសឆ្គង រង​ទណ្ឌកម្ម​វិន័យ​រូបនេះ ទទួលបាន​ការតែងតាំង​ មុខតំណែង​ថ្មី​ ជា​អគ្គនាយករង ​នៃ​អគ្គនាយកដ្ឋាន​គយ ​និង រដ្ឋាករ​កម្ពុជា​យ៉ាង​ហ៊ឺហា ដោយ​អនុក្រឹត្យ ​លេខ១៦៩៨អនក្រ.ត​ត ចុះ​ថ្ងៃទី២៣ ខែធ្នូ ឆ្នាំ២០១៤ ។

ប្រភពព័ត៌មាន ពី​មន្ត្រីបម្រើការ នៅក្រសួង​សេដ្ឋកិច្ច​ និង​ហិរញ្ញវត្ថុ បាន​ឲ្យ​ដឹងថា លោក ឧកញ៉ា ហ៊ី​វ គឹម​ហេង ដែល​កាន់តំណែង​ជា​អគ្គនាយករង ​នៃ​អគ្គនាយកដ្ឋាន​គយ និង​រដ្ឋាករ​កម្ពុជា នឹងត្រូវ​ដល់​អាយុ​ចូលនិវត្តន៍ ក្នុង​ក្របខ័ណ្ឌ មន្ត្រី​គ្រប់គ្រង រដ្ឋបាលនៅ​ក្រសួង​សេដ្ឋកិច្ច​ និងហិរញ្ញវត្ថុ​កាលពី​ថ្ងៃទី២០ ខែកុម្ភៈ​ ឆ្នាំ២០១៦ កន្លងមកនេះ ។ ប៉ុន្តែ ក្នុងសម័យ លោក​គុណ​ញឹម ជា អគ្គនាយក​គយ នេះ លោក​ឧកញ៉ា ហ៊ី​វ គឹម​ហេង ដែល​កាន់តំណែង​ជា​អគ្គនាយករង​ នៃ​អគ្គនាយកដ្ឋាន​គយ និង​រដ្ឋាករ​កម្ពុ​ជា ទ​ទួលបាន​ជោគជ័យ ​ក្នុងការ​រត់ការ​ ពន្យា​អាយុ​ចូល​និវត្ត​ បាន៣ឆ្នាំ​ទៀត។

ប្រភពដដែរបានបន្តថា ដោយឡែក លោក​ប៉ែន សំអាត ប្អូនប្រុស លោក​ប៉ែន​ស៊ីម៉ន អតីត​មេ​គយ​ ដែល​ចូល​និ​វត្ថ​ន៍​ កាលពី​ ខែកក្កដា ​ឆ្នាំ២០១៦ ក៏ត្រូវ​បាន​លោក​ គុណ ញឹម សម្រួល​ឲ្យ​នៅបាន ១ឆ្នាំ​ទៀតហើយ​ដែរ។

បើតាមប្រភព ពីមន្ត្រីគយខ្លះបានឲ្យដឹងថា លោក ហ៊ី​វ គឹម​ហេង មានលុយសល់ច្រើន តាំងពី​នៅ​កាន់តំណែង​ជា អតីត ប្រធាន​សាខាគយ និង​រដ្ឋាករ ខេត្ត​ព្រះ​សីហនុ មកម្ល៉េះ ដែលជា​កន្លែង​ប៉ុស្តិ៍​ខ្លាញ់​ ក្នុងការ​ប្រមូល​លុយ​ដាក់​ហោប៉ៅ។ ហើយទទួលបាន​ការតែងតាំង​ ជា​ឧកញ៉ា ​ដោយ​ព្រះរាជក្រឹត្យ​ លេខ​នស/រកត/០៩០៣/
២៧៥ ចុះ​ថ្ងៃទី១៥ ខែកញ្ញា ឆ្នាំ២០០៣។

ប្រភពខាងលើ បាន​ឲ្យ​ដឹងទៀតថា៖ លោក ឆ​បូ ណាវី ប្រធាន​នាយកដ្ឋាន​គយ​ និង​រដ្ឋាករ​ ដែលមាន​អាយុ​ចូលនិវត្តន៍​ ក្នុង​ឆ្នាំ២០១៧ នេះ ក៏​កំពុង​ពឹង​ទុយ​យោ​លោក​ឧកញ៉ា​ ហ៊ិ​វ ​គឹម​ហេង​ ដើម្បី​រត់ការ​ ពន្យា​អាយុ​ដែល។ ហើយគេ​មិនដឹងថា លោកមេ​គយ គុណ ញឹម មកដល់ពេលនេះ ​បាន​ទទួលសេវា​ប៉ុន្មាននោះទេ? ក្នុងការពន្យាអាយុខាងលើនេះ ? ។

ពាក់ព័ន្ធករណីខាងលើ មន្ត្រីគយតូចតាចជាច្រើន ក៍មានចម្ងល់ នឹងបានលើកឡើងផងដែរថា ពួកគេធ្លាប់តែឃើញ ការកែទម្រង់​​គេ​ឃើញ សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា លោកបានតែងតាំង មន្ត្រីក្មេងៗ ឲ្យ​ចូលធ្វើ​ការដឹកនាំ​ ចុះ​ហេតុ​អី ស្ថាប័នគយ និង ពិសេស​ក្រសួង​មុខងារ សាធារណៈ​ បែជាអោបក្រសោប មន្ត្រីដល់អាយុចូលនិវត្តន៍ទៅវិញ មិន​អនុវត្តន៍ កែទម្រង់ទៅតាមរាជរដ្ឋាភិបាល ? ។

ហេតុនេះហើយ ក៍មានការអំពាវនាវ សុំឲ្យលោក ពូន ព័ន្ធមុនីរ័ត្ន រដ្ខមន្ត្រីក្រសួងសេដ្ឋកិច្ច នឹងវិរញ្ញវត្ថុ ពិនិត្យមើលឡើងវិញ ភាពមិនប្រក្រតី នៅក្នុងអគ្គនាយកដ្ឋានគយ នឹងរដ្ឋាករកម្ពុជា ជាបន្ទាន់ផង ព្រោះថាការល្បីល្បាញ កាន់តែខ្លាំងឡើងហើយ។

ពាក់ព័ន្ធ​និង​មន្ត្រីគយ ដែលមាន​ការរិះគន់​ គ្រប់ទិសទី​ខាងលើ​នេះ អង្គភាព CSN ពុំ​អាច​សុំ​ការបំភ្លឺ ពី លោក គុណ ញឹម អគ្គនាយក​គយ ដ៏​ធំជាងគេ នៅ​ស្រុក​ខ្មែរ បាន​ទេមកដល់ថ្ងៃនេះ ។

សូមបញ្ជាក់ រាល់ការចេញផ្សាយ អង្គភាពយើង ផ្សាយតែព័ត៌មានពិត ជាក់លាក់ ច្បាស់លាស់ មិនលំអៀង គឺយោងទៅតាមប្រភព ច្បាស់ការណ៍ នឹងឯកសារមួយចំនួន ប្រសិនសាមីខ្លួន ឬស្ថាប័នពាក់ព័ន្ធ គិតថា មិនត្រឹមត្រូវ សម្ដេច ទ្រុង ឯកឧត្តម ឧកញ៉ា លោកជំទាវ អស់លោក លោកស្រី អាចធ្វើលិខិតស្នើសុំ មកការិយាយ័ល អង្គភាពយើងខ្ញុំ ដោយមានឯកសាមួយចំនួន ដើម្បីធ្វើការ កែតម្រូវឡើងវិញបាន តារយៈទូរស័ព្ទ លេខ 097 777 6000 រាល់ម៉ោងធ្វើការ៕ ដោយអ្នកប្រមាញ់់

សូមជួយស៊ែរព័ត៌មាននេះផង: