ចេញផ្សាយ ថ្ងៃព្រហស្បតិ៍ ទី២១ ខែកញ្ញា ឆ្នាំ២០១៧ ដោយ ៖ អង្គភាព CSN ទំនាក់ទំនងផ្ដល់ព័ត៌មាន នឹងផ្សាយពាណិជ្ជកម្ម 078 55 11 12 / 097 777 6000
នៅដើមឆ្នាំ២០១៧ គឺសម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានបង្កើត គណ:កម្មការចម្រុះ ដឹកនាំដោយនាយ ឧត្តមសេនីយ៍ សៅ សុខា មេបញ្ជាការរងកង ខេមរភូមិន និងជាមេបញ្ជាការ (P.M) លើផ្ទៃប្រទេស បានចុះបង្ក្រាបបទល្មើស ព្រៃឈើទ្រង់ទ្រាយធំ ជាលើកទី១ នៅខេត្តប៉ែកឥសាន្តនេះ និងបានដកហូតឈើអត់ច្បាប់ រាប់ម៉ឺនម៉ែត្រគូប និងបានកត់ត្រា ឈ្មោះមេឈ្មួញ ដុះស្លែរធំៗ ជាច្រើននាក់ ឲ្យជាប់ក្នុងបញ្ជីរខ្មៅ របស់គណ:កម្មការចម្រុះ ក្នុងនោះក៏មានឈ្មោះ លោក សឹង្ហ សំអុល ម្នាក់ផងដែរ។
ក៍ប៉ុន្តែមកដល់ពេលនេះ ប្រភពរាយការណ៍ ពីខេត្តមណ្ឌលគិរី និងខេត្តក្រចេះ បានឲ្យដឹងថា រយៈពេលប្រមាណសប្ដាហ៍កន្លងទៅនេះ មេឈ្មួញ សឹង្ហ សំអុល បានដឹកជញ្ជូនឈើចេញទៅស្រុកយួន តាមរថយន្តយីឌុបធំៗ មិនតិចជាង៣០គ្រឿងនោះទេ។ ហើយការដែលមេឈ្មួញ សឹង្ហ សំអុល បន្តសកម្មភាព ដឹកជញ្ជូនឈើទៅស្រុកយួន គឺមានការឃុបឃិត នឹងបើកដៃ ពីសំណាក់មន្ត្រីបរិស្ថាន មន្ត្រីរដ្ឋបាលព្រៃឈើ និងសមត្ថកិច្ចពាក់ព័ន្ធដទៃទៀត ដែលគិតតែពីរឿងផលប្រយោជន៍ផ្ទាល់ខ្លួន។
ប្រភពខ្លះ បានឲ្យដឹងថា មន្ត្រីជំនាញ និងសមត្ថកិច្ចពាក់ព័ន្ធ ជាពិសេសមន្ត្រីអាជ្ញាធរ ក្នុងខេត្តមណ្ឌលគិរី និងខេត្តក្រចេះ ក៏អាចទទួលផលប្រយោជន៍ ពីមេឈ្មួញ សឹង្ហ សំអុល ជាប្រចាំផងដែលហើយ ទើបបណ្ដោយឲ្យបទល្មើស បន្តរាលដាល យ៉ាងពេញបន្ទុក ហេតុនេះហើយ ទើបគ្មានមន្ត្រីជំនាញ ឬសមត្ថកិច្ចណា ទប់ស្កាត់សកម្មភាព របស់មេឈ្មួញ សឹង្ហ សំអុល បែបនេះ?។
ប្រភពបានបន្តថា លើសនេះទៅទៀត នៅស្រុកស្នួល ខេត្តក្រចេះ គេឃើញមានក្រុមអ្នកកាសែត ក្នុងស្រុកមួយចំនួនតូច បាននឹងកំពុងតាំងខ្លួនឯង ជាសមត្ថកិច្ចផង នឹងជាអ្នកកាសែតផង មិនគោរពក្រមសីលធម៌ វិជ្ជាជីវៈ ជាអ្នកសារព័ត៌មាន បានចូលរួមបិទបាំងបទល្មើស នឹងកាងមេឈ្មួញបំផ្លាញព្រៃឈើ ដែលកំពុងល្បីខាងដឹកជញ្ជូនឈើ ទៅស្រុកយួនយ៉ាងចំហ។
តាមប្រភព ពីឈ្មួញឈើតូចតាច មួយចំនួន បានឲ្យដឹងថា មេឈ្មួញ សឹង សំអុល ដឹកឈើចេញពីទីតាំងក្រុមហ៊ុន « ម៉ាស្ទ័រ ខេសាន់ » ដែលមានទីតាំង នៅជាប់ដែនអភិរក្សភ្នំព្រេច ស្រុកកោះញែក ខេត្តមណ្ឌលគិរី។ បច្ចុប្បន្នក្នុងបរិវេណ ដីសម្បទានសេដ្ឋកិច្ច របស់ក្រុមហ៊ុន « មាស្ទ័រ ខេសាន់ » ពុំមាននៅសល់ឈើ សម្រាប់កាប់តទៅទៀតទេ ដូច្នេះឈើដែលមេឈ្មួញ សឹង្ហ សំអុល កាប់ និងដឹកជញ្ជូនទៅលក់ នៅស្រុកយួននោះ គឺជាឈើដែលកាប់ នៅក្នុងតំបន់ព្រៃអភិរក្សភ្នំព្រេច។ ប្រភពពីមន្ត្រីអាជ្ញាធរមូលដ្ឋាន ក្នុងស្រុកកោះញែក បានបង្ហើបឲ្យដឹងថា ការដែលមេឈ្មួញ សឹង្ហ សំអុល អាចកាប់ឈើដឹកចេញពីតំបន់អភិរក្សបានស្រួលៗ គឺត្រូវបង់លុយឲ្យមន្ត្រីបរិស្ថាន ក្នុង១រថយន្ត ៨០០ដុល្លារ?។
ការដែលមេឈ្មួញ សឹង្ហ សំអុល បន្តសកម្មភាពកាប់ឈើនិងដឹកជញ្ជូនឈើ ចេញទៅស្រុកយួន តាមច្រកព្រំដែនក្នុងស្រុកស្នួល ខេត្តក្រចេះ និងច្រកព្រំដែន ក្នុងស្រុកមេមត់ ខេត្តត្បូងឃ្មុំ គឺជាការបំពាន លើបទបញ្ជា របស់លោកនាយករដ្ឋមន្ត្រី ហ៊ុន សែន យ៉ាងកំរោល។
គួររំលឹកដែរថា កាលពីអំឡុង ឆ្នាំ២០១៦កន្លទៅ លោកនាយករដ្ឋមន្ត្រី ហ៊ុន សែន បានចេញបទបញ្ជា ឲ្យអាជ្ញាធរ និងសមត្ថកិច្ច ខេត្តត្បូងឃ្មុំ ចាត់វិធានការ ទៅលើមេឈ្មួញ សឹង្ហ សំអុល ដែលល្បីខាងដឹកជញ្ជូនឈើចេញទៅស្រុកយួន យ៉ាងពេញបន្ទុក។ ក៏ប៉ុន្តែ មកដល់ពេលនេះ គ្មានមន្ត្រីអាជ្ញាធរ និងសមត្ថកិច្ចណា ហ៊ានប៉ះពាល់ មេឈ្មួញ សឹង្ហ សំអុល នៅឡើយទេ ហើយឈ្មួញរូបនេះ នៅតែបន្តកាប់ឈើក្នុងតំបន់អភិរក្ស ស្រុកកោះញែក ខេត្តមណ្ឌលគិរី ហើយដឹកជញ្ជូនតាមរថយន្តយីឌុបធំៗ ចេញទៅស្រុកយួន យ៉ាងគគ្រឹកគគ្រេង។
ហេតុនេះហើយ កន្លងមកថ្មីៗនេះ បានលិចឮព័ត៌មានមួយ ពីស្រុកស្នួល ខេត្តក្រចេះ បានឲ្យដឹងថា មេឈ្មួញ សឹង សំអុល បានប្រើអំណាច ឥទ្ធិពល ជាឧកញ៉ា ផឹកស៊ីស្រវិង ច្រងេងច្រងាង អួតអាងក្នុងហាង ១កន្លែង នៅស្រុកស្នួល បានជេប្រមាថ នឹងគំរាមបាញ់ ដល់អ្នកព័ត៌មានណា ដែលបានចុះផ្សាយពីខ្លួន ដែលកំពុងធ្វើនួញឈើឆ្លងដែន ទៅប្រទេសវៀតណាម យ៉ាងធ្ងន់ៗថា ពួកអាកាសែតណា ចង់ផ្សាយអីក៍ផ្សាយទៅ អាញ់មិនខ្វល់ទេ បើនាយករដ្ឋមន្ត្រី ហ៊ុន សែន មិនបញ្ជាឲ្យ នាយឧត្តមសេនីយ សៅ សុខា ចាប់អាញ់ គ្មានអ្នកណា ហ៊ានចាប់ អាញ់ទេ។ ហើយបើអ្នកព័ត៌មានណា មិនចេញផ្សាយរឿងអាញ់ ទើបអាញ់ឲ្យលុយវាចាយខ្លះ ។
ទោះយ៉ាងណាមកដល់ថ្ងៃនេះ អង្គភាព CSN យើង មិនអាចស្វែងរកសុំការបំភ្លឺ ពីលោក សឹង សំអុល មេឈ្មួញដ៍ល្បីឈ្មោះ ខាងលើនេះទេ ដោយទូរស័ព្ទទៅ គ្មានអ្នកលើកទទួល។
សូមបញ្ជាក់ រាល់ការចេញផ្សាយ អង្គភាពយើង ផ្សាយតែព័ត៌មានពិត ជាក់លាក់ ច្បាស់លាស់ មិនលំអៀង គឺយោងទៅតាមប្រភព ច្បាស់ការណ៍ នឹងឯកសារមួយចំនួន ប្រសិនសាមីខ្លួន ឬស្ថាប័នពាក់ព័ន្ធ គិតថា មិនត្រឹមត្រូវ សម្ដេច ទ្រង់ ឯកឧត្តម ឧកញ៉ា លោកជំទាវ អស់លោក លោកស្រី អាចធ្វើលិខិតស្នើសុំ មកការិយាយ័ល អង្គភាពយើងខ្ញុំ ដោយមានឯកសាមួយចំនួន ដើម្បីធ្វើការ កែតម្រូវឡើងវិញបាន តារយៈទូរស័ព្ទ លេខ 097 777 6000 រាល់ម៉ោងធ្វើការ៕ ដោយអ្នកប្រមាញ់់ ស្រុកស្នួល
About Post Author
អត្ថបទផ្សេងៗ:
ឧកញ៉ា សឹង្ហ សំអុល នៅតែល្បីឈ្មោះជាមេឈ្មួញ បំផ្លាញព្រៃឈើ នឹងដឹកឈើទៅប្រទេសវៀតណាម បានដោយរលូន ជ្រកក្រោមស្លាកក្រុមហ៊ុនស្របច្បាប់
លោកឧកញ៉ា សឹង្ហ សំអុល ម្ចាស់ក្រុមហ៊ុន « មាស់ស័រខេសាន់ » កំពុងយកឥទ្ធិពលខ្លួន នឹងយកឈ្មោះមន្ត្រីជាន់ខ្ពស់ នៃខុទ្ធការិយាល័សម្ដេច ហ៊ុន សែន មកធ្វើជំនួញឈើយ៉ាងចំហរ គ្មានអាជ្ញាធរសមត្ថកិច្ចជំនាញណាហ៊ានប៉ះឡើយ..?
កក្រើកទៀតហើយ ! មេឈ្មួញ សឹង្ហ សំអុល សម្រុកដឹកឈើប្រណិតទៅស្រុកយួន ទាំងស្របច្បាប់នឹងមិនស្របច្បាប់ ទាំងថ្ងៃយប់គ្មានញញើត ល្បីថាអាងមានខ្នងបង្អែកដ៍រឹងមាំនៅពិក្រោយ..?
អុញនោះ! ឧកញ៉ាៗខ្មូត តើពិតទេ? ឧកញ៉ា លឹម ហេង ពលរដ្ឋរិះគន់ថា ជាឈ្មួញឈើប្រណិតដ៍ធំ ប្រចាំខេត្តឧត្តមានជ័យ ជ្រកក្រោមលេសដឹកទៅកែច្នៃ ធ្វើការស៊ីណូ មិនចេះរួចច្រើនឆ្នាំមកហើយ..?
ឧកញ៉ា សឹង សំអុល ឈ្មួញឈើដ៍ល្បី រួមទាំងកូនចៅ៣នាក់ ត្រូវបានសមត្ថកិច្ចចាប់ខ្លួន ក្នុងប្រតិបត្តិការបង្ក្រាបបទល្មើសព្រៃឈើដ៍ធំមួយ នៅខេត្តមណ្ឌលគិរី
ឧកញ៉ា សឹង សំអុល នឹងស័ក្តិ៥ ធី បាញ់ គឺបក្ខពួកតែមួយ ជាមេឈ្មួញដឹកជញ្ជូនឈើប្រណិតទៅស្រុកយួន តាមច្រជាំវៀន ស្ថិតក្នុងខេត្តត្បូងឃ្មុំយ៉ាងរលូន ចៅហ្វាយខេត្ត មេព្រៃខេត្ត នឹងមេគយខេត្ត សម្ងំដេកលក់អស់
លោកអ៊ុក សំអុល អភិបាលក្រុងបានលុង រងការិះគន់ពីអាជីវករផ្សារថាអនុវត្តផ្ទុយ នឹងចំណាសម្ដេចនាយករដ្ឋមន្ត្រី ហ៊ុន សែន
គ្រាន់តែជាអាមីអាថោងយាមដី ឧកញ៉ា ទ្រី ភាព នឹង ឧកញ៉ា អ៊ុក គឹមសាន មានអំណាចដាក់គ្រឿងចក្រ រំលោភយកដីគ្រូសារកងទ័ព នៅអានសេះអស់ជិត៣០ហិកតា
មេឈ្មួញឈើធំៗមានដូចជា លោក ឧកញ៉ា លឹម ប៊ុនណា , ឧកញ៉ា វន់ ប៊ុនថៃ នឹង ង្វៀង ធីម៉ាយ ហៅ«យាយម៉ាយ» គេមិនសង្ឃឹមថាមានការបង្ក្រាបនោះទេ ព្រោះឈ្មួញទាំងនេះមានបង្អែកដ៍រឹងមាំ នឹងមានការស្និទ្ធស្នាលថែមទៀត..
ឧកញ៉ា អ៊ឹង ស៊ីតាតវិរៈ «ហៅ ឧកញ៉ា លក្ខណ៍» អាងអំណាចឥទ្ធិពលជាឧកញ៉ា នឹងអាងខ្លួនជាជំនួយការផ្ទាល់ សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នៅតែបន្តដឹកជញ្ជូនឈើទៅយួន យ៉ាងរលូន
លោក ស៊ិន សត្ថា មេការតំណាងអោយ លោក ឧកញ៉ា លី យុងផាត់ ចេញបកស្រាយបដិសេដថា ការកាប់ទន្ទ្រានព្រៃយកដីរបស់រដ្ឋ ដីនៅចំណុចភូមិអូរចំណា មិនមានជាប់ពាក់ព័ន្ធនឹងលោក ឧកញ៉ា លី យុងផាត់ ទេ.!
គួឲ្យអាណិតស្ត្រីរងគ្រោះធ្លាក់ខ្លួនពិកា ដោយគ្រោះថ្នាក់ចរាចណ៍ បង្កឡើងដោយ សឹង្ហ សេងមាន អនុការិយាល័យ សណ្ដាប់ធ្នាប់ចរាចរណ៍ មកទល់ពេលនេះ ពុំទាន់មានដំណោះស្រាយទេ
សម្ដេចតេជោ ហ៊ុន សែន នឹងសម្ដេចកិត្តិព្រឹទ្ធបណ្ឌិត ប៉ុន រ៉ានី ហ៊ុន សែន អញ្ជើញជួបសំណេះសំណាល ជាមួយយុទ្ធជនពិការ ៣១៧គួលែនសៀមរាប
ទិវាអន្តរជាតិនារី៨មិនា២០១៧ នៅសាលាមហោស្រពកោះពេជ្រ ក្រោមអធិបតីភាពដ៍ខ្ពង់ខ្ពស់ សម្ដេចតេជោ ហ៊ុន សែន នឹងសម្ដេចកិត្តិព្រឹទ្ធបណ្ឌត ប៊ុនរ៉ានី ហ៊ុន សែន
ភាពខ្ជីខ្ជារបស់ថ្នាក់ដឹកនាំ ខេត្តកំពង់ឆ្នាំង សូម្បីតែពាក្យពីរម៉ាត់ ឈ្មោះ របស់សម្ដេចតេជោ ហ៊ុន សែន ក៍សរសេរមិនត្រូវដែរ បែទៅជាសរសេរថា សម្ដេចតេជោ ហ៊ុន សេន ទៅវិញ.!
តើពិតទេ.? ល្បីថា លោក មុយ បញ្ញារិទ្ធ ប្រធានការិយាល័យគយច្រកដា ( ហៅច្រកដូង ៧ដើម ) អាងខ្នងបង្អែកក្រាស់ នៅក្នុងអគ្គនាយកដ្ឋានគយ និងរដ្ឋាករកម្ពុជា ប្រមូលលុយតាមរបៀបពុករលួយ គ្មានញញើត សូមលោក អូន ព័ន្ធមុនីរ័ត្ន រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ ពិនិត្យមើលផងទាន