ចេញផ្សាយ ថ្ងៃអាទិត្យ ១២រោច ខែផល្គុន ឆ្នាំច សំរិទ្ធស័ក្ត ព.ស ២៥៦២ ត្រូវនឹង ថ្ងៃទី០៣ ខែមិនា ឆ្នាំ២០១៩ ចេញផ្សាយដោយ៖ អង្ភាភព ព័ត៌មាន { CSN }
ប្រិយមិត្ត មានបំណង ចង់ផ្ដល់ព័ត៌មាន អាចទំនាក់ទំនង មកកាន់ការិយាល័យនិពន្ធ តាមរយ: ទូរស័ព្ទលេខ 097 777 6000
ភ្នំពេញ ៖ សម្ដេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានប្រកាសបញ្ចប់តួនាទី និងភារកិច្ច របស់អគ្គនាយកដ្ឋានកាំកុងត្រូល តាមច្រកទ្វារព្រំដែន អន្តរជាតិទាំងអស់ លែងឲ្យត្រួតពិនិត្យទំនិញនាំចេញ-នាំចូល ដើម្បីសម្រួលពាណិជ្ជកម្ម និងពង្រឹងភាព ប្រកួតប្រជែង ឲ្យវិនិយោគគិន និងពាណិជ្ជករ ទទួលបានផលប្រយោជន៍ កាន់តែច្រើន។
ការប្រកាសរបស់សម្ដេចតេជោ ហ៊ុន សែន យ៉ាងដូច្នេះ ធ្វើឡើងនៅលើទំព័រហ្វេសប៊ុក របស់សម្ដេច ដែលមានភ្ជាប់អនុក្រឹត្យមួយ « ស្តីអំពីការកែសម្រួលស្ថាប័ន មានសមត្ថកិច្ច ត្រួតពិនិត្យទំនិញនាំចេញ-នាំចូល ដើម្បីសម្រួលពាណិជ្ជកម្ម និងពង្រឹងភាពប្រកួតប្រជែងកម្ពុជា » ដែលមានហត្ថលេខា និងត្រា របស់សម្ដេចកាលពីថ្ងៃទី២៨ ខែមករា ឆ្នាំ២០១៩។
សម្ដេចតេជោ ហ៊ុន សែន សរសេរក្នុងសារនោះ នៅថ្ងៃទី២២ ខែកុម្ភៈ នេះ តាមន័យដើមថា៖ « កាលពីពេលថ្មីៗនេះ រាជរដ្ឋាភិបាល បានធ្វើការកែសម្រួលស្ថាប័នមានសមត្ថកិច្ច ត្រួតពិនិត្យទំនិញនាំចេញ-នាំចូល ដើម្បីសម្រួលពាណិជ្ជកម្ម និងពង្រឹងភាពប្រកួតប្រជែង ដើម្បីវិនិយោគគិន និងពាណិជ្ជករទទួលបានផលប្រយោជន៍ កាន់តែច្រើនឡើង »។
អនុក្រឹត្យដែលមាន ចំនួន៤ មាត្រានោះ បានបញ្ជាក់ក្នុងមាត្រា១ អំពីការបញ្ចប់តួនាទី និងភារកិច្ចត្រួតពិនិត្យ ទំនិញនាំចេញ-នាំចូល របស់អគ្គនាយកដ្ឋានកម្ពុជា ត្រួតពិនិត្យទំនិញ នីហរ័ណ អាហរ័ណ និងបង្ក្រាបការក្លែងបន្លំ (កាំកុងត្រូល) នៃក្រសួងពាណិជ្ជកម្ម ពីច្រកទ្វារគ្រប់ប្រភេទ នៅទូទាំងប្រទេសកម្ពុជា។
មាត្រា២ នៃអនុក្រឹត្យនេះ បញ្ជាក់តាមន័យដើមថា៖ «អគ្គនាយកដ្ឋានគយ និងរដ្ឋាករកម្ពុជា នៃក្រសួងសេដ្ឋកិច្ច និងហិរញ្ញវត្ថុ គឺជាស្ថាប័នតែមួយគត់ មានសមត្ថកិច្ច ក្នុងការត្រួតពិនិត្យទំនិញនាំចេញ-នាំចូល នៅច្រកទ្វារច្រកទ្វារព្រំដែនអន្តរជាតិ ច្រកទ្វារព្រំដែនទ្វេភាគី ច្រកតំបន់ព្រំដែន និងច្រកទ្វារកំពង់ផែសមុទ្រ តំបន់សេដ្ឋកិច្ចពិសេស ទីកន្លែងសន្ធិធិគយបណ្ដោះអាសន្ន និងទីកន្លែងត្រួតពិនិត្យ ទំនិញនាំចេញនាំចូលផ្សេងទៀត»។
អនុក្រឹត្យ ដដែលនោះ បន្ថែមថា ក្នុងករណីចាំបាច់ ដែលត្រូវការជំនាញឯកទេសជាក់លាក់ ក្នុងការត្រួតពិនិត្យ ស្របតាមគោលការណ៍គ្រប់គ្រង ហានិភ័យនោះ អគ្គនាយកដ្ឋានគយ និងរដ្ឋាករកម្ពុជា អាចស្នើសុំកិច្ចសហការ ពីស្ថាប័នឯកទេសផ្សេងទៀត ក្នុងការត្រួតពិនិត្យទំនិញនាំចេញ-នាំចូល ស្របតាមការកំណត់ នៃលិខិតបទដ្ឋានជាធរមាន។
ឯកឧត្តម ផៃ ស៊ីផាន អ្នកនាំពាក្យទីស្តីការគណៈរដ្ឋមន្រ្តី បានមានប្រ
សាសន៍ ថ្កែង មកកាន់អ្នកព័ត៌មានថា ៖ រដ្ឋាភិបាលសម្រេចបញ្ចប់តួនាទី និងភារកិច្ចត្រួតពិនិត្យ ទំនិញនាំចេញ-នាំចូល របស់អគ្គនាយកដ្ឋានកម្ពុជា ត្រួតពិនិត្យទំនិញ នៃក្រសួងពាណិជ្ជកម្មនេះ គឺជាផ្នែកមួយ នៃកំណែទម្រង់ពាណិជ្ជកម្ម ដើម្បីឲ្យទីផ្សារពាណិជ្ជកម្មរបស់កម្ពុជា កាន់តែមានភាពទូលាយ។
លោកបន្តថា កំណែទម្រង់នេះ នឹងធ្វើឲ្យលទ្ធភាព នៃការត្រួតពិនិត្យទំនិញ លែងមានការកកស្ទះ និងកាត់បន្ថយអំពើពុករលួយ។ ហើយលោកបានមានប្រសាសន៍បញ្ជាក់ថា៖ « ជាលទ្ធភាព នៃចរាចរណ៍ទំនិញ វាអត់មានការកកស្ទះ។ វាមិនមានការបាត់បង់ប្រាក់ ដែលពាក់ព័ន្ធនឹងចរាចរណ៍ទំនិញ ក៍ដូចជាការបាត់បង់ប្រាក់ ទៅលើក្រោមតុ និងលើតុ ដែលជាឧបសគ្គ នៅតាមច្រកព្រំដែននេះឯង ឬក៍ឧបសគ្គ នៃយន្តការមួយចំនួន ដែលធ្វើឲ្យមានឧបសគ្គ នៃពាណិជ្ជកម្ម។ អាស្រ័យហេតុដូច្នេះនេះ ជាកំណែទម្រង់មួយ ដើម្បីឲ្យពាណិជ្ជកម្មរបស់យើង រឹតតែបើកចំហ រឹតតែមានប្រសិទ្ធភាព ប្រកបដោយថាមពលនេះឯង »។
លោក សន ជ័យ នាយកប្រតិបត្តិ នៃសម្ព័ន្ធគណនេយ្យភាពសង្គមកម្ពុជា លើកឡើងថា ការបញ្ឈប់លែងឲ្យមានកាំកុងត្រូល នៅតាមបណ្តាច្រកព្រំដែន គឺជាចំណុចល្អ ដែលជួយកាត់បន្ថយពេលវេលា នៃការត្រួតពិនិត្យទំនិញ និងកាត់បន្ថយ ការចំណាយប្រាក់ច្រើនដំណាក់កាល ពាក់ព័ន្ធនឹងអំពើពុករលួយផ្សេងៗ ដែលអាចកើតឡើងក្នុងការត្រួតពិនិត្យទំនិញទាំងនោះ។ ទោះយ៉ាងណា លោកថា ការកាត់បន្ថយពេលវេលា និងការចំណាយក្រៅផ្លូវការទាំងនោះ នឹងអាចមានប្រសិទ្ធភាព លុះត្រាតែរដ្ឋាភិបាល មានយន្តការជាក់លាក់ ក្នុងការអនុវត្ត និងត្រួតពិនិត្យ លើការធ្វើការងាររបស់គយ និងរដ្ឋាករ ដែលទទួលបានភារកិច្ច ក្នុងការត្រួតពិនិត្យទំនិញ។
លោកបញ្ជាក់ថា៖ « រដ្ឋាភិបាលពិចារណារកផ្លូវ ឬក៏ឈានទៅរកការបង្កើត ឲ្យមានយន្តការផ្សេងៗ សម្រាប់ការទទួលព័ត៌មាន ត្រឡប់ពីអ្នកនាំទំនិញចេញចូល ដើម្បីធានាថា ការងាររបស់គយ ត្រូវបានរិះគន់ ឬត្រូវបានកែលម្អ ជាប្រយោជន៍ ដើម្បីឲ្យមានភាពងាយស្រួល នៃការនាំទំនិញចេញចូល ដើម្បីកុំឲ្យកើតមានការបន្ទុចបង្អាក់ ឬក៍ឱកាសនៃការពន្យារពេលវេលា ដើម្បីជាថ្នូរ នឹងផលប្រយោជន៍ អ្វីមួយនោះ»។
បើតាមគេហទំព័រ របស់ក្រសួងពាណិជ្ជកម្មកម្ពុជា កាំកុងត្រូល គឺជាអគ្គនាយកដ្ឋាន កម្ពុជា ត្រួតពិនិត្យទំនិញ នីហរ័ណអាហរ័ណ និងបង្ក្រាបការក្លែងបន្លំ។ អគ្គនាយកដ្ឋាននេះ មាននាយកដ្ឋានចំណុះ ចំនួន៤ ដែលមានសាខា ចំនួន២៧ និងមានបុគ្គលិកសរុប ចំនួន៥៣៥ នាក់ ទូទាំងប្រទេស។ ឈ្មោះនាយកដ្ឋាន ចំណុះទាំង៤ គឺនាយកដ្ឋានកិច្ចការការពារអ្នកប្រើប្រាស់ និងបង្រ្កាបការក្លែងបន្លំ នាយកដ្ឋានបច្ចេកទេស និងទំនាក់ទំនងសាធារណៈ នាយកដ្ឋាន គោលនយោបាយទូទៅ និងដោះស្រាយវិវាទ និងនាយកដ្ឋានមន្ទីរពិសោធន៍៕
About Post Author
អត្ថបទផ្សេងៗ:
សម្ដេចតេជោ ហ៊ុន សែន នឹងសម្ដេចកិត្តិព្រឹទ្ធបណ្ឌិត ប៉ុន រ៉ានី ហ៊ុន សែន អញ្ជើញជួបសំណេះសំណាល ជាមួយយុទ្ធជនពិការ ៣១៧គួលែនសៀមរាប
ទិវាអន្តរជាតិនារី៨មិនា២០១៧ នៅសាលាមហោស្រពកោះពេជ្រ ក្រោមអធិបតីភាពដ៍ខ្ពង់ខ្ពស់ សម្ដេចតេជោ ហ៊ុន សែន នឹងសម្ដេចកិត្តិព្រឹទ្ធបណ្ឌត ប៊ុនរ៉ានី ហ៊ុន សែន
ភាពខ្ជីខ្ជារបស់ថ្នាក់ដឹកនាំ ខេត្តកំពង់ឆ្នាំង សូម្បីតែពាក្យពីរម៉ាត់ ឈ្មោះ របស់សម្ដេចតេជោ ហ៊ុន សែន ក៍សរសេរមិនត្រូវដែរ បែទៅជាសរសេរថា សម្ដេចតេជោ ហ៊ុន សេន ទៅវិញ.!
សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានបញ្ជាក់ថា ចាប់ពីពេលនេះតទៅ សម្តេចនឹងធ្វើតាមអភិក្រមទី៥ ចំពោះមន្ត្រីខិលខូច និងធ្វើបាបប្រជាពលរដ្ឋ.!
សម្ដេចតេជោ ហ៊ុន សែន នឹងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន បានអញ្ជើញ ដង្ហែរព្រះករុណា ព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រ នៃព្រះរាជាណាចក្រកម្ពុជា យាងទត ពិធីអុំទូក បណ្តែតប្រទីប និងការអុចកាំជ្រួច នៅមុខព្រះបរមរាជវាំង ដើម្បីអបអរសាទរ ព្រះរាជពិធីបុណ្យអុំទូក
សម្ដេចតេជោ ហ៊ុន សែន អញ្ជើញទទួលសពវរជនកងទ័ពមួកខៀវ នឹងគោរពវិញ្ញាណក្ខន្ធ
សម្ដេចតេជោ ហ៊ុន សែន អញ្ជើញចុះសួសុខទុក លោកគ្រូអ្នកគ្រូនឹងសិក្សានុសិស្ស ចំនួន៦សាលានៅខេត្តព្រះសីហនុ
សម្ដេចតេជោ ហ៊ុន សែន អញ្ជើញសម្ភោធ សមិទ្ធផលនានា នៅខេត្តត្បូងឃ្មុំ
សម្ដេចតេជោ ហ៊ុន សែន អញ្ចើញកាត់ឬស្សីមា វត្តសិរីសាគរ ( ហៅវតត្តកំពង់ត្របែក ) ខេត្តព្រៃវែង
សម្ដេចតេជោ ហ៊ុន សែន ស្នើឲ្យគណ:មេធាវីកម្ពុជា ពង្រាយមេធាវី ទៅតាមខេត្ត នឹងជនបទ ជួយការពារដល់ពលរដ្ឋក្រីក្រ
អនុសាសន៍សំខាន់ៗ ចំនួន ១១ចំណុច សម្ដេចតេជោ ហ៊ុន សែន ផ្ដល់ដល់ក្រុមប្រឹក្សាជាតិកម្ពុជា ដើម្បីស្ត្រី រួមមាន
សម្ដេចតេជោ ហ៊ុន សែន អញ្ជើញចូលរួមពិធីខួបអនុស្សាវរីយ៍ លើកទី៦៦ នៃទិវាបុណ្យឯករាជ្យជាតិ ៩វិច្ឆិកា ២០១៩ នៅវិមានឯករាជ្យ
អភិបាលខេត្តស្ទឹងត្រែង លោក ម៉ុម សារឿន ហាក់ដូចគ្មានឆន្ទៈមើលផ្លូវ ទៅតាមបទបញ្ជារបស់ សម្ដេចតេជោ ហ៊ុន សែន ជាហេតុធ្វើឲ្យបាត់បង់ប្រជាប្រិយភាព របស់គណៈបក្សប្រជាជនកម្ពុជា
អបអរសាទ ការបើកសម្ពោធ ដាក់ឲ្យប្រើប្រាស់ សកលវិទ្យាល័យក្រចេះ ក្រោមអធិបតីភាពដ៍ខ្ពង់ខ្ពស់ សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជណាចក្រ កម្ពុជា.!
រាជរដ្ឋាភិបាល សម្ដេចតេជោ ហ៊ុន សែន សម្រេចបង្កើតក្រុមការងារចម្រុះទទួល នឹងដោះស្រាយបណ្ដឹងតវ៉ាផ្សេងៗ នៅមុខភូមិគ្រឹះ វិមានឯករាជ្យ រាជធានីភ្នំពេញ នឹងក្រុងតាខ្មៅ ខេត្តកណ្ដាល
ឯកឧត្តម ជា ពិសី នាំយកម៉ាស់ អំណោយដ៍ថ្លៃថ្លា សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ប្រគល់ដល់រដ្ឋបាលសង្កាត់ ទាំង០៧ នៃខណ្ឌប្ញស្សីកែវ