បែកធ្លាយរឿងអាស្រូវ ! លោក ខែម សោភ័ណ កូនប្រុសលោក អាត់ ខែម ស្នងការខេត្តបន្ទាយមានជ័យ ជាមេក្លោងនាំចូលម៉ូតូគេចពន្ធពីថៃ-មកកម្ពុជា តាមច្រកចំការគជាច្រើឆ្នាំមកហើយ ដោយអាងខ្នងឪពុកជាស្នងការ..?

ចេញផ្សាយ ថ្ងៃអាទិត្យ ទី១៥ ខែតុលា ឆ្នាំ២០១៧ ដោយ ៖ អង្គភាព CSN ទំនាក់ទំនងផ្ដល់ព័ត៌មាន នឹងផ្សាយពាណិជ្ជកម្ម 078 55 11 12 / 097 777 6000 នាយកការផ្សាយ

បន្ទាយមានជ័យ ៖ រយៈពេលប៉ន្មានថ្ងៃនេះ រឿងអាស្រូវកូនប្រុស លោក អាត់ ខែម ស្នងការនគរបាល ខេត្តបន្ទាយមានជ័យ គឺលោក ខែម សោភ័ណ កំពុងត្រូវបាន ព័ត៌មានក្នុងស្រុកជាច្រើន ចុះផ្សាយជាបន្តបន្ទាប់ ពាក់ព័ន្ធករណី នាំចូលម៉ូតូអត់ពន្ធទំនើបៗ នឹងរថយន្តចង្កូតស្ដាំទំនើបៗ ពីប្រទេសថៃ មកកម្ពុជា តាមច្រករបៀងចំការគ គ្រប់គ្រងដោយកងយោធាល្បាត ថ្មើជើងវរៈសេនាតូច លេខ៥០៣ ស្ថិតក្នុងស្រុកស្វាយចេក ខេត្តបន្ទាយមានជ័យ។

ប្រភពពី​មន្ត្រីនគរបាលតូចតាច​ ស្រុកស្វាយចេក ​ខេត្តបន្ទាយមានជ័យ បាន​លួចបង្ហើបឲ្យ​ដឹងថា​ លោក ខែម សោភ័ណ ជាប់​ពាក់ព័ន្ធ​ នឹង​ការ​នាំចូល​ម៉ូតូ​ គេចពន្ធ​ទំនើបៗ និង​រថយន្ត​ចង្កូត​ស្ដាំ​ទំនើបៗ​ ជាច្រើន​ឆ្នាំ​មកហើយ មិន​ដែលមាន​ សមត្ថកិច្ច​ណា​ ហ៊ាន​ប៉ះពាល់​ នោះទេ​។ ហើយមន្ត្រី​យោធា​ ការពារ​ព្រំដែន​ ក៏ដូចជា​មន្ត្រីន គរបាល​ការពារ​ព្រំដែន​ ក្នុងខេត្តបន្ទាយមានជ័យ ដោយមានការយោគយល់​ ដល់​លោក ​ឧ​ត្ត​ម​សេនីយ៍​ទោ អាត់ ខែម ស្នងការ​នគរបាល​ ខេត្តបន្ទាយមានជ័យ ទើប​បណ្ដោយ​ឲ្យ​លោក ខែម សោភ័ណ ធ្វើ​អ្វីៗតាម​អំពើ​ចិត្ត​ មិនហ៊ានប៉ះពាល់ទេ ។

ប្រភពពីមន្ត្រីនគរបាល​ នៃ​ស្នងការដ្ឋាន​ នគរបាល​ខេត្តបន្ទាយមានជ័យ មួយចំនួន​ បាន​ឲ្យ​ដឹងថា កូនប្រុស​លោក អាត់ ខែម ស្នងការ​នគរបាល​ ខេត្តបន្ទាយមានជ័យ គឺ​លោក ខែម សោភ័ណ ជា​មេខ្លោង​នាំចូល​ម៉ូតូ​គេចពន្ធ​ នឹងរថយន្តចង្កេតស្ដាំគេចពន្ធ ពី​ស្រុក​សៀម មកខ្មែរ យ៉ាងចំហរ ដោយ​គ្មាន​សមត្ថកិច្ច​ ឬស្ថាប័នពាក់ព័ន្ធ​ណា​ ហ៊ាន​ចាត់វិធានការ​ ទប់ស្កាត់​ឡើយ​។ ជាពិសេស ប៉ូលិសប្រឆាំងបទល្មើសសេដ្ឋកិច្ច នឹងមន្ត្រីគយ ក្រោមការគ្រប់គ្រង របស់លោក ឆែ សុធា មេសាខាគយខេត្តបន្ទាយមានជ័យ មើលមិនឃើញ ភាពមិនប្រក្រតី របស់លោក ខែម សោភ័ណ កូនប្រុសលោក អាត់ ខែម ស្នងការនគរបាល ខេត្តបន្ទាយមានជ័យ ទេសង្ស័យពាក់ព័ន្ធផលប្រយោជន៍ ថ្នូរនឹងមិនបង្ក្រាប។

ដូច្នេះ​ សម្ដេចក្រឡាហោម ស ខេង ឧបនាយករដ្ឋមន្ត្រី​ ក្រសួងមហាផ្ទៃ និង​លោក នេ​ត សាវឿន អគ្គស្នងការ​នគរបាល​ជាតិ ជាពិសេសលោក អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច នឹងហិរញ្ញវត្ថុ នឹងលោក គុណ ញឺម អគ្គនាយកដ្ឋានគយ នឹងរដ្ឋាករកម្ពុជា គួរពិនិត្យមើល​ ភាពមិនប្រក្រតី​ខាងលើនេះ​ផង ព្រោះ​ករណី​ លោក ខែម សោភ័ណ ហ៊ាន​នាំចូល​ម៉ូតូ​គេចពន្ធ​ទំនើបៗ​ និង​រថយន្ត​ចង្កូត​ស្ដាំ​ទំនើបៗ​ ពី​ទឹកដី​សៀម មកខ្មែរយ៉ាងរលូននេះ សង្ស័យមានការឃុបឃិតគ្នា ជាប្រព័ន្ន​ ហើយជាងនេះទៅទៀត ដោយសាអាង​មាន​ឪពុក​របស់ខ្លួន​ ជា​ខ្នងបង្អែក​ដ៍រឹងមាំផងដែរ។

បើតាមប្រភព ព័ត៌មាន​ពី​ប្រជាពលរដ្ឋ​ រស់នៅ​តំបន់​ព្រំដែន​ ក្នុងស្រុក​ស្វាយចេក ខេត្តបន្ទាយមានជ័យ បាន​ឲ្យ​ដឹងថា មួយ​រយៈពេល​កន្លងទៅ​នេះ​ ពួកគាត់​សង្កេតឃើញ​ សកម្មភាព​ នាំចូល​ម៉ូតូ​ទំនើបៗ​ គេចពន្ធ​ពី​ទឹកដី​សៀម ចូល​ទឹកដី​ខ្មែរ​ តាម​ច្រករបៀង​ចំការ​គ ស្រុក​ស្វាយចេក កាន់តែ​ច្រើនជាង​មុន​ទៅទៀត​។

ប្រភពពី​មន្ត្រី​យោធា​ ក្នុងស្រុក​ស្វាយចេក ក៍បាន​ឲ្យ​ដឹងផងដែរថា ជារើយៗ ជាច្រើនឆ្នាំមកហើយ ជាពិសេសថ្មីៗនេះ សកម្មភាព នាំចូលម៉ូតូ គេចពន្ធទំនើបៗ នឹងរថយន្តចង្កូតស្ដាំគេចពន្ធ បាននាំចូលពេញបន្ទុក ទោះមានការប្រកាស នឹងបញ្ជា ពីក្រសួងមហាផ្ទៃ ឲ្យបិទច្រងរបៀង​ យ៉ាងណាក៍ដោយ ក៍ទំនិញគេញពន្ធ នៅតែមានការលំហូរចូលដដែរ ជាក់ស្ដែថ្មីៗនេះ មានការបែកធ្លាយ ករណីកូនប្រុស លោក អាត់ ខែម គឹលោក ខែម សោភ័ណ នាំម៉ូតូគេចពន្ធទំនើបៗ ជាច្រើនគ្រឿង ចូលតាមច្រកចំការ​គ គឺជា​តំបន់​ ដែល​គ្រប់គ្រង​ដោយ​កង​យោធា​ វរ​សេនា​តូច​ថ្មើរជើង​ លេខ​៥០៣ ដែលមាន​លោក​ឧ​ត្ត​ម​សេនីយ៍​ត្រី ឃួន ជឿន ជា​មេបញ្ជាការ​វរ​៥០៣​ ចំណុះ​យោធភូមិភាគ​៥​ ដែលមាន​លោក ប៊ុន សេង ជា​មេបញ្ជាការ​ ។

ពាក់ព័ន្ធ ភាពមិនប្រក្រតីខាងលើ មជ្ឈដ្ឋាន​នានា បានដាក់ការ​សង្ស័យថា បើ​គ្មាន​ការឃុបឃិត​ បើកដៃ​ពី​សំណាក់​មន្ត្រី​យោធា​ កងវរសេនាតូច​ថ្មើរជើង​ លេខ​៥០៣​ នឹងគ្មានការត្រូវរ៉ូវគ្នា ជាមួយស្ថាប័នពាក់ព័ន្ធ មានដូចជា ស្ថាប័នប៉ូលិស ប្រឆាំងបទល្មើសសេដ្ឋកិច្ច នឹងស្ថាប័នគយ ក្រោមការគ្របគ្រង លោក ឆែ សុធា ទេនោះ គឺ​លោក ខែម សោភ័ណ ដែលជា​កូនប្រុស ​លោក អាត់ ខែម ស្នងការ​នគរបាល​ ខេត្តបន្ទាយមានជ័យ ក៍មិន​ហ៊ាន​ នាំចូល​ម៉ូតូ​គេចពន្ធ​ ទំនើបៗ​ តាម​អំពើ​ចិត្ត។

ពាក់ព័ន្ធការចោទប្រកាន់ខាងលើនេះ គេហទំព័រ អង្គ
ភាព CSN មិនអាចសុំការបកស្រាយបំភ្លឺ ពីលោកឧត្ដមសេនីយ៍ទោ អាត់ ខែម ស្នងការខេត្តបន្ទាយមានជ័យ និងលោក ខែម សោភ័ណ ជាកូនប្រុស របស់លោកបាននោះទេ ដោយគ្មានលេខទូរស័ព្ទ ធ្វើការទំនាក់ទំនង រីឯលោកឧត្ដមសេនីយ៍ត្រី ឃួន ជឿន ទូរស័ព្ទមិនអាទាក់ទងបានទេ មកដល់ថ្ងៃនេះ អង្គាភាពយើងរងចាំការបកស្រាយបំភ្លឺ ពីលោក អាត់ ខែម និងលោក ខែម សោភ័ណ រួមនិងលោក ឃួន ជឿន នៅពេលក្រោយ។

សូមបញ្ជាក់ រាល់ការចេញផ្សាយ អង្គភាពយើង ផ្សាយតែព័ត៌មានពិត ជាក់លាក់ ច្បាស់លាស់ មិនលំអៀង គឺយោងទៅតាមប្រភព ច្បាស់ការណ៍ នឹងឯកសារមួយចំនួន ប្រសិនសាមីខ្លួន ឬស្ថាប័នពាក់ព័ន្ធ គិតថា មិនត្រឹមត្រូវ សម្ដេច ទ្រង់ ឯកឧត្តម ឧកញ៉ា លោកជំទាវ អស់លោក លោកស្រី អាចធ្វើលិខិតស្នើសុំ មកការិយាយ័ល អង្គភាពយើងខ្ញុំ ដោយមានឯកសាមួយចំនួន ដើម្បីធ្វើការ កែតម្រូវឡើងវិញបាន តារយៈទូរស័ព្ទ លេខ 097 777 6000 រាល់ម៉ោងធ្វើការ៕ ដោយអ្នកប្រមាញ់់ បន្ទាយមានជ័យ

 

សូមជួយស៊ែរព័ត៌មាននេះផង: