ចេញផ្សាយ ថ្ងៃអាទិត្យ ១៥រោច ខែបុស្ស ឆ្នាំច សំរិទ្ធស័ក្ត ព.ស ២៥៦២ ត្រូវនឹង ថ្ងៃទី០៦ ខែមករា ឆ្នាំ២០១៩ ចេញផ្សាយដោយ៖ អង្ភាភព ព័ត៌មាន { CSN }
ប្រិយមិត្ត មានបំណង ចង់ផ្ដល់ព័ត៌មាន អាចទំនាក់ទំនង មកកាន់ការិយាល័យនិពន្ធ តាមរយ: ទូរស័ព្ទលេខ 097 777 6000
ខេត្តពោធិសាត់៖ ក្រោយពីបណ្ដាញ សារព័ត៌មាន ក្នុងស្រុកជាច្រើន បានចេញផ្សាយ ជាបន្តបន្ទាប់ ពាក់ព័ន្ធករណី មេឈ្មួញឈើ តាំង អៀង ធ្វើសកម្មភាព កាប់បំផ្លិចបំផ្លាញព្រៃឈើយ៉ាងរង្គាល នឹងធ្វើអាជីវកម្ម ប្រមូលទិញឈើខុសច្បាប់ នៅស្រុកវាវែង នឹងស្រុកភ្នំក្រវាញ ខេត្តពោធិ៍សាត ដោយអាងក្រុមហ៊ុន អឹមឌីអេស ( MDS ) របស់ឧកញ៉ា ទ្រីភាព នោះ ថ្មីៗនេះ ក៍មានកម្លាំងសមត្ថកិច្ច កងរាជអាវុធហត្ថ លើផ្ទៃប្រទេស បានចុះទៅបង្ក្រាប ជាបន្តបន្ទាប់ ។
ជាក់ស្ដែងបន្ទប់ពីកម្លាំងអាវុធហត្ថ លើផ្ទៃប្រទេស ដឹកនាំដោយលោក ឧត្តមសេនីយ៍ត្រី ចាន់ សុខឿន ស្នងការរង ស្នងការដ្ឋាន បច្ចេកទេស ចុះប្រតិបត្តិការ បង្ក្រាបឃាត់បានរថយន្តម៉ាករ៉េវ ចំនួន ០២គ្រឿង ដឹកឈើប្រភេទ ( រាជកុល ) ចំនួន ១១ កំណាត់ និងមនុស្ស ចំនួន ០៤នាក់ កាលពីថ្ងៃទី០៣ ខែមករា ឆ្នាំ២០១៩ នឹងបានប្រគល់ ឲ្យផ្នែករដ្ឋបាលព្រៃឈើ ស្រុកភ្នំក្រវាញ ចាត់ការតាមនីតិវិធី។ ហើយរហូតមកដល់ ថ្ងៃទី០៦ ខែមករា ឆ្នាំ២០១៩ នេះ កម្លាំងកងរាជអាវុធហត្ថ លើផ្ទៃប្រទេស ដឹកនាំដោយលោក ឧត្តមសេនីយ៍ត្រី ចាន់ សុខឿន ស្នងការរង ស្នងការដ្ឋាន បច្ចេកទេស ដដែល បានរុករកឃើញទីតាំងស្ដុកឈើ ដ៍ធំមួយកន្លែង នៅចំណុច ភូមិសេតបូរី ឃុំសត្រែរ ស្រុកក្រវ៉ាញ ខេត្តពោធិសាត់ ដែរមានមេការធំ ឈ្មោះ ណុប ឌី រត់គេចខ្លួនបាត់ ខណ:កម្លាំងអាវុធថត្ថ ចូលដល់ទីតាំង ឃើញបន្សល់ទុក្ខ រថយន្តម៉ាកធុនណារ៉ា ១គ្រឿង នៅនឹងកន្លែង។
បើតាមប្រភពព័ត៌មាន ពីកម្លាំងសមត្ថកិច្ចអាវុធហត្ថ បានឲ្យដឹងថា ការបង្ក្រាបនេះ មិនគឹបង្ក្រាបបទល្មើសជាក់ស្ដែង មិនថាបទល្មើទ្រង់ទ្រាយតូច ឬធំឡើយ ជាក់ស្ដែងទីតាំងស្ដុកឈើ ដ៍ធំមួយនេះ ត្រូវបានគេបង្ហើបឲ្យដឹងថា ជាទីតាំងស្ដុកឈើ របស់មេឈ្មួញ តាំង អៀង ដែលកំពុងល្បីមានអំណាច ទិញព្រៃឈើ ក្នុងតំបន់ ដែនជម្រកសត្វព្រៃ ភ្នំសំកុស តំបន់អភិរក្ស ជួរភ្នំក្រវាញ ភាគកណ្ដាល និងតំបន់ដែនជម្រកសត្វព្រៃ ភ្នំឱរ៉ាល ប៉ុន្តែពុំទាន់មានការបញ្ជាក់ច្បាស់លាស់ ពីចំនួនឈើ នៅក្នុងទីតាំងស្ដុកឈើខាងលើនេះនូវឡើយទេ ខណ:កម្លាំងសមត្ថកិច្ចអាវុធហត្ថ កំពុងធ្វើការ។
ប្រជាពលរដ្ឋ ក្នុងស្រុកភ្នំក្រវាញ និងស្រុកវាលវែង បានសារទរក្នុងការប្រកិបត្តិការ របស់កម្លាំងកងរាជអាវុធហត្ថ លើផ្ទៃប្រទេស មានការចង្អុលបង្ហាញនឹងបញ្ជា ពីឯកឧត្តន នាយឧត្តមសេនីយ៍ សៅ សុខា មេបញ្ជាការកងរាជអាវុធហត្ថលើផ្ទៃប្រទេស ដឹកនាំដោយលោក ឧត្តមសេនីយ៍ត្រី ចាន់ សុខឿន ស្នងការរង ស្នងការដ្ឋាន បច្ចេកទេស មានឆន្ទ:ចុះបង្ក្រាបទប់ស្កាត់បទល្មើសព្រៃឈើ ស្របតាមបទបញ្ជា លេខ០០២ របស់រាជរដ្ឋាភិបាល ទាន់ពេលវេលា បើមិនដូច្នេះទេ មេឈ្មួញទុច្ចរិត តាំង អៀង ដែលកំពុងយកច្បាប់ ពីក្រហែងមេឃ មកកម្លាមហាជន និងសមត្ថកិច្ច ដោយប្រើអាជ្ញាប័ណ្ណ អឹមឌីអេស ( MDS ) របស់ឧកញ៉ា ទ្រី ភាព ធ្វើជាដើមទុន កាប់បំផ្លាញ និងដឹកជញ្ជូនឈើ យ៉ាងសប្បាយរីកថ្លើម នឹងកើបលុយ ធ្វើឲ្យព្រៃឈើ កាន់តែរងការវិនាសហិនហោច ជាក់ជាមិនខានឡើយ។
ប្រភពបន្តឲ្យដឹងថា មេឈ្មួញទុច្ចរិត តាំង អៀង កំពុងជាន់ពន្លិចកិត្តិយស ឧកញ៉ា ទ្រី ភាព ម្ចាស់ក្រុមហ៊ុន អឹមឌីអេស ( MDS ) ដែលបានបញ្ចប់ ការរកស៊ីឈើយូរណាស់មកហើយ ពេលនេះ ទោះបីជាលោក តាំង អៀង ប្រើប្រាស់អាជ្ញាប័ណ្ណ របស់ក្រុមហ៊ុននេះក៍ដោយ គឺអាចប្រឈម នឹងការទទួលខុសត្រូវ ចំពោះមុខច្បាប់ ខណៈដែល ACU និង គណៈកម្មការបង្ក្រាបបទល្មើសព្រៃឈើ កំពុងចុះត្រួតពិនិត្យ ស៊ើបអង្កេតស៊ីជម្រៅ ទៅលើសកម្មភាព មេឈ្មួញ តាំង អៀង ដែលកំពុងប្រព្រឹត្តបទល្មើស កាប់និងដឹកជញ្ជូនឈើ ដោយគ្មានការអនុញាត ដើម្បីចាត់ការតាមផ្លូវច្បាប់។
ទាក់ទិននឹងករណី បង្ក្រាបទីតាំងស្តុកឈើដ៍ធំ ដែរគេដឹងច្បាស់ថា ជារបស់មេឈ្មួញ តាំង អៀង ស្ថិតក្នុងភូមិសាស្ត្រ ខាងលើនេះដែល អាចជាប់ពាក់ព័ន្ធ ជាមួយមន្ត្រីជំនាញ និងសមត្ថកិច្ច ដូចសម្លកំពឹស ក្នុងខេត្តពោធិសាត់ ពាក់ព័ន្ធករណីនេះ អង្គភាព CSN យើង មិនអាច ធ្វើការទំនាក់ទំនង សុំការបំភ្លឺ ពីភាគីណាមួយបានទេ នៅរសៀលថ្ងៃនេះ ដោយគ្មានលេខទូរស័ព្ទ ទំនាក់ទំនង ទោះជាយ៉ាងណាក្តី អង្គភាពយើង នឹងរង់ចាំទទួលព័ត៌មាន បន្ថែមទៀត ក្រោយពីសមត្ថកិច្ចកម្លាំងអាវុធហត្ថ ប្រគល់ទៅឲ្យជំនាញ ចាត់ការតាមនិតិវិធីបន្ត។
សូមបញ្ជាក់ រាល់ការផ្សាយ អង្គភាព យើងខ្ញុំ ផ្សាយក្នុងការរិះគន់ ដើម្បីស្ថាបនា មិនមែនរិះគន់ ដើម្បីជាន់ពន្លិច ឬក៍ញុះញ៉ង់ ឲ្យមានការរើសអើងឡើយ អង្គភាពយើងខ្ញុំ ផ្សាយតែព័ត៌មានពិត ដោយយោងតាមប្រភព នឹង ឯកសារមួយចំនួន ប្រសិនបើ អស់លោក លោកស្រី គិតថា ព័ត៌មានខាងលើនេះមិនពិត អាចប្ដឹងមកការិយាល័យនិពន្ធ យើងខ្ញុំបាន តាមរបបសារព័ត៌មាន ដើម្បីធ្វើការបកស្រាយ បំភ្លឺឡើងវិញបាន ដោយមានភ្ជាប់ជាមួយឯកសារ ដែលអះអាងថា ជាឯកសារពិតនោះ មកជាមួយ ដើម្បីអង្គភាពយើង ធ្វើការកែតម្រូវជូនឡើងវិញបាន រាល់ម៉ោងធ្វើការ ៕ ព័ត៌មានបឋម
About Post Author
អត្ថបទផ្សេងៗ:
ផ្ទះរបស់លោក ឧត្តមសេនីយ៍ត្រី អៀង ភី ជាកន្លែងផ្ដល់សុវត្ថិភាព សម្រាប់ក្រុមអ្នកញៀនល្បែង ជុលមាន់នឹងអាប៉ោង ហើយក៍ជាកន្លែង ធ្វើឲ្យពលរដ្ឋព្រួយបារម្ភ ភ័យខ្លាចផងដែរ មិនគួរថ្នាក់លើមើលរំលងទេ.!
ពិតជាខ្លាំងមែន លោក ចាន់ ពៅ អធិការរងខណ្ឌឬស្សីកែវ ផ្ញើសារសម្លេងគំរាមសម្លាប់ លោក លី រ៉ូហ្សាត ជានាយផ្នែកចរាចរណ៍
លោកផ្កាយ៣ ចាន់ វ៉ាន់ធឿន ប្រធាននាយកដ្ឋាននគរបាល ប្រឆាំងបទល្មើសសេដ្ឋកិច្ចក្រសួងមហាផ្ទៃមានការរិះគន់ ពីមន្ត្រីក្រោមឱវាទថាឲ្យកើតមានអំពើពុករលួយក្នុងអង្គភាព នឹងលើកស្ទួយតែបក្ខពួកខ្លួន
មន្ត្រីយោធាសឹករង កងអនុសេនាធំលេខ៨ នៃសឹករងក្រុងសំរោង ឈ្មោះ ចាន់ នឹងឈ្មោះ ស៊ុន ល្បីថា៖ អាងអំណាចលោក តុន ញាន មេបញ្ជាការសឹករងខេត្ត ខឹងតថ្លៃជាមួយថៅកែទិញឈើមិនត្រូុវ ប្រើអំណាចបាញ់គំរាម ប្រជាកម្មករឡើងកាប់ឈើទាំងគំរល.?
ក្រោយខ្នងនៃការ ចងកសំលាប់ខ្លួន របស់ នារីវ័យក្មេង នៅបាត់ដំបង ស្លាប់ចោលប្តី អណិកជន (Update)
នារីបុគ្គលិកមន្ទីរពហុព្យាបាលសំពៅមាស ចង.កធ្វើអត្តឃាតនៅជាន់ទី៤
មន្រ្តីរដ្ឋាភិបាល ពន្យល់ពីការ ចូលនិវត្តន៍ របស់លោកស្រី ម៉ែន សំអន ក្រោយមានការរិះគន់
ផ្ទះជាច្រើនខ្នង កំពុងរុះរើដោយឃើញផ្ទះ៥ខ្នង បានបាក់ស្រុចចូលក្នុងទន្លេ
ស្ពានជ្រោយចង្វាទី២ បើកដំណើការជាបណ្ដោះអាសន្ន ថ្ងៃទី១ ខែវិច្ឆិកា
សមត្ថកិច្ចស្រុកមុខកំពូល ដេញបង្ក្រាបជនសង្ស័យកាច់កម៉ូតូ បានមកវិញតែជនសង្ស័យរត់រួច
មរណភាពរបស់ឧកញ៉ា អ៊ឹង ម៉េងជី ជាការខកខានចូលខ្លួនឆ្លើយបំភ្លឺនៅសាលាដំបូងរាជធានីភ្នំពេញ ថ្ងៃទី០៨ ខែធ្នូ ខាងមុខ
សមត្ថកិច្ចឃាត់ខ្លួនប្ដីប្រពន្ធ័២នាក់ដែលពាក់ពន្ធ័ការលួចលក់អចលនទ្រព្យអ្នកដទៃកាលពី៣ឆ្នាំមុន
សមត្ថកិច្ចស្រុកថាឡាបរិវ៉ាត់ឃាត់ខ្លួនជនសង្ស័យបង្កជម្លោះហឹង្សានៅពេលផឹកស៊ី
កំពូលស្ត្រីដែលបង្កើតកូនបានដល់ទៅ២១នាក់ក្នុងពេល២៥ឆ្នាំ
រូបថតកូនកំលោះ កូនក្រមុំវ័យចំណាស់ ដែលល្បីពេញហ្វេសប៊ុកនោះ ឥលូវមានវីដេអូហើយ
ឈ្លួសប្រកែកគ្នាមួយថ្ងៃ ស្អែកឡើងតាមវាយដល់ផ្ទះ