លោក ឈុន ច័ន្ទសីហា ចៅក្រមសាលាដំបូង មានរឿងអាស្រូវ នៅខេត្តសៀមរាប ទទួលបានកាតែងតាំង ជាអនុប្រធានសាលាដំបូង ខេត្តរតនគិរី

ចេញផ្សាយដោយ ៖ អង្គភាព CSN

កណ្ដាល ៖ យោងតាមប្រភព សារព័ត៌មាន ដើមត្នោត បានចេញផ្សាយ នៅថ្ងៃទី១៦ ខែមិនា ឆ្នាំ២០១៧ លោក ឈុន ច័ន្ទសីហា អតីតចៅក្រម សាលាដំបូង ខេត្តសៀមរាបម្នាក់ ត្រូវបានស្ត្រីម្នាក់ឈ្មោះ លី អ៊ុំអេង ជាភាគីឈ្មោះក្តី ក្នុងសំណុំរឿងវិវាទដីធ្លីមួយកន្លែង ឋិតនៅស្រុក ប្រាសាទបាគង ខេត្តសៀមរាប ប្តឹងចោទ
ប្រកាន់ថា បានចេញដីកា សម្រេចផ្អាក ការអនុវត្តសាលដីកា តុលាការកំពូល ខុសដែនសមត្ថកិច្ចរបស់ខ្លួន បង្កប់ដោយអំពើពុករលួយ តាមរយៈពាក្យបណ្តឹងចុះថ្ងៃទី១៤ ខែកុម្ភៈ ឆ្នាំ២០១៧កន្លងទៅ ដែលបានដាក់ជូនឯកឧត្តម អង្គ វង្សវឌ្ឍានា រដ្ឋមន្ត្រីក្រសួងយុត្តិធម៌ ឯកឧត្តម ប្រធានក្រុមប្រឹក្សាវិន័យ នៃឧត្តម ក្រុមប្រឹក្សានៃអង្គចៅក្រម និងឯកឧត្តមបណ្ឌិត ឱម យ៉ិនទៀង ទេសរដ្ឋមន្ត្រី ទទួលបន្ទុក ប្រធានអង្គភាព ប្រឆាំងអំពើពុករលួយ ។

ពាក្យបណ្តឹងរបស់លោកស្រី លី អ៊ុំអេង ដែលអះអាងថាជាភាគីឈ្នះក្តី ក្នុងសំណុំរឿងវិវាទដីធ្លី ទំហំ២២ ៦០៤ម៉ែត្រក្រឡា ឋិតនៅភូមិជ្រៃ ឃុំកណ្តែក ស្រុកប្រាសាទ
បាគង ខេត្តសៀមរាប តាមអំណាចសាលដីការដ្ឋប្បវេណី លេខ៤០២«ក» ចុះថ្ងៃទី១៣ ខែធ្នូ ឆ្នាំ២០១៦ របស់តុលាការកំពូល បានស្នើសុំទាមទារឲ្យមានការសម្រេចដាក់វិន័យ និងទោសទណ្ឌ ទៅiលើលោកចៅក្រម ឈុន ច័ន្ទសីហា តាមនីតិវិធីនៃច្បាប់ ។

គួរំលិកផងដែរថា លោក ឈុន ច័ន្ទសីហា ជាសិស្សចៅក្រម ជំនាន់ទី៤ សាលាភូមិន្ទចៅក្រម នៃរាជបណ្ឌិត្យសភាវិជ្ជាជីវៈតុលាការ ត្រូវបានតែងតាំង ជាចៅក្រមកម្មសិក្សា បម្រើការងារនៅសាលាដំបូង ខេត្តសៀមរាប ដោយព្រះរាជក្រឹត្យ លេខនស/រកត/០៣១១/២៣៣ ចុះថ្ងៃទី១០ ខែមីនា ឆ្នាំ២០១១ និងត្រូវបានតាំងស៊ប់ក្នុងក្របខ័ណ្ឌ នៃអង្គចៅក្រម បម្រើការងារ ជាចៅក្រមសាលាដំបូង ខេត្តសៀមរាប ដោយព្រះរាជក្រឹត្យ លេខនស/រកត/០៦១២/៥៩១ ចុះថ្ងៃទី២១ ខែមិថុនា ឆ្នាំ២០១២ ។ ក្រោយមក គឺបន្ទាប់ពីទទួលរងនូវបណ្តឹងចោទប្រកាន់របស់លោកស្រី លី អ៊ុំអេង ចុះថ្ងៃទី១៤ ខែកុម្ភៈ ឆ្នាំ២០១៧នោះ លោកចៅក្រម ឈុន ច័ន្ទសីហា ក៏ទទួលបានការតែងតាំង ជាអនុប្រធានសាលាដំបូងខេត្តរតនគិរី ដោយព្រះរាជក្រឹត្យ លេខនស/រកត/០២១៧/២៤៦ ចុះថ្ងៃទី២៨ ខែកុម្ភៈ ឆ្នាំ២០១៧ ។

គេហទំព័រសារព័ត៌មាន CSN មិនអាចស្វែងរក សុំការបំភ្លឺបញ្ជាក់ណាមួយ ពីលោកចៅក្រម ឈុន ច័ន្ទសីហា បានទេ ពាក់ព័ន្ធនឹងការប្តឹង ចោទប្រកាន់ របស់លោកស្រី លី អ៊ុំអេង នោះគិតត្រឹមថ្ងៃទី១៧ ខែមីនា ឆ្នាំ២០១៧នេះ អង្គភាពយើងរង់ចាំ ការបកស្រាយពន្យល់ នៅពេលក្រោយ រាល់ម៉ោងធ្វើការ៕ដោយអ្នកប្រមាញ់ 097 777 6000

 

IMG_20170317_095633 IMG_20170317_093602 IMG_20170317_093629 IMG_20170317_094323 IMG_20170317_094345 IMG_20170317_093925 IMG_20170317_094030

សូមជួយស៊ែរព័ត៌មាននេះផង: