ការបញ្ជាក់ ពីប្រធានមន្ទីរសុខាភិបាលខេត្តបាត់ដំបង ពីតួលេខពិតនៃអ្នកផ្ទុកមេរោគអេដស៍

ខេត្ត​បាត់ដំបង​៖ បន្ទាប់ពីក្រុមគ្រូពេទ្យធ្វើតេស្តឈាមជាបន្តបន្ទាប់ ពីថ្ងៃទី៨ ខែធ្នូ ឆ្នាំ២០១៤ គិត​មក​ទល់​ ​ថ្ងៃ​ទី​១៦ ខែ​ធ្នូ ឆ្នាំ​២០១៤ ​ ចំនួន​ប្រជាពលរដ្ឋនៅ​ឃុំ​រកា ស្រុក​សង្កែ ខេត្ត​បាត់ដំបង ​បាន​គ្នាមក​ធ្វើ​តេស្តឈាម​​រក​មេរោគ​អេដស៍​កើន​ឡើង​ដល់​ជាង​៥៥៦​នាក់​ហើយ នឹងរកឃើញ​ចំនួន​អ្នក​ដែល​មាន​ផ្ទុក​មេរោគ​អេដស៍​កើនឡើងចំនួន​ជាង៩០នាក់​ហើយ ។

នេះ​បើ​តាម​កាឲ្យដឹងពីលោក​ វឿង ប៊ុនរ៉េត ប្រធាន​មន្ទីរ​​សុខាភិបាល​ខេត្ត​បាត់​ដំបង​ លោក​បាន​បន្ថែម​ថា ចាប់​តាំង​ពី​ធ្វើ​តេស្តឈាម​ពី​ថ្ងៃ​ទី​៨ មក ដល់​ថ្ងៃ​ទី​១៦ ខែ​ធ្នូ ឆ្នាំ​២០១៤ ចំនួន​៨២​នាក់​ខាង​លើ​នេះ​មិន​ទាន់​សន្មត​បាន​ទាំង​ស្រុង​នោះ​ទេ​ ព្រោះ​ត្រូវ​ការ​ឆ្លង​កាត់​ធ្វើ​តេស្ត​DNA ​ឲ្យ​ជាក់លាក់​សិន​ បើ​រក​ឃើញ​មែន​នោះ ទើប​ក្រុម​ការងារ​គ្រួ​ពេទ្យ​នឹង​ចុះ​ទៅ​បង្ហាញ​ដល់​ពួក​គាត់ ធ្វើ​សតិអារម្មណ៍​ផ្ដល់​ប្រឹក្សា​ដល់​ពួក​គាត់​ឲ្យ​ព្រម​ទទួល​យក​។

លោកបាបបន្តថា បើ​មានកាបញ្ជាក់រក​ឃើញ​ពីDNAមែន​ គឺ​ពួកគាត់​គ្រាន់​តែ​មាន​មេរោគ​ប៉ុណ្ណោះ ដូច្នេះ​ពេទ្យ​អាច​ឲ្យ​ថ្នាំ​ពន្យារពេល​ និង​ទប់ស្កាត់​កុំ​ឲ្យ​មេរោគ​នោះ​លេច​ឡើង​ ហើយ​ម្យ៉ាង​ទៀត​សម័យ​នេះ​ មនុស្ស​ក្នុង​​សង្គម​​គេ​មាន​ការ​យល់​ដឹង​ គេ​​មិន​រើ​អើង​នោះ​ទេ ដោយ​គ្រាន់​តែ​ពួក​គាត់​មាន​កាតព្វ​កិច្ច​ លេប​ថ្នាំ​ពន្យា​ឲ្យ​បាន​ទៀងទាត់​។ ចំពោះ​មូល​ហេតុ​នៃ​ការ​ឆ្លង​លោក​បាន​ឲ្យ​ដឹង​យ៉ាង​នេះ​​ថា យើង​មិន​អាច​បញ្ជាក់​បាន​ទេ ពី​ដំបូង​យើង​គិត​ថា​ឆ្លង​បណ្ដាល​មក​ពី​ក្មេង​ញៀន​ថ្នាំ​ ចាក់​បន្ត​គ្នា ប៉ុន្តែ​នេះ​មាន​កើត​ឡើង​លើ​កូន​ក្មេង និង​មនុស្ស​ចាស់​ផងដែរ ។

គួរ​បន្ថែម​ផង​ដែរ​ថា បច្ចុប្បន្ន​នេះ​ មន្ត្រី​ជំនាញ​សុខាភិបាល​បាន​ចុះ​ទៅ​តំបន់​នោះ និង​បន្ត​ធ្វើ​តេស្តឈាម​រក​មេរោគ​ជូន​ប្រជាជន​នៅ​តំបន់​នោះបន្តទៀត​ តាម​ការ​ស្ម័គ្រ​ចិត្ត​ក្រុមគ្រូពេទ្យបន្តទៀត។

 

image image

សូមជួយស៊ែរព័ត៌មាននេះផង:

About Post Author