ខេត្តកណ្ដាល ៖ ប្រជាពលរដ្ឋ ភូមិកណ្តាល ឃុំព្រែកអញ្ចាញ ស្រុកមុខកំពូល ខេត្តកណ្ដាល នាំគ្នាផ្ដិតមេដៃ ជិត ១០០នាក់ ស្នើឲ្យអាជ្ញាធរ ភូមិ ឃុំ ជួយអន្តរាគមន៍ ដោះស្រាយ បញ្ហារោងចក្របារី ដែលគ្មានស្លាកយីហោ មួយកន្លែង នៅចំណុច នៅក្នុងរោងចក្រ ( SK ) អតីតរោងចក្រក្ដាបន្ទះ ដែលជារបស់លោកជំទាវ សេង គាង ស្ថិតនៅ ភូមិកណ្ដាល ស្រុកមុខកំពូល ខេត្តកណ្តាល ពីបញ្ហាជះក្លិនថ្នាំ សាយភាយចេញមកខាងក្រៅ បង្កការប៉ះពាល់សុខភាព នឹងការរស់នៅយ៉ាងខ្លាំង របស់ពួកគាត់។
យោងតាមលិខិត ស្នាមមេដៃ របស់ប្រជាពលរដ្ឋ ប្រមាណ ជិត ១០០នាក់ បានសរសេររៀបរាប់ថា៖ យើងខ្ញុំជាប្រជាពលរដ្ឋ នៅភូមិកណ្ដាល ឃុំព្រែកអញ្ចាញ ស្រុកមុខកំពូល ខេត្តកណ្ដាល សុំអាជ្ញាធរមូលដ្ឋាន ជួយដោះស្រាយបញ្ហា រោងចក្រផលិតបារី មួយកន្លែង នៅភូមិកណ្តាល ឃុំព្រែកអញ្ចាញ ស្រុកមុខកំពូល ខេត្តកណ្តាល ដែលធ្វើឲ្យជះក្លិនសាយភាយ ពេលលាយមេបារី ដែលធ្វើឲ្យប៉ះពាល់យ៉ាងខ្លាំង ដល់ផ្លូវដង្ហើមកុមារ មនុស្សចាស់ ស្ត្រីមានផ្ទៃពោះ នឹងស្ត្រីទើបឆ្លងទន្លេ ។ អាស្រ័យហេតុដូចនេះ សូមអាជ្ញាធរ ឃុំ ស្រុក នឹងមន្ត្រីបរិស្ថាន ប្រចាំស្រុកមុខកំពូល ពិនិត្យមើលរោងចក្រ ផលិតបារីមួយកន្លែងនេះ ធ្វើយ៉ាងណាកំឲ្យមានក្លិន សាយភាយមកខាងក្រៅឲ្យសោះ ។ យើងខ្ញុំជាប្រជាពលរដ្ឋ ភូមិកណ្ដាល ឃុំព្រែកអញ្ចាញ ខេត្តកណ្ដាល សូមផ្ដិតមេដៃស្នើសុំអាជ្ជាធរ មេត្តាជួយដោះស្រាយផង។
ពាក់ព័ន្ធស្នាមមេដៃ ប្រជាពលរដ្ឋ ស្នើឲ្យអាជ្ញាធរ ជួយដោះស្រាយនេះ កាលពីថ្ងៃ ១២រោច ខែកក្តិក ឆ្នាំជូត ទោស័ក ព.ស ២៥៦៤ ត្រូវនិងថ្ងៃ ទី១២ ខែវិច្ឆិកា ឆ្នាំ ២០២០ កន្លងមកនេះ ឃើញមានកំលាំងប៉ុស្ដិ៍ នគរបាលរដ្ឋបាល ព្រែកអញ្ចាញ សហការជាមួយ មន្ទីរបរិស្ថាន ខេត្តកណ្ដាល និងការិយាល័យពាក់ព័ន្ធ ជុំវិញស្រុកមុខកំពូល និងក្រុមព្រឹក្សាឃុំ ព្រែកអញ្ចាញ មេភូមិកណ្ដាល ចុះធ្វើពិនិត្យអប់រំណែនាំ ដល់ម្ចាស់ផលិតកម្ម ថ្នាំជក់ ( រោងចក្រ SK ) បញ្ហាក្លិនឆាថ្នាំកាតាបប៉ះពាល់សុខភាព បប្រជាពលរដ្ឋផងដែល ។ ហើយសមាសភាពចូលរួមមាន៖ -មន្ត្រីបរិស្ថានខេត្តកណ្ដាល – លោកសលោកស្រីអភិបាលរងស្រុកមុខកំពូល -លោកលោកស្រី ការការិយាល័យបរិស្ថានស្រុកមុខកំពូល -លោកមេបញ្ជាការរងស្រុក ( អហ ) -លោកនាយប៉ុស្តិ៍ស្ដីទី ព្រែកអញ្ចាញ -លោកសមាជិក ក្រុមព្រឹក្សា ឃុំព្រែកអញ្ចាញ -លោកស្រីមេភូមិកណ្ដាល -លោកប្រធានក្រុមហ៊ុន ( SK ) -តំណែងប្រជាពលរដ្ឋ ភូមិកណ្ដាល សរុប ២០នាក់ ស្រី ០៤នាក់។ ហើយនៅពេលនោះ លោកប្រធានក្រុមហ៊ុន ( SK ) អតីតរោងចក្រក្ដារបន្ទះ បានសុំពេល ៣ថ្ងៃ ដើម្បីកែសម្រួល ក៍ប៉ុន្ដែ ពីថ្ងៃទី១២ រហូតមកដល់ថ្ងៃទី ១៦ ខែវិច្ឆិកា នេះ ៤ថ្ងៃហើយ ប្រជាពលរដ្ឋ នៅតែត្អូញត្អែរថា ក្លិនជះសាយភាយ កាន់តែខ្លាំងជាងមុនទៀត ៕