ទីបំផុតប៉ូលិសទំនើង ឈាន ពិសិដ្ឋ ត្រូវបានក្រសួងមហាផ្ទៃ អនុវត្តតាមច្បាប់ហើយ

ចេញផ្សាយដោយ ៖ អង្គភាព CSN

បន្ទាយមានជ័យ ៖ ​ទីបំផុតប៉ូលិសទំនើង ឈាន ពិសិដ្ឋ ក្រោយ​ការ​ប្រព្រឹត្ត នូវទង្វើដ៍​ធ្ងន់ធ្ងរ បាន​ប្រើប្រាស់​អាវុធ​ខ្លីរបស់ខ្លួន បាញ់បោះ​ខុសច្បាប់ ប៉ុនប៉ងមនុស្សឃាត ទៅលើ លោក​វរសេនីយ៍ត្រី សេម មករា ជា​នាយផ្នែក​រដ្ឋបាល ​នៃ​ប៉ុស្តិ៍នគរបាល​ ច្រកទ្វារព្រំដែន​អន្តរជាតិ​ប៉ោយប៉ែត កាលពី​ថ្ងៃទី​០៩ ខែមេសា ឆ្នាំ​២០១៧​ រួចមក លោក​វរសេនីយ៍ត្រី ឈាន ពិសិដ្ឋ ដែលមានអត្តលេខ​៥៤៥៤៥ នាយរង​ប៉ុស្តិ៍នគរបាល​ច្រកទ្វារព្រំដែន​អន្តរជាតិ​ប៉ោយប៉ែត នាយកដ្ឋាន​ច្រកទ្វារ​ទី​១ ​នៃ​អគ្គនាយកដ្ឋាន​អន្តោប្រវេសន៍ ត្រូវបាន​ក្រសួងមហាផ្ទៃ ​អនុវត្ត​វិន័យ​ហើយ ដោយ​​ដកហូត​មុខតំណែង ឋានន្តរស័ក្តិ និង​បណ្តេញចេញ​ ពី​ក្របខ័ណ្ឌ​មន្ត្រីនគរបាល​អន្តោប្រវេសន៍​ នៃ​ក្រសួងមហាផ្ទៃ និង​បញ្ជូនទៅ​តុលាការ​ដើម្បី​អនុវត្តតាម​ផ្លូវច្បាប់ ។​

យោងតាម​ប្រកា​សលេខ​៩៧៦​ប្រក ចុះ​ថ្ងៃទី​១០ ខែមេសា ឆ្នាំ​២០១៧​ របស់​ក្រសួងមហាផ្ទៃ ស្តីពី​ការបណ្តេញចេញ​ពី​ក្របខ័ណ្ឌ​ នគរបាលជាតិ​ ចំពោះ​វរសេនីយ៍ត្រី ឈាន ពិសិដ្ឋ បានបញ្ជាក់​ឲ្យ​ដឹងថា ប្រាក់បៀវត្សរ៍ និង​របប​ឧបត្ថម្ភ​ផ្សេងៗ​ ត្រូវបាន​កាត់ផ្តាច់ និង​លុប​ចេញពី​ក្របខ័ណ្ឌ​មន្ត្រី​នគរបាលជាតិ ចាប់ពី​ខែមេសា ឆ្នាំ​២០១៧ នេះ​តទៅ ។​

​ពាក់ព័ន្ធ​នឹង​អំពើ​បាញ់ប្រហារ ​របស់លោក​វរសេនីយ៍ត្រី ឈាន ពិសិដ្ឋ ទៅ​លោក​វរសេនីយ៍ត្រី សេម មករា កាលពី​ថ្ងៃទី​០៩ ខែមេសា ឆ្នាំ​២០១៧ ​កន្លងមកនេះ បានធ្វើ​ឲ្យ​មជ្ឈដ្ឋាន​ មន្ត្រីរាជការ និង​ប្រជាពលរដ្ឋ​ ភាគច្រើន សម្តែង​នូវ​ការសោកស្តាយ ​ដោយ​ជា​បទល្មើស​ជាក់ស្តែង ប៉ុន្តែ​បែរជា​ ប៉ុស្តិ៍នគរបាល​ ច្រកទ្វារព្រំដែន​អន្តរជាតិ​ប៉ោយប៉ែត​ បណ្ដោយ​ឲ្យ​ជនដៃដល់​ ដើរចេញយ៉ាងសុខស្រួល ដូចគ្មានរឿងអ្វីកើតឡើង ទៅដេកសម្ងំ​នៅផ្ទះ ​យ៉ាង​រំភើយ មិន​អនុវត្តនីតិវិធី​ ចាប់​ឃាត់ខ្លួន​ភ្លាមៗ​អនុវត្តតាម​វិធានការ​ច្បាប់ ដូច​ទុក​ឱកាស​ ឲ្យ​ជនដៃដល់​បាន​រត់គេចខ្លួនផងដែរ ហើយ​ទើប​ម្នីម្នា​ ស្វែងរក​តាម​ចាប់ខ្លួន ​យកមក​ផ្តន្ទាទោស​ទៅវិញ ។

​ទោះយ៉ាងណា​ក៏ដោយ មជ្ឈដ្ឋាន​ប្រជាពលរដ្ឋ និង​មន្ត្រីរាជការ​ភាគច្រើន ​បាន​សម្តែង​នូវ​ការគាំទ្រ ​ចំពោះ​ចំណាត់ការ ដ៍​ក្តៅគគុក​ ទៅលើ​ប៉ូលិស​ទំនើង ឈាន ពិសិដ្ឋ ក្រោមរូបភាព​ដកហូត​មុខតំណែង ឋានន្តរស័ក្តិ និង​លុបឈ្មោះ ចេញពី​ក្របខ័ណ្ឌ​ មន្ត្រី​នគរបាលជាតិ ព្រមទាំង​បញ្ជូន ជនដៃដល់​ទៅកាន់​តុលាការ ​ដើម្បី​អនុវត្តតាម​ផ្លូវច្បាប់ផងដែរ៕​ ដោយអ្នកប្រមាញ់

សូមជួយស៊ែរព័ត៌មាននេះផង:

អត្ថបទផ្សេងៗ:

អស្ចារ្យមែនលោក ឈាន ពិសិដ្ឋ មិនត្រឹមតែចង់ប្រហាប៉ូលិសដូចគ្នាទេ ថែមទាំងប្រមាថដល់ក្រសួងមហាផ្ទៃ ដោយបាញ់ស័ក្តិទំលាក់មកដីទៀតផង លោក សាំ ពិសិដ្ឋ រងការរិះគន់ពីមន្ត្រីក្រោមឱវាទថា អាងខ្នងលោក ស៊ុន ចាន់ថុល ធ្វើអ្វីៗតាមតែអំពើចិត្ត ស័ក្តិបី រស់ ពិសិដ្ឋ មេប៉ុស្តិ៍បឹងសាគូ អាងខ្នង សូ ចាន់ណារី ជាបងថ្លៃ ប្រព្រឹត្តបទល្មើស ប្រឆាំងបទបញ្ជារាជរដ្ឋាភិបាល… ក្រោយខ្នងនៃការ ចងកសំលាប់ខ្លួន របស់ នារីវ័យក្មេង នៅបាត់ដំបង ស្លាប់ចោលប្តី អណិកជន (Update) នារី​​បុគ្គលិក​មន្ទីរ​ពហុព្យាបាល​សំពៅ​​មាស ​​ចង.​​កធ្វើ​​អត្ត​​ឃាត​នៅ​ជាន់​​ទី​​៤​​ មន្រ្តីរដ្ឋាភិបាល ពន្យល់ពីការ ចូលនិវត្តន៍ របស់លោកស្រី ម៉ែន សំអន ក្រោយមានការរិះគន់ ផ្ទះជាច្រើនខ្នង កំពុងរុះរើដោយឃើញផ្ទះ៥ខ្នង បានបាក់ស្រុចចូលក្នុងទន្លេ ស្ពានជ្រោយចង្វាទី២ បើកដំណើការជាបណ្ដោះអាសន្ន ថ្ងៃទី១ ខែវិច្ឆិកា សមត្ថកិច្ចស្រុកមុខកំពូល ដេញបង្ក្រាបជនសង្ស័យកាច់កម៉ូតូ បានមកវិញតែជនសង្ស័យរត់រួច មរណ​ភាព​របស់​ឧកញ៉ា​ ​អ៊ឹ​ង​ ​ម៉េ​ង​ជី​ ​ជា​ការ​ខក​ខាន​ចូល​ខ្លួន​ឆ្លើយ​បំភ្លឺ​នៅ​សាលា​ដំបូង​រាជ​ធានី​ភ្នំពេញ​ ​ថ្ងៃ​ទី​០៨ ខែ​ធ្នូ​ ​ខាង​មុខ​ សមត្ថកិច្ចឃាត់ខ្លួនប្ដីប្រពន្ធ័២នាក់ដែលពាក់ពន្ធ័ការលួចលក់អចលនទ្រព្យអ្នកដទៃកាលពី៣ឆ្នាំមុន សមត្ថកិច្ចស្រុកថាឡាបរិវ៉ាត់ឃាត់ខ្លួនជនសង្ស័យបង្កជម្លោះហឹង្សានៅពេលផឹកស៊ី កំពូល​ស្ត្រី​ដែលបង្កើត​កូន​បានដល់ទៅ​២១​នាក់​ក្នុង​ពេល​២៥​ឆ្នាំ រូបថតកូនកំលោះ កូនក្រមុំវ័យចំណាស់ ដែលល្បីពេញហ្វេសប៊ុកនោះ ឥលូវមានវីដេអូហើយ ឈ្លួសប្រកែកគ្នាមួយថ្ងៃ ស្អែកឡើងតាមវាយដល់ផ្ទះ សង្វៀនភ្នាល់បញ្ជល់មាន់ចល័ត ត្រូវបានសមត្ថកិច្ចបង្ក្រាបបានជោគជ័យ