ចេញផ្សាយ ថ្ងៃសៅរ ទី០២ ខែកញ្ញា ឆ្នាំ២០១៧ ដោយ ៖ អង្គភាព CSN ទំនាក់ទំនងផ្ដល់ព័ត៌មាន នឹងផ្សាយពាណិជ្ជកម្ម 078 55 11 12 / 097 777 6000
គេនៅចាំបានថា កាលពីអំឡុងចុងខែមករា ឆ្នាំ២០១៦ សម្តេច តេជោ ហ៊ុន សែន នាយករដ្ឋមន្ត្រី នៃព្រះជាណាចកហរកម្ពុជា បានចេញបទបញ្ជា ឲ្យអាជ្ញាធរ និងសមត្ថកិច្ចខេត្តពាក់ព័ន្ធ ចាត់វិធានការលើឈ្មួញ ដែលល្បីខាងដឹកជញ្ជូនឈើ ចេញទៅស្រុកយួន ក្នុងនោះក៍មានឈ្មោះមេឈ្មួញ ឧកញ៉ា សឹង្ហ សំអុល ម្នាក់ផងដែរ។
ប៉ុន្តែរហូតមកដល់ពេលនេះ អាជ្ញាធរ និងសមត្ថកិច្ច ខេត្តពាក់ព័ន្ធ មានដូចជា ខេត្តមណ្ឌល់គិរី ខេត្តក្រចេះ នឹងខេត្តត្បូងឃ្មុំ មិនហ៊ានចាត់វិធានការ ទៅលើមេឈ្មួញ សឹង្ហ សំអុល ដែលល្បីខាងដឹកជញ្ជូនឈើ ទៅស្រុកយួនយ៉ាងពេញបន្ទុកនោះទេ ដោយសារតែខ្លាចឥទ្ធិពល មន្ត្រីជាន់ខ្ពស់ ដែលជាខ្នងបង្អែកយ៉ាងរឹងមាំ របស់មេឈ្មួញម្នាក់នេះ។ ដូច្នេះហើយ ទើបមេឈ្មួញ សឹង្ហ សំអុល បន្តសកម្មភាពដឹកជញ្ជូនឈើ ចេញពីខេត្តមណ្ឌលគិរី និងខេត្តក្រចេះ ចេញទៅស្រុកយួន តាមច្រកព្រំដែនក្នុងស្រុកស្នួល ខេត្តក្រចេះ និងស្រុកមេមត់ ខេត្តត្បូងឃ្មុំ ដោយគ្មានញញើតអ្វីទាំងអស់។
សមត្ថកិច្ចពាក់ព័ន្ធ ក្នុងខេត្តមណ្ឌលគិរី បានឲ្យដឹងថា មួយរយៈពេលចុងក្រោយនេះ មេឈ្មួញ សឹង្ហ សំអុល បន្តសកម្មភាព កាប់ឈើ និងប្រមូលទិញឈើ ដឹកជញ្ជូន ចេញពីស្រុកកោះញែក និងស្រុកកែវសីមា ខេត្តមណ្ឌលគិរី ទាំងយប់ទាំងថ្ងៃ ហើយមិនឃើញមន្ត្រីរដ្ឋបាលព្រៃឈើ និងសមត្ថកិច្ចពាក់ព័ន្ធ ចាត់វិធានការទប់ស្កាត់នោះទេ។ ព្រៃសហគមន៍ ព្រៃការពារ និងព្រៃដែនជម្រកសត្វ ក្នុងស្រុកកោះញែក ខេត្តមណ្ឌលគិរី ត្រូវប្រឈមនឹងសេចក្ដីវិនាស ដោយសារ តែមេឈ្មួញ សឹង្ហ សំអុល មានមេការចាំប្រមូលទិញឈើ ពីប្រជាពលរដ្ឋ ដើម្បីដឹកជញ្ជូនយកទៅលក់នៅស្រុកយួន យ៉ាងអនាធិបតេយ្យ។
ជាក់ស្ដែងកាលពីថ្ងៃទី០១ ខែកញ្ញា ឆ្នាំ២០១៧ ម្សិលមិញនេះ ក្បួនរថយន្តយីឌុប ខ្នាតយក្សដឹកឈើ ចំនួន៦គ្រឿង របស់មេឈ្មួញ សឹង្ហ សំអុល បានសម្រុកដឹកឈើចេញពី ខេត្តមណ្ឌលគិរី ឆ្ពោះទៅខេត្តត្បូងឃ្មុំ មកដល់នៅចំណុច ភូមិសង្គមមានជ័យ ឃុំស្រែចារ្យ ស្រុកស្នួល ខេត្តក្រចេះ រថយន្ត១គ្រឿង ក្នុងចំណោមរថយន្ត៦គ្រឿង បានខូចទៅមុខលែងរួច ចំណែករថយន្ត ៥គ្រឿងទៀត បានបន្តដំណើរ ឆ្ពោះទៅខេត្តត្បូងឃ្មុំ ហើយត្រូវបានសមត្ថកិច្ច ឃាត់សួរនាំ រថយន្ត១គ្រឿង រយៈពេលជិត១ម៉ោង នៅចំណុចភូមិសំរោង ឃុំដា ស្រុកមេមត់ ខេត្តត្បូងឃ្មុំ រីឯរថយន្ត ៤គ្រឿងទៀត បានគេចផុតពីការឃាត់សួរនាំ របស់សមត្ថកិច្ច ដោយសុវត្ថិភាព ធ្វើឲ្យមានការរិិះគន់ ពីមហាជនថា សមត្ថកិច្ចគ្មានឆន្ទះបង្ក្រាប ធ្វើនេះគ្រាន់តែជាល្បិច គួសដើម្បីផលប្រយោជន៍តែប៉ណ្ណោះ។
ប្រភពខាងលើ បានដាក់ការសង្ស័យថា សកម្មភាពដឹកជញ្ជូនឈើ យ៉ាងពេញបន្ទុក របស់មេឈ្មួញ សឹង្ហ សំអុល ចេញពីស្រុកកោះញែក ចូលមកខេត្តក្រចេះ នៅតែកើតឡើង យ៉ាងគគ្រឹកគគ្រេង ប្រហែលដោយសារតែ មានការឃុបឃិត បើកដៃពីសំណាក់ មន្ត្រីរដ្ឋបាលព្រៃឈើ និងសមត្ថកិច្ចពាក់ព័ន្ធ ដែលគិតតែពីរឿងប្រមូលលុយ ដាក់ហោប៉ៅចែកគ្នា ធ្វើមានធ្វើបាន។
ដោយឡែងពាក់ព័ន្ធករណី ដឹកជញ្ជូនឈើ ឆ្លងដែនទៅលក់នៅស្រុកយួន យ៉ាងរលូន ហើយគ្មានការំខាននេះ មហាជនជាច្រើន ក៍បានដាក់ការសង្ស័យផងដែរថា ប្រហែលជា ថ្នាក់ដឹកនាំក្បាលម៉ាស៊ីនធំៗ ដូចជាខេត្តមណ្ឌល់គិរី ខេត្តក្រចេះ នឹងខេត្តត្បូងឃ្មុំ និងអស់លោកមេប៉ូលិសៗ នឹងលោកមេបញ្ជាការ ( PM ) ខេត្តនិមួយៗ ទំនងជាទទួលបានផលប្រយោជន៍ ពីមេឈ្មួញ សឹង្ហ សំអុល យ៉ាងច្រើនផងដែរ ទើបនាំគ្នាសម្ងំស្ងៀម ហើយបណ្ដោយ ឲ្យឈ្មួញរូបនេះ ដឹកជញ្ជូនឈើទៅស្រុកយួន យ៉ាងគគ្រឹកគគ្រេង ផ្គើនទៅនឹងបទបញ្ជា សម្ដេចតេជោ ហ៊ុន សែន ។
ប្រការនេះហើយ ទើបមជ្ឈដ្ឋាននានារិះគន់ថា បទបញ្ជារបស់សម្តេច នាយករដ្ឋមន្ត្រី ហ៊ុន សែន ក្នុងការទប់ស្កាត់បទល្មើស រត់ពន្ធឈើទៅស្រុកយួន ក្លាយជារឿងឥតន័យ ព្រោះមេឈ្មួញ សឹង្ហ សំអុល និងឈ្មួញជាច្រើននាក់ទៀត នៅតែអាចដឹកជញ្ជូនឈើ ចេញទៅស្រុកយួន ដោយគ្មានមន្ត្រីជំនាញ ឬសមត្ថកិច្ចពាក់ព័ន្ធណាទប់ស្កាត់ឡើយ។
មកដល់ថ្ងៃនេះ អង្គភាពយើង មិនអាចស្វែងរកសំការបកស្រាយបំភ្លឺ ពីឧកញ៉ា សឹង្ហ សំអុល បានទេដោយគ្មានលេខទូរស័ព្ទ ធ្វើការទំនាក់ទំនង អង្គភាពយើង ស្វាគមន៍ជានិច្ច រងចាំរាល់ការបកស្រាយបំភ្លឺ នៅពេលក្រោយ។
សូមបញ្ជាក់ រាល់ការចេញផ្សាយខាងលើនេះ អង្គភាពយើង ផ្សាយតែព័ត៌មានពិត ជាក់លាក់ នឹងយោងតាមប្រភព ផ្ដល់ព័ត៌មាន ព្រមទាំងឯកសាមួយចំនួន ប្រសិនសាមីខ្លួន ឬស្ថាប័នពាក់ព័ន្ធ គិតថា ព័ត៌មាននេះមិនត្រឹមត្រូវ ឬខុសការពិត សូមសម្ដេច ទ្រង់ ឯកឧត្តម អ្នកឧកញ៉ា លោកជំទាវ អស់លោក លោកស្រី អាចធ្វើលិខិតស្នើសុំ មកការិយាយ័ល អង្គភាពយើងខ្ញុំ ដោយមានឯកសាមួយចំនួន ដើម្បីធ្វើការ កែតម្រូវឡើងវិញបាន អាសយដ្ឋានទំនាក់ទំនង តារយៈទូរស័ព្ទ លេខ 097 777 6000 រាល់ម៉ោងធ្វើការ៕ ដោយអ្នកប្រមាញ់់
អត្ថបទផ្សេងៗ:
កាន់តែផ្គើនពេកហើយ ! តើពិតទេ? ឧកញ៉ា សឹង្ហ សំអុល មេឈ្មួញឈើដ៍ល្បី ពោលថាបើនាយករដ្ឋមន្ត្រី ហ៊ុន សែន មិនបញ្ជាឲ្យលោក សៅ សុខា ចាប់អាញ់ គ្មាននណាហ៊ានចាប់អាញ់ទេ
កក្រើកទៀតហើយ ! មេឈ្មួញ សឹង្ហ សំអុល សម្រុកដឹកឈើប្រណិតទៅស្រុកយួន ទាំងស្របច្បាប់នឹងមិនស្របច្បាប់ ទាំងថ្ងៃយប់គ្មានញញើត ល្បីថាអាងមានខ្នងបង្អែកដ៍រឹងមាំនៅពិក្រោយ..?
លោកឧកញ៉ា សឹង្ហ សំអុល ម្ចាស់ក្រុមហ៊ុន « មាស់ស័រខេសាន់ » កំពុងយកឥទ្ធិពលខ្លួន នឹងយកឈ្មោះមន្ត្រីជាន់ខ្ពស់ នៃខុទ្ធការិយាល័សម្ដេច ហ៊ុន សែន មកធ្វើជំនួញឈើយ៉ាងចំហរ គ្មានអាជ្ញាធរសមត្ថកិច្ចជំនាញណាហ៊ានប៉ះឡើយ..?
ឧកញ៉ា សឹង សំអុល ឈ្មួញឈើដ៍ល្បី រួមទាំងកូនចៅ៣នាក់ ត្រូវបានសមត្ថកិច្ចចាប់ខ្លួន ក្នុងប្រតិបត្តិការបង្ក្រាបបទល្មើសព្រៃឈើដ៍ធំមួយ នៅខេត្តមណ្ឌលគិរី
ឧកញ៉ា សឹង សំអុល នឹងស័ក្តិ៥ ធី បាញ់ គឺបក្ខពួកតែមួយ ជាមេឈ្មួញដឹកជញ្ជូនឈើប្រណិតទៅស្រុកយួន តាមច្រជាំវៀន ស្ថិតក្នុងខេត្តត្បូងឃ្មុំយ៉ាងរលូន ចៅហ្វាយខេត្ត មេព្រៃខេត្ត នឹងមេគយខេត្ត សម្ងំដេកលក់អស់
គ្រាន់តែជាអាមីអាថោងយាមដី ឧកញ៉ា ទ្រី ភាព នឹង ឧកញ៉ា អ៊ុក គឹមសាន មានអំណាចដាក់គ្រឿងចក្រ រំលោភយកដីគ្រូសារកងទ័ព នៅអានសេះអស់ជិត៣០ហិកតា
មេឈ្មួញឈើធំៗមានដូចជា លោក ឧកញ៉ា លឹម ប៊ុនណា , ឧកញ៉ា វន់ ប៊ុនថៃ នឹង ង្វៀង ធីម៉ាយ ហៅ«យាយម៉ាយ» គេមិនសង្ឃឹមថាមានការបង្ក្រាបនោះទេ ព្រោះឈ្មួញទាំងនេះមានបង្អែកដ៍រឹងមាំ នឹងមានការស្និទ្ធស្នាលថែមទៀត..
ឧកញ៉ា លី ឈុនអ៊ូ ( ហៅ ឧកញ៉ា អ៊ូ ) ដឹកជញ្ជូនឈើទៅលក់នៅស្រុកយួន តាមច្រកម៉ឺនជ័យខេត្តព្រៃវែងយ៉ាងរលូន ដោយមានការឃុបឃិតពីមន្ត្រីជំនាញ នឹងសមត្ថកិច្ចប្រចាំច្រក
ឧកញ៉ា អ៊ឹង ស៊ីតាតវិរៈ «ហៅ ឧកញ៉ា លក្ខណ៍» អាងអំណាចឥទ្ធិពលជាឧកញ៉ា នឹងអាងខ្លួនជាជំនួយការផ្ទាល់ សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នៅតែបន្តដឹកជញ្ជូនឈើទៅយួន យ៉ាងរលូន
លោក ស៊ិន សត្ថា មេការតំណាងអោយ លោក ឧកញ៉ា លី យុងផាត់ ចេញបកស្រាយបដិសេដថា ការកាប់ទន្ទ្រានព្រៃយកដីរបស់រដ្ឋ ដីនៅចំណុចភូមិអូរចំណា មិនមានជាប់ពាក់ព័ន្ធនឹងលោក ឧកញ៉ា លី យុងផាត់ ទេ.!
គួឲ្យអាណិតស្ត្រីរងគ្រោះធ្លាក់ខ្លួនពិកា ដោយគ្រោះថ្នាក់ចរាចណ៍ បង្កឡើងដោយ សឹង្ហ សេងមាន អនុការិយាល័យ សណ្ដាប់ធ្នាប់ចរាចរណ៍ មកទល់ពេលនេះ ពុំទាន់មានដំណោះស្រាយទេ
លោកអ៊ុក សំអុល អភិបាលក្រុងបានលុង រងការិះគន់ពីអាជីវករផ្សារថាអនុវត្តផ្ទុយ នឹងចំណាសម្ដេចនាយករដ្ឋមន្ត្រី ហ៊ុន សែន
មេប៉ូលីសផ្កាយ២ លោក អ៊ឹង សំអុល ត្រូវបានកូនចៅក្រោមឱវាទ ប្ដឹងចោទប្រកាន់ពីបទពុករលួយ នឹងបក្ខពួកនិយម
មន្ត្រីសាលាស្រុកមុខកំពូល នឹងមន្ត្រីកងកម្លាំងនគរបាលស្រុក នាំយកថវិកានឹងអង្កចូលរួមពិធីបុណ្យសព លោកស្រី ពេជ្រ សំអុល
មេឈ្មួញ សឹង សំអុល នៅតែបន្តសកម្មភាព ដឹកជញ្ជូនឈើខុសប្បាប់ទៅស្រុកយួន ដោយជ្រកក្រោមលេសក្រុមហ៊ុនស្របច្បាប់ គ្មានសមត្ថកិច្ចឬស្ថាប័នពាក់ព័ន្ធណា ហ៊ានប៉ះពាល់ឡើយ
អាជ្ញាធរខេត្តនឹងក្រសួងស្ថាប័នពាក់ព័ន្ធ មិនគួរមើលរំលងតទៅទៀតទេ ខណៈបទល្មើសរត់ពន្ធឈើឆ្លងដែន របស់មេឈ្មួញល្បីឈ្មោះ សឹង សំអុល កំពុងកក្រើកឡើងវិញ នៅស្រុកស្នួលខេត្តក្រចេះ នឹងស្រុកមេមត់ខេត្តត្បូងឃ្មុំ