លោក បាន គន្ធី { Ban Kunty } ចាងហ្វាងការផ្សាយ លេខស្នាក់ការទំនាក់ទំនង រាយការណ៍ នឹងផ្ដល់ព័ត៍មាន : 078 55 11 12 / 097 777 6000
__________________________________________
ចេញផ្សាយថ្ងៃ អង្គារ ៤រោច ខែទុតិយាសាធ ឆ្នាំច សំរិទ្ធស័ក្ត ព.ស ២៥៦២ ត្រូវនឹង ថ្ងៃទី៣១ ខែកក្តដា ឆ្នាំ ២០១៨
លោក កែប កត់ មេរដ្ឋបាលព្រៃឈើ ខេត្តរតនគិរី កំពុងរងការចោទប្រកាន់ ពីសំណាក់បងប្អូនប្រជាពលរដ្ឋ រស់នៅក្នុងឃុំប៉យ ស្រុកអូរជុំ ខេត្តរតនគិរី ថា៖ ជាអ្នកឃុបឃិតបើកដៃ ឲ្យមេឈ្មួញពីរនាក់ប្ដីប្រពន្ធ ប្ដីឈ្មោះ ទូច នឹងប្រពន្ធឈ្មោះ ណាត ដឹកជញ្ជូនឈើ ឆ្លងដែនខុសច្បាប់ ទៅលក់ឲ្យយួន ម៉ាសេរីមុនថ្ងៃបោះឆ្នោត រហូតមកដល់ថ្ងៃនេះ? ។
ប្រភពពីប្រជាពលរដ្ឋ រស់នៅក្នុងឃុំប៉យ ស្រុកអូរជុំ ខេត្តរតនគិរី បានបន្តឲ្យដឹងថា ករណីសមត្ថកិច្ចអាវុធហត្ថ បង្ក្រាបឈើ ចំនួន ១៦០កំណាត់ កាលពីថ្ងៃទី២១ ខែកក្កដា កន្លងទៅថ្មីៗនេះ គឺជារឿងឥតន័យ ព្រោះឈ្មួញម្ចាស់ឈើ មិនត្រូវបាន សមត្ថកិច្ចបញ្ចេញអត្តសញ្ញាណ នៅឡើយទេ។
ទន្ទឹមនឹង នេះឈ្មួញជើងខ្លាំង ចាស់វស្សាកំពង់ ល្បីឈ្មោះ ពេញ ភូមិភាគឥសាន គឺប្ដីឈ្មោះ ទូច នឹងប្រពន្ធឈ្មោះ ណាត នៅតែអាច ដឹកជញ្ជូនឈើ ខុសច្បាប់ ពីទឹកដីស្រុកអូរជុំ ចេញទៅស្រុកយួន យ៉ាងពេញបន្ទុកដដែល ព្រោះមន្ត្រីរដ្ឋបាលព្រៃឈើ ក្នុងស្រុកអូរជុំ គឺលោក ទន់ វីរ:ភាព នាយរងផ្នែករដ្ឋបាល ព្រៃឈើអូរជុំគិតតែពីរឿង ប្រមូលលុយ តាមរបៀបពុករលួយ មិនញញើតអ្វីៗទាំងអស់ ដោយអាងលោក កែក កត់ ជាមេកោយ នៅពីក្រោយ។
ដូច្នេះហើយ ទើបកាល ពីប៉ុន្មានថ្ងៃមុននេះ ឈ្មួញឈ្មោះ ទូច និងប្រពន្ធឈ្មោះ ណាត ដែលល្បីល្បាញ ខាងដឹកជញ្ជូនឈើខុសច្បាប់ ជាយូរឆ្នាំណាស់មកហើយនេះ ដឹងឈើចេញទៅលក់ នៅស្រុកយួន តាមច្រកទ្វារអន្តរជាតិ អូរយ៉ាដាវ ហ៊ានបើកកកាយ អំពើអាក្រក់ និងរឿងអាស្រូវ ពុករលួយ របស់លោក ទន់ វីរ:ភាព យ៉ាងកំរោល។
ប្រភពពីមន្ត្រី ស្ថាប័នពាក់ព័ន្ធមួយចំនួន នៅតាមព្រុំដែន កម្ពុជា-វៀតណាម នឹងប្រជាពលរដ្ឋ រស់នៅតាមតំបន់ព្រំដែន ក្នុងឃុំញ៉ាង ស្រុកអណ្ដូងមាស ខេត្តរតនគិរី បានឲ្យ បណ្ដាញព័ត៌មាន CSN យើងដឹងថា មេឈ្មួញប្ដីឈ្មោះ ទូច នឹង ប្រពន្ធឈ្មោះ ណាត រយៈពេល ២សប្ដាហ៍ កន្លងទៅនេះ មេឈ្មួញ ទាំងពីអ្នកប្តី ប្រពន្ធសម្រុក ដឹកជញ្ជូនឈើ តាមម៉ូតូ និងតាមរថយន្តសាំយ៉ុង និង ឡានផ្សេងៗទៀត ចេញទៅស្រុកយួន តាមច្រកអន្តរជាតិ អូរយ៉ាដាវ និង ច្រករបៀង ផាតាម ទាំងយប់ទាំងថ្ងៃ ដោយរលូន ពីព្រោះសមត្តកិច្ចពាក់ព័ន្ធ នៅទីនោះ អាចជាប់ពាក់ព័ន្ធ ផលប្រយោជន៍ផ្ទាល់ខ្លួន? ។
ប្រភពបន្តថា ក្នុងមួយថ្ងៃៗ មេឈ្មួញឈ្មោះ ទូច និងប្រ ពន្ធ ឈ្មោះ ណាត បានដឹកជញ្ជូនឈើ ខុសច្បាប់ ដាក់តាមឡានសាំយ៉ុង និង ឡានផ្សេងទៀត ជាច្រើនគ្រឿង ចូលតាមច្រកអន្តរជាតិ អូរយ៉ាដាវ និង បានជួលប្រជាពលរដ្ឋ ឲ្យដឹកជញ្ជូនឈើតាមម៉ូតូ ពី៥០ ទៅ ៨០គ្រឿង ចេញទៅស្រុកយួន តាមច្រករបៀង ផាតាម ដោយសារមានការឃុបឃិត បើកដៃ ពីសំណាក់ មន្ត្រីរដ្ឋបាលព្រៃឈើ ក្នុងស្រុកអណ្ដូងមាស និង សមត្ថកិច្ចនគរបាល ប្រចាំច្រករបៀងមួយនេះ? ។
ជុំវិញបញ្ហានេះ លោក ជា តារា នាយការិយាល័យ នគរបាល ប្រឆាំងបទល្មើសសេដ្ឋកិច្ច ខេត្តរតនគិរី ក៍ត្រូវបានមជ្ឈដ្ឋាននានា រិះគន់ថា៖ មិនចាត់វិធានការទប់ស្កាត់ ក្រុមឈ្មួញ ដឹកជញ្ជូនឈើ ខុសច្បាប់ ចេញទៅស្រុកយួន តាមច្រកទ្វារអន្តរជាតិ អូរយ៉ាដាវ និង ច្រករបៀងក្នុងឃុំញ៉ាង ស្រុកអណ្ដូងមាស នោះឡើយ ហើយកំពុងរក្សាភាពស្ងៀមស្ងាត់ ដើម្បីផលប្រយោជន៍? ។
ប្រភពព័ត៌មាន ពីសកម្មជនព្រៃឈើ និង មន្ត្រីអង្គការ ក្រៅរដ្ឋាភិបាល បានលើកឡើងថា លោក កែប កត់ នាយខណ្ឌរដ្ឋបាលព្រៃឈើ ខេត្តរតនគិរី គឺជាមេខ្លោងធំបំផុត ក្នុងការឃុបឃិតបើកដៃ ឲ្យឈ្មួញដឹកជញ្ជូនឈើ ពីខេត្តរតនគិរី ចេញទៅស្រុកយួន យ៉ាងពេញបន្ទុក ដើម្បីជាថ្នូរ នឹងផលប្រយោជន៍ផ្ទាល់ខ្លួន។ ហេតុនេះហើយ ទើបក្រុមឈ្មួញធំៗ ដូចជា ឈ្មួញឈ្មោះ ណាប់ វណ្ណៈ ហៅ { ណាក់ក្បាលធំ } ឈ្មួញឈ្មោះ ហ៊ូជីវ៉ៃ ឈ្មួញឈ្មោះ ទូច នឹងឈ្មួញជើងខ្លាំង ពីនាក់ប្ដីប្រពន្ធ ប្ដីឈ្មោះ ទូច និង ប្រពន្ធឈ្មោះ ណាត ។ល។ នៅ តែសម្រុកដឹកជញ្ជូនឈើ ចេញទៅស្រុកយួន តាមច្រកទ្វារអន្តរជាតិ អូរយ៉ាដាវ និង ច្រករបៀង ក្នុងស្រុកអូរយ៉ាដាវ ស្រុកអណ្ដូងមាស យ៉ាងគគ្រឹកគគ្រេង។
ប្រភពដដែរបន្តថា ឈ្មួញខ្លះទៀត ដឹកជញ្ជូនឈើ ពីខេត្តស្ទឹងត្រែង ចូលខេត្តរតនគិរី ឆ្លងកាត់ផ្លូវជាតិ លេខ៧៨ ចេញទៅស្រុកយួន យ៉ាងសុខស្រួល ព្រោះមានលោក កែប កត់ មេរដ្ឋបាលព្រៃឈើ ខេត្តរតនគិរី និងសមត្ថកិច្ចពាក់ព័ន្ធ ជាខ្នងបង្អែក យ៉ាងរឹងមាំ។ ហើយសូម្បីតែ មន្ត្រីគណៈកម្មការ បង្ក្រាប និងទប់ស្កាត់ បទល្មើសព្រៃឈើ ដែលចុះបំពេញបេសកកម្ម នៅក្នុងខេត្តរតនគិរី នាពេលកន្លងមក ក៍មិនហ៊ានបង្ក្រាប ក្រុមឈ្មួញដឹកជញ្ជូនឈើ ខុសច្បាប់ ចេញទៅស្រុកយួនខាងលើនោះឡើយ? ហើយនាំគ្នាសម្ងំ ទទួលផលប្រយោជន៍ ដោយស្ងៀមស្ងាត់? ។
គួរបញ្ជាក់ផងដែរថា ជុំវិញបញ្ហាខាងលើនេះ អង្គភាព CSN មិនអាចសុំការបំភ្លឺ ពីលោក ពីលោក កែប កត់ នាយខ័ណ្ឌ រដ្ឋបាលព្រៃឈើខេត្ត នឹង លោក ទន់ វិរ:ភាព នាយរងផ្នែករដ្ឋបាល ព្រៃឈើស្រុកអូរជុំ រួមទាំងមន្ត្រីសមត្ថកិច្ចពាក់ព័ន្ធបានទេ រហូតមកដល់ថ្ងៃនេះ ដោយទូរស័ព្ទមួយចំនួន ចូលជាច្រើនដង គ្មានអ្នកលើក ប្រហែលជាខ្លាច អ្នកព័ត៌មាន ដេញដោលសួរ ប៉ះពល់ផលប្រយោជន៍ របស់ខ្លួន តែទោះយ៉ាងណា អង្គភាពយើងរងចាំទទួល នូវការបកស្រាយបំភ្លឺ នៅពេលក្រោយ ។
សូមបញ្ជាក់ រាល់ការផ្សាយ អង្គភាព {CSN } យើងខ្ញុំ ផ្សាយក្នុងការរិះគន់ ដើម្បីស្ថាបនា មិនមែនរិះគន់ ដើម្បីជាន់ពន្លិច ហើយក៍មិនមានការ ញុះញ៉ង់ ឲ្យមានការរើសអើងនោះទេ អង្គភាពយើងខ្ញុំ ក៍មិនមានពាក់ព័ន្ធ ទៅនឹង នយោបាយណាមួយដែរ អង្គភាពយើង ផ្សាយតែព័ត៌មានពិត ដោយយោងតាម ឯកសារមួយចំនួន ប្រសិនបើ សម្ដេច ទ្រង់ ឯកឧត្តម អ្នកឧកញ៉ា លោកជំទាវ លោក លោកស្រី គិតថា ព័ត៌មានខាងលើនេះ មិនពិត អាចប្ដឹងមកការិយាល័យនិពន្ធយើងខ្ញុំ តាមរបបសារព័ត៌មាន ដើម្បីធ្វើការបកស្រាយបំភ្លឺ ទៅតាមឯកសារ ដែលអះអាងថា ជាឯកសារពិតនោះ ឡើងវិញបាន រាល់ម៉ោងធ្វើការ ៕ ឬអាចទំនាក់ទំនង នឹងផ្ដល់ ព័ត៌មាន មកកាន់ការរិយាល័យនិពន្ធយើងខ្ញុំ តាមរយៈ ទូរស័ព្ទ ដែលមានប្រព័ន្ធ 012 នឹង 097 ដែលមានលេខ 078 55 11 12 / 097 777 6000
About Post Author
អត្ថបទផ្សេងៗ:
ឈ្មួញឈើយួនឈ្មោះ អ៊ុក ញ៉ ដ៍ល្បីនៅខេត្តមណ្ឌលគិរី ឃុបឃិតសូកប៉ាន់ ឲ្យកងកម្លាំង នឹងសមត្ថកិច្ចពាក់ព័ន្ធ ថ្នូរនឹងកាប់ដឹកជញ្ជូនឈើប្រណិត ពីតំបន់ព្រៃអូរហ៊ុច ទៅលក់ស្រុកយួន
បែកធ្លាយរឿងលោក ឌឹម ជឿន នាយរងប៉ុស្ដិ៍ ឃុំប៉ក់យៃ ជាមេឈ្មួញនៅពីក្រោយ ការកាប់នឹងដឹកឈើ ពីតំបន់ឧទ្យានជាតិ អូរយាវដាវ ដឹកឆ្លងដែនតាមច្រករបៀងភ្នំក្រហម ទៅលក់ស្រុកយួន.!
ឈ្មួញឈើយួនឈ្មោះ អ៊ុក ញ៉ ដ៍ល្បីនៅខេត្តមណ្ឌលគិរី ឃុបឃិតសូកប៉ាន់ ឲ្យកងកម្លាំង នឹងសមត្ថកិច្ចពាក់ព័ន្ធ ថ្នូរនឹងកាប់ដឹកជញ្ជូនឈើប្រណិត ពីតំបន់ព្រៃអូរហ៊ុច ទៅលក់ស្រុកយួន
លោក កែប កត់ មេខណ្ឌរដ្ឋបាលព្រៃឈើ ខេត្តរតនគិរី មិនហ៊ានចុះបង្ក្រាបបទល្មើសជាក់ស្ដែង ទៅតាមសេចក្ដីរាយការណ៍ របស់អ្នកព័ត៌មាន ព្រោះខ្លាចបាត់ប្រយោជន៍
លោក ឈុន ច័ន្ទសីហា ចៅក្រមសាលាដំបូង មានរឿងអាស្រូវ នៅខេត្តសៀមរាប ទទួលបានកាតែងតាំង ជាអនុប្រធានសាលាដំបូង ខេត្តរតនគិរី
ឧត្តម សេនីយ៍ត្រី គឹម រស្មី មេបញ្ជាការអាវុធហត្ថ ខេត្តរតនគិរី ដឹកនាំកម្លាំង ចុះបង្ក្រាបទីតាំង ឈ្មួញស្តុកឈើដ៍ធំ បន្ទាប់ពីបានទទួលព័ត៌មាន
លោក ហួន ហ៊ីង ជាមនុស្សមានសំណាងជាងគេ ដែរបានលោក អ៊ុង រតនា ប្រធានមន្ទីរសុខាភិបាល ខេត្តរតនគិរី លួចតែងតាំងស្ងាត់ៗ ឲ្យកាន់កន្លែងការងារសំខាន់ៗ ៣កន្លែង
លោក ហួន ហ៊ីង ជាមនុស្សសំណាងជាងគេ ដែលលោក អ៊ុង រតនា ប្រធានមន្ទីរសុខាភិបាល ខេត្តរតនគិរី លួចតែងតាំងស្ងាត់ៗ ឲ្យកាន់ការងារសំខាន់ៗ ៣កន្លែងមន្ទីរផ្សេងគ្នា.!!!
សមត្ថកិច្ចឃាត់ខ្លួនប្ដីប្រពន្ធ័២នាក់ដែលពាក់ពន្ធ័ការលួចលក់អចលនទ្រព្យអ្នកដទៃកាលពី៣ឆ្នាំមុន
សមត្ថកិច្ចស្រុកថាឡាបរិវ៉ាត់ឃាត់ខ្លួនជនសង្ស័យបង្កជម្លោះហឹង្សានៅពេលផឹកស៊ី
កំពូលស្ត្រីដែលបង្កើតកូនបានដល់ទៅ២១នាក់ក្នុងពេល២៥ឆ្នាំ
រូបថតកូនកំលោះ កូនក្រមុំវ័យចំណាស់ ដែលល្បីពេញហ្វេសប៊ុកនោះ ឥលូវមានវីដេអូហើយ
ឈ្លួសប្រកែកគ្នាមួយថ្ងៃ ស្អែកឡើងតាមវាយដល់ផ្ទះ
សង្វៀនភ្នាល់បញ្ជល់មាន់ចល័ត ត្រូវបានសមត្ថកិច្ចបង្ក្រាបបានជោគជ័យ
បើកវេទិកាផ្សព្វផ្សាយនឹងពិគ្រោះយោបល់ ជាមួយប្រជាពលរដ្ឋទាំង៧ឃុំក្នុងស្រុកមុខកំពូល
ក្រុមចោលួចម៉ូតូ គោក្របី នៅខេត្តស្ទឹងត្រែង អស់ល័ក្ខត្រូវសមត្ថកិច្ចក្របួចជាប់