លោក ទី ប៉ុនឡង់ ប្រធានការិយាល័យគយ ប្រចាំច្រកព្រុំ បើកដៃឲ្យឧកញ៉ា សេង ឈុនឡេង នាំចូលទំនិញមិនបង់ពន្ធ.!

ចំនួនអ្នកបានអាន: 818

លោក បាន គន្ធី { Ban Kunty } កេខស្នាក់ការទំនាក់ទំនង រាយការណ៍ នឹងផ្ដល់ព័ត៍មាន : 078 55 11 12 / 097 777 6000

– នាយកគ្រប់គ្រង ព័ត៌មាន លោកស្រី សុខ គន្ធា
– នាយកបច្ចេកទេស លោក គន្ធី លីហ៊ាង នៃការិយាល័យ បណ្ដាញ ព័ត៌មាន { CSN }
__________________________________________
ចេញផ្សាយថ្ងៃ អង្គារ ១២កើត ខែទុតិយាសាធ ឆ្នាំច សំរិទ្ធស័ក្ត ព.ស ២៥៦២ ត្រូវនឹង ថ្ងៃទី២៤ ខែកក្តដា ឆ្នាំ ២០១៨

ខេត្តប៉ៃលិន ៖ ក្រុមគយ និងរដ្ឋាករចល័ត សហការជាមួយសាខា គយ និងរដ្ឋាករ ខេត្តប៉ៃលិន ចុះចាប់ឥដ្ឋការពារកំដៅថ្ងៃ ចំនួន ៣២កេះធំៗ { ១កេះ ទម្ងន់ជាង១តោន } ដែលគេនាំចូល ពីប្រទេសថៃ ចូលមកកម្ពុជា តាមច្រកទ្វារអន្តរជាតិព្រុំ ខេត្តប៉ៃលិន មិនទាន់មានការបង់ពន្ធត្រឹមត្រូវជូនរដ្ឋ ។

ហេតុការណ៍នេះ ធ្វលឡើងបន្ទាប់ពី បែកធ្លាយព័ត៌មាន មួយចំនួន ដែរបានចុះផ្សាយ ពាក់ព័ន្ធទៅនឹងរឿងនេះ ក៍ក៍មានការចុះចាប់ យកទៅរក្សាទុក នៅក្នុងផែស្ងួត រង់ចាំបង់ពន្ធតែម្តង ។ ហើយហេតុការ ណ៍នេះ បានកើតឡើង កាលពីវេលាម៉ោង៦ និង ៣០នាទីល្ងាច ថ្ងៃទី២៣ ខែកក្កដា ឆ្នាំ២០១៨ ស្ថិតនៅការដ្ឋាន កំពុងសាងសង់ អគារមួយកន្លែង ដែលមានម្ចាស់ ឈ្មោះ សេង ឈុនឡេង នៅទល់មុខកាស៊ីណូ { ដឹហ្កដអហ្វវិល } ចំងាយពីច្រកទ្វារ អន្តរជាតិព្រុំ ប្រហែល ៥០០ម៉ែត្រ ស្ថិតក្នុង ភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន។

គួរបញ្ជាក់ផងដែរថា ចំពោះសកម្មភាព ដកហូតឥដ្ឋ ដែលអត់បង់ពន្ធនេះ គេឃើញមានការអន្តរាគមន៍ ពីលោកស្រី ស៊ុំ ហ៊ាង ប្រធានមន្ទីរពាណិជ្ជកម្មខេត្ត ផងដែរ តែមិនអាច សម្របសម្រួលបាន ដោយខាងគយ យកគ្រឿងចក្រ ទៅចូកដឹកតាមរថយន្តទាំងយប់ រហូតទាល់តែអស់ ពីកន្លែងការដ្ឋាន តែម្តង ។

ពាក់ព័ន្ធករណីនេះ ប្រភពព័ត៌មាន ពីមន្ត្រីគយ និងរដ្ឋាករចល័ត បានបង្ហើបឲ្យដឹងថា បន្ទាប់ពីបែកធ្លាយ ព័ត៌មានមួយនេះ លេចឮទៅដល់ថ្នាក់លើ ក៍បានបញ្ជាឲ្យពួកគាត់ ចុះទៅរឹបអូស យកឥដ្ឋការពារកំដៅថ្ងៃ ចំនួន ៣២កេះធំៗ ដែលមានទម្ងន់ ប្រហែល ៣២តោន យកទៅរក្សាទុក នៅក្នុងផែស្ងួត ជាបណ្តោះអាសន្ន ដើម្បីរង់ចាំ ធ្វើការដោះស្រាយ គឺត្រូវឲ្យម្ចាស់បង់ពន្ធជូនរដ្ឋ តាមការកំណត់ផងដែរ ។

ចំណែក លោកឧកញ៉ា សេង ឈុនឡេង ជាម្ចាស់ឥដ្ឋខាងលើ បានឲ្យដឹងថា ការនាំឥដ្ឋចូលមក ក្នុងខេត្តប៉ៃលិន ដើម្បីសាងសង់អគារ ផ្ទះរបស់ខ្លួន កាលពីរសៀលថ្ងៃទី២១ ខែកក្កដា ដោយចំថ្ងៃសៅរ៍ ហើយខាងការិយាល័យគយ និងរដ្ឋាករច្រកទ្វារព្រុំ នឹងសាខាគយ នឹងរដ្ឋាករ ខេត្តប៉ៃលិន អត់ទាន់ចុះហត្ថលេខា លើក្រដាសស្នាមបង់ពន្ធ នាំចូលនោះទេ ឲ្យរង់ចាំដល់ថ្ងៃធ្វើការសិន ។ ហើយស្រាប់តែ ខាងគយ និងរដ្ឋាករចល័ត ចុះទៅរឹបអូស យកទាំងអស់តែម្តង ។

លោកឧកញ៉ា សេង ឈុនឡេង ជាម្ចាស់ឥដ្ឋខាងលើ បានបន្តថា ការនាំចូលឥដ្ឋទាំងនេះ មិនមែន ខាងលោកគេចវេស មិនចង់បង់ពន្ធជូនរដ្ឋនោះទេ សំខាន់គឺខាងគយ គេមិនធ្វើការ ហើយខាងលោក ប្រញាប់ឲ្យកម្មករសាងសង់ផ្ទះ ព្រោះពួកគេម្នាក់ៗ ប្រញាប់ចេញទៅស្រុកកំណើត ដើម្បីបោះឆ្នោត នៅថ្ងៃទី២៩ ខាងមុខនេះ ។

តែទោះយ៉ាងណាក៍ដោយ ករណីនេះ ត្រូវបានមជ្ឈដ្ឋាននានា លើកឡើងថា នេះគឺជាការឃុបឃិយគ្នា រវាងគយប្រចាំច្រក នឹងគយខេត្ត ត្រូវរ៉ូវគ្នាជាមួយមេឈ្មួញ យកលេសថ្ងៃសៅរ៍ ព្រោះតែថ្ងៃសៅរ៍ អត់ធ្វើការបែបនេះហើយ ដែលជាហេតុ ធ្វើឲ្យបាត់ចំណូពន្ធរដ្ឋ យ៉ាងសន្ថិកសន្ធាប់ នៅក្នុងឆ្នាំ២០១៧ ក្នុងអំឡុងលោក សំ សុវណ្ណារិទ្ធ ជាមេសាខាគយខេត្ត នឹងលោក ទី បុំុនឡង់ ជាមេការិយាល័យគយ ប្រចាំច្រកព្រុំ ។ ហើយពេលនេះ ស៊ីមិនទនងស្លាក់ឆ្អឹង ខំនាំគ្នាបិទបាំងថ្នាក់លើ ហើយថែមទាំងប្រាប់តៃកុងរថយន្ត ឲ្យគេចវេស ដោយមិនចាំបាច់ ចូលសាងទំនិញ នៅផែស្ងួតទៀតផង ព្រោះខ្លាចបែករឿង ប៉ុន្តែគួរឲ្យស្តាយ ផែនការក្បត់ថ្នាក់លើ របស់លោក ទី ប៊ុនឡង់ នឹងលោក សំ សុវណ្ណារិទ្ធ ខាងលើ ត្រូវបានបរាជ័យហើយ ។

បើតាមការបង្ហើប ឲ្យដឹងពីក្រុមមន្ត្រី នៃស្ថាប័នពាក់ព័ន្ធប្រចាំច្រកទ្វារអន្តរជាតិព្រំ ខេត្តប៉ៃលិន បានឲ្យអង្គភាព CSN បានដឹងកាលពីថ្ងៃទី២១ ខែកក្កដា ឆ្នាំ២០១៨ នេះថា គេដឹងយ៉ាងច្បាស់ថា ភាពមិនប្រក្រតី របស់មេគយដ៍មហិមាទាំងពីរ គឺលោក ទី ប៊ុនឡង់ នឹងលោក សំ សុវណ្ណារិទ្ធ ហ៊ានឃុបឃិត ឲ្យឈ្មួញដឹកទំនិញលោតឆ័ត្រ ពីប្រទេសថៃ ចូលមកកម្ពុជា ដោយមិនចាំបាច់ បង់ព័ន្ធជូនរដ្ឋនេះ ក៍ដោយសាមានអាងខ្នងបង្អែក ដ៍រឹងមាំ នៅអគ្គនាយកដ្ឋានគយ នឹងរដ្ឋាករកម្ពុជា ។

រហូតមកដល់ពេលនេះ គេនៅពុំទាន់ឃើញ លោក គុណ ញឹម អគ្គនាយកដ្ឋានគយ នឹងរដ្ឋាករកម្ពុជា ចាត់វិធានការណាមួយ ទៅលើបុគ្គ ទី ប៊ុនឡង់ នាយការិយាល័យគយ នឹងរដា្ឋករ ប្រចាំច្រកទ្វារអន្តរជាតិព្រំ ខេត្តប៉ៃលិន នឹងលោក សំ សុវណ្ណារិទ្ធ ប្រធានសាខាគយ នឹងរដ្ឋាករ ខេត្តប៉ៃលិន នៅឡើយទេ គេនៅតែសង្កេតឃើញ លោក ទី ប៉ុនឡង់ នឹងលោក សំ សុវណ្ណារុទ្ធ នៅតែបន្ត ឃុបឃិត ប្រព្រឹត្តអំពើពុករលួយ ធ្វើឲ្យបាត់ចំណូពន្ធរដ្ឋដដែរ ។

ជុំវិញករណីខាងលើនេះ អង្គភាព CSN មិនអាចស្វែងរក សុំការបំភ្លឺពីលោក ទី ប៊ុនឡង់ នឹងលោក សំ សុវណ្ណារិទ្ធ បានទេរហូតមកដល់ថ្ងៃនេះ ដោយទូរស័ព្ទ ទៅជាច្រើនដង គ្មានអ្នកទទួល តែទោះយ៉ាងណា អង្គភាពយើង រងចាំការបកស្រាយបំភ្លឺ នឹងទទួលស្វាគមន៍ជានិច្ច រាល់ប្រតិកម្មណាមួយ នៅពេលក្រោយ។

សូមបញ្ជាក់ រាល់ការផ្សាយ អង្គភាព {CSN } យើងខ្ញុំ ផ្សាយក្នុងការរិះគន់ ដើម្បីស្ថាបនា មិនមែនរិះគន់ ដើម្បីជាន់ពន្លិច ហើយក៍មិនមានការ ញុះញ៉ង់ ឲ្យមានការរើសអើងនោះទេ អង្គភាពយើងខ្ញុំ ក៍មិនមានពាក់ព័ន្ធ ទៅនឹង នយោបាយណាមួយដែរ អង្គភាពយើង ផ្សាយតែព័ត៌មានពិត ជាក់លាក់ ច្បាស់លាស់ ដោយយោងតាមឯកសារមួយចំនួន ប្រសិនបើ សម្ដេច ទ្រង់ អ្នកឧកញ៉ា ឯកឧត្តម លោកជំទាវ លោក លោកស្រី គិតថា ព័ត៌មានខាងលើនេះមិនពិត អាចប្ដឹងមក ការិយាល័យនិពន្ធយើងខ្ញុំ តាមរបបសារព័ត៌មាន ដើម្បីធ្វើការបកស្រាយបំភ្លឺ ទៅតាមឯកសារ ដែលអះអាងថា ជាឯកសារពិតនោះ ឡើងវិញបាន រាល់ម៉ោងធ្វើការ ៕ ទំនាក់ទំនង នឹងផ្ដល់ ព័ត៌មាន មកកាន់ការរិយាល័យនិពន្ធ យើងខ្ញុំតាមរយៈ ទូរស័ព្ទ លេខ 097 777 6000