ចេញផ្សាយ ថ្ងៃចន្ទ ទី១២ ខែតុលា ឆ្នាំ២០១៧ ដោយ ៖ អង្គភាព CSN ទំនាក់ទំនងផ្ដល់ព័ត៌មាន នឹងផ្សាយពាណិជ្ជកម្ម 078 55 11 12 / 097 777 6000
មន្ត្រីរាជការ បម្រើការនៅច្រកទ្វារ ព្រំដែនអន្តរជាតិបាវិត ទាំងអស់ បានសម្ដែងនូវការប្រតិកម្ម យ៉ាងខ្លាំងជុំវិញលោកផ្កាយ១ ខាត់ សារ៉ាត់ មេនគរបាល ច្រកទ្វារ ព្រំដែន អន្តរជាតិបាវិត បានប្រើអំណាច របស់ខ្លួនឲ្យក្មួយបង្កើតដើរ ទាមទារលុយ ពេញកន្លែងធ្វើការ របស់មន្ត្រីនគរបាលអន្តោប្រវេសន៍ ច្រកទ្វារអន្តរជាតិបាវិត។ ហើយមន្ត្រីទាំងអស់នោះ បានសរសេរលិខិតប្តឹង ដល់សម្តេច អគ្គមហាសេនាបតីតេជោ ហ៊ុន សែន និងសុំឲ្យចាត់វិធានការ ចំពោះសកម្មភាព ខុសច្បាប់របស់ ប្រធានច្រកទ្វារអន្តរជាតិមួយនេះ។
យោងតាមគណនី ហ្វេសប៊ុកមួយឈ្មោះ សម្លេងប្រជាជនបាវិត បានបង្ហោះលិខិតសរសេរ ដោយដៃមួយ ចុះថ្ងៃទី០១ ខែតុលា នេះ បានលើកឡើងថា ពួកគេមិនអាចទទួលយក បាននូវសកម្មភាព ដ៏ឆ្គាំឆ្គង របស់លោកឧត្តមសេនីយ៍ត្រី ខាត់ សារ៉ាត់ ប្រធានច្រកទ្វារ ព្រំដែនអន្តរជាតិបាវិត ដែលបានប្រើក្មួយ ប្រុសបង្កើតរបស់ខ្លួន ឲ្យដើរទាមទារលុយ ពីមន្ត្រីនគរបាល គ្រប់ផ្នែក កំពុងធ្វើការនៅទីនោះ។
នៅក្នុងលិខិតនេះ បានរាយការណ៍ ជូនសម្តេចតេជោ ហ៊ុន សែន ថា « ដោយខ្ញុំបាទ នាងខ្ញុំ ជាមន្ត្រីរាជការបម្រើការនៅច្រកទ្វារ ព្រំដែនអន្តរជាតិបាវិត ទាំងអស់មានការកើតទុក្ខ មិនសុខចិត្តចំពោះទង្វើ របស់លោក ខាត់ សារ៉ាត់ ដែលជាប្រធានច្រកទ្វារ ព្រំដែនអន្តរជាតិបាវិត ដែលបានបញ្ជាឲ្យ ក្មួយប្រុសបង្កើតរបស់គាត់ឈ្មោះ ប្រាក់ ពេញ ដែលនៅវ័យក្មេង ទើបតែចូលបម្រើការងារ ជាមន្ត្រីអន្តោប្រវេសន៍ មិនទាន់មានបទពិសោធន៍ ឲ្យមកគ្រប់គ្រងលើ មន្ត្រីអន្តោប្រវេសន៍ ទាំងអស់នៅច្រកទ្វារ ព្រំដែនអន្តរជាតិបាវិត ដោយមានអាកប្បកិរិយា ក្អេងក្អាងជាទីបំផុត។ ដោយឈ្មោះ ប្រាក់ ពេញ បានដើរទាមទារ ឯកសារគ្រប់ផ្នែក មិនថាឡើយផ្នែកបែបបទ ផ្នែកច្បាប់ ឲ្យតែការងារទាក់ទងនឹងលុយ គឺគេគំរាម យកលុយគ្រប់ផ្នែកទាំងអស់។
នៅចុងលិខិតសរសរដោយដៃ ដែលមានមួយទំព័រនេះ បានសំណូមពរ ដល់សម្តេតេជោថា «អាស្រ័យហេតុដូចបានជម្រាបជូនខាងលើ សូមសម្តេចតេជោ និង( សម្តេចកិត្តិព្រឹទ្ធបណ្ឌិត ) ដែលជាឪពុកម្តាយ របស់ប្រជាជនទូទាំងប្រទេស ក៏ដូចជាមន្ត្រីរាជការ ទាំងអស់ មេត្តាជួយអន្តរាគមន៍ និងដោះស្រាយ ដល់ពួកយើងដោយក្តីអនុគ្រោះ។
នៅលើទំព័រហ្វេសប៊ុក របស់គណនីឈ្មោះ សម្លេងប្រជាជនបាវិតនេះ ក្រៅពីបង្ហោះសារ និងលិខិតសរសេរដោយដៃ ក៏មានបង្ហោះភ្ជាប់ ជាមួយនូវរូបរបស់លោក ប្រាក់ ពេញ ក្នុងឯកសណ្ឋាន ជាមន្ត្រីនគរបាលជាតិ ពាក់ស័ក្តិ៣ និងអមដោយរូបថត ក្រុមមន្ត្រីនគរបាលអន្តោប្រវេសន៍ ឈរត្រៀបត្រានៅមុខ កន្លែងធ្វើការរបស់ពួកគេ។
នៅក្នុងគណនីដដែលនេះដែរ បានបន្តបង្ហោះសារមួយទៀតថា «កូនក្មេងមិនទាន់បាត់ហៀរសំបោរ ម្នាក់នេះ ត្រូវជាក្មួយប្រុសបង្កើត របស់ លោកឧត្តមសេនីត្រី ខាត់ សារ៉ាត់ ដែរមានតួនាទី ជានាយប៉ុស្ដិ៍ ច្រកទ្វារព្រំដែនអន្តរជាតិបាវិត ដែរមានឈ្មោះ ប្រាក់ ពេញ ឋានៈអនុ
សេនីយ៍ឯក បាននិងកុំពុងធ្វើព្យុះ ធ្វើភ្លៀង ពេញប៉ុស្ដិ៍ ប្រើអំណាចផ្ដាច់ការ របស់ពូ ដើរប្រមូលលុយ តាមគោលដៅនៅក្នុងប៉ុស្ដិ៍ ដោយមុខខ្លាញ់បំផុត ដោយលោក ខាត់ សារ៉ាត់ បានបញ្ជាឲ្យមន្ត្រីរបស់ខ្លួន រកលុយឡើងឲ្យខ្លួន ឲ្យបានតាមការកំណត់ នៃគោលដៅនីមួយៗ ដោយមានក្មួយឈ្មោះ ប្រាក់ ពេញ នេះជាអ្នកដើរប្រមូល គ្មានញញើតខ្លាចអ្នកណាឡើយ។
ជំវិញរឿងរាវនេះ អង្គភាព CSN នៅមិនទាន់ទទួលបាន ការបកស្រាយបំភ្លឺ ពីលោក ខាត់ សារ៉ាត់ បាននៅឡើយទេ ដោយមិនមាន លេខទូរសព្ទទំនាក់ទំនង។
សូមបញ្ជាក់ រាល់ការចេញផ្សាយ អង្គភាពយើង ផ្សាយតែព័ត៌មានពិត ជាក់លាក់ ច្បាស់លាស់ មិនលំអៀង គឺយោងទៅតាមប្រភព ច្បាស់ការណ៍ នឹងឯកសារមួយចំនួន ប្រសិនសាមីខ្លួន ឬស្ថាប័នពាក់ព័ន្ធ គិតថា មិនត្រឹមត្រូវ សម្ដេច ទ្រុង ឯកឧត្តម ឧកញ៉ា លោកជំទាវ អស់លោក លោកស្រី អាចធ្វើលិខិតស្នើសុំ មកការិយាយ័ល អង្គភាពយើងខ្ញុំ ដោយមានឯកសាមួយចំនួន ដើម្បីធ្វើការ កែតម្រូវឡើងវិញបាន តារយៈទូរស័ព្ទ លេខ 097 777 6000 រាល់ម៉ោងធ្វើការ៕ ដោយអ្នកប្រមាញ់់
About Post Author
អត្ថបទផ្សេងៗ:
លោក ខាត់ សារ៉ាត់ នាយប៉ូលីស អន្តោប្រវេសន៍ច្រកបាវិត អាងខ្លួនជាសាច់ញាតិ ឧបក ស ខេង ក្រសួងមហាផ្ទៃ នឹងមានការស្និទ្ធជាមួយលោក សុខ ផល នាយយកដ្ឋានអន្តោប្រវេសន៍ បើកដៃឲ្យក្មួយឈ្មោះ សី ហា ដែលជាអនុប្រព្រឹត្តអំពើពុករលួយ គ្មានញញើតច្បាប់
មេឈ្មួញឈើទាំង៣ ដែគេស្គាល់ឈ្មោះថា ឈ្មោះ ធា ឈ្មោះ សម្បត្តិ នឹង ឈ្មោះ ផុន កំពុងធ្វើសកម្មភាព ប្រមែប្រមូលគៀងគរបក្ខពួក ចូលកាប់នឹងដឹកជញ្ជូនឈើ ក្នុងដែនជម្រកសត្វព្រៃ ព្រៃឡង់
ប្រជាពលរដ្ឋស្រុកបូរីជលសារ នឹងស្រុកកោះអណ្ដែត អំពាវនាវសុំឲ្យ ឯកឧត្តម ឱម យិនទៀង ប្រធានអង្គភាពប្រឆាំងអំពើពុករលួយ បើកការស៊ើបអង្កេតឲ្យបានស៊ីជម្រៅ ទៅលើមន្ត្រីអាវុធហត្ថ ឈ្មោះ ឡេះ នឹងមន្ត្រីប៉ូលីសឈ្មោះ សាន្ត រដ្ឋា នឹងឈ្មោះ រឹន ដែរបានឃុបឃិតគ្នា យកបឹង នឹងឡូ ទៅលក់ឲ្យឈ្មួញវៀតណាម ឈ្មោះ កេរ…!
អ្នកស្រី ប្រាក់ គឹមហេង រងការរិះគន់ពីពលរដ្ឋថា អាងខ្នងជំទាវងួនញិលនឹងយកឈ្មោះកាកបាទក្រហម បិទបាំងក្នុងការរកស៊ីឈើនៅស្រុកសណ្ដាន់ខេត្តកំពង់ធំ
ពលរដ្ឋរិះគន់ អ្នកស្រី ប្រាក់ គឹមហេង អាងខ្លួនជាទីប្រឹក្សាឯឧត្តម ងួន ញ៉ិល នៅតែបន្តធ្វើសកម្មភា ដឹកជញ្ជូនឈើ ជ្រកក្រោមលេស ដឹកធ្វើផ្ទះជូនពលរដ្ឋក្រីក្រ
គ្រួសារឧកញ៉ា ថោង សារ៉ាត់ នឹងប្តឹងបកទៅកាន់សមត្ថកិច្ចគ្រប់ជាន់ថ្នាក់ (មានវីដេអូ)
ចំណាត់ការក្ដៅ របស់សមត្ថកិច្ច ខណ្ឌពោធិ៍សែនជ័យ ទៅលើល្បែងស៊ីសងបញ្ជល់មាន់ បណ្ដាលឲ្យស្លាប់ពរដ្ឋម្នាក់ ធ្វើឲ្យលោក យឹម សារ៉ាត់ សោកស្ដាយក្នុងករណីនេះ
សមត្ថកិច្ចខណ្ឌពោធិ៍សែនជ័យ ក្រោមការដឹងនាំលោក យឹម សារ៉ាត់ បន្តបង្ហាញស្នាដៃ ក្នុងការបង្ក្រាបការប្រើប្រាស់ នឹងជួញដូរគ្រឿងញៀន ដូចភ្លៀងរលឹម
ចំណាត់ការក្ដៅ របស់សមត្ថកិច្ច ខណ្ឌពោធិ៍សែនជ័យ ទៅលើល្បែងស៊ីសងបញ្ជល់មាន់ បណ្ដាលឲ្យស្លាប់ពរដ្ឋម្នាក់ ធ្វើឲ្យលោក យឹម សារ៉ាត់ សោកស្ដាយក្នុងករណីនេះ
ខ្សែអាត់សំលេង របស់លោក ឧកញ្ញា ថោង សារាត់ អំពាវនាវដល់សម្តេច ហ៊ុន សែន ជួយរកយុត្តិធម៍ ដល់ ក្រុមគ្រួសារ (មានវីដេអូ)
ACU បានរកឃើញ លោក លៀម ប៊ុនរឿន ពាក់ព័ន្ធប្រព្រឹត្តអំពើពុករលួយ កិបកេងប្រាក់ពីអំពើល្មើសច្បាប់ ១៤០ករណី សរុបចំនួនជិត៤០ម៉ឺនដុល្លារអាមេរិក ក្នុងរយៈពេលកាន់តំណែង ៣ឆ្នាំ
ផ្លូវទំនប់កប់ស្រូវ មានគេសុំប្តូរឈ្មោះ ទៅជា កប់ឡានវិញ
អាជ្ញាធរស្រុកខ្សាច់កណ្ដាល កំពុងរងការរិះគន់ ពីមហាជនថា ឃុបឃិតជាមួយឈ្មួញជីកអាថ៌ដី ឈ្មោះ កៅ ជម្រៅដល់ក្បាលប្រែត
ឈ្មួញឈើជាមន្ត្រីយោធាពាក់ស័ក្តិ៥ ឈ្មោះ ថន ប៊ុនធី « ហៅធីបាញ់ » ឮថាចាប់ផ្ដើមកក្រើកឡើងវិញហើយ ក្រោយពីអភិបាលខេត្ត ហៅទៅផ្ដល់អនុសាសន៍
មេឈ្មួញឈើជាមន្ត្រីយោធា ឈ្មោះ លឹម កាំង សម្រុកដឹកឈើប្រណិត ទៅវៀតណាមដូចហែរកឋិន សង្ស័យមានការបើកដៃ ពីលោកអភិបាលខេត្ត.!
រថយន្តកាមរីបាឡែនដឹកឈើគ្រញូង របស់មេឈ្មួញជនជាតិយួន ឈ្មោះ ហ្វឿង ធីម៉ាយ ( ហៅ យាយ ម៉ាយ ) បើកលឿនហោះចូលរណ្ដៅ ក្រឡាប់ផ្ងាជើងក្អួតចេញសុទ្ធតែឈើ