ចេញផ្សាយថ្ងៃ អាទិត្យ ១៤រោជ ខែស្រាពណ៍ ឆ្នាំច សំរិទ្ធស័ក្ត ព.ស ២៥៦២ ត្រូវនឹង ថ្ងៃទី០៩ ខែកញ្ញា ឆ្នាំ២០១៨ ដោយអង្ភាភព ព័ត៌មាន { CSN } ការិយា
ល័យនិពន្ធ 097 777 6000
លោកអភិបាល ខេត្តពោធិ៍សាត់ លោក ម៉ៅ ធនិន ត្រូវបានមហាជន រិះគន់ថា កំពុងរក្សាភាពស្ងៀមស្ងាត់ មិនចាត់វិធានការបង្ក្រាប និងទប់ស្កាត់ បទល្មើសព្រៃឈើ ឲ្យមានប្រសិទ្ធ ស្របទៅតាមបទបញ្ជា លេខ០០២ របស់រាជរដ្ឋាភិបាល ដែលមានសម្តេចតេជោ ហ៊ុន សែន ជានាយករដ្ឋមន្ត្រី នៃព្រះរាជាណាចក្រកម្ពុជា។
បើតាមប្រភព ពីមន្ត្រី មន្ទីរកសិកម្ម ខេត្តពោធិ៍សាត់ មួយរូប បានខ្សឹបឲ្យដឹងថា៖ ការដែលឈ្មួញអាច ដឹកជញ្ជូនឈើ ចេញពីខេត្តពោធិ៍សាត់ យ៉ាងគគ្រឹកគគ្រេង គឺមានការឃុបឃិត បើកដៃ ពីសំណាក់លោក ឡាយ វិសិដ្ឋ ប្រធានមន្ទីរកសិកម្ម ខេត្តពោធិ៍សាត់ និងលោក ងី វីរៈ នាយខណ្ឌរដ្ឋបាលព្រៃឈើ ខេត្តពោធិ៍សាត់ ដែលល្បីល្បាញ ខាងពុករលួយ ផងដែរ ។
លើសនេះទៅទៀត ការដែលឈ្មួញ អាចចូលកាប់ឈើ ហើយដឹកជញ្ជូនឈើ ចេញពីតំបន់ ព្រៃការពារ និងតំបន់ព្រៃអភិរក្ស ក្នុងស្រុកវាលវែង ក៍ដូចជាស្រុកភ្នំក្រវាញ ខេត្តពោធិ៍សាត់ គឺមានការឃុបឃិត បើកដៃ ពីសំណាក់លោក ប៉ាន់ មរកត ប្រធានមន្ទីរបរិស្ថាន ខេត្តពោធិ៍សាត់។ មានន័យថា ករណីឈ្មួញ ឈ្មោះ តាំង អៀង និងឈ្មួញច្រើននាក់ទៀត អាចបន្តសកម្មភាព ដឹកជញ្ជូនឈើ ចេញពីខេត្តពោធិ៍សាត់ យ៉ាងពេញបន្ទុកនេះ គឺមានការឃុបឃិត បើកដៃ ពីសំណាក់ មន្ត្រីរដ្ឋបាលព្រៃឈើ មន្ត្រីបរិស្ថាន និងសមត្ថកិច្ចពាក់ព័ន្ធជាច្រើនស្ថាប័ន។
ហើយក្នុងនោះ លោក ម៉ៅ ធនិន អភិបាលខេត្តពោធិ៍សាត់ ក៍ត្រូវមជ្ឈដ្ឋាននានា សង្ស័យថា ទទួលបានផលប្រយោជន៍ យ៉ាងច្រើន ពីបទល្មើសព្រៃឈើផងដែរ ទើបលោក ម៉ៅ ធនិន បណ្ដោយឲ្យបទល្មើសព្រៃឈើ ក្នុងខេត្តពោធិ៍សាត់ រាលដាល កាន់តែខ្លាំង ហើយមិនខ្វល់ ពីការរិះគន់ អ្វីទាំងអស់។
ប្រភពពីប្រជាពលរដ្ឋ រស់នៅក្នុង ឃុំអន្លង់រាប និងឃុំប្រមោយ ស្រុកវាលវែង ខេត្តពោធិ៍សាត់ បានឲ្យដឹងថា បច្ចុប្បន្ន ឈ្មួញឈ្មោះ តាំង អៀង និងឈ្មួញច្រើននាក់ទៀត កំពុងបន្តសកម្មភាព កាប់ឈើ ដឹកជញ្ជូនឈើ ចេញពីតំបន់ ដែនជម្រកសត្វព្រៃ ភ្នំសំកុស និងតំបន់អភិរក្ស ជួរភ្នំក្រវាញ ភាគកណ្ដាល យ៉ាងពេញបន្ទុក ដដែល។ ចំណែកលោក ម៉ៅ ធនិន អភិបាលខេត្តពោធិ៍សាត់ បានរក្សាភាពស្ងៀមស្ងាត់ ដោយមិនចាត់វិធានការបង្ក្រាប និងទប់ស្កាត់ បទល្មើសព្រៃឈើ ឲ្យស្របទៅតាមបទបញ្ជា លេខ០០២ របស់រាជរដ្ឋាភិ
បាលនោះទេ។
ទន្ទឹមនឹងនេះ ប្រភពពីមន្ត្រីបំរើការ នៅក្នុងសាលាខេត្តពោធិ៍សាត់ មួយចំនួន ក៍បានឲ្យដឹងថា បច្ចុប្បន្ន មានឈ្មួញរកស៊ី ដឹកជញ្ជូនឈើ ខុសច្បាប់ខ្លះ បានយកឈ្មោះ លោក ម៉ៅ ធនិន អភិបាលខេត្តពោធិ៍សាត់ ទៅប្រើប្រាស់ ដើម្បីបន្តសកម្មភាព ដឹកជញ្ជូនឈើខុសច្បាប់ ចេញពីខេត្តពោធិ៍សាត់ យ៉ាងរលូន។
ដោយឡែក ប្រភពពីមន្ត្រីអង្គការ ក្រៅរដ្ឋភិបាល និងសកម្មជនព្រៃឈើ ក្នុងខេត្តពោធិ៍សាត់ បានឲ្យដឹងថា រយៈពេល ប៉ុន្មានខែចុងក្រោយនេះ ក្រុមឈ្មួញច្រើននាក់ បានកាប់ឈើ នឹងដឹកជញ្ជូនឈើ ចេញពីតំបន់ដែនជម្រក សត្វព្រៃភ្នំឱរ៉ាល់ តំបន់ដែនជម្រកសត្វព្រៃ ភ្នំសំកុស និង តំបន់អភិរក្ស ជួរភ្នំក្រវាញ ភាគកណ្ដាល ដោយគ្មានញញើតអ្វីឡើយ។ ហើយក្រុមមន្ត្រី អង្គការក្រៅរដ្ឋាភិបាល បានកត់សម្គាល់ថា ករណីសមត្ថកិច្ច អាវុធហត្ថ លើផ្ទៃប្រទេស សហការជាមួយ សមត្ថកិច្ចអាវុធហត្ថ ខេត្តពោធិ៍សាត់ ក្នុងការបង្ក្រាបបទល្មើសព្រៃឈើ ក្នុងស្រុកវាលវែង និង ស្រុកភ្នំក្រវាញ នាពេលកន្លងមក គឺជារឿងឥតន័យ។
ជាក់ស្ដែង ករណីខ្លះ សមត្ថកិច្ចអាវុធហត្ថ បង្ក្រាបបានរថយន្ត និងគោយន្ត ដឹកឈើខុសច្បាប់ រាប់សិបគ្រឿង ហើយប្រគល់ ឲ្យមន្ត្រីរដ្ឋបាលព្រៃឈើ ចាត់ការតាមនីតិវិធី ក៍ប៉ុន្តែ មន្ត្រីរដ្ឋបាលព្រៃឈើ ដោះលែងរថយន្ត និងគោយន្ត ដឹកឈើទាំងនោះវិញ ដើម្បីជាថ្នូរ នឹងផលប្រយោជន៍។
តែទោះយ៉ាងណា ជុំវិញបញ្ហានេះ អង្គភាព CSN មិនអាចស្វែងរក សុំការបកស្រាយបំភ្លឺ ពីមន្ត្រីពាក់ព័ន្ធ ខាងលើ ក៍ដូចលោក ម៉ៅ ធនិន អភិបាលខេត្តពោធិ៍សាត់ បានទេ នៅថ្ងៃនេះ ដោយគ្មានលេខទូរស័ព្ទ ធ្វើការទំនាក់ទំនង។
សូមបញ្ជាក់ រាល់ការផ្សាយ អង្គភាព { CSN } យើងខ្ញុំ ផ្សាយក្នុងការរិះគន់ ដើម្បីស្ថាបនា មិនមែនរិះគន់ ដើម្បីជាន់ពន្លិច ឬក៍ញុះញ៉ង់ ឲ្យមានការរើសអើងនោះទេ ផ្សាយ តែព័ត៌មានពិត ដោយយោងតាមប្រភព នឹងឯកសារមួយចំនួន ប្រសិនបើ អស់លោក លោកស្រី គិតថា ព័ត៌មានខាងលើនេះមិនពិត អាចប្ដឹងមក ការិ
យាល័យនិពន្ធយើងខ្ញុំបាន តាមរបបសារព័ត៌មាន ដើម្បីធ្វើការបកស្រាយ បំភ្លឺឡើងវិញបាន ដោយមានភ្ជាប់ជាមួយឯកសារ ដែលអះអាងថា ជាឯកសារពិតនោះ មកជាមួយ ដើម្បីអង្គភាពយើង ធ្វើការកែតម្រូវជូនបាន រាល់ម៉ោងធ្វើការ ៕ ដោយភ្ងាក់ងារ យកព័ត៌មាន
អាចទំនាក់ទំនង នឹងផ្ដល់ ព័ត៌មាន មកកាន់ការរិយាល័យនិពន្ធ CSN យើងខ្ញុំ តាមរយៈ ទូរស័ព្ទ ដែលមាន 097 777 6000
About Post Author
អត្ថបទផ្សេងៗ:
លោក ម៉ៅ ធនិន អភិបាលខេត្តពោធិ៍សាត់ ត្រូវបានគេសង្ស័យថា ជាអ្នកបើកភ្លើងខៀវ ឲ្យមេឈ្មួញឈើ ឧកញ៉ា តាំង អ៊ាង ធ្វើសកម្មភាពកាប់បំផ្លាញ នឹងដឹកឈើមិនប្រក្រតី ពីស្រុកវាវែង នឹងស្រុកក្រវាញ.!
ឯកឧត្តម ម៉ៅ ធនិន អភិបាលខេត្តពោធិ៍សាត់ រងការរិះគន់ ពីសំណាក់ប្រពលរដ្ឋ នឹងមន្ត្រីរាជការក្នុងខេត្ត ថាមានការបើកភ្លើងខៀវ ឲ្យឈ្មួញបូមខ្សាច់បំផ្លាញរម្មណីដ្ឋានកោះថាស នឹងទំនប់តំណាក់អំពិល
ល្បីទៀតហើយ! រឿងឧកញ៉ាខ្មូត មែនអត់គេសង្ស័យថា ឯកឧត្តម ម៉ៅ ធនិន ជាអ្នកបើកភ្លើងខៀវ ឲ្យឧកញ៉ា តាំង អៀង កើនបក្ខពួកប្រមូលទិញឈើពីក្រៅ យកទៅស្តុកក្នុងក្រុមហ៊ុន MDS
នាយឧត្តមសេនីយ៍ សៅ សុខា នឹងអភិបាលខេត្តពោធិ៍សាត់ លោក ម៉ៅ ធនិន ដឹកនាំកម្លាំងចុះពិនិត្យ នឹងទបស្កាត់បទល្មើសព្រៃឈើ នៅស្រុកវាលវែង
ឯកឧត្តម គង់ អៀង នឹងលោក តាំង ម៉េងលាន ដឹកនាំមន្ត្រីក្រោមឧវាទចូលរួមគោរពវិញ្ញាណខណ្ឌ សពលោកម៉ុក ឆាប មេភូមិ ភូមិក្រោម
ឧកញ៉ាឈ្មួញឈើ តាំង អ៊ាង ចំណាយលុយរាប់សិបម៉ឺនដុល្លារ ប្រមូលទិញឈើខុសច្បាប់ ចូលជ្រកក្រោមសំបកស្នូក ក្រុមហ៊ុន MDS របស់លោកឧកញ៉ា ទ្រីភាព.!
បុរសម្នាក់ក្អួតឈាមស្លាប់ភ្លាមៗនៅលើទូកដរ មានការភ្ញាក់ផ្អើលទាំងព្រឹក
គួឲ្យរន្ធត់បុរសម្នាក់រថយន្តធុនធំកិនចំក្បាលចេញខួល
ពិធីប្រកាសចូលកាន់តំណែងអភិបាលរងស្រុកកោះធំ ក្រោមអធិបតីភាពឯកឧត្តមបណ្តិតម៉ៅភារុណ អភិបាលខេត្តកណ្ដាល
បុរសវ័យចំណាស់ដេកស្លាប់ក្នុងថ្លុកឈាម ដោយសាស្នាដៃកូនស្រវិងខួប
អគ្គីភ័យឆាបឆេះតូបអាជីវករនៅផ្សារលក់ត្រីក្រុងប៉ោយប៉ែត បង្កការភ្ញាក់ផ្អើលពលរដ្ឋនឹងសមត្ថកិច្ចទាំងយប់
លោកគាតហ៊ុលចៅសង្កាត់ផ្សារកណ្ដាលនឹងលោក ង៉ោម៉េងជ្រួនអភិបាលក្រុងប៉ោយប៉ែតមើលមិនឃើញ ផ្លូវ(ZOA)រងការខូចយ៉ាងធ្ងន់ធ្ងរពី១ឆ្នាំទៅ១ឆ្នាំ
លោកសំកុសលប្រធានសាខាគយនឹងរដ្ឋករខេត្តកោះកុង បើកដៃឲ្យកូនចៅដាក់កុងត្រូជជុះដេកអង្រឹងចាំយកលុយ
ឈើនៅក្នុងក្រុមហ៊ុនប៊ិញភឿក១បាត់អស់រាប់រយម៉ែត្រគូប ក្រោយពីនាយឧត្តមសេនីយ៍សៅសុខា ដឹកនាំកម្លាំងធ្វើការចុះបង្ក្រាបនាដើមឆ្នាំ២០១៦
ឈើប្រណិតរាប់រយដុំពលរដ្ឋមិនជឿថាជំនាញអត់ដឹង នោះទេកំតែមន្ទីរទំនាក់ទំនងព្រឹទ្ធសភានឹងរដ្ឋសភា សហការបង្ក្រាបកំអីជំនាញនៅតែធ្វើមិនដឹង
ដោយជីវភាពក្រីក្រ២នាក់ប្ដីប្រពន្ធទៅរកខ្យងមកលក់ ដើម្បីជីវិតត្រូវជនមិនស្គាល់អត្តសញ្ញាណសម្លាប់ឲ្យ ស្លាប់ទាំង២នាក់នៅសល់តែកូនៗកំព្រាគ្នាមឪពុកម្ដាយ