ចេញផ្សាយថ្ងៃពុធ ទី២៦ ខែកក្កដា ឆ្នាំ២០១៧ ដោយ ៖ អង្គភាព CSN ទំនាក់ទំនងផ្ដល់ព័ត៌មាន នឹងផ្សាយពាណិជ្ជកម្ម 078 55 11 12 / 097 777 6000
ក្រចេះ ៖ ប្រភពរាយការណ៍ ពីស្រុកស្នួល ខេត្តក្រចេះបានឲ្យដឹងថា មេឈ្មួញដែលជាទាហ៊ាន ពាក់ស័ក្តិ៥ គេស្គាល់យ៉ាងច្បាស់ថា ឈ្មោះ ថន ប៊ុនធី « ហៅធី បាញ់ » បានបន្តធ្វើសកម្មភាព ដឹកជញ្ជូនឈើប្រណិត ចេញទៅលក់នៅស្រុកយួនទៀតហើយ? ក្រោយពីមានការផ្អាកដំណើការ ក្នុងរយៈពេលខ្លី ដោយព័ត៌មានក្នុងស្រុក បានធ្វើការចេញផ្សាយ ពីសកម្មភាព លើកឈើដាក់ឡានយីឌុបពេញៗ ចំនួន៣គ្រឿង បម្រុងដឹកទៅលក់នៅស្រុកយួន កាលពីយប់ថ្ងៃទី១ ខែកក្កដា ឆ្នាំ២០១៧ កន្លងមក។
បើតាមប្រភព ពីសមត្ថកិច្ចពាក់ព័ន្ធ នៅស្រុកស្នួល បានឲ្យដឹងថា ពាក់ព័ន្ធករណីនេះ ក្រោយពីមានការចេញផ្សាយ ពីបណ្ដាញព័ត៌មានក្នុងស្រុក គេសង្កេតឃើញឈើទាំងនេះ ត្រូវបានគាំង ចរាចរណ៍មិនបានផងដែរ ហើយក៍គេបានដឹងថា មេឈ្មួញឈ្មោះ ថន ប៊ុនធី « ហៅ ធីបាញ់ » ត្រូវបានលោកអភិបាលខេត្ត ហៅទៅស្ដីបន្ទោស ពីការធ្វេសប្រហែស ឲ្យមានការបែកធ្លាយនេះផងដែរ។ ប្រភពបានបន្តលើកឡើងថា ការហៅទៅស្ដីបន្ទោសនេះ ដូចជាការផ្ដល់អនុសាសន៍ ដល់មេឈ្មួញ ថន ប៊ុនធី « ហៅ ធីបាញ់ » ដែលជាទាហ៊ានរកស៊ីឈើនេះវិញទេ ព្រោះថាមិនយូប៉ុន្មានផង គេឃើញឈ្មួញរូបនេះ ធ្វើសកម្មភាពដឹកជញ្ជូនឈើ ទៅលក់នៅស្រុកយួន តាមច្រកត្រពាំងស្រែ ស្រុកស្នួល ខេត្តក្រចេះ យ៉ាងរលូន។
ប្រភពបានឲ្យដឹងទៀតថា ការដែលឈ្មួញឈ្មោះ ថន ប៊ុនធី « ហៅ ធីបាញ់ » អាចធ្វើអ្វីៗតាមអំពើចិត្ត គឺមានការឃុបឃិតបើកដៃ ពីមេរដ្ឋបាលព្រៃឈើ ស្រុកស្នួល និងមេរដ្ឋបាលព្រៃឈើ ខេត្តក្រចេះ និងសមត្ថកិច្ចពាក់ព័ន្ធ ជាច្រើនស្ថាប័នទៀត។ លោក សរ ចំរ៉ុង អភិបាល
ខេត្តក្រចេះ ក៏ដូចជាមេរដ្ឋបាលព្រៃឈើ ខេត្តនេះ មិនចាត់វិធានការបង្ក្រាប ឈ្មួញឈ្មោះ ថន ប៊ុនធី « ហៅ ធីបាញ់ » ព្រោះខ្លាចបាត់បង់ ផលប្រយោជន៍ ហើយសុខចិត្តនៅស្ងៀម ប្រឈមនឹងការរិះគន់ សព្វបែបយ៉ាង។
ប្រភពពីសមត្ថកិច្ចតូចតាច នៅក្នុងខេត្តក្រចេះ បានឲ្យដឹងថា ឈ្មួញឈ្មោះ ថន ប៊ុនធី « ហៅធីបាញ់ » ជាមន្ត្រីយោធា ពាក់ស័ក្ដិ៥ បានបន្តសកម្មភាព ដឹកជញ្ជូនឈើពីតំបន់រលួស ឬស្រែស្បូវ ស្រុកសំបូរ ខេត្តក្រចេះ ឆ្លងកាត់ក្រុងក្រចេះ និងស្រុកស្នួល ចេញទៅស្រុកយួន តាមច្រកត្រពាំងស្រែ-វ៉ាលឺ ឬច្រកចាន់មូល ស្រុកមេមត់ ខេត្តត្បូងឃ្មុំ ដោយគ្មានសមត្ថកិច្ចណា ហ៊ានប៉ះពាល់ឡើយ។
ប្រភពបានឲ្យដឹងទៀតថា មួយរយៈចុងក្រោយនេះ ឈ្មួញឈ្មោះ ថន ប៊ុនធី « ហៅធីបាញ់ » ប្រើស្បែកជាមន្ត្រីយោធា ដើម្បីដឹកជញ្ជូនឈើ ស្ទើរតែរៀងរាល់ថ្ងៃ ហើយពេលខ្លះ ឈ្មួញរូបនេះ អះអាងថា ខ្លួនគ្រាន់តែស៊ីឈ្នួល រត់ការបើកផ្លូវ ឲ្យឈ្មួញដទៃទៀតប៉ុណ្ណោះ។ ហើយ ឈើទាំងនោះ ត្រូវបានឈ្មួញឈ្មោះ ថន ប៊ុនធី « ហៅធីបាញ់ » និយាយថា ជាឈើរបស់ឈ្មួញឈ្មោះ នី និងប្ដីឈ្មោះ អាត ដែលកំពុងល្បីល្បាញ ខាងដឹកជញ្ជូនឈើចេញទៅស្រុកយួន តាមច្រកត្រពាំងស្រែ ស្រុកស្នួល ខេត្តក្រចេះ។
ប្រភពដែលស្និទ្ធ នឹងឈ្មួញឈ្មោះ ថន ប៊ុនធី « ហៅធីបាញ់ » បានឲ្យដឹងថា ឈ្មួញជាមន្ត្រីយោធារូបនេះ មានខ្នងបង្អែកយ៉ាងរឹងមាំ ទើបហ៊ានធ្វើអ្វីៗ ស្រេចតែអំពើចិត្ត រហូតហ៊ានបំពាន លើបទបញ្ជា របស់លោកនាយករដ្ឋមន្ត្រី ហ៊ុន សែន ក្នុងការទប់ស្កាត់បទល្មើស រត់ពន្ធឈើប្រណីត ចេញក្រៅប្រទេស។ ជាក់ស្ដែងបច្ចុប្បន្ននេះ ឈ្មួញឈ្មោះ ថន ប៊ុនធី « ហៅធីបាញ់ » បន្តសកម្មភាព ដឹកជញ្ជូនឈើ ចេញពីតំបន់រលួស ឬតំបន់ស្រែស្បូវ ស្រុកសំបូរ ខេត្តក្រចេះ ឆ្លងកាត់ក្រុងក្រចេះ និងស្រុកស្នួល ចេញទៅស្រុកយួន តាមច្រកត្រពាំងស្រែ ដោយគ្មានមន្ត្រីជំនាញ ឬសមត្ថកិច្ចពាក់ព័ន្ធណា ហ៊ានក្អកជាមួយឡើយ។
សមត្ថកិច្ចខ្លះ នៅពេលឃើញរថយន្តដឹកឈើ របស់ឈ្មួញឈ្មោះ ថន ប៊ុនធី « ហៅធីបាញ់ » មានតែជួយសម្របសម្រួលបើកផ្លូវ ដើម្បីជាថ្នូរ នឹងផលប្រយោជន៍ ព្រោះគេខ្លាចឥទ្ធិពល មន្ត្រីយោធា ពាក់ផ្កាយ៣ម្នាក់ ដែលជាខ្នងបង្អែក យ៉ាងរឹងមាំ របស់ឈ្មួញឈ្មោះ ថន ប៊ុនធី « ហៅធីបាញ់ »។
ពាក់ព័ន្ធករណីខាងលើនេះ លោក ថន ប៊ុនធី « ហៅធីបាញ់ » ក៍បានទទួលស្គាល់ ក្នុងការធ្វើជំនួញឈើនេះផងដែរ តាមរយៈទូរស័ព្ទ នៅពេលអង្គភាព CSN យើង ធ្វើការសុំបំភ្លឺ គ្រាន់តែឈ្មួញរូបនេះ មិនបានបញ្ជាក់ថា ឈើទាំងនេះ រត់ការផ្លូវឲ្យឈ្មួញដទៃទៀត ឬឈើខ្លួនឯងនោះទេ។ ពាក់ព័ន្ធករណីនេះ អង្គភាព CSN យើង នឹងតាមដានស្រាវជ្រាវ យកព័ត៌មាន មកធ្វើការចុះផ្សាយ ជូនមិនអ្នកអាន ជាបន្តទៀត។
សូមបញ្ជាក់ រាល់ការចេញផ្សាយ អង្គភាពយើង ផ្សាយតែព័ត៌មានពិត ជាក់លាក់ ច្បាស់លាស់ មិនលំអៀង គឺយោងទៅតាមប្រភព ច្បាស់ការណ៍ នឹងឯកសារមួយចំនួន ប្រសិនសាមីខ្លួន ឬស្ថាប័នពាក់ព័ន្ធ គិតថា មិនត្រឹមត្រូវ សម្ដេច ទ្រុង ឯកឧត្តម ឧកញ៉ា លោកជំទាវ អស់លោក លោកស្រី អាចធ្វើលិខិតស្នើសុំ មកការិយាយ័ល អង្គភាពយើងខ្ញុំ ដោយមានឯកសាមួយចំនួន ដើម្បីធ្វើការ កែតម្រូវឡើងវិញបាន តារយៈទូរស័ព្ទ លេខ 097 777 6000 រាល់ម៉ោងធ្វើការ៕ ដោយអ្នកប្រមាញ់
About Post Author
អត្ថបទផ្សេងៗ:
មេឈ្មួញឈើទាំង៣ ដែគេស្គាល់ឈ្មោះថា ឈ្មោះ ធា ឈ្មោះ សម្បត្តិ នឹង ឈ្មោះ ផុន កំពុងធ្វើសកម្មភាព ប្រមែប្រមូលគៀងគរបក្ខពួក ចូលកាប់នឹងដឹកជញ្ជូនឈើ ក្នុងដែនជម្រកសត្វព្រៃ ព្រៃឡង់
ប្រជាពលរដ្ឋស្រុកបូរីជលសារ នឹងស្រុកកោះអណ្ដែត អំពាវនាវសុំឲ្យ ឯកឧត្តម ឱម យិនទៀង ប្រធានអង្គភាពប្រឆាំងអំពើពុករលួយ បើកការស៊ើបអង្កេតឲ្យបានស៊ីជម្រៅ ទៅលើមន្ត្រីអាវុធហត្ថ ឈ្មោះ ឡេះ នឹងមន្ត្រីប៉ូលីសឈ្មោះ សាន្ត រដ្ឋា នឹងឈ្មោះ រឹន ដែរបានឃុបឃិតគ្នា យកបឹង នឹងឡូ ទៅលក់ឲ្យឈ្មួញវៀតណាម ឈ្មោះ កេរ…!
មេឈ្មួញស័ក្តិ៥ ថន ប៊ុនធី « ហៅធី បាញ់ » នឹងបក្ខពួក កំពុងសម្រុកដឹកឈើ ចេញទៅយួនគ្មានញញើត ល្បីថាមានមេគ្រាក់ៗនៅខេត្ត ចាំជួយអន្តរាគមន៍ពីក្រោយ
ផ្លូវទំនប់កប់ស្រូវ មានគេសុំប្តូរឈ្មោះ ទៅជា កប់ឡានវិញ
អាជ្ញាធរស្រុកខ្សាច់កណ្ដាល កំពុងរងការរិះគន់ ពីមហាជនថា ឃុបឃិតជាមួយឈ្មួញជីកអាថ៌ដី ឈ្មោះ កៅ ជម្រៅដល់ក្បាលប្រែត
មេឈ្មួញឈើជាមន្ត្រីយោធា ឈ្មោះ លឹម កាំង សម្រុកដឹកឈើប្រណិត ទៅវៀតណាមដូចហែរកឋិន សង្ស័យមានការបើកដៃ ពីលោកអភិបាលខេត្ត.!
ពលរដ្ឋរិះគន់លោក អ៊ុំ វណ្ណសុភ័ក្រ នាយផ្នែកព្រៃឈើសែនមនោរម្យ អសមត្ថភាពក្នុងការបង្ក្រាប ឬខ្លាចអំណាច ឈ្មួញឈើយួន ឈ្មោះ ភឿង
រថយន្តកាមរីបាឡែនដឹកឈើគ្រញូង របស់មេឈ្មួញជនជាតិយួន ឈ្មោះ ហ្វឿង ធីម៉ាយ ( ហៅ យាយ ម៉ាយ ) បើកលឿនហោះចូលរណ្ដៅ ក្រឡាប់ផ្ងាជើងក្អួតចេញសុទ្ធតែឈើ
ឈ្មួញឧក្រិដ្ឋព្រៃឈើដុះស្លែ ឈ្មោះ ហ្វឿង ធីម៉ាយ ហៅ« យាយ ម៉ាយ » ជនជាតិវៀតណាម យកដុល្លារមកបំផ្លិចបំផ្លាញ ព្រៃស្រុកខ្មែរអស់ ឥឡូវជំរុញឲ្យខ្នែរឡើងកាប់ឈើស្រុកថៃ
ផ្ទុះរឿងធំហើយ ! លោកផ្កាយ១ ខាត់ សារ៉ាត់ មេអន្តោប្រវេសន៍បាវិត បញ្ជាឲ្យក្មួយបង្កើតរបស់ខ្លួន ឈ្មោះ ប្រាក់ ពេញ ដើរគំរាមយកលុយ ពីមន្ត្រីក្រោមឱវាទពេញកន្លែងធ្វើការ
មន្ត្រីអាវុធហត្ថ ខេត្តកំពង់ឆ្នាំង ឈ្មោះ ឡុន ឡន នឹងឈ្មោះ លឹម ហាក់ កំពុងសាយភាយក្លិនស្អុយ រឿងជំរិតទាប្រាក់ពីម្ចាស់រថយន្ត Lexus RX 330 អត់ពន្ធ ចំនួន ៥០០០ ដុល្លារ ថ្នូរដោះលែងទៅវិញ
អាជ្ញាធរនឹងសមត្ថកិច្ច សង្កាត់ចំការសំរោង ឃុបឃិតបើកដៃ ឲ្យស្ត្រីមេបនល្បែង ឈ្មោះ ម៉ែត្រងោល បើកលេងបៀអាប៉ោងយ៉ាងរលូន ខណៈលោកអភិបាលខេត្ត ងួន រតនៈ នឹងលោកស្នងការ អ៊ុច សុខុន រក្សាភាពស្ងៀមស្ងាត់
មេឈ្មួញឈើដ៍ធំ ប្រចាំនៅខេត្តសៀមរាប ឈ្មោះ ចាន់ណា ធ្វើសកម្មភាពដឹកជញ្ជូចឈើ ពីខេត្រព្រះវិហារ មកចែកចាយតាមដេប៉ូ ក្នុងក្រុង/ខេត្តសៀមរាប យ៉ាងអនាធិបតេយ្យបាន ដោយអាងខ្នងលោក ម៉ុង ប៊ុនលីម មេរដ្ខបាលព្រៃឈើខេត្ត
មន្ត្រីយោធាសឹករង កងអនុសេនាធំលេខ៨ នៃសឹករងក្រុងសំរោង ឈ្មោះ ចាន់ នឹងឈ្មោះ ស៊ុន ល្បីថា៖ អាងអំណាចលោក តុន ញាន មេបញ្ជាការសឹករងខេត្ត ខឹងតថ្លៃជាមួយថៅកែទិញឈើមិនត្រូុវ ប្រើអំណាចបាញ់គំរាម ប្រជាកម្មករឡើងកាប់ឈើទាំងគំរល.?
ភាពខ្ជីខ្ជារបស់ថ្នាក់ដឹកនាំ ខេត្តកំពង់ឆ្នាំង សូម្បីតែពាក្យពីរម៉ាត់ ឈ្មោះ របស់សម្ដេចតេជោ ហ៊ុន សែន ក៍សរសេរមិនត្រូវដែរ បែទៅជាសរសេរថា សម្ដេចតេជោ ហ៊ុន សេន ទៅវិញ.!
អ្នកឧកញ៉ា គិត ម៉េង ម្ចាស់ក្រុមហ៊ុន រ៉ូយ៉ាល់គ្រុប កំពុងផ្ដល់ទីតាំងដ៍ធំ ឲ្យឧកញ៉ា លឹម ប៊ុណ្ណា { ហៅ ឧកញ៉ាខ្នា } និងលោក ឧត្តមសេនីយ៍យោធាឈ្មោះ ម៉ឹក សុផាន់ណារ៉េត (ហៅជ័យ) ដោយជ្រកក្រោមលេស បន្តឈូសឆាយសំអាតទីតាំងអាង ដើម្បីកាប់បំផ្លាញឈើខាងក្រៅមកអារច្រៀក រួចលើកឡើងរថយន្តយីឌុប នឹងរថយន្តវ៉េអង ដឹកបន្តយកទៅលក់ នៅព្រំដែនប្រទសវៀតណាម.!