ចេញផ្សាយថ្ងៃសៅរ៍ ទី០១ ខែកក្កដា ឆ្នាំ២០១៧ ដោយ ៖ អង្គភាព CSN ទំនាក់ទំនងផ្ដល់ព័ត៌មាន នឹងផ្សាយពាណិជ្ជកម្ម 078 55 11 12 / 097 777 6000
ភ្នំពេញ៖ យោងតាមគេហទំព័រ អគ្គស្នងការនគរបាលជាតិ បានឲ្យដឹងថា នៅរសៀលថ្ងៃទី៣០ ខែមិថុនា ឆ្នាំ២០១៧នេះ សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ និងជាប្រធានគណៈកម្មាធិការជាតិ សុវត្ថិភាព ចរាចរណ៍ផ្លូវគោក បានអញ្ជើញដឹកនាំកិច្ចប្រជុំ បូកសរុបលទ្ធផល ការអនុវត្តច្បាប់ចរាចរណ៍ផ្លូវគោក ឆមាសទី១ ឆ្នាំ២០១៧ នៅទីស្ដីការក្រសួង។
កិច្ចប្រជុំនេះ ក៏មានការចូលរួមពី ឯកឧត្តម ទេសរដ្ឋមន្ដ្រី ស៊ុន ចាន់ថុល រដ្ឋមន្ដ្រីក្រសួងសាធារណការ និងជាអនុប្រធាន ថ្នាក់ដឹកនាំ ក្រសួងមហាផ្ទៃ ថ្នាក់ដឹកនាំអគ្គស្នងការដ្ឋាន នគរបាលជាតិ អភិបាលរាជធានី-ខេត្ត ស្នងការរាជធានី-ខេត្ត ព្រមទាំងមន្ត្រីពាក់ព័ន្ធជាច្រើនទៀតផងដែរ។
យោងតាមរបាយការណ៍ បូកសរុបលទ្ធផលនៃការអនុវត្តច្បាប់ ស្ដីពីចរាចរណ៍ផ្លូវគោក ប្រចាំឆមាសទី១ ឆ្នាំ២០១៧ បានបង្ហាញថា ក្រុមការងារ បានត្រួតពិនិត្យយានយន្ដសរុប ១,៥៧៥,៦៤៦គ្រឿង ក្នុងនោះ រកឃើញយានយន្ដល្មើស ចំនួន ១៦៩,៧៣១គ្រឿង ធ្វើការអប់រំ ចំនួន៤៨,៦៣៤គ្រឿង និងធ្វើការពិន័យ ចំនួន១២១,០៩៧គ្រឿង ក្នុងនោះទទួលបានប្រាក់ពិន័យចំនួន ២,៦៧៧,៨២០,០០០រៀល។
របាយការណ៍បន្ដថា ការត្រួតពិនិត្យជាតិស្រវឹង បានបន្ដយ៉ាងសកម្ម ដោយរកឃើញ អ្នកបើកបរមានជាតិស្រវឹងចំនួន២,០០០នាក់ ហើយឃាត់ខ្លួនបញ្ជូនសំណុំរឿង ទៅតុលាការ ចំនួន១៧៧នាក់ « អ្នកបើករថយន្ដ២២នាក់ និងអ្នកបើកម៉ូតូ១៥៥នាក់ »។ ការត្រួតពិនិត្យសារធាតុញៀន លើកអ្នកបើកបរ ចំនួន១៦២នាក់ រកឃើញសារធាតុញៀន ចំនួន២៥នាក់ ក្នុងនោះអ្នកបើករថយន្ដ ចំនួន១៨នាក់។
សម្រាប់គ្រោះថ្នាក់ចរាចរណ៍ ដែលបានកើតឡើង នៅពាក់កណ្ដាលឆ្នាំ ២០១៧នេះ មានចំនួន ១,៨៨៣ លើក បណ្ដាលឲ្យស្លាប់ ៩១៩នាក់ និងរបួស ២,៩៨២នាក់ ដែលស្លាប់ភាគច្រើន នៅរាជធានីភ្នំពេញ ៩៩នាក់ ខេត្តកណ្ដាល ៨០នាក់ និងខេត្តបន្ទាយមានជ័យ ៦៨នាក់។
មូលហេតុដែលបង្ក ឲ្យមានគ្រោះថ្នាក់នេះ រួមមាន ការបើកបរលើសល្បឿនកំណត់ ៣៨% មិនគោរពសិទ្ធិ១៦% មិនប្រកាន់ស្ដាំ១២% ស្រវឹង១១% វ៉ាជែង១០% បត់១០% កត្កាយានយន្ដ៣% ងងុយ១% និងកត្កាផ្លូវ១%។ បើប្រៀបធៀប រយៈពេលដូចគ្នា កាលពីឆ្នាំ២០១៦ គឺកើនឡើង១៦លើក ហើយអ្នកស្លាប់កើន ១១នាក់ តែអ្នករងរបួសថយ២៨២នាក់។
សម្តេចក្រឡាហោម ស ខេង បានមានប្រសាសន៍ថា ចំនួនអ្នកស្លាប់ បើប្រើប្រៀបធៀប រយៈពេល ៦ខែដើមឆ្នាំ២០១៧ នេះ បើធៀប នឹងរយៈពេល ៦ខែដើមឆ្នាំ២០១៦ គឺអ្នកស្លាប់ តែ៦នាក់ទេ ចាត់ទុកថា លទ្ធផលដែលយើងបានខិតខំធ្វើនេះ គឺវាស្ថិតនៅដដែល វាអត់មានអីប្រែប្រួលទេ។
មូលហេតុបង្កគ្រោះថ្នាក់រួមមាន ការបើកបរលើសល្បឿនកំណត់ ៣៦% មិនគោរសិទ្ធិ១៦% មិនប្រកាន់ស្តាំ១២% ស្រវឹង១១% វ៉ាជែង១០% បត់១០% កត្តាយានយន្ត៣% ងងុយដេក១% និងកត្តាផ្លូវ១%។ នៅក្នុងចំណោមអ្នកស្លាប់ ៩១៩នាក់ ភាគច្រើនជាអ្នកជិះម៉ូតូ មានចំនួន ៦៩៦នាក់ ស្មើ៧៦% « ប្រភេទ១២៥សេសេចុះក្រោម » ក្នុងនោះ មិនពាក់មួកសុវត្ថិភាព មានចំនួន ៥៧១នាក់ ស្មើ៨២% ហើយសម្តេចក្រឡាហោម បានលើកឡើងទាក់ទង ការបើកបរលើសល្បឿន យើងត្រូវខិតខំរកវិធានការ។
សម្តេចក្រឡាហោម បានស្នើឲ្យក្រសួងប្រៃសនីយ៍ ទូរគមនាគមន៍ ជម្រុញការផ្សព្វផ្សាយ តាមទូរស័ព្ទ អំពីសុវត្ថិភាពតាមដងផ្លូវ របៀបរៀបរយតាមដងផ្លូវសាធារណៈ និងពិនិត្យឡើងវិញ ការបំពាក់ផ្លាកសញ្ញា គ្រឿងសញ្ញា និម្មិតសញ្ញា ដើម្បីដោះស្រាយ ការកកស្ទះ និងបន្ថយល្បឿន ព្រមទាំងដាក់ភ្លើងបំភ្លឺ ចំណាំងផ្លាតនៅរបាំងបែងចែកទ្រូវផ្លូវ ហើយហេដ្ឋារចនាសម្ព័ន្ធ យើងធ្វើច្រើន ប៉ុន្តែ វាមិនស្របជាមួយ នឹងកំណើនយានយន្ត ពិសេស នៅរាជធានីភ្នំពេញ៕
About Post Author
អត្ថបទផ្សេងៗ:
លទ្ធផលបូកសរុបឆមាសទី១ ឆ្នាំ២០១៧ មានអ្នកស្លាប់ដោយគ្រោះថ្នាក់ចរាចរណ៍ ជិត១ពាន់នាក់ របួសជិត៣ម៉ឺននាក់ នឹងរកឃើញអ្នកស្រវឹងពេលបើកបរ ចំនួន២ពាន់នាក់
សារលិខិតចូលរួមអបអរសាទរ និងជូនពរ ក្នុងឱកាសទិវា ខួបអនុស្សាវរីយ៍លើកទី១០៦ សិទ្ធិនារី ៨មិនា ឆ្នាំ២០១៧
មន្ទីរសេដ្ឋកិច្ចនឹងហិរញ្ញវត្ថុ ខេត្តមណ្ឌលគិរី មានបើកកិច្ចប្រជុំ ផ្សព្វផ្សាយ ស្ដីពីតារាងប្រៀបធៀប ទ្រព្យសម្បត្តិរដ្ឋ ឆ្នាំ២០១៧
ក្រោយខ្នងនៃការ ចងកសំលាប់ខ្លួន របស់ នារីវ័យក្មេង នៅបាត់ដំបង ស្លាប់ចោលប្តី អណិកជន (Update)
នារីបុគ្គលិកមន្ទីរពហុព្យាបាលសំពៅមាស ចង.កធ្វើអត្តឃាតនៅជាន់ទី៤
មន្រ្តីរដ្ឋាភិបាល ពន្យល់ពីការ ចូលនិវត្តន៍ របស់លោកស្រី ម៉ែន សំអន ក្រោយមានការរិះគន់
ផ្ទះជាច្រើនខ្នង កំពុងរុះរើដោយឃើញផ្ទះ៥ខ្នង បានបាក់ស្រុចចូលក្នុងទន្លេ
ស្ពានជ្រោយចង្វាទី២ បើកដំណើការជាបណ្ដោះអាសន្ន ថ្ងៃទី១ ខែវិច្ឆិកា
សមត្ថកិច្ចស្រុកមុខកំពូល ដេញបង្ក្រាបជនសង្ស័យកាច់កម៉ូតូ បានមកវិញតែជនសង្ស័យរត់រួច
មរណភាពរបស់ឧកញ៉ា អ៊ឹង ម៉េងជី ជាការខកខានចូលខ្លួនឆ្លើយបំភ្លឺនៅសាលាដំបូងរាជធានីភ្នំពេញ ថ្ងៃទី០៨ ខែធ្នូ ខាងមុខ
លោកព្រះរាជអាជ្ញារងអមសាលាដំបូងខេត្តកំពង់ស្ពឺ ដឹកនាំកម្លាំងយុទ្ធនាការបង្ក្រាបបទល្មើសព្រៃឈើ ទ្រុងទ្រាយធំរបស់មេឈ្មួញជឿងថេង
ប្រជាពលរដ្ឋចោទប្រកាន់រោងចក្រដាត់ដេ បោកគក់សំលៀកបំពាក់ បង្ហូរទឹកកខ្វក់មានសាសរធាតុគីមី ចូលព្រែក អូរ ស្ទឹងបឹងធម្មជាតិ បង្កផលប៉ះពាល់ដល់ការរស់នៅ មនុស្សនឹងសត្វ
ចប់និយាយ ! លោក ស៊ុន ចាន់ថុល ធ្លាប់អួតក្ដែងៗ ឥឡូវអស់អំនួត ក្រោយពីរកឃើញភាពមិនប្រក្រតី នៅស្ថានីយជញ្ជីងថ្លឹងរថយន្ត ទាំង១៥កន្លែង
ស្លាប់នឹងរបួសពិការ នៅលើផ្លូវថ្នល់ ជារៀនរាល់ថ្ងៃ បើទៅហើយ មិនអាចត្រឡប់ មកវិញបានទេ.!
ប្រជាពលរដ្ឋគាំទ្រ លោក សាន ស៊ានហូ អភិបាលក្រុងប៉ោយប៉ែត ចាត់វិធានការទៅលើលំនៅដ្ឋា សង់រំលោភលើដីផ្លូវសាធារណ: !
លំអិតហេតុការណ៍បង្រ្កាប់ឧក្រិដ្ឋជន ៤នាក់ ចូលប្លន់ក្នុងផ្ទះបុរីអង្គរភ្នំពេញ ដោយរៀបផែនការជម្រិត យកប្រាក់ ១លានដុល្លារ