ចេញផ្សាយ ថ្ងៃច័ន្ទ ៩រោច ខែមិគសិរ ឆ្នាំច សំរិទ្ធស័ក្ត ព.ស ២៥៦២ ត្រូវនឹង ថ្ងៃទី៣១ ខែធ្នូ ឆ្នាំ២០១៨ ចេញផ្សាយដោយ៖ អង្ភាភព ព័ត៌មាន { CSN }
ប្រិយមិត្ត មានបំណង ចង់ផ្ដល់ព័ត៌មាន អាចទំនាក់ទំនង មកកាន់ការិយាល័យនិពន្ធ តាមរយ: ទូរស័ព្ទលេខ 097 777 6000
ថ្មីៗនេះ មានសេចក្ដីរាយការណ៍ថា ក្រុមហ៊ុន { ប្ល៊ូហ៊ីវិន } ដែលមានទីតាំង ស្ថិតនៅភូមិព្យូជ្រូក ឃុំគូលែនជើង ស្រុកគូលែន ខេត្តព្រះវិហារ ដែរបានទទួលសិទ្ធ បំពេញបន្ថែម ចុះថ្ងៃទី២៦ ខែកញ្ញា ឆ្នាំ២០១៨ លិខិតលេខ៦២២ ក.ស.ក ចុះថ្ងៃទី១៨ ខែមករា ឆ្នាំ២០១៨ របស់ក្រសួងកសិកម្មរុក្ខាប្រមាញ់ និងនេសាទ ស្តីពីកាទទួលស្គាល់ អោយកែច្នៃ ផលអនុផលព្រៃឈើបង់ពន្ធជូនរដ្ឋ ក្នុងដីសម្បទានសេដ្ឋកិច្ចនោះ គេសង្កេតឃើញ ការកាប់បំផ្លិចបំផ្លាញព្រៃឈើ នៅក្នុងតំបន់ជម្រកសត្វព្រៃបឹងពេរ និងតំបន់អភិរក្ស គូលែនព្រហ្មទេព យ៉ាងរាលដាល។
ប្រភពពីប្រជាសហគមន៍ ដែលរស់នៅជិតតំបន់ ក្រុមហ៊ុនខាងលើនេះ ពួកគាត់់បានលើកឡើងថា ក្រោយពីក្រុមហ៊ុនខាងលើ ទទួលបានសិទ្ធិ ពីក្រសួងកសិកម្មរុក្ខាប្រមាញ់ និងនេសាទរួចហើយនោះ ក្រុមហ៊ុនខាងលើនេះ ចាប់ផ្ដើមធ្វើសកម្មភាព ជិះសេះលែងដៃ និងបានបង្កផលលំបាក ដល់ក្រុមប្រជាពលរដ្ឋ ដែលរស់នៅជុំវិញតំបន់នោះ ក៍ដូចជាប្រជាសហគមន៍ ពោធិ៏រៀងទាំងមូល ដោយមួយរយៈកន្លងទៅនេះ ក្រុមហ៊ុន { ប្ល៊ូហ៊ីវិន } ដែលមានឈ្មោះ សេន ឡាំ ជាមេការធំ បានឲ្យមនុស្សរបស់ខ្លួន ចូលបំផ្លាញព្រៃឈើ នៅក្នុងតំបន់ជម្រកសត្វព្រៃបឹងពេរ និងតំបន់អភិរក្សគូលែនព្រហ្មទេព យ៉ាងរាលដាល។
ក្រុមប្រជាសហគមន៍ បានលើកឡើង នឹងរិះគន់ថា ក្រុមហ៊ុន {ប្ល៊ូហ៊ីវិន } អាចធ្វើអ្វីៗ តាមអំពើចិត្ត ដោយសាមានការបើកភ្លើងខៀវ ពីលោក អ៊ុំ ចាន់ដា អភិបាលខេត្តព្រះវិហារ នឹងមានការឃុបឃិតបើកដៃ ពីសំណាក់មន្ត្រីបរិស្ថាន និងមន្ត្រីរដ្ឋបាលព្រៃឈើ ក្នុងខេត្តព្រះវិហារ ផងដែរ ទើបអ្វីៗអាចប្រព្រឹត្តទៅដោយរលូន។ ហើយក្នុងនោះ លោក ពឹង ទ្រីដា ប្រធានមន្ទីរកសិកម្ម ខេត្តព្រះវិហារ ក៍ដូចជាមេរដ្ឋបាលព្រៃឈើ ក្នុងខេត្តព្រះវិហារ ត្រូវគេដឹងថា គឺជាអ្នកឃុបឃិត ឲ្យឈ្មោះ សេន ឡាំ មេការធំ របស់ក្រុមហ៊ុន { ប្ល៊ូហ៊ីវិន } ធ្វើអ្វីៗស្រេចតែអំពើចិត្ត ដើម្បីជាថ្នូរ នឹងផលប្រយោជន៍ផ្ទាល់ខ្លួន។
ប្រភពពីសមត្ថកិច្ចពាក់ព័ន្ធ បានឲ្យដឹងថា កាលពីថ្ងៃទី១១ ខែធ្នូ កន្លងទៅថ្មីៗនេះ ប្រជាសហគមន៍ការពារព្រៃឈើ បាននាំគ្នាព័ទ្ធចាប់រថយន្តរ៉េវ ដឹកឈើហុបមូល ចំនួន ៩ដើម របស់លោក សេន ឡាំ ដែលជាឈ្មួញឈើល្បីល្បាញ រស់នៅភូមិព្យួរជ្រូក ឃុំគូលែនជើង ស្រុកគូលែន ខេត្តព្រះវិហារ។ ហើយឈើនោះ ត្រូវបានលោក សេន ឡាំ មេការក្រុមហ៊ុន { ប្ល៊ូហ៊ីវិន } លួចប្រមូលទិញ ដឹកចេញពីតំបន់ អភិរក្សព្រៃឈើគូលែនព្រហ្មទេព កាត់តាមភូមិពោធិ៍រៀង ឃុំគូលែនជើង ស្រុកគូលែន ត្រូវបានប្រជាសហគមន៍ ការពារព្រៃឈើ បានសហការជាមួយសមត្ថកិច្ចមូលដ្ឋាន ដើម្បីនាំយករថយន្តរ៉េវ និងឈើជាវត្ថុតាង មករក្សាទុក នៅសាលាស្រុកគូលែន កាលពីព្រឹកថ្ងៃទី១៣ ខែធ្នូ ឆ្នាំ២០១៨ ដើម្បីចាត់ការតាមនីតិវិធី។
មន្ត្រីអាជ្ញាធរនិងសមត្ថកិច្ចមូលដ្ឋាន ក្នុងឃុំគូលែនជើង ស្រុកគូលែន បានឲ្យដឹងថា បច្ចុប្បន្នឈ្មោះ សេន ឡាំ បានប្រើប្រាស់យីហោក្រុមហ៊ុន { ប្ល៊ូហ៊ីវិន } ដើម្បីប្រមូលទិញឈើ ដឹកចេញពីតំបន់ដែនជម្រកសត្វព្រៃបឹងពេរ និងតំបន់អភិរក្សគូលែនព្រហ្មទេព យ៉ាងរលូន។ ចំណែកលោក អ៊ុន ចាន់ដា អភិបាលខេត្តព្រះវិហារ និងលោក ពឹង ទ្រីដា ប្រធានមន្ទីរកសិកម្ម ខេត្តព្រះ
វិហារ ព្រមទាំងមេរដ្ឋបាលព្រៃឈើ ខេត្តព្រះវិហារ កំពុងរក្សាភាពស្ងៀមស្ងាត់ ទុកឲ្យលោក សេន ឡាំ មេការក្រុមហ៊ុន { ប្ល៊ូហ៊ីវិន } បន្តប្រព្រឹត្តបទល្មើសព្រៃឈើយ៉ាងចំហ។
តាមប្រភព ព័ត៌មានពីប្រជាពលរដ្ឋ នៅក្នុងភូមិឃុំ ខាងលើនេះ បានបញ្ជាក់ឲ្យដឹងថា៖ ម្ចាស់ក្រុមហ៊ុននេះ មានឈ្មោះ សេន ឡាំ ជាមេការក្រុមហ៊ុន មានអាយុ ប្រហែលជាង ៥០ឆ្នាំ រស់នៅក្នុងភូមិឃុំ ខាងលើ កំពុងសម្រុកកាប់ ដឹងជញ្ញូនឈើ ពីតំបន់ខាងក្រៅ ចូលមកអាច្រៀក ដោយគ្មានអ្នកបង្រ្កាបទេ សូម្បីតែលោក អ៊ុំ ចាន់ដា អភិបាលនៃគណអភិបាល ខេត្តព្រះវិហារ ក៍អាចសម្ងំចាំទទួលប្រយោជន៍ ពីក្រុមហ៊ុនមួយនេះផងដែរ? ព្រោះថា អភិបាលខេត្ត ជាប្រធានគណ:បញ្ជាការ ឯកភាពខេត្ត ក្នុងការដឹកនាំទប់ស្កាត់ បទល្មើសព្រៃឈើ ហេតុអ្វីពេលនេះ បែជារក្សាភាពស្ងៀមស្ងាត់ បណ្ដោយឲ្យមេឈ្មួញ ឈ្មោះ សេន ឡាំ ធ្វើសកម្មភាព កាប់នឹងដឹកជញ្ជូនឈើ យ៉ាងគឃ្លើន ផ្ទុយពីច្បាប់អនុញ្ញាត ដែរខ្លួនមានទៅវិញ? ហើយបែជា លោកធ្វេីមិនដឹង? ឬមួយដូចពាក្យចាស់ថា មនុស្សដេកលក់ ងាយស្រួលដាស់ ប៉ុន្តែ ចំណែកដែលមនុស្ស ធ្វេីពត់ដេកលក់ ទេីបដាស់មិនភ្ញាក់ ។
ពាក់ព័ន្ធសកម្មភាព កាប់បំផ្លាញព្រៃឈើ យ៉ាងរង្គាល ខាងលើ ប្រប្អូនប្រជាពលរដ្ឋជាច្រើន បានអំពាវនាវ សូមឲ្យឯកឧត្តម ឧត្តសេនីយ៍ សៅ សុខា មេបញ្ជាការកងរាជអាវុធហត្ថ ផ្ទៃប្រទេស ដែលសម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្មុជាទុកចិត្ត បានចាត់តាំងក្នុង ឲ្យឯកឧត្តម បំពេញបេសកម្មពិសេស ក្នុងការការពារ ធនធានធម្មជាតិ បង្ក្រាបនឹងទប់ស្កាត់ សូមឯកឧត្តម ដឹកនាំបញ្ជា ចុះពិនិត្យមើល លើទីតាំងកហរុមហ៊ុន ខាងលើ ដែរកំពុងធ្វើសកម្មភាព អាច្រៀកឈើ ជារៀងរាល់ថ្ងៃនេះ ជាបន្ទាន់ផង ។ ព្រោះថា ក្រុមហ៊ុននេះ កំពុងផ្គើន ផ្ទុយពីអនុសាសន៍ សម្តេចក្រឡាហោម ស ខេង ដែលថ្មីៗនេះ លោកបានព្រមាន អភិបាលខេត្តមួយចំនួន ពីបទល្មើសព្រៃឈេីនេះផងដែរ ។
លោក អ៊ុំ ចាន់ដា អភិបាលខេត្តព្រះវិហារ ជុំវិញការចោទប្រកាន់ ពីសំណាក់ប្រជាពលរដ្ឋ ខាងលើ អង្ភាព CSN មិនអាចស្វែងរកសុំការពន្យល់ កំភ្លឺបកស្រាយ ជុំវិញកាចោទប្រកាន់នេះ បានទេ ដោយពុំមានលេខទូរស័ព្ទ សម្រាប់ទំនាក់ទំនង ។ ដោយឡែក លោក សេន ឡាំ មេការក្រុមហ៊ុន ខាងលើ ក៍មិនអាចទំនាក់ទំនង់ សុំការបកស្រាយ ពាក់ព័ន្ធ សកម្មភាពកាប់ដឹកជញ្ជូនឈើ ចូលអាច្រៀក យ៉ាងគគ្រឹកគគ្រេង នេះបានដែរ រហូតមកដល់ថ្ងៃនេះ ដោយទូរស័ព្ទរបស់លោក ទូរស័ព្ទចូលគ្មានអ្នកលើកទទួក ព្យាយាមទូរស័ព្ទក្រោយៗទៀត មិនអាចទាក់ទងបាន។
សូមបញ្ជាក់ រាល់ការផ្សាយ អង្គភាព យើងខ្ញុំ ផ្សាយក្នុងការរិះគន់ ដើម្បីស្ថាបនា មិនមែនរិះគន់ ដើម្បីជាន់ពន្លិច ឬក៍ញុះញ៉ង់ ឲ្យមានការរើសអើងឡើយ អង្គភាពយើងខ្ញុំ ផ្សាយតែព័ត៌មានពិត ដោយយោងតាមប្រភព នឹង ឯកសារមួយចំនួន ប្រសិនបើ អស់លោក លោកស្រី គិតថា ព័ត៌មានខាងលើនេះមិនពិត អាចប្ដឹងមកការិយាល័យនិពន្ធ យើងខ្ញុំបាន តាមរបបសារព័ត៌មាន ដើម្បីធ្វើការបកស្រាយ បំភ្លឺឡើងវិញបាន ដោយមានភ្ជាប់ជាមួយឯកសារ ដែលអះអាងថា ជាឯកសារពិតនោះ មកជាមួយ ដើម្បីអង្គភាពយើង ធ្វើការកែតម្រូវជូនឡើងវិញបាន រាល់ម៉ោងធ្វើការ ៕ ព័ត៌មានបឋម
About Post Author
អត្ថបទផ្សេងៗ:
ភាគីវៀតណាម បោះតង់រំលោភចូលក្នុងតំបន់ស ចំនួន ៩កន្លែង លោកឧត្ដមសេនីយ៍ត្រី ឈឿន សុចិត្ដ ស្នងការនគរបាលខេត្ដកណ្ដាល ប្រាប់ឲ្យរុះរើចេញឲ្យឆ្ងាយ ពីបន្ទាត់ព្រំដែន ជាតំបន់ស ភ្លាមៗ
លោក ជុំ ណារិន មន្ត្រីយោធាអាងខ្នងលោក ព្រហ្ម ឌិន កំពុងប្រឹងបដិសេធ រឿងដើរជំរិតយកលុយ ពីប្រជានេសាទខុសច្បាប់ តាមដងទន្លេរាប់ពាន់សម្រាស់
លោកស័ក្តិ៤កន្លះ ជុំ ណារិន ត្រូវបានមហាជនរិះគន់ថា អាងខ្នងលោកលោកផ្កាយបី ព្រហ្ម ឌិន ដើរជម្រិតយទាលុយ ពីក្រុមជនល្មើសនេសាទ តាមដងទន្លេយ៉ាងពេញបន្ទុក
សូមទស្សនាខ្លីបវីដេអូ ស្ដីពីសកម្មភាពរបស់លោក ឈុត វុទ្ធី កាលនៅរស់ ដែលបានប្រមាញ់សត្វព្រៃ (មានវីដេអូ)
បទល្មើសម៉ូតូគេចពន្ធនាំចូលពីថៃតាមច្រករបៀងស្រុកម៉ាឡៃយ៉ាងគគ្រឹកគគ្រេងរដ្ឋខាតស្ទើររាប់ម៉ឺនដុល្លារដោយសារការគេចពន្ធ
លោក អ៊ុំ វណ្ណា អាចទទួលផលប្រយោជន៍ បានយ៉ាងច្រើនក្រាសក្រាល បន្ទាប់ពីទទួលបានតំណែងជាមេប៉ូលីសសេដ្ឋកិច្ច ក្ដោបក្ដាប់៥ខេត្តម្នាក់ឯង
ក្រុមឡានដឹកអាចម៍ដី អាងអំណាចលោក មេឃុំឬស្សីជ្រោយ អ៊ុំ ឈុនស្រេង បង្កការប៉ះពាល់ដល់សិស្សរៀនយ៉ាងធ្ងន់ធ្ងរ
លោក អ៊ុំ ឈុនស្រេង មេឃុំឬស្សីជ្រោយ ប្រជាពលរដ្ឋរបស់ខ្លួន បបួលស្បថ ក្នុងរឿងរំលោភយកដីគាត់
លោក អ៊ុំ ចាន់រតនា មេគយច្រកដូង អាងខ្នងលោក គុណ ញឹម ប្រព្រឹត្តអំពើពុករលួយ ជិះសេះលែងដៃ ក្នុងការប្រមូលពន្ធ.!
ពលរដ្ឋរិះគន់លោក អ៊ុំ វណ្ណសុភ័ក្រ នាយផ្នែកព្រៃឈើសែនមនោរម្យ អសមត្ថភាពក្នុងការបង្ក្រាប ឬខ្លាចអំណាច ឈ្មួញឈើយួន ឈ្មោះ ភឿង
ត្រីងៀតឆ្លៀតពង ! លោក ប៉ាង ហៀង អធិការក្រុងបាត់ដំបង រងការិះគន់ថា ជាអ្នកបើកដៃឲ្យឈ្មោះ អ៊ុំ សម មន្ត្រីក្រោយឱវាត ដើរប្រមូលលុយតាផ្ទះសំណាក់ តាមរបៀបពុករលួយ
កំពូលស្ត្រីដែលបង្កើតកូនបានដល់ទៅ២១នាក់ក្នុងពេល២៥ឆ្នាំ
ចាំមើលពេលនេះ លោក អ៊ុំ រាត្រី អភិបាលខេត្តបន្ទាយមានជ័យ នឹងលោក បោន បុិន មេបញ្ជាការកងរាជអាវុធហត្ថខេត្ត អាចគេចផុតពីសំណាញ់ច្បាប់ឬយ៉ាងណា? បើមានបញ្ជាផ្ទាល់ពីសម្ដេចតេជោ ហ៊ុន សែន ឲ្យស្រាវជ្រាវហើយនោះ!
រកឃើញអតិថិជនខ្មែរដំបូងទិញ iPhone ស៊េរីថ្មីបានក្នុងតម្លៃជាង ២.០០០ ដុល្លារ
ឃាត់ខ្លួនជនឆ្លៀតឱកាសនិយម០៩នាក់ បន្លំធ្វើជាសមត្ថកិច្ច ដើរទាភាស៊ីពីអ្នកលក់ដូរ ក្នុងពីធីបុណ្យអុំទូក
8 ចំនុចដើម្បីបញ្ជៀសពីគ្រោះថ្នាក់ធំៗដូចកាលរត់ជាន់គ្នានៅកោះពេជ្រឆ្នាំ ២០១០ ក្នុងពិធីបុណ្យអុំទូក