ដោយ ៖ នួន ពុទ្ធា ( កម្ពុជា ជោគជ័យ ) CSN
ស្ទឹងត្រែង ៖ មានសេចក្ដីរាយការណ៍ ពីប្រជាពលរដ្ឋ នឹងមន្ត្រីរាជការ ពីខេត្តស្ទឹងត្រែង បានឲ្យដឹងផងដែរថា បច្ចុប្បន្ន រថយន្តយីឌុបខ្នាតយក្ស បាននឹងកំពុង ធ្វើសកម្មភាព ដឹកជញ្ជូនឈើ ចេញពីក្រុមហ៊ុនបាតអាងនិងក្រុមហ៊ុន សីុវ ហ្គិច ដឹកជញ្ជូនឈើចេញ ពីចំណុចស្រែគរ តាមផ្លូវជាតិលេខ៧៨ និងតាមផ្លូវជាតិលេខ៧អាស៊ាន ដោយបានឆ្លងកាត់ស្ថានីយ ថ្លឹងរថយន្តអូរពងមាន់ យ៉ាងគគ្រឹកគគ្រេង ក្នុង១យប់ៗមិនក្រោមជាង១០គ្រឿងទេ។
ប្រភពរាយការណ៍ខាងលើ បានបន្តថា ជាក់ស្ដែងកាលពីវេលាម៉ោង៩ នឹង៥នាទីយប់ ថ្ងៃទី០៩ ខែធ្នូ ឆ្នាំ២០១៦ មានរថយន្តយីឌុបខ្នាតយក្ស ដឹកឈើចំនួន១៤គ្រឿង ធ្វើចរាចរណ៍ បន្តកន្ទុយគ្នា ដូចហែរកឋិន នៅចំណុចស្ថានីយថ្លឹងរថយន្ត អូរពងមាន់ ស្ថិតនៅភូមិរាជានុកូល សង្កាត់ ក្រុង / ខេត្តស្ទឹងត្រែង ។
ប្រជាពលរដ្ឋជាច្រើន បានលើកឡើង នឹងឆ្ងល់ផងដែរថា ក្រុមហ៊ុនបាតអាងតែមួយ មានថៅកែ នឹងឧកញ៉ា ជាច្រើន បានសម្រុកមូលគ្នានៅទីនោះ ជាយូឆ្នាំមកហើយ មកដល់បច្ចុប្បន្ននេះ ក៍នៅតែឃើញ មេឈ្មួញឈើដុះស្លែធំៗ ព្រមទាំងឧកញ៉ា១ចំនួន ក៍នឹងកំពុងមានវត្តមាននៅទីនោះ ចាំប្រមូលទិញឈើផងដែរ ជាពិសេស ក្រុម
ហ៊ុនទាំងពីរខាងលើ ធ្វើការដឹកជញ្ជូន ស្ទើជារៀងរាល់ថ្ងៃរាល់យប់ជយូឆ្នាំមកហើយ តែមិនចេះរីងស្ងួត ទាល់តែសោះ។
ប្រភពពីមន្ត្រី សាលាខេត្តស្ទឹងត្រែង១រូប បានលើកឡើងថា យោងទៅតាមអនុសាសន៍ សម្តេចតេជោ ហ៊ុន សែនប្រមុខរាជរដ្ឋាភិបាល នៃព្រះរាជាណាចក្រកម្ពុជា បានបញ្ឈប់ គ្រប់ក្រុមហ៊ុនទាំងអស់ ដែលមានឈើនៅក្នុងក្រុមហ៊ុនរបស់ខ្លួន ទោះមានច្បាប់ក្តី និងមិនមានច្បាប់ក្តី ត្រូវតែបញ្ឈប់ជាបន្ទាន់ តែផ្ទុយទៅវិញ ក្រុមហ៊ុនទាំងពីរខាងលើ នៅតែបន្តសកម្មភាព ធ្វើការដឹកជញ្ជូនឈើ តាមរថយន្តយីឌុបធន់ធំៗ នៅពេលយប់ មានចំនួនជាច្រើនគ្រឿង បន្តកន្ទុយគ្នា ឆ្ពោះយកទៅប្រទេសវៀតម ស្ទើតែរៀងរាល់យប់ មកកកស្ទះ នៅត្រង់ចំណុច ស្ថានីយថ្លឹងរថយន្ត អូរពងមាន់។
តាមការបញ្ជាក់ពីមន្ត្រីស្ថានីយ ថ្លឹងរថយន្ត នៅចំណុចអូរពងមាន់ កាលពីវេលាម៉ោង៩យប់ ថ្ងៃទី៩ ខែធ្នូ នេះ បានឲ្យដឹងថារថយន្តយីឌុបខ្នាតធំមានផ្លូវ៥ និងមានរថយន្តប្រភេទV1( វ៉េអង )ខ្លះ ជារថយន្តដឹកឈើ របស់ក្រុមហ៊ុន បាតអាង មានចំនួន១២គ្រឿង និងរថយន្តដឹកឈើ របស់ក្រុមហ៊ុន សីុវ ហ្គេច មានចំនួន២គ្រឿងផងដែរ សរុបទាំងអស់ ក្នុង១យយប់ៗ មានចំនួន១៤គ្រឿង តែចំពោះ ការមានច្បាប់ ឫមិនមានច្បាប់ លោកមិនមានសិទ្ធិ ចាប់ឃាត់ ឫសួរនាំនោះទេ លោកគ្រាន់តែមានសិទ្ធិ បញ្ជាឲ្យរថយន្តទាំងនោះ ឡើងថ្លឹងលើជញ្ជីងបើមិនមានលើសទម្ងន់ទេ លោកឲ្យរថយន្តនោះ ធ្វើដំណើរបន្តទៅមុខទៀត តែបើរថយន្តខាងលើនោះ ឡើងថ្លឹងលើជញ្ជីង មានផ្ទុកលើសទម្ងន់ លោកមានសិទ្ធិឲ្យទម្លាក់ចុះ និងឲ្យធ្វើការបង់ផាកពិន័យ ទៅតាមច្បាប់តែប៉ុណ្ណោះ ។
គួបញ្ជាក់ផងដែរថា យោងតាមប្រភពច្បាស់ការណ៍ ពីក្រុមកម្មករ នឹងឈ្មួញតូចតាច ធ្វើការ រកស៊ីនៅទីនោះ បានឲ្យដឹងថា ឈើបាតអាង មកទល់បច្ចុប្បន្ននេះ មិនមាននៅសម្រាប់ ឲ្យក្រុមហ៊ុនខាងលើ ធ្វើអាជីវកម្មបានទៀតទេ គឺអស់តាំងពីយូមកហើយ ឈើដែរគេឃើញមានចរាចរណ៍ ដឹកចេញ ពីក្រុមហ៊ុនបាតអាង សព្វថ្ងៃគឺឈ្មួញធំៗ ជួកម្មករឲ្យឡើងទៅកាប់ ក្នុងដែនជំរកសត្វព្រៃ ឧទ្យានជាតិវរៈជ័យ រួចដឹកជញ្ជូនឈើ ទាំងនោះតាមរថយន្ត ឆ្លងកាត់ចំណុចអូរវែង ហៅភូមិវើនហ៊យ មកតាមត្រពាំងក្រហម មួយចំនួនដឹកតាមរថយន្តសាំង យ៉ុង ទៅទឹកដីខេត្តរតនគីរី ចូលតាមច្រកអូរយាដាវឆ្ពោះទៅប្រទេសវៀតណាម។
ប្រភពដដែរបានបន្តថា មួយចំណែកទៀត ដឹកតាមរថយន្តធន់ធំ ចូលមកតាមភូមិស្រែសាមី ចូលក្នុងក្រុមហ៊ុន បាតអាងតែម្តង រួចហើយបានដឹកបន្ត តាមរថយន្តយីឌុប ខ្នាតយក្ស ចេញពីបាត់អាង តាមផ្លូវជាតិលេខ៧៨ និងផ្លូវជាតិលេខ៧ ឆ្លងកាត់ជញ្ជីងថ្លឹងរថយន្ត ចំណុចអូរពងមាន់ ឆ្ពោះទៅខេត្តក្រចេះ ទៅតាមស្រុកស្នួល ចូលទៅប្រគល់ឲ្យ មេឈ្មួញធំៗ នៅប្រទេសវៀតណាមបន្ត រីឯក្រុមហ៊ុន សីុវ ហ្គេច ក៍ដូចគ្នាដែរ ដឹកឈើបន្តពីបាតអាង យកទៅលក់ឲ្យមេឈ្មួញធំៗ នៅវៀតណាមដូចគ្នា ។
ពាក់ព័ន្ធករណីខាងលើ ប្រជាពលរដ្ឋជាច្រើន បានដាក់ការសង្ស័យ ទៅលើលោក ម៉ុម សារឿន អភិបាលនៃគណអភិបាលខេត្តស្ទឹងត្រែង ថាមិនដឹងទទួលបានកញ្ចប់ពីក្រុមហ៊ុនបាតអាង នឹងក្រុមហ៊ុន ស៊ីវ ហ្គេច ប៉ុន្មានម៉ឺនដុល្លារទេ ក្នុង១ខែៗ? ឬអាចមានភាគហ៊ុន នៅក្នុងក្រុមហ៊ុនទាំង២នេះផង? បានជាក្នុងនាមលោក ជាគណបញ្ជាការឯកភាពខេត្ត បែជាលោកសម្ងំស្ងៀម ធ្វើមិនដឹងមិនឭ ទុកឲ្យឈ្មួញធ្វើសកម្មភាព កាប់បំផ្លាញព្រៃឈើ ដឹកជញ្ជូនឈើធ្វើជំនួញ យ៉ាងអនាធិបតេយ្យ គ្មានការទប់ស្កាត់ នឹងបង្ក្រាប គឺផ្គើនទៅនឹង អនុសាសន៍ សម្ដេចតេជោ ហ៊ុន សែន យ៉ាងពេញទំហឹងតែម្ដង។
ពាក់ព័ន្ធការលើកឡើង ពីប្រជាពលរដ្ឋខាងលើ អង្គភាព CSN ពុំអាចសុំការពន្យល់ បកស្រាយបំភ្លឺពី ឯកឧត្តមអភិបាលខេត្តបានទេ អង្គភាពយើងរងចាំការបកស្រាយនៅពេលក្រោយ។/ ដោយ អ្នក ប្ររម៉ាញ់
About Post Author
អត្ថបទផ្សេងៗ:
មនុស្ស៤នាក់រងរបួស នឹងក្មេងស្រីអាយុជាង១ខែ បានស្លាប់ក្រោមស្នាដៃ ជនស្រវឹងខួប
ឯកឧត្តម ម៉ៅ ភិរុណ អភិបាលនៃគណ:អភិបាលខេត្តកណ្ដាល អញ្ចើញចូលរួមជាគណ:ធិបតី ក្នុងពិធីប្រកួតកីឡាយុវជន នៅឃុំវិហារសួគ៌
បែកធ្លាយ កាស៊ីណូ ( យ៉ាឌួលី ) អនុញ្ញាតឲ្យខ្មែរចូលលេង ឈ្នះប្រាក់យកចេញមិនបាន
ការអួតអាង របស់មេបញ្ជាការវរៈវ័យក្មេង ឃឹន បញ្ញា ក្នុងការបិទបាំងបទល្មើសព្រៃឈើ នៅដែនជម្រកសត្វព្រៃភ្នំព្រិច ត្រូវបានបែកធ្លាយបណ្ដើរៗ
លោក យូ សុធារិទ្ធ ប្រធានស្នាក់ការ នគរបាលអន្តោប្រវេសន៍ ច្រកជាំសាងាំ ល្បីខាងប្រព្រឹត្តអំពើពុករលួយ ច្របាច់ករាស្ត្រ តាមរយៈធ្វើប័ណ្ណឆ្លងដែន
ឯកឧត្តម ម៉ៅ ធនិន អភិបាលខេត្តពោធិ៍សាត់ រងការរិះគន់ ពីសំណាក់ប្រពលរដ្ឋ នឹងមន្ត្រីរាជការក្នុងខេត្ត ថាមានការបើកភ្លើងខៀវ ឲ្យឈ្មួញបូមខ្សាច់បំផ្លាញរម្មណីដ្ឋានកោះថាស នឹងទំនប់តំណាក់អំពិល
សាជូនពរ ឆ្នាំរកា នព្ធស័ក ពុទ្ធករាជ ២៥៦១ ប្រសិទ្ធពរជ័យ សិរីមង្គល មហាប្រសើ គ្រប់ក្រុមគ្រួសារ
ពលរដ្ឋរិះគន់លោក រុណ រ័ត្នវាសនា មេប៉ូលិសចរាចរណ៍ ម៉ាស្រុកខ្មែរ អាងអំណា បញ្ជាឲ្យលោកអធិិការ ស្រុកខ្សាច់កណ្ដាល ដោះលែងជនបង្ក ព្រមទាំងរថយន្ត ទាំងពុំទាន់ដោះស្រាយ ជូនដល់ជនរងគ្រោះ
ឈ្មួញឧក្រិដ្ឋព្រៃឈើដុះស្លែ ឈ្មោះ ហ្វឿង ធីម៉ាយ ហៅ« យាយ ម៉ាយ » ជនជាតិវៀតណាម យកដុល្លារមកបំផ្លិចបំផ្លាញ ព្រៃស្រុកខ្មែរអស់ ឥឡូវជំរុញឲ្យខ្នែរឡើងកាប់ឈើស្រុកថៃ
លោក ប៉ា សុជាតិវង្ស មើលឃើញតែមួយជ្រុងតូច តែមើលមិនឃើញ កាកកស្ទះសព្វថ្ងៃបណ្ដាលមកពី….
អស្ចារ្យមែន លោក ហ៊ុយ សុជាតិ មេគយប៉ោយប៉ែតល្បីថាថ្លៃបាយនិងខារ៉ាអូខេមួយយប់ ជិត១ម៉ឺនដុល្លា សម្រាប់ឈ្មួញសុំស្គាល់
បែកធ្លាយភាពមិនប្រក្រតី របស់លោក ហ៊ុយ ទូច ប្រធានការិយាល័យ ផលិតកម្មបសុព្យាបាល ខេត្តបន្ទាយមានជ័យ មានការធូរលុងទៅលើឈ្មួញនាំជ្រូកចូល
គ្រាន់តែជាអាមីអាថោងយាមដី ឧកញ៉ា ទ្រី ភាព នឹង ឧកញ៉ា អ៊ុក គឹមសាន មានអំណាចដាក់គ្រឿងចក្រ រំលោភយកដីគ្រូសារកងទ័ព នៅអានសេះអស់ជិត៣០ហិកតា
លោក ហ៊ុយ សុជាតិ មេគយច្រកប៉ោយប៉ែត កាន់តែគឃ្លើនឡើងៗ ជិះសេះប្រលែងដៃ ក្នុងការប្រព្រឹត្តអំពើពុករលួយ អាងខ្នងលោក ឆែ សុធា ប្រធានសាខាគយ នឹងរដ្ឋាករ ខេត្តបន្ទាយមានជ័យ
លោក ស៊ុន ឆាយ មេគយកំពង់ផែស្វយ័តភ្នំពេញ អាងខ្នងដ៍រឹងមាំឈ្មោះ ចិត្រ រដ្ឋលេខាធិការក្រសួងសេដ្ឋកិច្ចនឹងហិរញ្ញវត្ថុ ប្រព្រឹត្តអំពើពុករលួយគ្មានញញើត
ឈ្មួញឈើ ជា ពៅ នឹងបក្ខពួកសម្រុកប្រមូលទិញឈើ នៅខេត្តពោធិ៍សាត់ ល្បីថាមានមេធំគ្រាក់ៗ នៅក្នុងខេត្ត ជាខ្នងបង្អែកដ៍រឹងមាំ