ជនជាតិយួននៅតែចូលមកកាប់ឈើខ្មែរ នៅតាមតំបន់ព្រំដែនខេត្តរតនគីរី

ខេត្តរតនគីរី~ ​សមត្ថកិច្ច​ខ្មែរ​ការពារ​តាម​តំបន់​ព្រំដែន​ក្នុងស្រុក​អណ្តូង​មាស ខេត្ត​រតន​គិ​រី មិន​ត្រឹមតែ​មិន​ចាត់វិធានការ​ទប់ស្កាត់​ជនជាតិ​យួន​កុំ​ឲ្យ​ចូល​មក​​កាប់​ឈើ​លើ​ទឹកដី​ខ្មែរ​ប៉ុណ្ណោះ​ទេ គឺ​ថែមទាំង​បើកដៃ​ឲ្យ​ជនជាតិ​យួន​ចូលមក​កាប់​ឈើ​និង​ដឹកជញ្ជូន​ចេញ​តាម​អំពើ​ចិត្ត​។ ប្រការនេះ​អាជ្ញាធរ​ក៏ដូចជា​សមត្ថកិច្ច​ខេត្តរតនគិរី​ត្រូវ​ចាត់វិធានការ​ទប់ស្កាត់​ជាបន្ទាន់​បំផុត​ព្រោះ​សមត្ថកិច្ច​ខ្មែរ​តាម​ប៉ុស្តិ៍​ការពារ​ព្រំដែន​គឺជា​អ្នក​បើកដៃ​ឲ្យ​ជនជាតិ​យួន​ចូលមក​កាប់​ឈើ ជា​ថ្នូរ​និង​សំណូក​លុយកាក់​។ ជាក់ស្តែង​ប្រជាពលរដ្ឋ​ជនជាតិដើម​ភាគតិច​រស់នៅ​តាម​តំបន់​ព្រំដែន​ក្នុង​ឃុំ​ញ៉ា​ង ស្រុក​អណ្តូង​មាស ខេត្តរតនគិរី បាន​អះអាងថា​ថ្មីៗ​នេះ​មាន​ជនជាតិ​យួន​មួយក្រុម​បាន​ឆ្លងដែន​ចូល​ដី​ខ្មែរ​ហើយ​អារ​រំលំ​ឈើមូល​ដឹកជញ្ជូន​ចូល​ទឹកដី​យួន ក្បែរ​ប៉ុស្តិ៍នគរបាល​ខ្មែរ​ការពារ​ព្រំដែន​។

​ប្រជាពលរដ្ឋ​ជនជាតិដើម​ភាគតិច​ចា​រ៉ា​យ​នៅ​ភូមិ​កែ​ត ឃុំ​ញ៉ា​ង ស្រុក​អណ្តូង​មាស បាន​ឲ្យ​ដឹងថា​ប៉ុន្មាន​ថ្ងៃ​មុននេះ​ជនជាតិ​យួន​មាន​គ្នា​៨​នាក់​ប្រដាប់​ដោយ​ម៉ាស៊ីន​អារឈើ​ស្វ័យប្រវត្តិ​៦​គ្រឿង​និង​អាវុធ​វែង​មួយ​ដើម​បាន​ឆ្លងកាត់​ខ្សែបន្ទាត់​ព្រំដែន​ក្បែរ​ប៉ុស្តិ៍នគរបាល​ការពារ​ព្រំដែន​ខ្មែរ​ចំណុច​អូរ​សេដ្ឋី ហើយ​អារ​រំលំ​ឈើមូល​និង​ប្រើប្រាស់​រថយន្ត​២​គ្រឿង​ដឹកជញ្ជូន​ទៅ​ទឹកដី​យួន​វិញ​យ៉ាង​រលូន​។ ជនជាតិដើម​ភាគតិច​បាន​ឲ្យ​ដឹង​កាលពី​ថ្ងៃទី​០៥ ខែវិច្ឆិកា ម្សិលមិញ​នេះ​ថា​ពួកគាត់​គ្មាន​លទ្ធភាព​ទ​ប់​ស្កាត់​សកម្មភាព​ជនជាតិ​យួន​ចូលមក​កាប់​ឈើ​តាម​ព្រំដែន​នោះទេ ព្រោះ​ជនជាតិ​យួន​ទាំងនោះ​មាន​កាំភ្លើង​។ ប្រជាពលរដ្ឋ​បាន​បញ្ជាក់ថា​រាល់ពេល​មាន​បញ្ហា​កើត​ទ្បើង ពួកគាត់​តែងតែ​រាយការណ៍​ទៅ​មន្ត្រី​អាជ្ញាធរ​និង​ស្ថាប័ន​ពាក់ព័ន្ធ ប៉ុន្តែ​គ្មាន​នរណា​យកចិត្តទុកដាក់​ចាត់វិធានការ​ទប់ស្កាត់​ទ្បើ​យ​។

​មន្ត្រី​អង្គការក្រៅរដ្ឋាភិបាល​ដែល​ឃ្លាំមើល​បទល្មើស​បំផ្លាញ​ព្រៃឈើ​ក្នុង​ខេត្តរតនគិរី​បាន​ឲ្យ​ដឹងថា​ជា​ញឹកញាប់​មាន​ជនជាតិ​យួន​ចូលមក​កាប់​ឈើ​តាម​តំបន់​ព្រំដែន​ក្នុងស្រុក​អណ្តូង​មាស និង​ស្រុក​អូ​រយ៉ា​ដាវ ហើយ​គ្មាន​សមត្ថកិច្ច​ឬ​មន្ត្រី​អាជ្ញាធរ​ណា​ចាត់វិធានការ​ទប់ស្កាត់​ទេ​។ កន្លងមក​ប្រជា​សហគមន៍​ការពារ​ព្រៃឈើ​ធ្លាប់​ឃាត់ខ្លួន​ជនជាតិ​យួន​ជាច្រើន​នាក់​ដែល​ឆ្លងដែន​មក​កាប់​ឈើ​ខុសច្បាប់​លើទឹក​ដី​ខ្មែរ ប៉ុន្តែ​ទីបំផុត​សមត្ថកិច្ច​និង​មន្ត្រី​អាជ្ញាធរ​ដោះលែង​ជនជាតិ​យួន​ទាំងនោះ​ឲ្យ​ត្រ​ទ្ប​ប់​ទៅ​ស្រុក​វិញ​យ៉ាង​រំភើយ​។ ប្រការ​នេះហើយ​ដែល​ធ្វើ​ឲ្យ​ពួកគាត់​អស់ជំនឿ​លើ​មន្ត្រី​អាជ្ញាធរ​និង​សមត្ថកិច្ច​ហើយ​តែងតែ​ប្រមូល​ផ្តុំគ្នា​ល្បាត​ក្នុងព្រៃ​ដើម្បី​ការពារ​ព្រៃឈើ​ដោយ​ខ្លួនឯង​ទោះបី​ត្រូវ​ប្រឈម​នឹង​គ្រោះថ្នាក់​យ៉ាងណាក៏ដោយ​៕ដោយ ប្រភពមនសិការខ្មែរ

 

image

សូមជួយស៊ែរព័ត៌មាននេះផង:

About Post Author