ឈើនៅក្នុងក្រុមហ៊ុនប៊ិញភឿក១បាត់អស់រាប់រយម៉ែត្រគូប ក្រោយពីនាយឧត្តមសេនីយ៍សៅសុខា ដឹកនាំកម្លាំងធ្វើការចុះបង្ក្រាបនាដើមឆ្នាំ២០១៦

ដោយ ៖ រស់ សុភា ( កម្ពុជា ជោគជ័យ ) CSN

 

មណ្ឌលគិរី ៖ មានសេចក្ដីរាយការណ៍មួយបានឲ្យដឹងថា ឈើនៅក្នុងក្រុមហ៊ុន ( ប៊ិញ ភឿក ១ ) ឋិតនៅក្នុង

ភូមិស្រែព្រះ ឃុំស្រែព្រះ នឹងឃុំស្រែ ស្រុកកែវសីម៉ា ខេត្តមណ្ឌលគិរី បានបាត់អស់ចំនួន៣០០ កំណាត់ ក្នុង

ឈើប្រមាណ ៤.៣៨៤.៧១៤ ត្រីគុណ ក្រោយពីកម្លាំងចម្រុះថ្នាក់ជាតិ ដឹកនាំដោយ នាយឧត្តមសេនីយ៍

សៅ សុខា ធ្វើការបង្ក្រាប នាដើមឆ្នាំ២០១៦ កន្លងមកនេះ ។

 

ប្រភពពីមន្ត្រីថ្នាកក្រោម បានលួចបង្ហើមប្រាប់ថា ឈើខុសច្បាប់នៅក្រុមហ៊ុនប៊ិញភ្វឿក១ ដែលមានទីតាំងនៅ

ក្នុងឃុំស្រែព្រះ និងឃុំស្រែ ស្រុក កែវសីមា ដែលចាប់បាន កាលពីដើមឆ្នាំ២០១៦ មានចំនួន៤ ៣៨៤,៧១៤

ម៉ែត្រគូប ដល់ពេលនេះបាត់អស់ជាង ៣០០កំណាត់ ស្មើនឹង៤០០ម៉ែត្រគូប ។

 

ចំណែកមន្ត្រីដែលធ្វើការក្នុង ស្ថាប័នតុលាការខេត្ត ក៏បានឲ្យដឹងថា ចំពោះករណីបាត់ឈើ នៅក្នុងក្រុមហ៊ុន

ប៊ិញ ភ្វឿក១ គេនៅមិនទាន់ ទទួលព័ត៌មានច្បាស់ទេ ថាបាត់ប៉ុន្មាន ប៉ុន្តែករណីបាត់ឈើ ដែលគណៈកម្មការ

ថ្នាក់ជាតិចាប់នោះ មិនមែនបាត់តែនៅក្រុមហ៊ុន ប៊ិញ ភ្វឿក១ ប៉ុណ្ណោះទេ នៅមានបន្តបាត់ ក្រុមហ៊ុនចំនួន៤

ផ្សេងទៀត ក៏មានករណីបាត់ឈើ ដូចគ្នានេះដែរ លើកលែងតែក្រុមហ៊ុនមួយ ឈ្មោះ យូនី ហ្គ្រីន មិនមានបាត់

ឈើទេ ។

 

ក្នុងខណៈនោះដែរ អ្នក់សារព័ត៌មានយើង ពុំទាន់មានព័ត៌មានណាមួយ អំពីរមន្ត្រីជំនាញ ពីរការអង្កេត ទៅលើ

ករណី ការបាត់ឈើរាប់រយមែត្រគូប នៅក្នុងក្រុមហ៊ុន ( បឹញ ភ្វឿក ១ ) នៅទ្បើយ។

 

ទោះយ៉ាងណា មជ្ឈដ្ឋានទូទៅ បានដាក់ការសង្ស័យថា ឈើដែរបាត់នេះ មានការឃុបឃិត ជាមួយស្ថាប័នពាក់

ព័ន្ធ នៅទីនោះ ទើបឈើទាំងនោះបាត់ទៅបាន ហើយប្រហែលជាឈើ ចរាចរណ៍ដឹកចេញពីខេត្តមណ្ឌលគិរី

ទៅប្រទេសវៀតណាមសព្វថ្ងៃនេះ ជាឈើលួចចេញពីក្រុមហ៊ុន ប៊ិញ ភៀក១ នេះ តែម្ដង។/

 

img-20160927-wa0040 img-20160927-wa0038 img-20160927-wa0036 img-20160927-wa0027 img-20160927-wa0026

សូមជួយស៊ែរព័ត៌មាននេះផង: