ផ្លូវលំ១ខ្សែ នៅភូមិថ្មពេជ្រ១ ឃុំថ្មពេជ្រ ហាក់ដូចជាមានអាថ៌កំបាំង​ នៅពីក្រោយការជួល ស្នាក់នៅបណ្ដោះអាសន្ន ធ្វើឲ្យពលរដ្ឋមិនសប្បាយចិត្ត

ចេញផ្សាយ ថ្ងៃពុធ ទី១៨ ខែតុលា ឆ្នាំ២០១៧ ដោយ ៖ អង្គភាព CSN ទំនាក់ទំនងផ្ដល់ព័ត៌មាន នឹងផ្សាយពាណិជ្ជកម្ម 078 55 11 12 / 097 777 6000 នាយកការផ្សាយ

​ត្បូងឃ្មុំ​ ៖ តាមសេចក្ដីរាយការណ៍ បានឲ្យដឹងថា ប្រជាពលរដ្ឋ រស់នៅ ភូមិថ្មពេជ្យ១ ឃុំថ្មពេជ្រ ស្រុក/ខេត្តត្បូងឃ្មុំ បាននឹងកំពុងចោទប្រកាន់ នឹងរិះគន់ ទៅលើអាជ្ញាធរមូលដ្ឋាន ខណៈផ្លូវសាធារណៈ ត្រូវបានអាជ្ញាធរ ឃុបឃិតគ្នា យកជួលទៅឲ្យឈ្មោះ ម៉ន លន់ នឹងប្រពន្ធឈ្មោះ អឿន ជា ប្រកបអាជីវកម្ម លក់ដូរ នឹងប៉ះកង់ម៉ូតូ កាលពីថ្ឆ្នាំ២០១១ រហូតមកដល់ ឆ្នាំ២០១៧ នេះ បង្កការប៉ះពាល់យ៉ាងខ្លាំង ក្នុងការធ្វើដំណើទៅមក ជាពិសេសគ្មានផ្លូវ សម្រាប់ដឹកជញ្ជូនកសិផលទេ ព្រោះអ្នកជួលដីនេះ បានធ្វើផ្ទះស្នាក់នៅ លើផ្លូវនេះតែម្ដង ។

ប្រភពរាយការណ៍ បានឲ្យដឹងទៀតថា ជំងឺនេះបានកើតឡើងយូឆ្នាំមកហើយ ចាប់តាំងពីលោក តន់ ធា មេឃុំថ្មពេជ្យ ស៊ីញេប្រថាប់ត្រា កាលពី​ថ្ងៃទី០៧ ខែ០៧ ឆ្នាំ២០១១ ប្រគល់ដីផ្លូវនេះ ឲ្យទៅឈ្មោះ ម៉ន លន់ នឹងប្រពន្ធឈ្មោះ អឿន ជា រកស៊ីលក់ដូរ នឹងស្នាក់នៅបណ្ដោះអាសន្ន នេះបើយោងទៅតាម លិខិតកិច្ចសន្យា របស់ភាគី ពីរនាក់ប្តីប្រពន្ធខាងលើេ ចំពោះមុខច្បាប់។

ដោយមានលំបាក គ្មានផ្លូវធ្វើដំណើរ រហូតមកដល់ ខែ​មិនា ឆ្នាំ​២០១៧ ប្រជាពលរដ្ឋ រស់នៅ​ភូមិ​ថ្ម​ពេជ្រ១ ឃុំ​ថ្ម​ពេជ្រ ស្រុក/ខេត្ត​ត្បូងឃ្មុំ បាន​ធ្វើពាក្យបណ្ដឹង គោរព​ជូន​ទៅ លោក​អភិបាល ស្រុក​ត្បូងឃ្មុំ និង​អភិបាល ខេត្ត​ត្បូងឃ្មុំ គឺលោក ប្រាជ្ញ ច័ន្ទ ម្ដងរួចមកហើយ ក្នុង​កម្មវត្ថុ សំណើ​សុំ​ជួយ​អន្តរាគមន៍ ទៅ​អាជ្ញាធរឃុំ ដើម្បីចាត់វិធានការ ទៅលើសំណង់​ សងលើ​ដី​ផ្លូវ​សាធារណៈ ដើម្បីបើកផ្លូវឡើងវិញ ដល់​ការធ្វើ​ចរាចរណ៍​ទៅមក របស់​ប្រជាជន​ទាំងមូល តែស្ងាត់ឈឹងដូចចោរលួចសេះ មិនដែលឃើញ មន្ត្រីពាក់ព័ន្ធណា ចុះមកមពិនិត្យមើល ម្ដងសោះ ។

បើតាមការបញ្ជាក ពីប្រជាពលរដ្ខ បានឲ្យដឹងថា ដោយ
សារ​ការរងចាំការដោះស្រាយ ពីថ្នាក់ស្រុក នឹងថ្នាក់ខេត្ត មានការយឺតយ៉ាវ​ ហាត់ដូបជាគ្មានឆន្ទះ ក្នុងការដោះស្រាយជូនពួកគាត់ ប្រជាពលរដ្ឋក៍បាននាំគ្នា ​ធ្វើពាក្យបណ្ដឹង ១ច្បាប់ទៀត ជូនទៅ ឯកឧត្តម ជា សុផារ៉ា ដើម្បី​ស្នើសុំ ឲ្យ​ឯកឧត្តម មេត្តា​ជួយ​ធ្វើ​អន្តរាគមន៍ នឹងដោះស្រាយ​។ហើយពេលនោះ ឯកឧត្តម​បាន​បញ្ជា​ទៅ ប្រធាន​មន្ទីរ និង​អាជ្ញាធរ​ពាក់ព័ន្ធ ឲ្យ​នាំគ្នា​ចាត់ការ រុះរើ​សំណង់ ខុសច្បាប់​នោះ ចេញពីផ្លូវ ដើម្បី​បើកផ្លូវ​សាធារណៈ ឲ្យ​ប្រជាពលរដ្ឋ បាន​ប្រើប្រាស់​ឡើងវិញ ក៍ប់ុន្តែ ត្រូវបានគេមើលឃើញថា មន្ត្រីថ្នាក់ក្រោមជាតិ មិនបានយកចិត្តទុកដាក់ ទៅតាមបញ្ជា របស់មន្ត្រីថ្នាក់ជាតិ បានបញ្ជានេះទេ សង្ស័យដីនេះ ជាប់ពាក់ព័ន្ធ មានការឃុបឃិតគ្នាលក់ឲ្យគេ ទើបមិនហ៊ានចាត់ការ ។

ហេតុនេះហើយ បានជាសំណង់​ខុសច្បាប់​នោះ នៅតែ​មិន​ទាន់ ត្រូវបាន​អាជ្ញាធរ ចាត់វិធានការនូវឡើយ ហើយមិនតែប៉ុណ្ណោះ អ្នក​ធ្វើ​ផ្ទះ​ នៅលើផ្លូវ​សាធារណៈ​ នោះ ថែមទាំង​បាន និង​កំពុង​ ដាំ​ដំណាំ​ម្រេច ជាច្រើន​នៅលើ​ផ្លូវ​សាធារណៈ នឹងខាងក្រោយ​ផ្ទះ ដែលជា​សំណង់​ខុស​ច្បាប់​របស់​ខ្លួន ថែមទៀត កាន់តែ​ផ្គើន​ គ្មានញញើត ធ្វើអ្វីៗតាមតែអំពើចិត្ត ធ្វើដូចដីកម្មសិទ្ធរបស់ខ្លួន ហើយគ្មានអាជ្ញាធរណា បើកភ្នែកមើលទេ សកម្មភាពបែននេះ ជាហេតុធ្វើឲ្យ​ប្រជាពលរដ្ឋ​ក្នុងភូមិ សម្ដែងនូវការមិនពេញចិត្ត នឹងបានរិះគន់យ៉ាងខ្លាំង​ ចំពោះលោក​មេឃុំ​ថ្ម​ពេជ្រ និង​លោក អភិបាលអភិបាលស្រុក​ យ៉ាងខ្លាំងៗថា ទង្វើអសកម្ម នឹងអសមត្ថភាព​ បែបនេះ លោកទាំងពីរ មិនគួរធ្វើជាអភិបាលស្រុក ឬមេឃុំបម្រើប្រជាពលរដ្ឋ តទៅទៀតទេ បើអសមត្ថភាព ក្នុងការដោះស្រាយ ជូនប្រជាពលរដ្ឋបែបនេះ។

​ហេតុដូច្នេះ​ហើយ ទើប​ពួកគាត់​ នាំគ្នាសំណូមពរ​ជា​បន្ត​ទៀត ទៅឯកឧត្តម ទេសរដ្ឋមន្ត្រី ជា សុផារ៉ា នឹងឯឧត្តម លី ឡេង អភិបាលនៃគណៈអភិបាល ខេត្តត្បូងឃ្មុំ មេត្តា​ជួយ​ធ្វើ​អន្តរាគមន៍ ចាត់វិធានការ ទៅលើសំណង់ ផ្ទះ អនាធិបតេយ្យ ដែលកំពុងសងបិទផ្លូវនោះ ដើម្បី​បើ​ផ្លូវ​សាធារណៈ ឲ្យ​ប្រជាពលរដ្ឋ ជាច្រើន​ភូមិ បាន​ប្រើប្រាស់​ឡើងវិញ ដោយ​ក្ដី​អនុគ្រោះ​ផង ។

ទាក់ទិននឹងការចោទប្រកាន់ខាងលើ ពីសំណាក់ប្រជាពលរដ្ឋ ទៅលើអាជ្ញាធរឃុំ នឹងស្រុក ថាគ្មានឆន្ទះ ក្នុងការដោះស្រាយ បើកផ្លូវជូនពួកគាត់នេះ អង្គភាព CSN មិនអាចស្វែងរកសុំធ្វើ បទសម្ភាសន៍​ ពីលោក អភិបាលស្រុក នឹងលោក មេឃុំថ្មពេជ្រ បានទេមកដល់ថ្ងៃនេះ អង្គភាពយើង ស្វាគមន៍ រងចាំការបកស្រាយបំភ្លឺ នៅពេលក្រោយ។

សូមបញ្ជាក់ រាល់ការចេញផ្សាយ អង្គភាពយើង ផ្សាយតែព័ត៌មានពិត ជាក់លាក់ ច្បាស់លាស់ មិនលំអៀង គឺយោងទៅតាមប្រភព ច្បាស់ការណ៍ នឹងឯកសារមួយចំនួន ប្រសិនសាមីខ្លួន ឬស្ថាប័នពាក់ព័ន្ធ គិតថា មិនត្រឹមត្រូវ សម្ដេច ទ្រង់ ឯកឧត្តម ឧកញ៉ា លោកជំទាវ អស់លោក លោកស្រី អាចធ្វើលិខិតស្នើសុំ មកការិយាយ័ល អង្គភាពយើងខ្ញុំ ដោយមានឯកសាមួយចំនួន ដើម្បីធ្វើការ កែតម្រូវឡើងវិញបាន តារយៈទូរស័ព្ទ លេខ 097 777 6000 រាល់ម៉ោងធ្វើការ៕ ដោយអ្នកប្រមាញ់់ ត្បូងឃ្មុំ

សូមជួយស៊ែរព័ត៌មាននេះផង: