លោក វេង សាខុន រក្សាភាពស្ងាត់ស្ងៀម ទុកឱកាសឲ្យលោក ថៃ លី ប្រធានការិយាល័យផលិតកម្ម នឹងបសុពេទ្យសត្វខេត្តតាកែវ ឃុបឃិតជាមួយឈ្មួញ នាំជ្រូកពីយួនចូលស្រុកខ្មែរ រាប់សិបក្បាលក្នុង១យប់ៗ

ចេញផ្សាយ ថ្ងៃអាទិត្យ ទី០៦ ខែសីហា ឆ្នាំ២០១៧ ដោយ ៖ អង្គភាព CSN ទំនាក់ទំនងផ្ដល់ព័ត៌មាន នឹងផ្សាយពាណិជ្ជកម្ម 078 55 11 12 / 097 777 6000

ខេត្តតាកែវ ៖ មានសេចក្ដីរាយការណ៍ ពីមន្រ្តីរាជការ នៅខេត្តតាកែវ បាន​បង្ហើប​ ប្រាប់​អ្នកសារព័ត៌មាន​ថា លោក ថៃ លី ប្រធានការិយាល័យ​ផលិតកម្ម និង​បសុព្យាបាល​ ខេត្តតាកែវ កំពុងតែ​យក​តួនាទី​របស់ខ្លួន ​ទៅប្រព្រឹត្តអំពើពុករលួយ ​ឃុបឃិត​ជាមួយ​ឈ្មួញ ​បើកដៃឲ្យ​​ឈ្មួញនាំចូល​មានដូចជា ជ្រូករស់ ពងមាន់ និង​ពង​ទា ស្រេច​តែ​អំពើ​ចិត្ត​ គ្មានការទប់ស្កាត់ឡើយ។​

ប្រភពពីមន្ត្រីបសុពេទ្យ ក៍បានបង្ហើប ឲ្យដឹងផងដែរថា ក្រុម​ឈ្មួញ​ដឹកជ្រូករស់ ពីយួនចូលមកកម្ពុជានេះ គឺពួកគេកាន់​លិខិតអនុញ្ញាត ​ចំនួន ​២​ផ្សេងគ្នា គឺលិខិតអនុញ្ញាត​ ពី​ក្រសួងកសិកម្ម រុក្ខាប្រមាញ់ និង​នេសាទ ​និង​លិខិតអនុញ្ញាត ពី​មន្ទីរ​កសិកម្ម​ ខេត្ត​ខេត្ត​ផង ដើម្បី​ធ្វើការ​ដឹកជញ្ជូន​សត្វ​ជ្រូក​រស់​ឆ្លងដែន ពី​ប្រទេស​យួន​ចូលមក​កាន់​ទីផ្សារ​ ប្រទេស​កម្ពុជា ហើយខិលិតមួយ ត្រូវបាន​មន្ទីរ​កសិកម្ម​ ខេត្ត​បញ្ជាក់ថា ជា​សត្វ​ជ្រូក​ចិញ្ចឹម​ក្នុងស្រុក ។

ប្រភពពីមន្ត្រី​សមត្ថកិច្ច ការពាព្រំដែន នៅច្រករបៀង កំណប់កែវ បានបង្ហើបឲ្យ CSN ដឹងថា ពាក់ព័ន្ធការនាំជ្រូករស់ ពីវៀតណាម ចូលមកកម្ពុជានេះ គឺពួកគេ​ មានការឃុបឃិត​គ្នា​ជា​ប្រព័ន្ធ​ ​សូម្បីតែ​មន្ត្រីជាន់ខ្ពស់​ នៅ​ក្រសួងកសិកម្ម ក៏​រក្សាការស្ងៀមស្ងាត់ មិនមានវិធានការទប់ស្កាត់ រាល់សកម្មភាពបទល្មើស នាំជ្រូករស់ ពងមាន់ នឹងពងទា ពីប្រទេសយួន ចូលមកកម្ពុជា យ៉ាងអនាធិបបតេយ្យ ជារៀងរាល់យប់ តាមច្ររបៀង « កំណប់ កែវ » នេះទេ ។ ប្រភពបានបញ្ជាក់ថា នៅទីនេះ មានមន្ត្រីពេទ្យសត្វ ដែរជាកូនចៅ របស់លោក ថៃ លី ប្រធានការិយាល័យផលិតកម្ម នឹងបសុពេទ្យសត្វខេត្ត បានមកបោះទីតាំង ជាកុងត្រូលជជុះ នៅទីនេះដើម្បីរាប់ក្បាលឡាន នឹងងាយស្រួល ឲ្យឈ្មួញទាំងនោះ ចូលធ្វើការទំនាក់ទំនងផង។

បើតាប្រភព ពីមន្ត្រីពេទ្យសត្វ ដែលមានឋានៈតូចតាច បានខ្សឹបឲ្យអ្នកព័ត៌មានយើងដឹងថា លោក ថៃ លី ហ៊ានធ្វើអ្វីៗតាមតែអំពើចិត្តនេះ ដោយសាតែ មានអាងមន្ត្រី​ក្រសួងកសិកម្ម មាន​ទំនាក់ទំនង​ នឹងស្និទ្ទ ជាមួយ​លោក ថៃ លី ប្រធានការិយាល័យ​ផលិតកម្ម​ និង​បសុព្យាបាល​ពេទ្យសត្វ​ ខេត្តតាកែវ ទើប​មានការ​នាំចូល​ជ្រូក​មកកាន់​ទីផ្សារ​ប្រទេស​កម្ពុជា​ បាន​យ៉ាង​រលូន រាប់សិប​រថយន្ត ពោលគឺ​មិនតិចជាង ៣០០០​ក្បាល​ឡើយ ​ក្នុង​១​មួយ​យប់ៗ។

ប្រភពបានបន្តថា ការ​នាំចូល​សត្វ​ជ្រូក​រស់​នេះ ខ្លះមាន​លិខិតអនុញ្ញាត​ នឹងខ្លះទៀតគ្មាន​លិខិតអនុញ្ញាត​ គឺឆ្លងដែនចូលដោយរលូន គ្រាន់តែឈ្មួញទាំងនោះ ចូលទៅសុំការយោគយល់ បង់លុយថ្លៃបាយទឹក ឲ្យទៅមន្ត្រីប្រចាំនៅច្រកនោះ រួចជាកាស្រេច មិនខ្វល់ពីជំនួញធ្វើការត្រួតពិនិត្យ ឬបង្ក្រាបឡើយ។ ហើយមន្ត្រីទាំងនោះ ក៍មិនដែលខ្វល់ ធ្វើការត្រួតពិនិត្យដែរ អង្គុយផឹកតែទឹកតែ កើបប្រមូលលុយដាក់ហោប៉ៅ ទោះជ្រូកទាំនោះមានជំងឺ ឬជ្រូកទាំងនោះ ឈ្មួញនាំចូលលើស ពីលិខិតអនុញ្ញាត ប៉ុន្មានក្បាល ក៍ពួកគេមិនខ្វល់ គឺធ្វើទៅតាមបញ្ជា របស់លោក ថៃ លី ជាប្រធានតែប៉ុណ្ណោះ ។​

ហើយជ្រូក​ដែល​នាំចូល​ ត្រូវបាន​ក្រុមអាជីវករ​ លក់រាយ​នៅ​ខេត្តតាកែវ ​បញ្ជាក់ថា ត្រូវបាន​ឈ្មួញ​យកមក​ចែកចាយ ​នៅក្នុង​ទីផ្សារ​ ខេត្តតាកែវ មួយចំនួន នងិមួយចំនួនទៀត​ ឈ្មួញដឹកយកទៅលក់​ដល់​ នៅរាជធានី​ភ្នំពេញ​។ ប្រភព​ដដែល​បាន​បញ្ជក់​ថា បើ​ឈ្មួញ​និង​មន្ត្រី​ជំនាញ​ មិន​ពុករលួយ​ទេនោះ​ គឺ​បទល្មើស​សេដ្ឋកិច្ច​ មិនអាច​កើតឡើង​បានឡើយ​ ហើយ​សព្វថ្ងៃ​ ក្រុមមន្ត្រី​ជំនាញ​នេះហើយ​ គឺជា​អ្នកប្រព្រឹត្ត​ល្មើសច្បាប់ ព្រោះ​មន្ត្រីជំនាញ រកស៊ី​ជាមួយ​ឈ្មួញ​ ​ឃុបឃិត​ជាមួយ​ឈ្មួញ ​នាំចូល​សត្វ​ខុសច្បាប់​ ពី​ប្រទេសជិតខាង ​ចូលមក​ប្រទេស​កម្ពុជា​។

សូមបញ្ជាក់ រាល់ការចេញផ្សាយ អង្គភាពយើង ផ្សាយតែព័ត៌មានពិត ជាក់លាក់ ច្បាស់លាស់ មិនលំអៀង គឺយោងទៅតាមប្រភព ច្បាស់ការណ៍ នឹងឯកសារមួយចំនួន ប្រសិនសាមីខ្លួន ឬស្ថាប័នពាក់ព័ន្ធ គិតថា មិនត្រឹមត្រូវ សម្ដេច ទ្រុង ឯកឧត្តម ឧកញ៉ា លោកជំទាវ អស់លោក លោកស្រី អាចធ្វើលិខិតស្នើសុំ មកការិយាយ័ល អង្គភាពយើងខ្ញុំ ដោយមានឯកសាមួយចំនួន ដើម្បីធ្វើការ កែតម្រូវឡើងវិញបាន តារយៈទូរស័ព្ទ លេខ 097 777 6000 រាល់ម៉ោងធ្វើការ៕ ដោយអ្នកប្រមាញ់់

សូមជួយស៊ែរព័ត៌មាននេះផង: